Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

21.06.2020 11:40

21. júní 2020 - þjóðhátíðardagur Grænlendinga

 

 

 

 

21. júní 2020 -

 

 

þjóðhátíðardagur Grænlendinga

 

 

Þjóðhátíðardagar Norðurlandanna:

 

Álandseyjar      

9. júní  

Fyrsta þing Álandseyinga kemur saman 1923.

 

Danmörk            

16. apríl eða 5. júní        

16. apríl er afmælisdagur Margrétar II. (f. 1940), en yfirleitt er litið á 5. júní sem þjóðhátíðardag, þá var stjórnarskráin staðfest árið 1849.

 

 Finnland            

6. desember     

Finnar lýsa yfir sjálfstæði 1917.

 

Færeyjar            

29. júlí  

Ólafsvaka.

 

Grænland          

21. júní

Lengsti dagur ársins.

 

Ísland   

17. júní

Fæðingardagur Jóns Sigurðssonar 1811 og lýðveldið stofnað 1944.

 

Noregur             

17. maí

Noregur fullvalda ríki í konungssambandi við Svía 1814, og stjórnarskráin frá Eiðsvelli gekk í gildi.

 

Svíþjóð

6. júní  

Gústaf I. kjörinn konungur og Svíþjóð lýst sjálfstætt þjóðríki 1523.


 

 

Fáni Grænlands við Fánasetur Suðurlands á Eyrarbakka.



Skráð af Menningar-Bakki.

 

21.06.2020 08:27

Knarrarósviti opinn fyrir almenning

 

 

 

 

Knarrarósviti opinn fyrir almenning

 

 

Knarrarósviti verður opinn almenningi í sumar en þar er hægt að upplifa stórkostlegt útsýni úr 30 metra hæð yfir sjávarmáli.

 

Knarrarósviti stendur við Knarrarós í landi Baugsstaða, austan við Stokkseyri. Vitinn var byggður á árunum 1938-39 og eru því rúm 80 ár síðan að hann var tekinn í notkun.

 

Vitinn er opinn alla virka daga kl. 13 til 17 og á laugardögum og sunnudögum í júlí og ágúst kl. 13 til 18 og er helgaropnunin í samstarfi við Byggðasafn Árnesinga.

 

Aðgangur að vitanum verður ókeypis í sumar. Í tilkynningu frá Sveitarfélaginu Árborg er bent á að þeir einstaklingar sem fara upp í vitann eða út á svalir efst í vitanum eru alfarið á eigin ábyrgð. Einnig er fólki bent á að leggja ekki bílum fyrir aðkeyrslu að vitanum af öryggisástæðum.


 

.

,

 





Skráð af Menningar-Bakki.

20.06.2020 08:32

20. júní 2020 - Sumarsólstöður

 

 

 

 

  20. júní 2020 -

 

 

Sumarsólstöður

 

 

 

Í dag, laugardaginn 20. júní 2020, eru sólstöður að sumri, en þá er dagurinn lengstur hjá okkur.  Á því augnabliki snýr norðurpóll jarðar næst sólu.


 

Upp úr þessu fara dagarnir að styttast en þrátt fyrir það mun þó líklega hlýna enn um sinn því að meðaltali er hvað hlýjast í lok júlí.

 



Skráð af Menningar-Bakki.

19.06.2020 07:37

19. júní 1915 - kon­ungs­úrsk­urður um gerð ís­lenska fán­ans

 

 

 

 

 

19. júní 1915 -

 

kon­ungs­úrsk­urður um gerð ís­lenska fán­ans

 

 

Þann 19. júní árið 1915 var gef­inn var út kon­ungs­úrsk­urður um gerð ís­lenska fán­ans.

 

Hann átti að vera þrílit­ur:

„Heiðblár (ultram­ar­in­eblár) með hvít­um krossi og hárauðum krossi inn­an í hvíta kross­in­um.“

 

Litirnir áttu að tákna fjallablámann, ísinn og eldinn. 




Skráð af Menningar-Bakki.

19.06.2020 07:33

19. júní 1915 - Kvenréttindadagurinn

 

 

 

 

19. júní 1915 -

 

Kvenréttindadagurinn

 

 

Kristján konungur X staðfesti breytingar á stjórnarskránni þann 19. júní árið 1915. 



Konur fengu þá kosningarétt og kjörgengi til Alþingis, en fyrst í stað var miðað við 40 ára og eldri. 



Réttindunum var fagnað á Austurvelli 7. júlí, við setningu Alþingis.
 

 



Skráð af Menningar-Bakki.

18.06.2020 09:57

Humar við Hafið

 

 

 

 

 

    -Humar við Hafið-

 

 

        Afhjúpun við -Hafið bláa- við Óseyrarbrúna í gær

 

 

„Ég þekki humar­inn vel eft­ir að hafa verið á slík­um veiðum í níu vertíðir,“ seg­ir Kjart­an Brynj­ar Sig­urðsson, sjó­maður í Þor­láks­höfn. Í gær, 17. jíní 2020, var við veit­ingastaðinn Hafið bláa , sem er við vest­ur­sporð Óseyr­ar­brú­ar, af­hjúpað lista­verkið Hum­ar við hafið . Kjart­an er höf­und­ur þess; stórs stykk­is sem er unnið úr plasti og lagt á járn­grind. Þetta er eft­ir­lík­ing af humri, en veiðar og vinnsla á hon­um skiptu löng­um miklu fyr­ir byggðarlög­in á þess­um slóðum, Þor­láks­höfn og Eyr­ar­bakka.

 

Veit­ingastaðinn eiga þau Hann­es Sig­urðsson og Þór­hild­ur Ólafs­dótt­ir að Hrauni í Ölfusi. Lista­verk er við fisk­verk­un­ar­stöð þeirra í Þor­láks­höfn og nú er bætt um bet­ur. Kúnst­grip­ur­inn er á áber­andi stað við fjöl­farna leið og má gera ráð fyr­ir að marg­ir hafi þar viðkomu í framtíðinni.

 

 




Morgunblaðið 18. júní 2020
sbs@mbl.is



Skráð af Menningar-Bakki.

17.06.2020 09:12

Merkir Íslendingar - Jón Sigurðsson forseti

 

Jón Sigurðsson (1811 - 1879)

 

 

 

Merkir Íslendingar - Jón Sigurðsson forseti

 

 

Jón Sigurðsson var fæddur á Hrafnseyri við Arnarfjörð 17. júní 1811, dáinn 7. desember 1879.

Foreldrar:

Sigurður Jónsson á Hrafnseyri (fæddur 2. janúar 1777, dáinn 31. október 1855) prestur þar og kona hans Þórdís Jónsdóttir frá Holti í Önundarfgirði (fædd 1772, dáin 28. ágúst 1862) húsmóðir. Bróðir Jens Sigurðssonar þjóðfundarmanns. Maki (4. september 1845): Ingibjörg Einarsdóttir (fædd 9. október 1804, dáin 16. desember 1879) húsmóðir. Foreldrar: Einar Jónsson og kona hans Ingveldur Jafetsdóttir. Systir Ólafs Johnsens þjóðfundarmanns.

 

Stúdent 1829 úr heimaskóla hjá séra Gunnlaugi Oddssyni. Lagði stund á málfræði og sögu, síðar stjórnfræði og hagfræði við Hafnarháskóla en lauk ekki prófi.

 

Við verslunarstörf í Reykjavík 1829–1830. Skrifari hjá Steingrími biskupi Jónssyni í Laugarnesi 1830–1833. Varð 1835 styrkþegi Árnasafns, skrifari í stjórnarnefnd þess frá 1848 til æviloka. Vann samtímis hjá Bókmenntafélaginu, Vísindafélagi Dana (Det kgl. danske Videnskabernes Selskab), Fornfræðafélaginu (Det kgl. nordiske Oldskriftselskab), var skjalavörður þess félags 1845–1849, er staðan var lögð niður, naut síðan biðlauna um hríð og styrks úr sjóði J. L. Smidts, uns hann fékk fastan styrk úr ríkissjóði Dana til þess að gefa út fornbréfasafn.

 

Stofnaði Ný félagsrit og gaf út 1841–1873. Forseti Kaupmannahafnardeildar Bókmenntafélagsins frá 1851 til æviloka, hlaut af því forsetanafnið. Forseti Þjóðvinafélagsins frá stofnun þess 1871 til æviloka. Átti sæti í fornritanefnd Fornfræðafélagsins frá 1847 til æviloka, skrifari í stjórn þess 1863–1864. Erindreki í fjárkláðamálinu 1859. Var í fjárhagsnefnd Íslendinga og Dana 1861–1862 og í póstmálanefnd 1871. Hafði laun frá Þjóðvinafélaginu 1873–1874, en síðan heiðurslaun frá Alþingi. Átti heima í Kaupmannahöfn alla tíð frá 1833.

 

Alþingismaður Ísfirðinga 1845–1879. Þjóðfundarmaður 1851. Sat ekki þing 1855, 1861, 1863 og sagði af sér fyrir þing 1879. Konungkjörinn fulltrúi Íslands á stjórnlagaþinginu í Danmörku 1848–1849.

 

Forseti Alþingis 1849, 1853, 1857 og 1865–1873, forseti sameinaðs þings 1875–1877, forseti neðri deildar 1875–1877.

 

Samdi rit og greinar um réttarstöðu Íslands og framfaramál. Gaf út íslensk fornrit og fornbréf. — Stærst margra rita um ævi hans er í fimm bindum: Jón Sigurðsson, eftir Pál Eggert Ólason (1929–1933).

 

Ritstjóri:

Ný félagsrit (1841–1873). Tíðindi frá Alþingi Íslendinga (1845–1847).



Skráð af Menningar-Bakki.

14.06.2020 20:40

Velkomin til Flateyrar í sumar

 

 
 

 

 

Velkomin til Flateyrar í sumar

 

 

Á Flateyri verður boðið upp á daglega viðburði í sumar (2020) frá 15. júní til 15. ágúst þar sem ferðamenn og heimamenn hittast og skemmta sér saman.



Alla mándaga kl. 20:00
Harðfiskverkun
Breiðadalsfiskur kynnir harðfiskverkun skref fyrir skref. Allir fá harðfisk að smakka og lítinn gjafapakka ásamt kvöldkaffi hjá Kaffi Sól. - Kynningin fer fram í Breiðadal, í harðfiskiverkun á bakvið Kaffi Sól og kostar 2,000 kr á mann. (1,000 kr fyrir 16 ára og yngri) - Sími: 862 1841



Alla þriðjudaga kl. 20:00
Kvöldstund í Gömlu Bókabúðinni
Langafasonur stofnanda verslunarinnar mun leiða fólk um húsið og segja sögu fjölskyldunnar og verslunarinnar. - Haldið í Gömlu Bókabúðinni og er aðgangur ókeypis. - Sími: 840 0600



Alla miðvikudaga kl. 20:00
Snjóflóðaganga með Björgunarsveitarmanni
Björgunarsveitarmaður sem tók þátt í aðgerðum í snjóflóðinu 1995 eða 2020 leiðir göngu um Flateyri og segir frá björgunaraðgerðum og snjóflóðasögu Flateyrar. - Gangan byrjar fyrir framan Gömlu bókabúðina og kostar 2,000 kr fyrir 16 ára og eldri.- Sími: 840 0600



Alla fimmtudaga kl. 20:00
Teflt við heimamenn
Skákáhugamenn á Flateyri taka vel á móti þér og eru tilbúnir að tefla við jafn byrjendur sem og atvinnumenn. - Teflt er á Bryggjukaffi og er ókeypis fyrir alla. - Sími: 863 7662



Alla föstudaga kl. 22:00
Barsvar / Pub-Quiz
Mátaðu gáfur þínar við Flateyringa með því að etja kappi við þá á barsvari. - Spurt verður á Vagninum og er þátttaka ókeypis - Sími: 456 7751



Alla laugardaga kl. 22:00
Listamaður stígur á Svið
Gamlar hetjur í bland við landsþekkta listamenn stíga á hið sögufræga svið Vagnisins öll laugardagskvöld í sumar. - Haldið á Vagninum og verð er breytilegt eftir viðburðum - Sími: 456 7751



Alla Sunnudaga kl. 15:00
Önfirskur ljóðalestur
Lesin verða upp ljóð eftir Önfirðinga í bland við önnur merk ljóðskáld á meðan gestir gæða sér á kaffibolla. - Ljóðlesturinn er á SIMA hostel og er aðgangur ókeypis - Sími: 897 8700

---

Það er nóg að mæta bara á réttan stað, á réttum degi og tíma. Óþarfi að panta eða bóka mætingu, þó gæti húsrúm eða covid reglur stjórnað fjöldanum á einstaka viðburðum.



Frekari upplýsingar má nálgast á:


www.VisitFlateyri.is

 


Sjáumst á Flateyri í sumar.


Skráð af Menningar-Bakki

14.06.2020 16:48

Jónshús í Kaupmannahöfn 50 ára

 

 

 

 

 Jónshús

 

 

í Kaupmannahöfn 50 ára

 

 

Hinn 12. september 2020 á Jónshús í Kaupmannahöfn 50 ára starfsafmæli. Af því tilefni verður ýmislegt gert í húsinu og meðal annars horft um farinn veg. Haldið verður upp á sjálfan afmælisdaginn í Jónshúsi, þegar þar að kemur, og meira um það síðar, en fram að því munum við meðal annars segja sögur og sýna myndir. 

 

Jónshús hefur aðgang að mörgum myndir og þekktar eru margar sögur. En einnig er margt sem við vitum ekki. Því væri gaman ef gamlir notendur hússins myndu senda okkur myndir eða segja okkur skemmtilegar sögur. Ef þú, kæri lesandi, lumar á slíku, máttu endilega láta í þér heyra. 

 

Húsið við Øster Voldgade númer 12, sem í dag heitir Jónshús, er þó töluvert eldra en 50 ára, því það var byggt árið 1852 og er því 168 ára. Sama ár og húsið var byggt fluttu hjónin Jón Sigurðsson og Ingibjörg Einarsdóttir í húsið, í íbúðina á 3ju hæð. 

 

Árið 1966 var húsið í eigu Carls og Johanne Sæmundsen, en einmitt það ár gáfu þau Alþingi húsið í minningu Jóns og Ingibjargar. Við athöfn 12. september 1970 var húsið formlega tekið í notkun sem félagsmiðstöð Íslendinga í Kaupmannahöfn, innréttuð var fræðimannsíbúð á 2. hæð og jafnframt sett upp sýningu um Jón og Ingibjörgu á 3ju hæðinni. 

 

Við munum, hér deila sögum og myndum, allt eftir efnum og aðstæðum.

 

Af vef Jónshúss í Kaupmannahöfn.


 

 




Skráð af Menningar-Bakki.

 

 

14.06.2020 11:51

Viðburðaröð í Bókakaffinu á Selfossi

 

 

 

 

Viðburðaröð í Bókakaffinu á Selfossi

 

 

Bókakaffið á Sel­fossi hef­ur í dag, sunnu­dag­inn 14. júní 2020, þema­tengda viðburðaröð sem ber yf­ir­skrift­ina Menn­ing­ar­sum­arið í Bókakaff­inu.

Viðburðirn­ir verða fjór­ir og munu taka mið af for­dæma­lausu ástandi með fjölda­tak­mörk­un­um og því mik­il­vægt að mæta tím­an­lega til að tryggja sér sæti, seg­ir í til­kynn­ingu.

Dag­skrá­in verður um 30 mín­út­ur að lengd og flutt tvisvar, kl. 14 og 15.

 

Fyrsta dag­skrá menn­ing­ar­sum­ars­ins ber yf­ir­skrift­ina Nú and­ar suðrið og er helguð þýðing­um.

Inn á milli lestra munu hljóma ís­lensk­ir og arg­entínsk­ir tón­ar.

Fram koma:

Árni Óskars­son sem les úr þýðingu sinni á spennu­sög­unni Ot­sjaj­aníje eft­ir verðlauna­höf­und­inn Vla­dimir Na­bo­kov en bók­in nefn­ist á ís­lensku Örvænt­ing og er vænt­an­leg seinna á ár­inu.

Pamela De Sensi flyt­ur verk­in Kveðju eft­ir El­ínu Gunn­laugs­dótt­ur og Tango Etu­de nr. 3 eft­ir Astor Piazzolla og les einnig úr ít­alskri þýðingu bók­ar­inn­ar Tvö­falt gler sem hef­ur farið sig­ur­för um heim­inn, auk þess sem höf­und­ur henn­ar, Hall­dóra Thorodd­sen, les brot úr bók­inni á ís­lensku.

Hall­grím­ur Helga­son, þýðandi og skáld, les úr þýðingu sinni á Óþelló eft­ir William Shakespeare

og Helga Soffía Ein­ars­dótt­ir fjall­ar um þýðingu sína á bók­inni Glæp­ur við fæðingu eft­ir grín­ist­ann og þátta­stjórn­and­ann Trevor Noah en í bók­inni seg­ir hann frá upp­vexti sín­um á tím­um aðskilnaðar­stefn­unn­ar í Suður-Afr­íku.


 

 

 



Skráð af Menningar-Bakki.