Menningar-Staður
Félagsheimilið Staður á Eyrarbakka

26.04.2017 08:16

Á því herrans ári - sýning í Húsinu á Eyrarbakka

 

 

Helgi Ívarsson frá Hólum í Stokkseyrarhreppi (1929-2009).

 

Á því herrans ári – sýning í Húsinu á Eyrarbakka

 

Mánudaginn 1. maí næstkomandi opnar ný sýning í borðstofu Hússins á Eyrarbakka. Hún nefnist „Á því herrans ári“.

 

Á sýningunni er varpað ljósi á myntsafn Helga Ívarssonar frá Hólum í Stokkseyrarhreppi (1929-2009) en hann var myntsafnari mikill og arfleiddi Héraðsskjalasafn Árnesinga að myntsafni sínu að sér gengnum. Er myntsafn Helga fágætt að gæðum. Til sýnis eru ýmsar myntir og ljósi varpað á söguna þegar myntin var slegin.

 

Á því herrans ári er samstarfsverkefni Héraðsskjalasafns Árnesinga og Byggðasafns Árnesinga.  

 

Sýningin opnar kl 16 þann 1. maí og stendur til 28. maí. Opnunartími safnanna á Eyrarbakka er alla daga  kl. 11-18.

 


Helgi lét af störfum í stjórn Búnaðarfélags Stokkseyrarhrepps eftir nær 40 ára
stjórnarsetu.

Þetta var á aðalfundi félagsins fyrir nákvæmlega 10 árum þann  26. apríl 2007.


F.v.: Sigurfinnur Bjarkarsson, Tóftum,  Helgi Ívarsson, Hólum  og Björn Harðarson, Holti.
 

Ljósm.: Björn Ingi Bjarnasom.
 


Skráð af Menningar-Staður.

 

24.04.2017 07:02

Gylfi Pétursson 60 ára

 


Gylfi Pétursson lengst til vinstri. Hrútavinasviðið á Stokkseyrarbryggju.
 

 

Gylfi Pétursson 60 ára

 

Meðal afmælisbarna dagsins,  24. apríl 2017,  

er Gylfi Pétursson á Stokkseyri 60 ára.


Afmæliskveðjur.



 

 

 


Skráð af Menningar-Staður

 

 

 
 

23.04.2017 21:19

Opin æfing á -SAGA MUSIC- í Gónhól

 


F.v.: Pálmi Sigurhjartarson, Valgeir Guðjónsson og Dagný Halla Björnsdóttir.

Ljósm.: Björn Ingi Bjarnason.

 

Opin æfing á -SAGA MUSIC- í Gónhól á Eyrarbakka

 

Opin æfing var í dag á tónlistarverkefninu magnaða  -SAGA MUSIC- í Gónhól í gamla frystihúsinu á Eyrarbakka en þar eru höfuðstöðvar  -SAGA MUSIC-

Þau sem flytja -SAGA MUSIC- eru Valgeir Guðjónsson, Pálmi Sigurhjartarson og  Dagný Halla Björnsdóttir.

Heimamenn og aðrir kunnu vel að meta Íslendingasögur í sungnu formi, en sungnar sögur má telja til nýnæmis. Sögur um forna Íslendinga og fyrirrennara þeirra sem elska, þrá, drepa og yrkja framkalla krassandi, ljúfsára og seiðmagnaða upplifun.

SAGA MUSIC hefur sýnt og sannað að eiga jafnt erindi við landann sem og erlenda gesti sem vilja skyggnast inn í forna tíma.

Fljótlega hefjast líka sýningar í -SAGA MUSIC- Gamla bíó í Reykjavík.

Menningar-Staður færði til myndar.
Myndaalbúm er hér á Menningar-Stað:
http://menningarstadur.123.is/photoalbums/282642/

 

Nokkrar myndir hér:

.

.

.

.

.

.



Skráð af Menningar-Staður

 

23.04.2017 08:29

23. apríl - alþjóðlegur dagur bókarinnar

 

 

Hjónin Auður og Halldór Laxness.
Auður á sínar rætur á Eyrarbakka.
Því má segja að Halldór sé tengdasonur Eyrarbakka.

 

23. apríl - alþjóðlegur dagur bókarinnar

 

Dagur bókarinnar er 23. apríl en Menningarmálastofnun Sameinuðu þjóðanna (UNESCO) átti frumkvæðið að því að gera þennan dag að alþjóðadegi bóka.

Ástæðan fyrir valinu er að 23. apríl, messa heilags Georgs, hefur um langa hríð verið dagur bókarinnar í Katalóníu og bóksalar Barcelóna jafnan gefið rós eða önnur blóm með hverri seldri bók þennan dag. 

Svo vill til að þessi dagur er einnig fæðingar- eða dánardagur nokkurra þekktra rithöfunda. Dagurinn er fæðingardagur Halldórs Laxness 1902 (lést 8. febrúar 1998) og dánardagur Williams Shakespeare 1623 og Miguel de Cervantes 1616 sem var spænskur leikritahöfundur og ljóðskáld.

 

Markmið UNESCO með alþjóðadegi bókarinnar er að hvetja fólk og þá einkum ungt fólk til að lesa meira og kynna sér verk þeirra fjölmörgu höfunda sem hafa auðgað líf mannkyns um aldir. 
 

Vestfirska forlagið sendir bókafólki bestu kveðjur í tilefni dagsins og þakkar sínu bókafólki sem og öðrum farsæla samleið á þeim tæpa aldarfjórðungi sem Vestfirska forlagið hefur gefið út bækur en þær telja rúmlaga 300 alls. 
 

 



Skráð af Menningar-Staður

22.04.2017 19:57

Verslunin Bakkinn á Eyrarbakka

 

 

Verslunin Bakkinn á Eyrarbakka og Eggert Valur Guðmundsson.

Ljósm.: Björn Ingi Bjarnason.

 

Verslunin Bakkinn á Eyrarbakka

Í dag - 22. apríl 2017.

 

.
:

 

 

 

Skráð af Menningar-Staður.

22.04.2017 15:37

Straumur fólks á Sölvabakka

 


F.v.: Valgeir Guðjónsson, Siggeir Inólfsson, Ingólfur Hjálmarsson og Lýður Pálsson.
Ljósm.: Björn Ingi Bjarnason.

 

Straumur fólks á Sölvabakka
 

Fiskispjall á Sölvabakka í dag - 22. apríl 2017

Kl. 13:00 – 17:00 í dag - 22. apríl 2017

Fiskispjall – Sölvabakki á Eyrarbakka (vestast í frystihúsinu).

Opið hús og mun Siggeir Ingólfsson staðarhaldari taka á móti fólki og sýna starfsemina. 
 

Allir velkomnir

og straumur fólks hefur verið á Sölvabakka

 

.

.

.

.

 



Skráð af Menningar-Staður

22.04.2017 13:52

Fiskispjall á Sölvabakka í dag - 22. apríl

 

 

 

Fiskispjall á Sölvabakka í dag - 22. apríl 2017

 

 

Kl. 13:00 – 17:00 í dag - 22. apríl 2017

 

Fiskispjall – Sölvabakki á Eyrarbakka (vestast í frystihúsinu).

 

Opið hús og mun Siggeir Ingólfsson staðarhaldari taka á móti fólki og sýna starfsemina. 

 

Allir velkomnir

 

.

Áhöfnin á Sölva ÁR 150.

F.v.: Siggeir Ingólfsson, Gísli Nílssen og Ingólfur Hjálmarsson. Ljósm.: BIB

.

 


 

22.04.2017 07:33

Fiskispjall á Sölvabakka í dag - 22. apríl

 


F.v.: Siggeir Ingólfsson og Kristján Runólfsson.

 

 

Fiskispjall á Sölvabakka í dag - 22. apríl 2017

 

Kl. 13:00 – 17:00 í dag - 22. apríl 2017

 

Fiskispjall – Sölvabakki á Eyrarbakka (vestast í frystihúsinu).

 

Opið hús og mun Siggeir Ingólfsson staðarhaldari taka á móti fólki og sýna starfsemina. 

.

 
 
 


Skráð af Menningar-Staður

21.04.2017 11:27

Vinir alþýðunnar sátu fyrir

 


F.v.: Lýður Geir Guðmundsson og Siggeir Ingólfsson.  Ljósm.: Björn Ingi Bjarnason.

 

 

Vinir alþýðunnar sátu fyrir

 


Lýður Geir Guðmundsson, ljósmyndari á Selfossi, var sérstakur gestur - Vina alþýðunnar-  í Alþýðuhúsini á Eyrarbakka í morgun.

Margir sátu fyrir hjá ljósmyndaranum og var þetta hin ánægjulegasta morgunstund.

 


Takk fyrir komuna Lýður Geir Guðmundsson.

 

.

.





Skráð af Menningar-Staður.

21.04.2017 07:39

Magnús Sigurðsson - Fæddur 28. sept. 1925 - Dáinn 10. apríl 2017 - Minning

 



Magnús Sigurðsson (1925 - 2017)

 

 

Magnús Sigurðsson - Fæddur 28. sept. 1925

- Dáinn 10. apríl 2017 - Minning



Magnús Sigurðsson fæddist í Reykjavík 28. september 1925. Hann lést á Hjúkrunarheimilinu Mörk í Reykjavík 10. apríl 2017.

 

Foreldrar hans voru Sigurður Hólmsteinn Jónsson, f. 30.6. 1896, d. 1.12. 1985, búfræðingur frá Hvanneyri og blikksmíðameistari, stofnandi og eigandi Blikksmiðju Reykjavíkur, og Sigríður Elísabet Guðmundsdóttir, f. 28.5. 1898, d. 17.9. 1976, kvennaskólagengin og húsmóðir á Mímisvegi 6. Föðurforeldrar hans voru Jón Sigurðsson, f. 21.7. 1863, d. 22.4. 1944, bóndi, fisk-og ullarmatsmaður í Hólsbúð í Flatey á Breiðafirði, og Júlíana Hansdóttir, f. 25.1. 1861, d. 11.8. 1922, húsmóðir. Móðurforeldrar hans voru Guðmundur Eiríkur Engilbertsson, bóndi, ferjumaður og leiðsögumaður á Gemlufalli við Dýrafjörð, f. 22.5. 1860, d. 6.11. 1940, og Anna Jónína Bjarnadóttir, húsfreyja á Gemlufalli, f. 20.6. 1864, d. 12.1. 1930, þau bjuggu síðustu ár sín á Ísafirði. Systkini Magnúsar eru Baldur Sigurðsson, f. 30.9. 1922, d. 1.5. 2000, blikksmiður, Ólöf Helga Sigurðardóttir Brekkan, f. 22.11. 1928, tannlæknir, og Hólmsteinn Sigurðsson, f. 26.10. 1939, viðskiptafræðingur.

 

Magnús giftist 1974 Kristjönu Karlsdóttur, f. 1952, þau skildu árið 1997.
Börn þeirra eru:
Sigríður Sif Magnúsdóttir, f. 5.5. 1975, maki Sigurður Dagur Sigurðarson, f. 1967. Börn þeirra eru Magnús Máni, f. 1997, Krista Björt, f. 2000, og Sigurður Logi, f. 2010. María Kristín Magnúsdóttir, f. 17.5. 1976, maki Þór Agnarsson, f. 1972. Börn þeirra eru Emil Þór, f. 2004, Jakob Nói, f. 2007, og Þórey Dís, f. 2012. Sigurður Hólmsteinn Magnússon, f. 7.3. 1978. Börn hans eru Steinn Darri, f. 1999, Nökkvi Már, f. 2004, og Carmen María, f. 2016. Karl Magnús Magnússon, f. 15.3. 1979, maki Katrín Magnúsdóttir, f. 1983. Börn þeirra eru Ragnar Karl, f. 2017, og fyrir á Katrín Ástu Kristínu, f. 2007.

 

Eftir að Magnús tók stúdentspróf frá Menntaskólanum í Reykjavík árið 1949 stundaði hann nám við Háskóla Íslands, Universität Hamburg og Medizinische Akademie í Düsseldorf í Þýskalandi, þar sem hann lauk prófi í læknisfræði árið 1959. Hann vann á ýmsum sjúkrahúsum frá árinu 1960 í Þýskalandi og á Íslandi.

Magnús var héraðslæknir á Eyrarbakka frá 1974-1979 og síðar yfirlæknir á Heilsugæslustöð Selfoss þar sem hann vann lengst af til ársins 1995.

 

Þegar læknisárunum lauk lagði Magnús stund á nám í íslensku í Háskóla Íslands með áherslu á orðabókafræði og lauk BA-námi árið 2005. Samhliða námi vann hann ötullega að hinu mikla og merkilega hugsjónastarfi sínu, orðasöfnun á sviði hestamennskunnar. Hann lauk við verkið „Orðfák“ árið 2010, sem nú er hægt að nálgast á www.snara.is. Háskólinn á Hólum varðveitir öll handrit Magnúsar að þessu verki.

 

Útför Magnúsar fer fram frá Grafarvogskirkju í dag, 21. apríl 2017, og hefst athöfnin klukkan 15.

__________________________________________________________________________________________

 

Minningarorð Kristins Hugasonar

 

Látinn er í hárri elli velgjörðarmaður Söguseturs íslenska hestsins, Magnús Sigurðsson læknir, en þann 5. febrúar árið 2010 kom hann heim að Hólum og færði Sögusetrinu að gjöf mikið safn gagna, bóka, blaða og tímarita íslenskra og erlendra o.fl. í sambandi við hesta og hestamennsku.

Hæst bar þó safn orða og orðatiltækja, ýmiskonar málsögulegt efni, bókmennta- og fjölfræðiefni, þýðingu norrænna, enskra og þýskra orða og hugtaka um þetta efni. Fékk safnið heitið Orðfákur en hugsjón Magnúsar var lengi búin að vera sú að efla áhuga á söfnun heimilda, þjóðfræðiefnis, orða o.s.frv. um hesta og hestamennsku til að forða því frá gleymsku.

Til marks um hve skipulega Magnús gekk til verks í þessu hugsjónastarfi sínu er að hann innritaðist að nýju í HÍ, eftir að hafa látið af læknisstörfum en nú í íslensku þar sem hann lauk BA prófi í greininni árið 2005 með áherslu á orðabókafræði. Jafnhliða náminu vann hann af alefli að samantekt Orðfáks.

Sögusetrið lagði fram töluverða vinnu næstu misserin eftir afhendingu gjafarinnar í vinnslu Orðfáks gagnvart opinberri birtingu og gerði í þeim tilgangi samning við Snöru þann 19. janúar 2013 um birtingu hans á netinu.

Sú vinna stóð yfir með nokkrum hléum en þann 23. mars árið 2016 náðist sá mikilvægi áfangi að orðasafnið Orðfákur varð aðgengilegt á vefsvæðinu snara.is og er það vonandi að sem allra flestir unnendur íslenska hestsins og íslenskrar þjóðmenningar njóti Orðfáks vel og minnist um leið eljustarfs þessa velunnara hestsins.

Hafi Magnús Sigurðsson læknir heila þökk fyrir sitt eljustarf og blessuð sé minning hans.

 

Fyrir hönd Söguseturs íslenska hestsins,

Kristinn Hugason,

forstöðumaður.

Morgunblaðið 21. apríl 2017

 



Skráð af Menningar-Staður