Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

10.03.2013 06:49

10 ár frá stofnun hljómsveitarinnar NilFisk þann 10. mars 2003

Hljómsveitin NilFisk var stofnuð þann 10. mars 2003 af  fjórum drengjum í Barnaskólanum á Eyrarbakka og Stokkseyri og eru því rétt 10 ár í dag frá sofndeginum,

Þeir eru; Jóhann Vignir Vilbergsson á Eyrarbakka, (söngur og gítar), Víðir Björnsson á Eyrarbakka, (gítar), Sveinn Ásgeir Jónsson, Stokkseyri, (trommur), Sigurjón Dan Vilhjálmsson, Stokkseyri. (bassi). Síðan bættist í hljómsveitina Karl Magnús Bjarnarson á Stokkseyri, (gítar og söngur).

Hljómsveitin. NilFisk eru víða þekktir sem hljómsveitin sem hitaði upp fyrir Foo Fighters í Laugardalshöllinni í ágúst 2003 eftir að Dave Ghrole heyrði þá á æfingu í Samkomuhúsinu Gimli á Stokkseyri og tók lagið með þeim þar.

NilFisk lék út um allt land ýmsum stöðum eins og Þjóðhátíð í Eyjum, Iceland airwaves, Fiskideginum mikla á Dalvík og Aldrei fór ég suður svo eitthvað sé nefnt. Þeir fóru í tónleikaferðir til Danmerkur og léku í Kaupmannahöfn og víðar þar í landi. Alls komu þeir fram á nær 150 tónleikum á þeim nákvæmlega 5 árum sem hljómsveitin starfaði en þeir hættu á 5 ára afmælisdeginum þann 10. mars 2008.

Hljómsveitin kom fram í myndinni Gargandi snilld sem sýnd hefur verið út um allan heim.  NilFisk  gaf út hljómdisk árið 2006 sem heitir   Don´t run after your own apples.  Diskurinn er níu laga og fékk góða dóma.

 

 

NilFisk í Samkomuhúsinu Gimli á Stokkseyri. F.v.: Sigurjón Dan Vilhjálmsson, Jóhann Vignir Vilbergsson, Sveinn Ásgeir Jónsson og Víðir Björnsson.

 

 

 

NilFisk og Foo Fighters í Gimli á Stokkseyri.

 

 

 

NilFisk fyrir utan Fjöruborðið á Stokkseyri kvöldið sem þeir hittu Foo Fighters.

 

 

NilFisk í Laugardalshöll í ágúst 2003 fyrir framan rúmlega 6000 manns.

 

 

Með Dave Ghrole framan við Fjöruborðið á Stokkseyri á þjóðhátíðardegi Bandaríkjamanna, 4. júlí 2005. Þann dag léku NilFisk og Foo Fighters saman á tónleikum á Draugabarnum á Stokkseyri.

 

 

NilFisk með hljómdiskinn  sem kom út árið 2006. 

 

 

 

Skráð af: Menningar-Staður