Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

09.01.2018 21:23

Öxarfjörður í sókn - nýr verkefnisstjóri

 


Bryndís Sigurðardóttir.
 

 

Öxarfjörður í sókn – nýr verkefnisstjóri

 

Bryndís Sigurðardóttir á Flateyri hefur fyrir nokkru verið ráðin verkefnisstjóri byggðaeflingarverkefnisins Öxarfjörður í sókn,  sem er eitt af átaksverkefnum Byggðastofnunar í samstarfi við atvinnuþróunarfélög, sveitarfélög og íbúa viðkomandi byggðarlaga undir heitinu Brothættar byggðir.
 

Bryndís var valin, ein kvenna, úr hópi sex umsækjenda. 

Hún er Sunnlendingur að uppruna en hefur búið á Flateyri undanfarin ár og tekið virkan þátt í samfélaginu fyrir vestan. Fyrst sem framkvæmdastjóri og fjármálastjóri í fiskvinnslu og fiskeldisfyrirtækjum, síðar í verkefnastjórn hjá Atvinnuþróunarfélaginu og nú síðast sem eigandi og ritstjóri héraðsfréttamiðlanna Bæjarins besta og bb.is . 

Fyrri starfsreynsla hennar er á sviði kerfisfræði og innleiðingar tölvukerfa m.a. hjá Kaupfélagi Árnesinga, Eimskip og Tölvumyndum/Nýherja. Þá rak hún eigin bókhaldsskrifstofu um tíu ára skeið. Bryndís er með kerfisfræðimenntun frá Danmörku, markaðs- og útflutningsnám frá Endurmenntun Háskóla íslands og  B.Sc. í viðskiptafræði frá Háskólanum á Akureyri.

 

Starfsstöð Bryndísar verður á Kópaskeri og hún koma að fullu til starfa í byrjun janúar 2018. 


Skráð af Menningar-Staður.