Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

15.10.2020 20:44

Úr myndasafninu...

 

 

 

 

 

  Úr myndasafninu...


 

             Á Eyrarbakkavelli.

 

 


Skráð af Menningar-Bakki


 

12.10.2020 07:02

Merkir Íslendingar - Páll Ísólfsson

 

 
 

 

 

Merkir Íslendingar – Páll Ísólfsson

 

 

Páll Ísólfsson fæddist  12. október 1893 í Símonarhúsi á Stokkseyri.

 

Páll  var íslenskt tónskáld, orgelleikari, píanóleikari, hljómsveitarstjóri og söngstjóri. Páll gegndi fjölda starfa og var einn helsti forystumaðurinn í íslenskum tónlistarmálum á 20. öld.

 

Til Reykjavíkur kom Páll árið 1908 og lærði tónlist hjá Sigfúsi Einarssyni sem var frá Eyrarbakka.

 

Páll lærði á orgel hjá Karl Straube í Leipzig í Þýskalandi (1913-18). Páll fór síðan til Parísar til frekara náms árið 1925 og nam þar hjá Joseph Bonnet.

 

Að því loknu hóf Páll störf við tónlist á Íslandi. Hann varð forystumaður í íslensku tónlistarlífi um áratugi og orgelsnillingur.

 

Páll var stjórnandi Lúðrasveitar Reykjavíkur frá 1924-1936 og skólastjóri Tónlistarskólans í Reykjavík 1930 til 1957.

 

Hann var organisti Fríkirkjunnar í Reykjavík 1926-1939 og síðan við dómkirkjuna í Reykjavík frá 1939-1967.

 


Trúlega er -Brennið þið vitar- þekktasta lag Páls Ísólfssonar. Það lag er í Alþingishátíðarkantögu Páls frá árinu 1930.

 


Páll Ísólfsson lést 23. nóvember 1974.

 

 


 


Skráð af Menningar-Bakki.

11.10.2020 08:20

Umsóknir um dvöl í íbúð fræðimanns í Kaupmannahöfn 2021

 

 

 

 

Umsóknir um dvöl í íbúð

 

fræðimanns í Kaupmannahöfn 2021

 

 

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota árið 2021. Umsóknir um íbúðina skulu hafa borist skrifstofu Alþingis eigi síðar en þriðjudaginn 3. nóvember næstkomandi.

 

Fræðimenn, sem hyggjast stunda rannsóknir eða vinna að verkefnum í Kaupmannahöfn, geta sótt um afnot af íbúðinni, sem er á 2. hæð Jónshúss. Íbúðin er tveggja herbergja og fylgir henni allur nauðsynlegasti heimilisbúnaður. Afnotin eru endurgjaldslaus en þeim sem fá úthlutað ber þó að greiða fyrir þrif íbúðarinnar og rekstrarkostnað, alls kr. 60.000. Nánari upplýsingar um fræðimannsíbúðir er að finna á vef Jónshúss.

 

Dvalartími í íbúðinni fer eftir umfangi verkefnis og öðrum atvikum en er þó að jafnaði fjórar vikur. Úthlutunarnefnd ætlast til að dvalargestir nýti úthlutaðan tíma sinn að fullu við störf í Danmörku.

 

Við úthlutun íbúðarinnar er höfð hliðsjón af eftirfarandi atriðum:

 

1. Að verkefnið hafi fræðilegt eða hagnýtt gildi og þyki áhugavert.

2. Að umsókn sé vandlega unnin.

3. Að sem eðlilegust skipting sé milli kynja og fræðigreina.

4. Að verkefnið verði ekki unnið annars staðar en í Kaupmannahöfn eða nágrenni.

 

Þeir sem eru í námi, þar á meðal doktorsnámi, eiga að jafnaði litla möguleika á úthlutun. Þá er höfð hliðsjón af því hvort sótt er um dvöl í fyrsta skipti en þegar umsækjendur eru jafnsettir skulu þeir ganga fyrir sem sækja um dvöl í fyrsta skipti.

 

Vegna kringumstæðna njóta þeir forgangs sem hlutu úthlutun árið 2020 en gátu ekki nýtt dvöl vegna heimsfaraldurs kórónuveiru og ferðatakmarkana.

 

Úthlutunarnefnd ráðgerir að ljúka störfum í nóvember.

 

Umsóknir um íbúðina skulu vera á sérstöku eyðublaði sem nálgast má á vef Jónshúss og sendist, ásamt ferilskrá og nánari verkefnislýsingu, á netfangið jorundurk@althingi.is.

 

Ef umsókn sendist með bréfpósti skal hún merkt:

Jörundur Kristjánsson
"Umsókn um fræðimannsíbúð"
Skrifstofu Alþingis
101 Reykjavík

 

 

Skráð af Menningar-Bakki.

10.10.2020 09:41

Úr myndasafninu...

 

 

 

 

 

  Úr myndasafninu...

 


         Hljómsveitin NilFisk á sviði         

 

            í Toftlund í Danmörku




Skráð af Menningar-Bakki

10.10.2020 08:28

Úr myndasafninu...

 

 

 

 

 

   Úr myndasafninu...

 


  Eyrbekkingar á Bryggjuhátíð á Stokkseyri


 


Skráð af Menningar-Bakki

09.10.2020 19:57

Úr myndasafninu...

 

 

 

 

 

 Úr myndasafninu...



  Frá -þorrablóti- Hrútavina á Stokkseyri

 

  fyrir rétt tæpum 20 árum


 

 



Skráð af Menningar-Bakki.

08.10.2020 18:08

Úr myndasafninu...

 

 

 

 

 

 Úr myndasafninu...

 

 

  Ólafur Auðunsson les glaður -Séð og jarmað-


 


Skráð af Menningar-Bakki

07.10.2020 21:04

Úr myndasafninu...

 


F.v.: Sigurjón Dan Vilhjálmsson, Víðir Björnsson, Sveinn Ásgeir Jónsson

og Jóhann Vignir Vilbergsson. Ljósm.: BIB

 

 

 

 Úr myndasafninu...

 


Hljómsveitin NilFisk á Draugabarnum á Stokkseyri

 

og árið er 2005




Skráð af Menningar-Bakki.

05.10.2020 21:19

Úr myndasafninu...


 

 

 

 


 Úr myndasafninu...


 

 

 Borgarafundur á Eyrarbakka fyrir um 15 árum

 



Skráð af Menningar-Bakki.

04.10.2020 09:55

Merkir Íslendingar - Lilja Guðmundsdóttir

 


Lilja Guðmundsdóttir (1915 - 2005).

 

 

 

Merkir Íslendingar - Lilja Guðmundsdóttir

 

 

Lilja Guðmundsdóttir fæddist í Hafnarfirði þann 4. október 1915 en flutti með foreldrum sínum til Flateyrar er hún var fimm ára og átt heima þar síðan. Hún lauk barnaskólanámi á Flateyri.

 

Systkini Lilju:

Sigurlaugur, f. 1.10. 1911, d. 21.10.1988, iðnaðarmaður í Reykjavík; Ingileif, f. 29.9.1913, d. 3.3. 2009,  móðir í Hafnarfirði.

Foreldrar Lilju voru Guðmundur Guðmundsson, f. 1.12.1882, d. 2.10. 1982, skósmiður í Hafnarfirði og á Flateyri, og k.h., Guðrún Þórunn Jónsdóttir, f. 13.9.1872, d. 5.6.1957, húsmóðir frá Litlu-Tungu í Miðfirði.

Guðmundur, faðir Lilju, var bróðir Kristjáns, föður þeirra Kirkjubólssystkina, Halldórs rithöfundar, Guðmunda Inga skálds, Ólafs skólastjóra pg Jóhönnu Guðríðar húsfreyju. Systir Guðmundar var Guðrún, amma Gests Ólafssonar arkitekts. Guðmundur var sonur Guðmundar, b. á Kirkjubóli, Pálssonar, bróður Hákonar, langafa Sigurjóns Péturssonar, fyrrv. borgarfulltrúa. Systir Guðmundar eldri var Solveig, amma Gils Guðmundssonar rithöfundar. Móðir Guðmundar var Kristín Hákonardóttir, b. í Grafargili, Hákonarsonar, bróður Brynjólfs, á tvo vegu langafa Guðnýjar, móður Guðmundar G. Hagalíns rithöfundar. Brynjólfur var einnig langafi Gísla, föður Guðmundar G. Hagalíns.

 

Lilja vann alla tíð við fiskyinnslu á Flateyri. Hún starfaði hjá Ásgeiri Guðnasyni, kaupmanni og útgerðarmanni, á árunum 1930-38 og síðan samfellt í sama frystihúsinu á Flateyri á árunum 1938-89, en hjá nokkrum fyrirtækjum. Fyrst í nýbyggðu Hraðfrystihúsi Flateyrar hf. 1938-43, hjá ísfelli hf. 1943-60, hjá Fiskiðju Flateyrar hf. 1960-67, Hrímfaxa hf. 1968 og hjá Hjálmi hf. 1968-89.

 

Eftir fimmtíu ára starf í sama frystihúsinu 1988 verðlaunaði Hjálmur hf. Lilju með þriggja mánaða ferð til Kanada. Sjómannadagsráð á Flateyri sæmdi Lilju heiðursmerki sjómannadagsins árið 1983 og var hún eina konan sem þar hefur hlotið slíka viðurkenningu.

 


Auk þess að vinna í fiski átti Lilja kindur með pabba sínum, Guðmundi  skósmið. En einmitt vegna þess að pabbi hennar var skósmiður er hún alltaf kölluð Lilja skó og þekkja hana allir best undir því nafni. Þá ræktaði lilja kartöflur í Eyrarhjöllunum ofan Flateyrar og geymdi kartöflur fyrir marga Flateyringa í jarðhúsi sínu þar.



Lilja Guðmundsdóttir lést á Heilbrigðisstofnun Vestfjarða á Ísafirði þann 17. október 2005. Útför hennar var gerð frá Flateyrarkirkju þann 22. október 2005.


 

 

     Morgunblaðið 1. maí 1988.

 




Skráð af Menningar-Bakki.