Menningar-Staður
Félagsheimilið Staður á Eyrarbakka

Færslur: 2017 Febrúar

27.02.2017 07:07

Góugleði Félags eldri borgara á Eyrarbakka 4. mars 2017

 

 

 

Góugleði Félags eldri borgara á Eyrarbakka

verður laugardaginn 4. mars 2017
í Félagsheimilinu Stað á Eyrarbakka


Á linknum hér að néðan má sjá myndasafn frá Góugleði ársins 2008.

http://menningarstadur.123.is/blog/2013/02/27/gougledi_felags_eldri_borgara_a_eyrarbakka_8._mar_2008



Skráð af Menningar-Staður

26.02.2017 06:49

Aðalfundur Skógræktarfélags Eyrarbakka

 

 

 

Aðalfundur Skógræktarfélags Eyrarbakka

 

Verður haldinn fimmtudaginn 2. mars 2017 í Samkomuhúsinu Stað Eyrarbakka kl 20:00

 

Venjuleg aðalfundarstörf 
 

Önnur mál

 

Stjórnin

 

.

 





Skráð af Menningar-Staður

25.02.2017 20:27

Merkir Íslendingar - Björn Pálsson

 


Björn Pálsson (1905 - 1996).

 

Merkir Íslendingar - Björn Pálsson

 

Björn Pálsson fæddist á Snæringsstöðum í Svínadal 25. febrúar 1905. Foreldrar hans voru Páll Hannesson, bóndi á Snæringsstöðum og síðar á Guðlaugsstöðum, og k.h., Guðrún Björnsdóttir húsfreyja.
 

Meðal bræðra Páls voru Guðmundur læknaprófessor og Jón á Brún, langafi Guðrúnar Agnarsdóttur læknis og Ástríðar Thorarensen hjúkrunarfræðings. Guðrún Björnsdóttir var hálfsystir Sigurgeirs, föður Þorbjarnar prófessors, og hálfsystir Þorsteins, frumbýlings á Hellu, föður Björns sagnfræðiprófessors.
 

Guðrún var dóttir Björns Eysteinssonar, bónda í Grímstungu, bróður Ingibjargar, langömmu Friðriks Sophussonar, fyrrv. ráðherra.
 

Meðal systkina Björns voru Hannes bóndi á Undirfelli, afi Hannesar Hólmsteins Gissurarsonar prófessors, Hulda, húsfreyja á Höllustöðum, móðir Páls Péturssonar, fyrrv. alþm. og ráðherra, og Halldór búnaðarmálastjóri.

Eiginkona Björns var Ólöf Guðmundsdóttir frá Flatey á Skjálfanda og eignuðust þau 10 börn.
 

Björn varð búfræðingur frá Hólum 1923. Hann stundaði nám í Samvinnuskólanum 1925 og nám í lýðháskóla í Noregi og ferðaðist um Noreg og Danmörku 1927. Þá ferðaðist hann umhverfis hnöttinn og dvaldi á Nýja-Sjálandi og í Ástralíu 1928-29 til þess að kynna sér kjötmarkaði og meðferð á kjöti.
 

Björn var bóndi á Ytri-Löngumýri í rúma sex áratugi, frá 1930 til dauðadags. Hann var oddviti Svínavatnshrepps 1934-58, sat í sýslunefnd um skeið, var kaupfélagsstjóri Kaupfélags Skagstrendinga frá 1955-59, stofnaði útgerðarfélagið Húnvetning hf. 1957 og Húna hf. 1962 og rak útgerð í allmörg ár.
 

Hann var alþm. Framsóknarflokksins fyrir Austur-Húnavatnssýslu sumarþingið 1959 og þingmaður fyrir Norðurlandskjördæmi vestra á árunum 1959-1974.
 

Björn lést 11. apríl 1996.

 

Morgunblaðið 25. febrúar 2017

 


Húni II

 


Skráð af Menningar-Staður

24.02.2017 08:33

Sveitarfélaginu Árborg gert að greiða 24 milljónir vegna mistaka

 

 

 

Sveitarfélaginu Árborg gert

að greiða 24 milljónir vegna mistaka

 

Sveitarfélaginu Árborg var í Héraðsdómi Suðurlands í gær gert að greiða Gámaþjónustunni tæplega 19 milljónir króna vegna mistaka þess við útboð á sorphirðu árið 2011. Árborg var jafnframt dæmt til að greiða Gámaþjónustunni 5,5 milljónir króna í málskostnað. 



Tveir skiluðu tilboðum í verkið; Íslenska gámafélagið og Gámaþjónustan, en Gámaþjónustan átti hagkvæmara tilboðið. Meirihluti bæjarráðs ákvað hins vegar að hafna þeim tilboðum sem bárust í verkið og taldi að færa mætti rök fyrir því að gallar kynnu að hafa verið á framkvæmd útboðsins. 



Jafnframt vísaði meirihlutinn til þess að kostnaður við lægsta tilboðið hafi verið yfir 13 milljónum krónum hærri fyrir árið 2012 en hann var árinu áður. 



Gámaþjónustan taldi ákvörðun meirihlutans um að hafna tilboðinu ólögmæta. Árborg hafi verið skylt að semja við fyrirtækið í kjölfar útboðsins og kvaðst hafa orðið fyrir tjóni vegna niðurfellingarinnar. 



Taldi Gámaþjónustan jafnframt að Gunnar Egilsson, bæjarfulltrúi Sjálfstæðisflokks, hafa verið óheimilt að taka þátt í ákvörðun bæjarráðs um að hafna tilboðinu. Hann sé bróðir rekstrarstjóra Íslenska gámafélagsins og að þarf af leiðandi hafi Gunnar verið vanhæfur við þessa ákvarðanatöku. 



Árborg mótmælti þessu, sem og að tilboðið væri ólögmætt, og sagði meðal annars að Gámaþjónustan hafi engin sönnunargögn lagt fram sem styðji það að fyrirtækið hafi orðið fyrir fjárhagslegu tjóni. 



Héraðsdómur taldi ekki annað ráðið af gögnum málsins en að það hafi verið í kjölfar tölvupósts sem forsvarsmaður Íslenska gámafélagsins sendi bæjarstjórnarmanni í desember 2011, og að fengnu minnisblaði lögmannsstofu, sem ákveðið hafi verið á bæjarráðsfundi nokkrum dögum síðar að hafna öllum tilboðum í verkið. 



Var sveitarfélaginu Árborg þar af leiðandi gert að greiða Gámaþjónustunni skaðabætur og allan málskostnað, samtals rúmlega 24 milljónir króna.



Dóminn má lesa í heild hér.


Af www.visir.is


 

 




Skráð af Menningar-Staður

 

 

23.02.2017 20:52

Ingólfur Arnarson RE 201 - 94 þúsund lestir á 27 ára ferli skipsins

 


Þrettán manna áhöfn var á skipinu á heimleiðinni og létu skipverjar hjátrú sem tölunni er tengd engin áhrif hafa á sig.

Skipstjóri var Hannes Pálsson. Aðrir skipverjar voru: 1. vélstjóri: Þorkell Sigurðsson; 1. stýrimaður: Loftur Júlíusson; 2. vélstjóri Baldur Snæland; 2. stýrimaður: Gunnar Auðunsson; bátsmaður: Ólafur Sigurðsson; matsveinn: Guðmundur Maríasson; loftskeytamaður: Ingólfur Friðbjarnarson og hásetar voru Jónatan Kristleifsson, Kári Gíslason og Leó Kristleifsson. Kyndarar: Ármann Brynjólfsson og Einar M. Karlsson.

Hannes var skipstjóri til 1951, en eftir það lengst af Sigurjón Stefánsson sem fæddist á Hólum í Dýrafirði 15. ágúst 1920. Dáinn 17. nóv. 2005.

 

Ingólfur Arnarson RE 201

- 94 þúsund lestir á 27 ára ferli skipsins

 

Sjötíu ár liðin frá því að fyrsti nýsköpunartogarinn, Ingólfur Arnarson, kom til Reykjavíkur * Var fullkomnasta fiskiskip þjóðarinnar * Fólk þyrptist niður á höfn * Bræddur í stál 1974

„Í dag hefur mikill viðburður gerst í sögu Reykjavíkur og landsins alls. Fullkomnasta fiskiskip þjóðarinnar hefur lagst við landfestar á Íslandi. Það er fyrsta skip hins fyrirheitna lands nýsköpunar atvinnulífsins og munu mörg eftir fara. Reykjavík verður heimili þessa fyrsta landnema nýsköpunarinnar, Ingólfs Arnarsonar, eins og það var Reykjavík sem var heimili og aðsetur fyrsta landnámsmannsins, Ingólfs Arnarsonar.“

 

Það er Gunnar Thororoddsen, þáverandi borgarstjóri, sem mælir þessi orð af brúarvæng skipsins fyrir réttum 70 árum, 17. febrúar 1947. Mikill mannfjöldi hefur þá safnast saman á hafnarbakkanum til að fagna nýja togaranum og hlýða á ræður nokkurra fyrirmanna. Lúðrasveit leikur „Íslands Hrafnistumenn“. Aðrir landsmenn geta fylgst með móttökuhátíðinni í beinni útsendingu Útvarpsins. Þegar athöfninni lýkur leysir togarinn landfestar og siglir með boðsgesti um sundin blá og geta þeir þá kynnt sér skipið um leið og þeir njóta góðra veitinga. Skipið var svo almenningi til sýnis daginn eftir.

Nýsköpunartogararnir 

En hvað var svona merkilegt við togarann Ingólf Arnarson? Hvernig gat eitt fiskiskip vakið svona mikla hrifningaröldu? Og hvaða nýsköpunartal var þetta í borgarstjóranum? Ingólfur Arnarson RE 201 eins og togarinn hét fullu nafni var hinn fyrsti af rúmlega 40 togurum sem sérsmíðaðir voru fyrir Íslendinga í Bretlandi eftir seinni heimsstyrjöldina. Það var þáverandi ríkisstjórn Alþýðuflokksins, Sjálfstæðisflokksins og Sósíalistaflokksins, svokölluð nýsköpunarstjórn, sem beitti sér fyrir þessari miklu endurnýjun fiskiskipaflotans og útvegaði til hennar hagstæð lán. Þaðan er nafnið nýsköpunartogari upprunnið. Reykjavíkurbær keypti átta slíka togara og gerði Bæjarútgerðin, sem þá var ný- stofnuð, út fimm þeirra. Fiskveiðar og fiskvinnsla voru á þessum tíma undirstaða alls atvinnulífs í höfuðborginni. Miklar vonir voru bundnar við hinn nýja fiskiskipaflota, enda voru togararnir hinir stærstu, hraðskreiðustu og best búnu sem Íslendingar höfðu eignast. Hrifningin á þessu framtaki skýrist m.a. af stemningunni í þjóðfélaginu í kjölfar lýðveldisstofnunar 1944 og víðtæks stuðnings sem hin nýja þverpólitíska ríkisstjórn undir forsæti Ólafs Thors naut.

Fullkomnasta fiskiskipið 

Tæknilega var Ingólfur á allan hátt fullkomnari en eldri fiskiskip og meira í skipið lagt en áður hafði þekkst. Lestir skipsins voru svo rúmar að sagt var að bresku skipasmiðirnir hefðu haft á orði að þessar lestir yrðu aldrei fylltar. En það átti eftir að afsannast því margoft kom togarinn drekkhlað- inn til hafnar. Mun hann hafa flutt í land 94 þúsund lestir af fiski á 27 ára ferli sínum. Það þætti ekki mikið núna, en var hrein bylting á sinni tíð og áttu fiskvinnslur í landi fullt í fangi með að ráða við allan þennan afla. Um borð í Ingólfi gátu verið 38 skipverjar. Aðbúnaður áhafnar var betri og rýmri en áður hafði þekkst í íslenskum fiskiskipum. Var mjög til þess hugsað að allt væri eins þægilegt og þrifalegt og hugsanlegt væri. Svefnsalur var rýmri og vistlegri en áður hafði verið í boði. Sama er að segja um kaffistofur og aðstöðu til hreinlætis. Var mikil keppni um að fá pláss um borð. Happafleyta Ingólfur Arnarson var happafleyta og fórst aldrei neinn skipverji. En eftir 27 ára þjónustu var svo komið árið 1974 að rýma þurfti fyrir nýtískulegri togara. Hafði skipið þá heitið Hjörleifur um skeið. Ákvað stjórn Bæjar- útgerðar Reykjavíkur að selja skipið til niðurrifs í stálbræðslu á Spáni. Hugmyndir um að varðveita skipið og hafa til sýnis á sjóminjasafni fengu ekki hljómgrunn, líklega vegna kostnaðar. En einhverjir munir úr togaranum urðu þó eftir, þar á meðal skipsstýrið sem talað var um að afhenda Þjóð- minjasafninu. 

 

Morgunblaðið 23. febrúar 2017

 

 




Skráð af Menningar-Staður

 

22.02.2017 21:16

Merkir Íslendingar - Jóhann G. Jóhannsson

 

 

Jóhann G. Jóhannsson (1947 - 2013).

 

Merkir Íslendingar - Jóhann G. Jóhannsson

 

Jóhann fæddist í Keflavík 22. febrúar 1947. Foreldrar hans voru Jóhann Georg Runólfsson, bóndi og síðar bifreiðarstjóri í Keflavík, og Lovísa Aðalheiður Guðmundsdóttir, en seinni maður Lovísu og fósturfaðir Jóhanns var Reynir Ólafsson, sjómaður og verkstjóri.
 

Börn Jóhanns eru Alma Dögg, Ívar Jóhann og Halldóra. Sambýliskona Jóhanns í 27 ár er Halldóra Jónsdóttir en dætur hennar eru Fríða og Jóhanna Methúsalemsdætur.
 

Jóhann stundaði nám við Samvinnuskólann að Bifröst 1963-65 og naut leiðsagnar Hrings Jóhannessonar í myndlist.
 

Jóhann var rytmagítar- og bassaleikari, söngvari, laga- og textasmiður og upptökustjóri, lék m.a. með Óðmönnum I, Musica Prima, Óðmönnum II, Töturum, Náttúru og Póker, en hóf sólóferil 1972.
 

Jóhann sinnti einkum lagasmíðum, myndlist og vann ötullega að réttindum tónlistarfólks. Hann hélt fjölda myndlistarsýninga, gaf út ljóðabókina Flæði, samdi rúmlega 200 lög og texta sem komu út á plötum, þ.ám. til stuðnings ýmsum málefnum, s.s. lagið Hjálpum þeim. 

Helstu hljómplötur hans eru: 
Óðmenn 1970, Langspil 1974, Mannlíf 1976, Kysstu mig – Íslensk kjötsúpa 1978, Myndræn áhrif 1988, Gullkorn JGJ 2003, Á langri leið 2009 og Jóhann G – In English 2010. 

Jóhann var framkvæmdastjóri Gallerys Lækjartorgs, síðar Listamiðstöðvarinnar 1980-85, einn af stofnendum Samtaka alþýðutónskálda og textahöfunda 1979 og Félags tónskálda og textahöfunda 1983 og sat í stjórn FTT 1983-89. Hann var upphafsmaður Músíktilrauna 1982 ásamt Ólafi Jónssyni, forstöðumanni Tónabæjar, rak Tónlistarbarinn Púlsinn 1990-93 og sat í stjórn Samtaka um byggingu tónlistarhúss.

 

Jóhann var félagi í SÍM og var gerður að heiðursfélaga FTT árið 2003.
 

Jóhann lést 15. júlí 2013.

 

Morgunblaðið 22. febrúar 2017.

 

 




Skráð af Menningar-Staður

21.02.2017 11:18

Afmælissamkoma - Menningar-Staður í fjögur ár

 

 

 

Afmælissamkoma - Menningar-Staður í fjögur ár

 

Í fyrradag voru fjögur ár frá því vefurinn vinsæli  „Menningar-Staður"  fór í loftið.  Það var þann 19. febrúar 2013.

 

Í tilefni þessa var sérlaga vel heppnað  morgunboð hjá -Vinum alþýðunnar- að Sölvabakka á Eyrarbakka í morgun, þriðjudaginn  21. febrúar 2017.



Létt var yfir -Vinum alþýðunnar- hvað sagðar voru sögur af manni og öðrum að þeirra hætti.
 


Verstfirska forlagið á Þingeyri heiðraði samkomuna og hið  góða starf –Vina alþýðunnar- með bókalottói.

Vinningashafar voru:
Þórður Grétar Árnason, Selfossi
Elfar Guðni Þórðarson, Stokkseyri
og Siggeir Ingólfsson, Eyrarbakka.

 


Menningar-Staður færði til myndar og er myndaalbúm komið á Menningar-Stað.
Smella á þessa slóð: http://menningarstadur.123.is/photoalbums/282043/

 

Nokkrar myndir:

 

 

.

 

.

.

.

.

 

.

.

.

.




Skráð af Menningar-Staður

 

 
 

20.02.2017 20:05

Embættisveiting fyrir vestan:- Sonur Önundarfjarðar skipaður menningarfulltrúi

 

 

Menningarfulltrúinn staddur í predikunarstól Hjarðarholtskirkju í Dölum

en þá kirkju teiknaði Dýrfirðingurinn Rögnvaldur Ólafsson.

Ljósm.: Guðmundur J. Sigurðsson.

 

Embættisveiting fyrir vestan:

- Sonur Önundarfjarðar skipaður menningarfulltrúi
 

Björn Ingi Bjarnason frá Flateyri, sonur Önundarfjarðar, nú búsettur á Eyrarbakka í Flóa,  hefur verið skipaður Menningarfulltrúi Vestfirska forlagsins í Evrópu og  Bandaríkjum Norður-Ameríku. 

Fylgja embættinu öll réttindi og hlunnindi sem þar til heyra.

 

   Gjört undir vorri hendi og innsigli 18. febrúar 2017, daginn fyrir konudaginn.
 

     Hallgrímur Sveinsson

léttadrengur og forstjóri Vestfirska forlagsins    

 

 

 

Skráð af Menningar-Staður

 

20.02.2017 14:50

Menningar-Staður í fjögur ár

 

 

 

Menningar-Staður í fjögur ár

 

Í gær voru fjögur ár frá því vefurinn vinsæli  „Menningar-Staður" fór í loftið.  Það var þann 19. febrúar 2013.

Í tilefni þessa verður morgunboð hjá -Vinum alþýðunnar- að Sölvabakka á Eyrarbakka kl. 9 – 10 í fyrramálið, 21. febrúar 2017.



Allir velkomnir

Siggeir Ingólfsson

og Vinir alþýðunnar
 

 

 

Skráð af Menningar-Staður

20.02.2017 08:00

Kosið í ný hverfisráð á Árborg

 

 

Siggeir Ingólfsson er formaður Hverfisráðs Eyrarbakka. Ljósm.: Björn Ingi Bjarnason.

 

Kosið í ný hverfisráð á Árborg

 

Á síðasta fundi bæjarstjórnar Árborgar var kosið í ný hverfisráð fyrir Eyrarbakka, Stokkseyri, Sandvíkurhrepp og Selfoss.

 

Hverfisráð hafa verið við lýði í Sveitarfélaginu Árborg í nokkur ár og eru fulltrúar kosnir til setu í þeim til eins árs í senn. Ráðin eiga að stuðla að hvers konar samstarfi innan hvers svæðis, móta stefnu og gera tillögur til bæjarráðs Árborgar. Þannig eru hverfisráðin ráðgefandi fyrir stjórnsýslu sveitarfélagsins.

 

Í Herfisráð Eyrarbakka voru kosin Siggeir Ingólfsson, formaður, Guðbjört Einarsdóttir, Rúnar Eiríksson og Gísli Gíslason.

 

Í Hverfisráð Stokkseyrar voru kosnar Guðný Ósk Vilmundardóttir, formaður og Svala Norðdal.

 

Í Hverfisráð Sandvíkurhrepps voru kosin Margrét Katrín Erlingsdóttir, formaður, Anna Valgerður Sigurðardóttir, Páll Sigurðsson og Aldís Pálsdóttir.

 

Í Hverfisráð Selfoss voru kosin Sveinn Ægir Birgisson, formaður, Valur Stefánsson, María Marko, Lilja Kristjánsdóttir og Kristján Eldjárn Þorgeirsson. Varamaður Böðvar Jens Ragnarsson.

 

Til þess að efla hverfisráðin hefur bæjarráð Árborgar samþykkt að tveir bæjarfulltrúar verði tengiliðir við hvert hverfisráð, og mun bæjarráð skipa þá í framhaldinu.


Af www.sunnlenska.is


Skráð af Menningar-Staður