Gunnlaugur Finnsson (1928 - 2010).

Merkir Íslendingar -

Gunnlaugur Finnsson á Hvilft

Gunnlaugur Finnsson fæddist á Hvilft í Önundarfirði 11. maí 1928.

Foreldrar hans voru Finnur Finnsson, bóndi þar, og kona hans, Guðlaug Sveinsdóttir húsfreyja. Gunnlaugur stundaði nám við Menntaskólann á Akureyri og brautskráðist þaðan með stúdentsprófi árið 1949. Hann var bóndi á Hvilft frá árinu 1950 fram til 2007. Samhliða bústörfum kenndi hann lengstum við Héraðsskólann á Núpi og síðar við barna- og unglingaskóla á Flateyri þar til hann var kjörinn á þing. Árið 1980 varð hann kaupfélagsstjóri á Flateyri og gegndi því starfi í átta ár.

Gunnlaugur Finnsson tók virkan þátt í félagsmálum sveitar sinnar og héraðs. Hann sat um aldarfjórðung í hreppsnefnd Flateyrarhrepps og var oddviti tvö kjörtímabil. Þá var hann formaður Fjórðungssambands Vestfjarða í fjögur ár á þessum tíma. Drjúgum tíma af starfsævi sinni varði Gunnlaugur í þágu þjóðkirkjunnar, sat á kirkjuþingi og í kirkjuráði hálfan þriðja áratug og var jafnframt um tíma í stjórn Hjálparstofnunar kirkjunnar. Auk þeirra starfa sem nú hafa verið talin átti hann sæti í ýmsum opinberum og stjórnskipuðum nefndum.

Í alþingiskosningunum 1974 var Gunnlaugur í framboði í 2. sæti á lista Framsóknarflokksins í Vestfjarðakjördæmi og hlaut kosningu. Sat hann á þingi til 1978. Í kosningunum 1978 var hann á ný í framboði en náði ekki kjöri í þeim sviptingum sem þá voru í íslenskum stjórnmálum. Hann tók þó sæti sem varamaður á útmánuðum 1979 og sat samtals á sex þingum. Á Alþingi var hann formaður félagsmálanefndar neðri deildar og lét sér einkum annt um mennta-, atvinnu-, samgöngu- og byggðamál.

Gunnlaugur Finnsson var gegnheill samvinnu- og félagshyggjumaður. Hann var sannfærður um að bæði einstaklingum og samfélagi vegnaði best þegar menn ynnu af einlægni saman að sameiginlegu markmiði. Þannig vann hann hin fjölmörgu störf sem hann sinnti fyrir byggðarlag sitt, samvinnuhreyfinguna, kirkjuna og fyrir þjóðina sem alþingismaður. 

Gunnlaugur Finnsson, bóndi á Hvilft í Önundarfirði og fyrrverandi alþingismaður, lést 13. janúar 2010

Af vef Alþingis.

 

Gunnlaugur Finnsson heldur ræðu í Íþróttahúsinu á Flateyri í 70 ára

afmælisfagnaði Flateyrarhrepps í júní 1992.  Ljósm.: Björn Ingi Bjarnason.

Skráð af Menningar-Bakki

Bikarmeistarar á Eyrarbakkavelli

Kvennalið bikarmeistara Ungmennafélags Selfoss í knattspyrnu var við æfingar

á Eyrarbakkavelli í gær, laugardaginn 9. maí 2020.

Velkomnar og gangi ykkur vel í sumar.


.

.

.

.

Skráð af Menningar-Bakki.

Sigurður B. Haraldsson (1930 - 2002).

Merkir Íslendingar - Sigurður B. Haraldsson

 

Sigurður Bjarni Haraldsson fæddist á Syðra-Rauðamel í Hnappadalssýslu 9. maí 1930.

Foreldrar hans voru Úlfhildur Hannesdóttir, f. 1897, d. 1982, og Haraldur Lífgjarnsson, f. 1896, d. 1959, en Sigurður ólst upp hjá móðursystur sinni, Helgu Hannesdóttur, og eiginmanni hennar, Sigurði Haraldssyni, í Reykjavík.

Sigurður lauk efnaverkfræðiprófi frá Háskólanum í Glasgow árið 1958. Hann starfaði hjá Fiskifélagi Íslands í tvö ár og var framkvæmdastjóri Ferskfiskeftirlitsins í tíu ár. Hann vann að undirbúningi stofnunar Fiskvinnsluskólans, sem tók inn fyrstu nemendur sína árið 1970. Sigurður var skólastjóri þess skóla þar til hann lét af störfum vegna heilsubrests árið 1995.

Sigurður var einn af stofnfélögum Rótarýklúbbs Seltjarnarness og var forseti klúbbsins 1989-1990. Hann tók virkan þátt í byggingu Seltjarnarneskirkju ásamt konu sinni, en hún var fyrsti formaður sóknarnefndar kirkjunnar.

Eiginkona Sigurðar er Kristín Friðbjarnardóttir, f. 9.4. 1929, búsett á Seltjarnarnesi. Synir þeirra eru Friðbjörn og Haraldur Hlynur.

Sigurður lést 13. apríl 2002.

Morgunblaðið laugardagurinn 9. maí 2020.
 

Skráð af Menningar-Bakki.

Dynjandi í Arnarfirði.

Á myndinni er Hafliði Magnússon frá Bíldudal (1935 - 2011). Ljósm,; BIB

6. maí 1981 - Friðlýsing Dynjanda

Mennta­málaráðuneytið samþykkti þann 6. maí 1981 að friðlýsa Dynj­anda

(Fjall­foss) og aðra fossa í Dynj­and­isá í Arnar­f­irði.



Skráð af Menningar-Bakki.

Fiskverkandinn í Ölfusinu

Hannes Sigurðsson,

útvegsbóndi og fiskverkandi – 70 ára

Hann­es Sig­urðsson fædd­ist laug­ar­dag­inn 6. maí 1950 í Stóru-Sand­vík í Sand­vík­ur­hreppi, hinum forna, nú Árborg. Hann ólst upp í Stóru-Sand­vík ásamt systkin­um sín­um og fjöl­mörg­um frænd­systkin­um, en þar var á þess­um árum fjór­býlt. Þar bjuggu þrír bræður Sig­urðar ásamt fjöl­skyld­um sín­um. „Þar var því margt um mann­inn á þess­um árum og við bætt­ist tals­vert af su­mar­krökk­um úr þétt­býl­inu, því það þurfti marg­ar hend­ur í heyskap á þess­um tíma, rétt áður en vél­ar yf­ir­tóku nán­ast alla vinnu við heyskap­inn.“

Hann­es gekk í barna- og gagn­fræðaskóla á Sel­fossi og þá lá leiðin í Versl­un­ar­skóla Íslands. „En sjó­mennsk­an heillaði og ég fór fyrst í sigl­ing­ar, fékk pláss á Lag­ar­fossi og fyrsta landið sem komið var til var Rúss­land og borg­in var Múrm­ansk. Þar kom ung­um Íslend­ingi margt ný­stár­legt fyr­ir sjón­ir.“ Hann­es var eitt ár í sigl­ing­um en eft­ir þann kafla réði hann sig á fiski­báta. Byrjaði á bát frá Þor­láks­höfn en var einnig á bát­um frá Eyr­ar­bakka og Stokks­eyri. Hann fór síðan í Stýri­manna­skól­ann í Reykja­vík haustið 1971 og lauk fiski­manna­prófi vorið 1973.

Hann­es var stýri­maður og skip­stjóri á nokkr­um bát­um í Þor­láks­höfn. Hann hóf eig­in út­gerð haustið 1976 með kaup­um á 50 tonna bát frá Hell­is­sandi sem hann var skip­stjóri á. Sam­hliða út­gerðinni byggðu hann og Þór­hild­ur kona hans versl­un­ar­hús í Þor­láks­höfn, þar sem þau ráku mat­vöru­versl­un í sjö ár, en síðan var húsið og rekst­ur­inn seld­ur öðrum. Fiskiðjan Ver var sett á lagg­irn­ar 1983 og byggt hús að Unu­bakka 48 í Þor­láks­höfn, var þar unn­inn salt­fisk­ur. „Sú starf­semi vatt upp á sig og var flutt í stærra hús­næði í Þor­láks­höfn að Óseyr­ar­braut 20 þar sem salt­fisk­fram­leiðslan er enn í dag.“

Þau hjón­in byggðu svo veit­ingastaðinn Hafið bláa árið 2003 og ráku staðinn til 2009, en hann hef­ur verið í út­leigu síðan. Árið 2006 keypti Hann­es Hafn­ar­nes hf. og sam­einaði fiskiðjunni VER og úr varð Hafn­ar­nes VER hf. sem hann á og rek­ur í dag með fjöl­skyldu sinni. „Útgerðin og fisk­vinnsl­an hafa verið mín­ar ær og kýr. Í gegn­um fram­leiðsluna hef ég kynnst fjöl­mörg­um, bæði hér­lend­is og er­lend­is, einkum salt­fisk­kaup­end­um í Portúgal og sæ­bjúgna­kaup­end­um í Kína.“

Hann­es sat í hrepps­nefnd Ölfus­hrepps 1992-1998 og er formaður veiðifé­lags­ins Varmár í Ölfusi. „Ég hef mik­inn áhuga á laxveiði, bæði í net og á stöng. Ég veiði fyrst og fremst í Sogi og Ölfusi en svo hef ég líka gam­an af því að veiða í Laxá í Kjós.“

Fjöl­skylda

Eig­in­kona Hann­es­ar er Þór­hild­ur Ólafs­dótt­ir, f. 11.4. 1953, bú­fræðing­ur og skóg­rækt­ar­bóndi. Þau eru bú­sett á Hrauni í Ölfusi. For­eldr­ar henn­ar voru hjón­in Ólaf­ur Þor­láks­son, f. 18.2. 1913, d. 23.11. 2006, bóndi á Hrauni, og Helga Sig­ríður Ey­steins­dótt­ir f. 2.7. 1916, d. 9.9. 2009, hús­freyja á Hrauni.

Börn Hann­es­ar og Þór­hild­ar eru:

1) Hild­ur, f. 17.9. 1978, d. 18.12. 1978;

2) Katrín Ósk, f. 11.7. 1980, fjár­mála­stjóri. Maki: Smári Birn­ir Smára­son, f. 7.3. 1981, fram­kvæmda­stjóri. Dæt­ur þeirra eru Hild­ur Ósk, f. 4.12. 2007; Hanna Birna, f. 20.9. 2011, og Helga Katrín, f. 27.5. 2014. Þau eru bú­sett í Þor­láks­höfn;

3) Ólaf­ur, f. 23.7. 1985, fram­kvæmda­stjóri, bú­sett­ur í Kópa­vogi.

Systkini Hann­es­ar eru Þórður Sig­urðsson f. 16.4. 1949, bif­reiðar­stjóri, bú­sett­ur á Sel­fossi; Jens Sig­urðsson, f. 2.3.1954, iðnfræðing­ur hjá Sel­fossveit­um; Árún Krist­ín Sig­urðardótt­ir, f. 10.2. 1957, pró­fess­or í hjúkr­un­ar­fræði við Há­skól­ann á Ak­ur­eyri, og Mar­grét Sig­urðardótt­ir, f. 4.10. 1958, hjúkr­un­ar­fræðing­ur, bú­sett í Reykja­vík.

For­eldr­ar Hann­es­ar voru hjón­in Sig­urður Hann­es­son, f. 4.4. 1916, d. 11.12. 1981, bóndi í Stóru-Sand­vík og Hólm­fríður Þórðardótt­ir, f. 15.6. 1922, d. 6.3. 2003, hús­móðir í Stóru-Sand­vík.





Morgunblaðið 6. maí 2020.



Skráð af Menningar-Bakki.

5. maí 1639 -

Brynj­ólf­ur Sveins­son var vígður Skál­holts­bisk­up

Þann 5. maí 1639 var Brynj­ólf­ur Sveins­son frá Holti í Önundarfirði vígður Skál­holts­bisk­up.

Hann lét m.a. reisa veg­lega kirkju í Skál­holti og var einn helsti talsmaður Íslend­inga við erfðahyll­ing­una í Kópa­vogi.


Skráð af Menningar-Bakki.

Karl Marx (1818 - 1883).

5. maí -

Karl Marx fæddist þennan dag árið 1818

Karl Heinrich Marx var áhrifamikill þýskur hagfræðingur, heimspekingur, byltingarleiðtogi og stjórnmálaspekingur. Hann er frægastur fyrir greiningu sína á mannkynssögunni í anda þráttarhyggju Hegels sem röð átaka milli stétta. Hann greindi samfélag kapítalismans og taldi meðal annars að reglulegar og sívaxandi efnahagskreppur væru innbyggðar í hagkerfi og myndu á endanum leiða til hruns þar sem stéttlaust samfélag tæki við.

Marx tók virkan þátt í stjórnmálahræringum um og eftir miðja 19. öld. Hann skrifaði Kommúnistaávarpið ásamt Friedrich Engels 1848 og var leiðandi við stofnun Fyrstu alþjóðasamtaka verkalýðsins í London 1864. Höfuðrit hans Auðmagnið (Das Kapital) kom út 1867, en hann vann við rannsóknir meira eða minna til dauðadags 1883.

Útfærslur á jafnaðarstefnunni sem byggja á verkum Marx eru oft kallaðar marxismi. Marxismi hafði gríðarleg áhrif á stjórnmál og vísindi á 19. og 20. öld.

Karl Marx lést þann 14. mars 1883.
 

Heimild: Wikipedia



Skráð af Menningar-Bakki.

Á Ingólfstorgi í Reykjavík þann 1. maí 2020.

F.v.: Björn Ingi Bjarnason, f.v. formaður Verkalýðsfélagsins Skjaldar á Flateyri,

Drífa Snædal, forseti ASÍ, Ragnar Þór Ingólfsson, formaður Verslunarmannafélags

Reykjavíkur og Jóna Guðrún Haraldsdóttir frá Flateyri.

   -Hátíðarstund verkalýðsleiðtoga-

-Hátíðarstund verkalýðsleiðtoga- fyrrverandi og núverandi, á Ingólfstorgi í Reykjavík þann 1. maí 2020.

Drífa Snædal, forseti ASÍ, bauð þar stjórn Verkalýðsfélagsins Skjaldar á Flateyri árið 1981 í heimsókn til ASÍ fyrir 1. maí 2021 . Þar skal m.a. minnast 40 ára tímamótasamkomulags aðila á Flateyri um innborgun og ávöxtun orlofsfjár launafólks í peningastofnun í heimabyggð.

Þessi háttur var síðan tekinn upp hjá öllu launafólki landsins og er í farsælli framkvæmd enn í dag.

Forgöngumenn. Myndin var tekin í stofunni heima hjá Ægi sparisjóðsstjóra

þegar skrifað var undir hið merka tímamótasamkomulag fyrir 39 árum

síðan um innborgun og ávöxtun orlofsfjár.

Frá vinstri, Björn Ingi Bjarnason formarður Verkalýðsfélagsins Skjaldar,

Ægir E. Hafberg sparisjóðsstjóri í Sparisjóði Önundarfjarðar

og Einar Oddur Kristjánsson forstjóri Hjálms HF. á Flateyri

langstærsta atvinnurekenda þorpsins.

Stjórn Verkalýðsfélagsins Skjaldar fyrir 39 árum þegar lausn fékkst

í áralöngu baráttumáli um ávöxtun orlofsfjár í heimabyggð.

Aftari röð frá vinstri.: Hendrik Tausen, ritari, Hálfdán Kristjánsson, gjaldkeri

og Sigurður Sigurdórsson, meðstjórnandi.

Fremri röð frá vinstri, Björn Ingi Bjarnason, formaður

og Pétur G. Þorkelsson, varaformaður
 

Skráð af Menningar-Bakki.

  1. maí 2020

 

Skráð af Menningar-Bakki.

 Nýtt starf við Lýðskólann

Viltu flytja til Flateyrar? -

Nýtt starf við Lýðskólann

Lýðskólinn á Flateyri auglýsir eftir starfsmanni.

Við bjóðum sveigjanlegan vinnutíma og krefjandi starfsumhverfi sem reynir á félagsfærni og áhuga á fólki. Meðal verkefna er þróun nýrrar alþjóðabrautar skólans og þátttaka í stjórnun og skipulagningu daglegs skólastarfs í samvinnu við aðra starfsmenn skólans. Mögulegt er að kennsla einstakra námskeiða verði hluti starfsins. Á litlum vinnustað göngum við öll störf eins og að aðstoða nemendur, bera stóla, raða í uppþvottavél og semja námsskrá.

Við leitum að dugmiklum einstaklingi sem státar af skipulags- og samskiptahæfni og hefur getu til að hugsa út fyrir boxið. Við viljum ráða ábyrgðarfulla manneskju sem brennur fyrir sköpun og hefur vilja til þess að gera betur og ná lengra. Reynsla af því að vinna með ungu fólki á öllum aldri er kostur. Þekking á skólastarfi og reynsla af skipulagningu og þróun námskeiða er æskileg.

Nánari upplýsingar um starfið veitir Ingibjörg Guðmundsdóttir skólastjóri í síma 699 7535 eða í netfanginu skolastjori@lydflat.is

Umsóknir sendist á skolastjori@lydflat.is fyrir 15. maí. Ráðið verður í starfið frá 1. ágúst.



Skráð af Menningar-Bakki.