Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

28.09.2017 06:29

Menningarmánuðurinn október 2017 - Dagskrá mánaðarins

 

 

 

 Menningarmánuðurinn október 2017

 

 

Fjöldi áhugaverðra viðburða er í mánuðinum sem byrjar strax 30. september í Húsinu á Eyrarbakka.

Hver viðburðinn rekur svo annan fram í nóvember og ættu allir að finna eitthvað áhugavert við sitt hæfi.

Hluti af dagskrá menningarmánaðarins er til að minnast 70 ára afmæli Selfosskaupstaðar og 120 ára ártíð Eyrarbakka og verður það gert með tónleikum, sögum og fleiri uppákomum.

Sjá má dagskránna hér að neðan og verður henni dreift inná öll heimili í sveitarfélaginu:

 

Menningarmánuðurinn október 2017 – Dagskrá

 

30. sept. Næturdrottning í Húsinu á Eyrarbakka kl. 21:00

Næturdrottning tekur á móti gestum í Húsinu á síðasta sýningardegi sumarsýningarinnar „Kjóllinn“. Frítt inn.

 

1. október Sumarsýningu lýkur í Húsinu á Eyrarbakka kl. 14:00 – 17:00

Sumarsýningunni „Kjóllinn“ lýkur með pompi og prakt. Kjólaflóð verður í stofum Hússins, söngdíva gleður gesti, hönnuður sýnir einstakan grjótakjól, rithöfundur veltir vöngum, verslunarkonur segja bransasögur og kjólakaffi verður í boði safnsins. Uppbyggingarsjóður Suðurlands styrkir viðburðinn. Frítt inn.

 

7. október „SKÁLASÖGUR“ – Tryggvaskáli á Selfossi kl. 16:00

Formleg opnun menningarmánaðarins október 2017. Í tilefni af 70 ára afmæli Selfossbæjar verður saga Tryggvaskála sögð í lifandi frásögn þeirra Bryndísar Brynjólfsdóttur, Þóru Grétarsdóttur, Þorvarðar Hjaltasonar og fleirum. Kristjana Stefáns syngur við undirleik Kjartans Valdemarssonar og Mánarnir Labbi og Bassi spila nokkur lög. Frítt inn.

 

8. október Tónleikar í Eyrarbakkakirkju kl. 16:00

Notalegir tónleikar í Eyrarbakkakirkju í tilefni af 120 ára ártíð Eyrarbakka og 140 ára afmæli Sigfúsar Einarssonar, tónskálds. Á meðal flytjanda eru Kammerkór Suðurlands, Örlygur Benediktsson, Karen Dröfn Hafþórsdóttir ásamt fleirum. Frítt inn.

 

14.–15. / 21.–22.október „SÖGUR OG SÖNGUR“ í Húsinu á Eyrarbakka kl. 14:30

Ásta Kristrún les kafla úr óútkominni bók sinni um formæður í fjóra ættliði. Þrjár hinna sögulegu kvenna ýmist bjuggu eða fæddust í Húsinu á 19. öld. Valgeir Guðjónsson leikur og syngur sín ljúfustu lög fyrir og eftir upplestur. Rauða húsið með sérstakt menningarkaffi að loknum viðburði. Frítt inn.

 

22.október Stokkseyrartónleikar í Stokkseyrarkirkju kl. 20:00

Hermundur Guðsteinsson og Kolbrún Hulda Tryggvadóttir syngja íslensk og erlend sönglög við undirleik Jóns Bjarnasonar, píanóleikara. Frítt inn.

 

26.október „SELFOSSTÓNAR“ – Selfosskirkja kl. 20:00

Í tilefni af 70 ára afmæli Selfossbæjar er rifjuð upp tónlistarsaga svæðisins með sérstaka áherslu á kóra- og tónlistarskólastarfið. Tónlistarstjóri er Jóhann Stefánsson og fram koma meðal annars Karlakór Selfoss, Jórukórinn, Kirkjukór Selfosskirkju og Lúðrasveit Selfoss. Heiðursgestir kvöldsins eru Ásgeir Sigurðsson og Jón Ingi Sigurmundsson. Frítt inn.

 

18. nóv. „ÁRVAKAN“ – Selfossbíó kl. 16:00

Már Ingólfur og Þorsteinn Tryggvi Mássynir stýra Árvöku í Selfossbíói. Árvaka er menningarhátíð Selfossbæjar og var haldin fyrst árið 1972 þegar bærinn fagnaði 25 ára afmæli. Viðeigandi er við þau tímamót sem 70 ára afmælið er að líta til baka og skoða með augum dagsins í dag þá atburði og fólkið sem mótaði Selfossbæ. Þorsteinn og Már munu fara yfir sögu Selfoss frá brúarsmíði og jafnvel lengra aftur og til dagsins í dag. Stiklað verður á stóru um söguna og frásögn þeirra krydduð með innskotum og upprifjunum valin kunnra Selfyssinga á Selfossi æsku sinnar. Myndefni er frá Gunnari Sigurgeirssyni sem hefur safnað í sarpinn miklu magni myndefnis sem gefur skemmtilega og lifandi mynd af bæ í sífelldri þróun. Frítt inn.

 

Íþrótta- og menningarnefnd Sveitafélagsins Árborgar.
 


Skráð af Menningar-Staður