Pálmi Jónsson (1929 - 2017)

 

 

Pálmi Jónsson

 

- Fæddur 11. nóv­em­ber 1929 - Dáinn 9. október 2017

 

- Minning

 

Pálmi Jóns­son, bóndi, fyrr­ver­andi alþing­ismaður og ráðherra, fædd­ist 11. nóv­em­ber 1929 á Akri, Aust­ur-Húna­vatns­sýslu. Hann lést á Víf­ils­stöðum 9. októ­ber 2017.

 

For­eldr­ar hans voru hjón­in Jón­ína Ólafs­dótt­ir, f. 1886, hús­freyja á Akri, og Jón Pálma­son, f. 1888, bóndi á Akri, alþing­ismaður, land­búnaðarráðherra og for­seti sam­einaðs þings. Systkini Pálma voru Ingi­björg, f. 1917, Eggert Jó­hann, f. 1919, Mar­grét Ólafía, f. 1921, Salóme, f. 1926, þau eru öll lát­in.

 

Eft­ir­lif­andi eig­in­kona Pálma er Helga Sig­fús­dótt­ir, f. 1936, hús­freyja á Akri.

Börn þeirra eru:

1) Jón Pálma­son, f. 1957, raf­magns­verk­fræðing­ur, kvænt­ur Mari­anne Skovs­gård Niel­sen, f. 1958, fé­lags­ráðgjafa og þýðanda. Börn þeirra Ní­els Pálmi Skovs­gård Jóns­son, f. 1988, Henrik Skovs­gård Jóns­son, f. 1990, Anna Elísa­bet Skovs­gård Jóns­dótt­ir, f. 1994, unnusti Sturla Lange, f. 1994.

2) Jó­hanna Erla Pálma­dótt­ir, f. 1958, bóndi og fram­kvæmda­stjóri, gift Gunn­ari Rún­ari Kristjáns­syni, f. 1957, bónda og hag­fræðingi. Börn þeirra eru Helga Gunn­ars­dótt­ir, f. 1983, og Pálmi Gunn­ars­son, f. 1989.

3) Nína Mar­grét Pálma­dótt­ir, f. 1970, ferðamála­fræðing­ur, gift Ómari Ragn­ars­syni, f. 1957, yf­ir­lækni. Börn þeirra eru Helga Sól­veig Ómars­dótt­ir, f. 2002, og María Rut Ómars­dótt­ir, f. 2003. Fyr­ir átti Nína Mar­grét Ragn­ar Darra Guðmunds­son, f. 1993. Fyr­ir átti Ómar, Unni Björgu Ómars­dótt­ur, f. 1984, sam­býl­ismaður Hrafn­kell Már Stef­áns­son, f. 1984, og Frí­mann Hauk Ómars­son, f. 1986, kvænt­ur Tinnu Björk Gunn­ars­dótt­ur, f. 1985.

 

Pálmi ólst upp á Akri í Tor­fa­lækj­ar­hreppi við öll al­menn sveita­störf. Hann lauk bú­fræðiprófi frá Bænda­skól­an­um að Hól­um árið 1948. Pálmi tók við búi á Akri 1953 og var þar bóndi til 1997. Hann var kos­inn á þing fyr­ir Sjálf­stæðis­flokk­inn á Norður­landi vestra árið 1967 og sat á Alþingi til árs­ins 1995. Pálmi var land­búnaðarráðherra 1980-1983, var lengi í fjár­laga­nefnd Alþing­is og formaður sam­göngu- og alls­herj­ar­nefnd­ar. Pálmi var virk­ur í fé­lags­störf­um. Hann var formaður Jör­und­ar, FUS í Aust­ur-Húna­vatns­sýslu, 1963-1964. Sat í hrepps­nefnd Tor­fa­lækj­ar­hrepps 1962-1974. Í stjórn Rarik um ára­tuga skeið og sem formaður stjórn­ar 1978-1990. Sat í Hafnaráði 1984-1987. Í rík­is­fjár­mála­nefnd 1984-1987. Í stjórn Byggðastofn­un­ar 1991-1993. Pálmi sat á alls­herj­arþingi Sam­einuðu þjóðanna 1991. Hann var yf­ir­skoðun­ar­maður rík­is­reikn­inga 1992-1995. Formaður bankaráðs Búnaðarbanka Íslands frá 1994-2000.

 

Minn­ing­ar­at­höfn um Pálma Jóns­son fór fram í Dóm­kirkj­unni í Reykja­vík laugardaginn 14. októ­ber 2017.

Útför fór fram frá Blönduós­kirkju í dag, mánudaginn16. októ­ber 2017 og jarðsett var í Þing­eyrak­laust­urs­kirkju­g­arði.
__________________________________________________________________________________________

 

Minningarorð Guðna Ágústssonar

 

Pálmi Jóns­son var dreng­skap­armaður sem miðlaði góðu til okk­ar sem yngri vor­um í póli­tík­inni og var um svo margt góð fyr­ir­mynd í allri fram­göngu sinni sem ein­stak­ling­ur á vett­vangi þjóðmál­anna. Pálmi vald­ist til þing­mennsku í blóma lífs­ins og fylgdi þar eft­ir föður sín­um, þingskör­ungn­um Jóni Pálma­syni á Akri. Fljótt fann hann sinn eig­in stíl og gerði sig mjög gild­andi á Alþingi sem bar­áttu­mann bænda og land­búnaðar­ins og byggðamála en ekki síður hvetj­andi um að rík­is­fjár­mál­in væru ábyrg og raun­hæf. Enda sat hann í fjár­veit­inga­nefnd Alþing­is og var formaður nefnd­ar­inn­ar um skeið. Ég minn­ist þess að Pálmi og Geir Gunn­ars­son af hinum kanti stjórn­mál­anna bund­ust tryggðabönd­um og töluðu um efna­hags­mál og fjár­lög af mik­illi þekk­ingu og gekk ekki hníf­ur­inn á milli þeirra. Síðar átti ég eft­ir að sitja með þeim báðum í bankaráði Búnaðarbank­ans og tel það sjálf­um mér til tekna að hafa unnið með svo vönduðum mönn­um og heil­steypt­um. Pálmi var staðfast­ur Sjálf­stæðismaður þótt hann á erfiðum tím­um í póli­tík­inni fylgdi glæsi­menn­inu Gunn­ari Thorodd­sen og þeir Friðjón Þórðar­son báðir, enda unnu þeir sína glæst­ustu kosn­inga­sigra eft­ir ráðherra­ár­in í Gunn­ars­stjórn­inni.

 

Pálmi á Akri var góður frjálsíþróttamaður á yngri árum, ekki síst hlaup­ari, hann unni íþrótt­um alla tíð og oft ræddi hann um unga frjálsíþrótta­fólkið okk­ar og var ein­stak­lega glögg­ur að meta hæfi­leika hvers og eins. Pálmi var í póli­tík­inni kapps­full­ur íþróttamaður, harður sprett­hlaup­ari þegar mikið lá við, en rök­fast­ur og drengi­leg­ur and­stæðing­ur, sem hreif fólkið með sér. Hann var góður ræðumaður, flutti mál sitt hnit­miðað á góðri ís­lensku og talaði beint í sal­inn. En fyrst og fremst var hann góður bóndi og einn fremsti sauðfjár­rækt­armaður lands­ins, átti af­burða fal­legt fé á Akri. Hug­ur hans var fyr­ir norðan hjá dótt­ur og tengda­syni sem tóku við bú­skapn­um og síðar dótt­ur­syn­in­um Pálma sem nú rek­ur fjár­búið. Pálmi gat sagt eins og skáldið: „Í daln­um er sál mín en hönd mín er hér,“ þótt þau hjón byggju í Reykja­vík eft­ir þing­mennsk­una var hann kom­inn norður í sauðburð og fjár­rag að hausti, hug­ur hans var í sveit­inni.

 

Pálmi var vík­ing­ur til verka og þingmaður þeirr­ar gerðar sem alla flokka dreymdi um að eiga, hann var héraðinu sínu trúr og stund­um sögðu mér Hún­vetn­ing­ar að þegar hátíð var í héraði og vont veður geisaði brást það ekki að hann kom utan úr hríðinni með Helgu sína á þorra­blótið eða hátíðina. Hann hélt vel utan um sveit­unga sína og sýsl­unga eins og fjöl­skyldu og landið allt var bar­áttu­vett­vang­ur í hugs­un hans og póli­tík­inni. Hann var góður talsmaður land­búnaðar­ins og í störf­um sín­um sem ráðherra voru bæði til staðar hug­sjón­ir hans og raun­hyggja. Ógleym­an­leg var heim­sókn Koi­visto Finn­lands­for­seta til Íslands árið 1982, þá komu ráðherra­hjón­in, Pálmi og Helga, sem gest­gjaf­ar með for­seta­hjón­in og Vig­dís Finn­boga­dótt­ir okk­ar var með í för­inni að Brúna­stöðum til for­eldra minna, það sýndi vinátt­una yfir landa­mæri flokk­anna. Pálmi og faðir minn, Ágúst á Brúna­stöðum, bund­ust tryggðabönd­um í þing­inu og reynd­ar höfðu feður okk­ar Pálma verið góðir vin­ir og stund­um fannst mér að ég hefði notið þeirr­ar vináttu og hlotið mörg heil­ræði frá Pálma fyr­ir bragðið. Við Mar­grét átt­um marg­ar gleðistund­ir með Pálma og Helgu hér heima og á Kana­ríeyj­um og eru þær all­ar á einn veg ógleym­an­leg­ar.

 

Pálmi er minn­is­stæður maður, hann sagði vel frá og var vin­ur vina sinna. Aldrei var hann jafn höfðing­leg­ur og þegar heim að Akri var komið, hönd­in var hlý, gest­risni var hon­um í blóð bor­in, veit­ing­ar í stof­unni hjá Helgu, bik­ar­inn full­ur, hlát­ur­inn lá í loft­inu. Ég sé hann standa á tröpp­un­um glaðan og reif­an, Pálmi er kom­inn heim. Við Mar­grét kveðjum hann með virðingu og þökk.

 

Guðni Ágústs­son.

____________________

Þegar Hrútavinir fóru hringferð um Ísland og gáfu forystusauðinn Gorba frá Brúnastöðum í forystufjársetrið að Svalbarði í Þistilfirði haustið 2014 var m.a. komið við í veislu í Eyvindarstofu á Blönduósi með bændum úr héraði.

Pálmi Jónsson var með bændum af sínu svæði og var samverustundinn mjög ánægjuleg með heimamönnum og gestum í Hrútavinaferðinni.

Nokkrar myndir sem Guðmundur Jón Sigurðsson tók:
 

F.v.: Guðni Ágústsson og Pálmi Jónsson. . Björn Ingi Bjarnason, forseti Hrútavinafélagsins Örvars á Suðurlandi, ávarpar þrjá f.v. landbúnaðarráðherra í fögnuðinum frábæra á Blönduósi. F.v.: Björn Ingi Bjarnason, Einar K. Guðfinnsson, Pálmi Jónsson og Guðni Ágústsson. . Pálmi Jónsson og forystusauðurinn Gorbi frá Brúnastöðum. Skráð af Menningar-Staður

 

 

Séra Kristján Björnsson, sóknarprestur á Eyrarbakka. Hér við helgistund á Sólvöllum. Ljósm.: BIB

 

Kosið aftur milli Eiríks og Kristjáns

 

Talningu atkvæða í kjöri til vígslubiskups í Skálholtsumdæmi lokið. Kosið var milli þriggja frambjóðenda og fékk enginn þeirra meirihluta atkvæða.

 

Sr. Kristján Björns­son sókn­ar­prest­ur í Eyr­ar­bakka­prestakalli, sr. Ei­rík­ur Jó­hanns­son, fyrrverandi prestur í Hruna og sr. Axel Árna­son Njarðvík, héraðsprest­ur á Suður­landi voru til­nefnd­ir sem hæf­ir fram­bjóðend­ur í vor, en kjörið fór fram sam­kvæmt nýj­um regl­um kirkjuráðs.  

 

Atkvæði féllu þannig að Axel hlaut 95 atkvæði, Eiríkur Jóhannsson 234 atkvæði og Kristján 247 atkvæði. Samkvæmt því hlaut enginn meirihluta atkvæða og verður kosið að nýju á milli þeirra tveggja sem flest atkvæði hlutu þ.e. Eiríks og Kristjáns.

 

Á kjörskrá voru 979 manns og var kosningaþátttaka var um 62%. Alls bárust 605 atkvæði. Ógild atkvæði voru 24 og auðir seðlar 5.

 

.

. .

 

Skráð af Menningar-Staður.

 

 

 

Pétur Pétursson (1918 - 2007).

 

Merkir Íslendingar - Pétur Pétursson

 

Pétur Pétursson fæddist á Eyrarbakka 16. október 1918 en ólst upp á Bráðræðisholtinu og á Framnesveginum í Reykjavík. 

Foreldrar hans voru Pétur Guðmundsson, skólastjóri á Eyrarbakka, og k.h., Elísabet Jónsdóttir húsfreyja.

Pétur skólastjóri var sonur Guðmundar, bónda í Langholtsparti í Flóa Sigurðssonar, bróður Guðlaugar, móður Sigurðar regluboða, föður Sigurgeirs biskups, föður Péturs biskups.

Móðurbróðir Péturs var Bergsteinn, langafi Atla Heimis Sveinssonar, en móðursystir Péturs var Ólöf, amma Bergsteins Jónssonar sagnfræðiprófessors.

Elísabet var dóttir Jóns, alþm. á Eyvindarmúla Þórðarsonar.

Meðal systkina Péturs var Jón Axel bankastjóri.
 

Eiginkona Péturs var Ingibjörg Birna Jónsdóttir húsfreyja en dóttir þeirra, Ragnheiður Ásta, var útvarpsþulur um áratuga skeið, móðir Eyþórs Gunnarssonar tónlistarmanns.
 

Pétur stundaði nám við lýðháskólann í Tarna og í skólum sænska alþýðusambandsins og samvinnusambandsins í Svíþjóð og Pitman's College í London 1937-38. Hann var sendill og síðar bankaritari í Útvegsbankanum í Reykjavík, 1931-42, og þulur hjá Ríkisútvarpinu 1941-55 og 1970-88. Auk þess var Pétur kaupmaður í Reykjavík og umboðsmaður skemmtikrafta 1955-70, var leiðsögumaður hjá Ferðaskrifstofu ríkisins 1950-60 og auglýsingastjóri Alþýðublaðsins 1958-59.
 

Pétur sá um útgáfu og ritaði formála að bókinni Réttvísin gegn Ólafi Friðrikssyni, útg. í Reykjavík 1986. Hann sinnti dagskrárgerð í fjölda ára, stýrði m.a. barnatíma á árunum 1943-44, og sá um útvarpsþættina Lög og létt hjal og Sitt af hverju tagi. Þá tók hann saman fjölda þátta um mannlífið í Reykjavík fyrri tíma. Hann stóð fyrir fyrstu dægurlagasamkeppninni hér á landi á Hótel Íslandi árið 1939.
 

Pétur var vinsæll útvarpsþulur, hafði hljómþýða rödd og listilega framsögn. Hann lést 23. apríl 2007.

Morgunblaðið.


Skráð af Menningar-Staður

 

.

 

Samfylkingin á siglingu

 

*X-S mælist með um þrefalt kjörfylgi og myndi bæta við sig átta þingmönnum

*VG enn stærsti flokkurinn

*Framsókn og Sjálfstæðisflokkur standa í stað
 

 Fylgi Samfylkingarinnar mælist nú mun meira en það var fyrir viku og hefur tvöfaldast á tveimur vikum. Þetta sýnir ný skoðanakönnun sem Félagsvísindastofnun Háskóla Íslands gerði fyrir Morgunblaðið dagana 9.-12. október. 

Nú mælist flokkurinn með 15,3% fylgi og 11 þingmenn, sem er umtalsvert meira en það fylgi sem flokkurinn fékk í þingkosningunum í fyrra þegar hann fékk 5,7% og þrjá þingmenn kjörna. 

Vinstrihreyfingin – grænt framboð mælist enn stærsti flokkur landsins með 27,4% fylgi og 19 þingmenn og Sjálfstæðisflokkur er næststærstur með 22,6% og 16 þingmenn. 

Björt framtíð mælist með 2,6% fylgi og næði ekki inn þingmanni og það sama má segja um Viðreisn, sem mælist með 3,4%. 

Fylgi Pírata mælist nú 9,2% og stendur í stað frá síðustu könnun Félagsvísindastofnunar fyrir viku og það sama má segja um fylgi Framsóknarflokks, sem er 5,5%. Bæði Miðflokkurinn og Flokkur fólksins tapa fylgi frá síðustu könnun. Nú mælast flokkarnir með um 6,5% fylgi, sem myndi skila hvorum um sig fjórum þingmönnum. 

Talsverður munur er á fylgi flokkanna eftir aldri kjósenda og búsetu og þá er einnig munur á því hvað fólk kýs eftir menntun þess.

Eini möguleikinn á stjórn tveggja flokka er samstarf VG og Sjálfstæðisflokks. Nokkrir möguleikar eru á þriggja flokka stjórn VG og Samfylkingar og þá gætu Sjálfstæðisflokkurinn og Samfylkingn myndað stjórn með Pírötum.

 

Morgunblaðið.

 

Skráða f Menningar-Staður

 

Valgeir Guðjónsson og Ásta Kristrún Ragnarsdóttir, Bakkastofu á Eyrarbakka.

 

Samleikur í söng og upplestri í Húsinu

 

Ásta Kristrún Ragnarsdóttir í Bakkastofu á Eyrarbakka er um það bil að stíga fram á bókmenntavettvanginn en fyrsta bók hennar er væntanleg í nóvember. Titill bókarinnar er Það sem dvelur í þögninni og er hún líkleg til að vekja forvitni margra.

 

Ásta Kristín var spurð hvernig verkið hafi orðið til.

„Við Valgeir höfum helgað bróðurhlutann af árinu í skapandi skrif í bland við tónsmíðar. Þessi skrif mín eru ný af nálinni, því nú hef ég skrifað sögulega skáldsögu, sem er jafnframt mitt fyrsta verk af þeim toga. Segja má að ástæðan sé sögustundum í Bakkastofu að þakka eða kenna því þar kviknaði hugmyndin hjá einum áheyrenda minna sem starfar hjá bókaforlagi. Síðan fóru hjólin að snúast. Ég byggi sögurnar á sögustundum foreldra minna í sveitinni þar sem ég ólst upp. Þau voru óþreytandi að segja sögur af forfeðrum og ekki síður formæðrum okkar. Sögusviðið lifnaði og myndgerðist fyrir mér sem ungri stúlku. Með aldrinum hafa bæst við upplýsingar sem ýmist rétta sögurnar af eða gerðu það að verkum að ég fann mig knúna til að skálda í eyðurnar. Þar styðst ég við sýn mína í þátíð og nútíð, þar sem ímyndunaraflið er efnisveitan,“ segir Ásta Kristín.

 

Hvers konar bók erum við að tala um?

„Jú ég teygi mig tvö hundruð ár aftur í tímann, fyrst norður í land til formæðra minna og þaðan austur á firði. Eftir það liggur leiðin suður til Eyrarbakka og Reykjavíkur. Ég skrifa um sterkar konur sem flestar giftust þjóðþekktum mönnum. Ástin og baráttan fyrir frelsi þjóðarinnar er æðasláttur sem litar lífshlaup þeirra. Það finnst mér spennandi flétta. En í ástar- og hugsjónabaráttu stígur lífið flókinn dans. Segi ekki meira í bili. Bókin er gefin út af Björt og er þetta fyrsta ættarskáldsagan sem kemur út undir því merki. Forlagið er í eigu mætra kvenna sem hafa hingað til einbeitt sér að útgáfu vandaðra barnabóka undir heitinu Bókabeitan.“

 

Hvenær fáum við að vita meira?

„Í Menningarmánuði Árborgar höfum við Valgeir sett saman dagskrá með fléttunni „Söngur og upplestur“ og þá mun ég kynna bókina sem kemur út á næstu vikum. Viðburðurinn fer fram í Húsinu og mun ég án efa velja til upplestrar einhverja kafla sem gerast í Húsinu og í sýslunum á Suðurlandi. Við Valgeir eigum í farsælu samstarfi við Húsið og Lýður safnstjóri hefur aldeilis verið betri en enginn þegar mig hefur skort heimildir til að sannreyna sögur mínar úr bernsku.“

 

Viðburðurinn er haldinn í samvinnu við Byggðasafnið, en líka við Rauða Húsið sem heldur menningarkaffi á jarðhæðinni fyrir þá sem sækja dagskrána. Allt frítt og fallegt í boði Árborgar í „Október menningarmánuðinum“, á 120 ára árstíðarafmæli Eyrarbakkahrepps og 70 ára afmælisári Selfoss.

Dagskráin verður flutt í fjögur skipti tvær helgar í röð, laugardagana og sunnudagana 24. og 15. október og þann 21. og 22. október kl. 14:30.



Af www.dfs.is


Skráð af Menningar-Staður
 

 

 

Eygerður Þóra Tómasdóttir

- Útför í dag laugardaginn 14. okt. 2017

kl. 11:00 frá Eyrarbakkakirkju



Skráð af Menningar-Staður

 

 

Frambjóðendur á ferð um Suðurkjördæmi
 

Frambjóðendur Samfylkingarinnar í Suðurkjördæmi fara um kjördæmið og vilja hitta sem flesta kjósendur fyrir kjördag 28. október.

Þau verða á þessum stöðum sem tilgreindir eru hér að neðan og vonast til þess að fólkið í Suðurkjördæmi komi og spjalli um stjórnmál og reki garnirnar úr frambjóðendum um jafnaðarstefnuna og hvernig þau ætla að uppfylla kosningaloforðin góðu.

 

Dagsetning	Staður	Heimilisfang	Tími
9.okt	Garður	Kíwanissalur	17:30
12.okt	Höfn	Afl Víkurbraut 4	17:00
13.okt	Vík	Ströndinni	12:00
13.okt	Hvolsvöllur	N1 Hlíðarenda Austurvegi 3	18:00
13.okt	Landvegamót	Söluskólinn Landvegamótum	20:00
14.okt	Árborg	Samfylkingin Eyrarvegi 15	11:00
16.okt	Þorlákshöfn	Meitillinn Selvogsbraut 41	12:00
16.okt	Hveragerði	Samfylkingin Reykjamörk 1	20:00
17.okt	Vogar	N1 Iðndal 2	18:00
17.okt	Grindavík	Víkurbraut 27	20:00
18.okt	Sandgerði	Efra Sandgerði	20:00
19.okt	Flúðir	Samkaupum	12:00
21.okt	Árborg	Samfylkingin Eyrarvegi 15	11:00
23.okt	Vestmannaeyjar	Café Varmó	13:00
	Kosningaskrifstofur opnaðar
14.okt	Reykjanesbær	Kjarni við Hafnargötu	14:00
21.okt	Hveragerði	Samfylkingin Reykjamörk 1	14:00
	Stjórnmál og skemmtun
20.okt	Hveragerði	Samfylkingin Reykjamörk 1	20:00
21.okt	Reykjanesbær	Kjarni við Hafnargötu	20:00

Allir velkonir!



Skráð af Menningar-Staður

 

Séð frá Valþjófsdal og yfir til Flateyrar. Ljósm.: Björn Ingi Bjarnason.

 

13. október 1987 - Kýr synti yfir Önundarfjörð

 

Kýr synti yfir Önundarfjörð, frá Flateyri að Kirkjubóli í Valþjófsdal þann 13. október 1987.
 

Hún hafði verið leidd til slátrunar en reif sig lausa og lagðist til sunds. Kýrin hét Harpa en eftir afrekið var hún kölluð Sæunn.
 

Á sjómannadaginn árið eftir eignaðist hún kálf sem nefndur var Hafdís.
 

Morgunblaðið - Dagar Íslands - Jónas Ragnarsson
 

Sæunnarhaugur í Valþjófsdal hvar sundkýrin Sæunn er heygð.
Ljósm.: Björn Ingi Bjarnason.

 

Skráð af Menningar-Staður
 

 

Styttan af Páli Ísólfssyni við Ísólfsskála austan Stokkseyrar. Myndina tók Björn Ingi Bjarnason sumarið 2005 Styttan hefur nú verið flutt inn að miðhluta Stokkseyrarþorps.     Páll Ísólfsson (1893 - 1974).

 

Merkir Íslendingar - Páll Ísólfsson

 

Páll Ísólfsson (f. 12. október 1893 – d. 23. nóvember 1974) var íslenskt tónskáld, orgelleikari, píanóleikari, hljómsveitarstjóri og söngstjóri. Páll gegndi fjölda starfa og var einn helsti forystumaðurinn í íslenskum tónlistarmálum á 20. öld.

Páll fæddist í Símonarhúsi á Stokkseyri.

Til Reykjavíkur kom hann árið 1908 og lærði tónlist hjá Sigfúsi Einarssyni frá Eyrarbakka.

 

Hann lærði á orgel hjá Karl Straube í Leipzig (1913-18). Páll fór síðan til Parísar til frekara náms árið 1925 og nam þar hjá Joseph Bonnet.

 

Að því loknu hóf Páll störf við tónlist á Íslandi. Hann varð forystumaður í íslensku tónlistarlífi um áratugi og orgelsnillingur.

Páll var stjórnandi Lúðrasveitar Reykjavíkur frá 1924-1936 og skólastjóri Tónlistarskólans í Reykjavík 1930 til 1957.

Hann var organisti Fríkirkjunnar í Reykjavík 1926-1939 og síðan við dómkirkjuna í Reykjavík frá 1939-1967.

 

Skráð af Menningar-Staður

 

 

95 ára afmæli Norræna félagsins

 

Föstudaginn 29. september sl. fagnaði Norræna félagið á Íslandi 95 ára afmæli. 

Fyrsti formaður félagsins var Matthías Þórðarson (1922- 1926). 

Fyrstu Norrænu félögin voru stofnuð í Danmörku, Svíþjóð og Noregi árið 1919 og verður haldið sameiginlega uppá aldarafmæli félaganna í apríl 2019. 

Núverandi formaður Norræna félagsins er Bogi Ágústsson.


Blaðið Reykjanes



Skráð af Menningar-Staður