Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

05.10.2017 07:12

Eldfjallamiðstöðin Lava formlega vígð á Hvolsvelli

 

 

Flateyringurinn (og bassaleikari ÆFINGAR) Ásbjörn Björgvinsson,

framkvæmdastjóri Lava (t.v.) tekur við gjöf frá Ísólfi Gylfa Pálmasyni,

sveitarstjóra Rangárþings eystra.

Báðir eru þeir gamlir nemendur úr Héraðsskólanum á Núpi í Dýrafirði. 

Mynd: ÖG.

 

Eldfjallamiðstöðin Lava formlega vígð á Hvolsvelli

 

Eldfjallamiðstöðin Lava á Hvolsvelli var formlega vígð á fimmtudaginn í liðinni viku. Ásbjörn Björgvinsson framkvæmdastjóri Lava stýrði athöfninni. Við upphaf hennar söng barnakór Hvolsskóla nokkur lög undir stjórn Ingibjargar Erlingsdóttur.

Í ávarpi sínu þakkaði Ásbjörn helstu samstarfsaðilum og þá sérstaklega Sveitarfélaginu Rangárþingi eystra fyrir ánægjulegt samstarf. Hann sagði einnig frá helstu aðilum sem komu að framkvæmdinni en það voru m.a. Jarðfræðistofnun Íslands og Veðurstofa Íslands og Ari Trausti Guðmundsson jarðfræðingur. Einnig arkitektar hjá Basalt og margmiðlunarfyrirtækið Gagarín, auk fjölda annara aðila. Byggingaraðili var Þingvangur ehf. Stærsti fjármögnunaraðili verkefnisins er Iceland Tourism Fund.


Ísólfur Gylfi Pálmason, sveitarstjóri Rangárþings eystra, flutti einnig ávarp og færði eldfjallamiðstöðinni gjöf í tilefni vígslunnar.

Þá flutti Þórdís Kolbrún R. Gylfadóttir, ferðamála-, iðnaðar- og nýsköpunarráðherra ávarp og klippti á borða. Á eftir nutu gestir glæsilegra veitinga hjá Kötlu Mathúsi.

 


Þórdís Kolbrún R. Gylfadóttir, ferðamála-, iðnaðar- og nýsköpunarráðherra

klippir á borða við vígslu eldfjallamiðstöðvarinnar á Hvolsvelli. Mynd: ÖG.

 

 

Héraðsfréttablaðið Dagskráin á Suðurlandi.


Skráð af Menningar-Staður.