Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

02.04.2019 07:53

Merkir Íslendingar -Þór Vigfússon

 

 

Þór Vigfússon (1936 - 2013).

 

 

Merkir Íslendingar  -Þór Vigfússon

 

 

Þór fædd­ist 2. apríl 1936 á Þórs­hamri í Sand­vík­ur­hreppi, Árn.

For­eldr­ar hans voru hjón­in Vig­fús Guðmunds­son, f. 1903, d. 1990, bif­reiðastjóri við Ölfusár­brú, á Sel­fossi, síðar sjó­maður á Seltjarn­ar­nesi, og Guðrún Jóns­dótt­ir, f. 1904, d. 1950, hús­freyja.

 

Þór lauk stúd­ents­prófi frá Mennta­skól­an­um á Laug­ar­vatni 1955, nam hag­fræði við Hochschule für Ökonomie og lauk Diplom Wirtschaftler 1961, með sér­grein í milli­ríkjaviðskipt­um. Hann lauk prófi í upp­eld­is- og kennslu­fræðum frá Há­skóla Íslands 1967, námi í húsa­smíði við iðnbraut Fjöl­brauta­skól­ans á Sel­fossi 1982 og sveins­prófi 1989. Hann lauk einnig prófi í svæðis­leiðsögn frá Far­skóla Suður­lands 1993.

 

Við heim­komu frá Berlín vann Þór sem skrif­stofu­stjóri hjá Sam­ein­ing­ar­flokki alþýðu – Sósí­al­ista­flokkn­um og sem starfsmaður versl­un­ar­sendi­nefnd­ar Þýska alþýðulýðveld­is­ins. Hann hóf kennslu við Héraðsskól­ann á Laug­ar­vatni 1963 og kenndi við Mennta­skól­ann á Laug­ar­vatni 1964-70, við Mennta­skól­ann við Tjörn­ina, síðar Sund, 1970-83 og var kon­rektor skól­ans 1975-78. Hann var skóla­meist­ari Fjöl­brauta­skóla Suður­lands á Sel­fossi 1983-1994 og kenn­ari til árs­ins 1998.

 

Þór átti sæti í miðstjórn Alþýðubanda­lags­ins 1970-80, sat á Alþingi sem varaþingmaður 1974, var borg­ar­full­trúi í Reykja­vík 1978-80 og formaður um­ferðar­nefnd­ar. Hann átti þátt í stofn­un Drauga­set­urs­ins á Stokks­eyri. Þór var aðal­höf­und­ur Árbók­ar Ferðafé­lags Íslands, Í Árnesþingi vest­an­verðu, 2003.

 

Fyrri eig­in­kona Þórs var Helga María Novak rit­höf­und­ur frá Þýskalandi, f. 1935, d. 2013. Þau skildu 1968. Börn þeirra eru Ragn­ar Al­ex­and­er, f. 1958 (kjör­barn), og Nína, f. 1962. Seinni eig­in­kona Þórs er Hild­ur Há­kon­ar­dótt­ir, f. 28. apríl 1938, lista­kona. Börn henn­ar og stjúp­börn Þórs eru Kol­brún Þóra, f. 1956, og Há­kon Már, f. 1958.

 

Þór Vig­fús­son lést 5. maí 2013.



Morgunblaðið.



Skráð af Menningar-Staður

02.04.2019 06:46

Lóan aðeins á eftir áætlun

 

 

Tjaldurinn í Eyrarbakkafjöru á dögunum. Ljósm.: Elín Birna.

 

 

Lóan aðeins á eftir áætlun

 

 

 Farfuglarnir farnir að sjást einn af öðrum 

 

 

Fyrstu lóurnar sáust í Stokkseyrarfjöru hinn 28. mars, en jafnan er koma lóunnar talinn einn helsti vorboði hér á landi. Um 20 heiðlóur sáust svo í Fljótshlíð daginn eftir.

 

Það má segja að lóan sé aðeins á eftir áætlun í ár ef miðað er við meðalkomutíma fyrstu lóunnar á árunum 1996-2016, en það var 23. mars. Hún er þó á svipuðum tíma og í fyrra, en þá sást til fyrstu lóunnar í kringum 27. mars.

 

Farið er að sjást til fleiri farfugla ef miðað er við umfjöllun frá Fuglaathugunarstöð Suðausturlands. Fyrstu skógarþrestirnir sáust á Höfn hinn 28. mars. Þar hafa einnig fyrstu jaðrakanar ársins sést og eins í fjörunni á Eyrarbakka. Tveir fuglar á hvorum stað. Einnig hafa nokkrir hópar af álftum og grágæsum sést á flugi yfir Höfn. Um 100 blesgæsir og tugur heiðagæsa sáust í Flóanum, við Þjórsá. Tjaldar voru komnir á grasflatir á Stokkseyri fyrir helgi.

 

Einnig berast ábendingar að norðan, meðal annars um að svanirnir séu farnir að láta sjá sig í Fjallabyggð.

 



Skráð af Menningar-Staður

01.04.2019 18:23

Níu sækja um starf sviðsstjóra í Ölfusi

 

 

Þorlákshöfn. Ljósmynd / Chris Lund

 

 

Níu sækja um starf sviðsstjóra í Ölfusi

 

 

Níu umsækjendur eru um starf sviðsstjóra fjármála-, stjórnsýslu- og menningarsviðs Ölfuss.

Alls sóttu þrettán aðilar um stöðuna en fjórir þeirra drógu umsókn sína til baka áður en til birtingar kom.

Hagvangur annast ráðningarferlið og eru viðtöl fyrirhuguð í þessari viku. Vonir standa til þess að hægt verði að ganga frá ráðningu seinni hluta vikunnar.

 

Umsækjendurnir eru:


Gísli Sigurgeirsson, verktaki
Hörður Orri Grettisson, forstöðurmaður hagdeildar
Hrannar Örn Hrannarsson, deildarstjóri
Jóhann Ásgrímur Pálsson, sérfræðingur
Jón Ólafur Gestsson, hagfræðingur
Magnús B. Baldursson, viðskiptastjóri
Sandra Dís Hafþórsdóttir, fjármálastjóri
Sigurður Steinar Ásgeirsson, deildarstjóri innheimtudeildar
Þórólfur Sigurðsson, framkvæmdastjóri



Skráð af Menningar-Staður

28.03.2019 10:51

Alþýðuhúsið á Eyrarbakka 28. mars 2019

 

 

 

 

   Alþýðuhúsið  á Eyrarbakka 28. mars 2019

 

 

     -Vinir alþýðunnar-

 



Sérstakur færandi kleinugestur var Gunnar B. Guðmundsson,


Eyrbekkingur á Selfossi.


 

 

.

.

 

.

.

.

.




Skráð af Menningar-Staður

 

28.03.2019 07:15

-Gullmoli mannlífs á mynd-

 

 

 

 

 

        -Gullmoli mannlífs á mynd-


 

                Í Eyrarfiski á Stokkseyri í ágúst árið 2006.


   Jón Karl Haraldsson og Guðleif Erna Steingrímsdóttir.


 

 



Ljósm.: Björn Ingi Bjarnason.

27.03.2019 18:36

Fangaverðir sýnd í Bíóhúsinu á Selfossi

 

 

 

Þorsteinn Bachmann í hlutverki sínu í Fangaverðir.

 

 

Fangaverðir sýnd í Bíóhúsinu á Selfossi

 

 

Í tengslum við sýningarnar sem nú standa í Listasafni Árnesinga og Byggðasafni Árnesinga efna söfnin til tveggja sýninga í Bíóhúsinu á Selfossi á kvikmyndinni Fangaverðir eftir Ólaf Svein Gíslason, myndlistarmann.

 

Í Byggðasafni Árnesinga hefur verið sett upp sögusýning um fangelsið á Litla Hrauni í tilefni 90 ára afmæli þess. Þar er sögð saga fangelsisins og í forgrunni er þróun á starfsemi Litla-Hrauns sem stofnunnar, en einnig er litið inn í veröld fangavarða, fanga og samfélagsins í kring.

 

Í Listasafni Árnesinga er sýningunni Huglæg rými að ljúka, en hún er innsetning sem hverfist um Sigurð Guðmundsson á Sviðugörðum í Flóa. Höfundur hennar er Ólafur Sveinn Gíslason myndlistarmaður.

 

Bíómyndin Fangaverðir var kvikmynduð í Hegningarhúsinu við Skólavörðustíg vorið 2014, á meðan fangelsið var í fullri notkun. Í myndinni leika tveir fangaverðir sem störfuðu þá í Hegningarhúsinu, þeir Egill Kr. Björnsson og Magnús Páll Ragnarsson, en jafnframt fara Sigurður Skúlason og Þorsteinn Bachmann með hlutverk í kvikmyndinni.

 

Verkið fjallar um sýn fangavarðanna á starf sitt, daglega reynslu þeirra innan fangelsisins og hugrenningar um það viðmót sem þeim mætir utan fangelsis. Einnig eru samskipti á milli fangavarðanna sjálfra þeim hugleikin og staða þeirra innan íslensks samfélags.

 

Sýningarnar verða í Selfossbíói laugardaginn 30. og sunnudaginn 31. mars kl. 17:00.

Á fyrri sýningunni verður höfundurinn viðstaddur og boðið upp á stuttar umræður að henni lokinni. Ókeypis er á þessa frumsýningu á Selfossi og allir velkomnir á meðan húsrúm leyfir.

Aðgangseyrir á síðari sýninguna er 1.000 krónur og miðar seldir á vef Bíóhússins.

 


Skráð af Menningar-Staður

27.03.2019 06:37

Merkir Íslendingar - Lárus H. Bjarnason

 

 

Lárus H. Bjarnason (1866 - 1934).

 

 

Merkir Íslendingar - Lárus H. Bjarnason

 

 

Lár­us Kristján Ing­vald­ur Há­kon­ar­son Bjarna­son fædd­ist 27. mars 1866 í Flat­ey á Breiðafirði.

For­eldr­ar hans voru Há­kon Bjarna­son, f. 5.9. 1828, d. 2.4. 1877, kaupmaður og út­gerðarmaður á Bíldu­dal, V-Barð., og seinni kona hans, Jó­hanna Krist­ín Þor­leifs­dótt­ir, f. 16.12. 1834, d. 11.1. 1896.

 

Lár­us ólst upp hjá for­eldr­um sín­um á Bíldu­dal, en faðir hans lést þegar hann kom með vöru­skipi frá Kaup­manna­höfn, en það strandaði á Mýr­dalss­andi í „páska­veðrinu mikla“. Móðir Lárus­ar rak út­gerðina og versl­un­ina nokk­ur ár eft­ir þetta.

 

Lár­us tók stúd­ents­próf frá Lærða skól­an­um 1885 og lög­fræðipróf frá Kaup­manna­hafn­ar­há­skóla 1891.

 

Hann var mála­flutn­ings­maður við lands­yf­ir­rétt­inn 1891-1892, sett­ur sýslumaður í Ísa­fjarðar­sýslu og bæj­ar­fóg­eti á Ísaf­irði 1892, sýslumaður í Snæ­fells­nes- og Hnappa­dals­sýslu 1894-1908 og sat í Stykk­is­hólmi. Hann var for­seti amts­ráðs vestur­amts­ins frá 1904 til árs­loka 1907, er amts­ráðin voru lögð niður. Skipaður for­stöðumaður Laga­skól­ans í Reykja­vík 1908, pró­fess­or í lög­fræði við Há­skóla Íslands 1911-1919 og rektor 1913-1914. Síðast var hann hæsta­rétt­ar­dóm­ari eða 1919-1931. Í spænsku veik­inni 1918 var stofn­sett neyðar­nefnd, sem skipu­lagði hjálp­ar­störf í Reykja­vík og var Lár­us formaður henn­ar.

 

Lár­us sat á Alþingi fyr­ir Snæ­fell­inga 1900-1908, var kon­ung­kjör­inn þingmaður 1908-1911 og þingmaður Reyk­vík­inga 1911-1913. Lár­us var heima­stjórn­ar­maður.

 

Eig­in­kona Lárus­ar var Elín Pét­urs­dótt­ir Bjarna­son, fædd Hav­stein 2.2. 1869, d. 26.8. 1900, hús­móðir, syst­ir Hann­es­ar Haf­stein. Börn Lárus­ar og El­ín­ar voru Jó­hanna Krist­ín, f. 1896, d. 1954, kenn­ari, og Pét­ur Haf­stein, f. 1897, d. 1957, bú­fræðing­ur og síðar skó­kaupmaður á Ak­ur­eyri.

 

Lár­us lést 30. des­em­ber 1934.



Skráð af Menningar-Staður.

26.03.2019 20:43

Krían

 

 
 

 

 

          - Krían -

 

 

         Eftir Eyrbekkinginn Sigurjón Ólafsson.


 





Skráð af Menningar-Staður.

 

 

25.03.2019 17:28

63 ár frá vígslu Sel­foss­kirkju

 


Selfosskirkja að kveldi þess 25. mars 2016.  Ljósm.: Björn Ingi Bjarnason.

 

 

63 ár frá vígslu Sel­foss­kirkju

 

 

Selfosskirkja var byggð á árunum 1952 til 1956 og vígð á pálmasunnudag, þann 25. dag marsmánaðar árið 1956.

 

Hún var teiknuð af Bjarna Pálssyni skólastjóra Iðnskólans á Selfossi (d. 1987). Yfirsmiður við kirkjubygginguna var Guðmundur Sveinsson byggingameistari. Múrverk vann Friðrik Sæmundsson.

 

Á árunum 1978 – 1984 var aukið við hana forkirkju og turni og síðan safnaðarheimili með eldhúsi og nokkurri aðstöðu fyrir félagsstarf.

 

Kirkjan er haganlega máluð og skreytt af þeim hjónum Jóni og Gretu Björnsson.  Frú Greta er höfundur mynda og flúrs en í því er leitast við að fylgja kirkjuárinu. 

 

Gluggar í kirkju sem gerðir eru af glerlistarfólkinu Höllu Haraldsdóttur og Dr. H. Oidtmann í Linnich i Þýskalandi komu í kórinn 1987 en í kirkjuskipið 1993.

 

Þó saga Selfosskirkju sé ekki löng í árum talið, á hún sér nokkra sérstöðu meðal kirkna landsins á 20. öld

 

Fyrsti sóknarprestur hennar var sr. Sigurður Pálsson frá Haukatungu á Snæfellsnesi (d. 1987). Hann var sóknarprestur í Hraungerði í Flóa en flutti aðsetur sitt á Selfoss upp úr 1950 þegar fólkinu var tekið að fjölga á SElfossi.



Skráð af Menningar-Staður.

22.03.2019 06:48

Til hamingju með afmælið baklandið góða

 

 

Lýður Pálsson flytur ávarp við opnun sýningarinnar.

 

 

Til hamingju með afmælið baklandið góða

 

 

Fyrir um 25 árum, á árunum sem undirrituð var forstöðmaður Námsráðgjafar HÍ, fékk hún fyrirspurn um hvort hún gæti haldið námskeið fyrir fangaverði.

 

Spurningin kom nokkuð flatt upp á mig en ég spurði strax hvert markmiðið væri. Jú sjálfsþekking, sjálfstyrking, viðtalstækni og leiðsögn um uppbyggilegar aðferðir í boðskiptum. Svar mitt var þá umsvifalust „Já“.

 

Í kjölfarið komu þrír 12–14 manna hópar til okkar í Háskólann á daglöng námskeið. Fordómar og fyrirfram gefnar hugmyndir um fangaverði sem tilfinningalaus hörkutól urðu fljótt að engu. Satt að segja var innsýn þeirra og samkennd hjá þeim á við marga þá sem lagt hafa fyrir langskólanám í félagsvísindum. Samspil þeirra innbyrðis var litað af trausti og virðingu snerti mig djúpt. Þá kom líka fram þörf þeirra til að lýsa sársaukafullri lífsreynslu með skjólstæðingum og létta á tilfinningum sínum í aðstöðu þar sem 100% trúnaður ríkti og ríkir hjá þeim alla.

 

Á opnum sýningarinnar í tilefni 90 ára afmælis þessarar merku stofnunar þar sem fangaverðir fjölmenntu, var ljóst þessir góðu eiginleikar voru enn á sínum stað. Það er mikil gæfa fyrir okkar litla samfélag að þessi viðkvæmi starfsvettvangur skuli vera skipaður af svo góðri og velþenkjandi liðsheild. Vitandi það ættuð þið að nýta tækifærið og skella ykkur í helgarbíltúr á sýninguna í Húsinu á Eyrarbakka.

 

 

Ásta Kristrún í Bakkastofu
 

 

 
 




Skráð af Menningar-Staður