Menningar-Staður
Félagsheimilið Staður á Eyrarbakka

30.12.2017 08:45

Flugeldasala á Eyrarbakka

 

 

 

Flugeldasala á Eyrarbakka

 

Flugeldasalan okkar verður sem fyrr í húsi Björgunarsveitarinnar Bjargar að Búðarstíg 21, 820 Eyrarbakka og verður opin sem hér segir:

28. desember 13:00 – 22:00
29. desember 13:00 – 22:00
30. desember 10:00 – 22:00
31. desember, gamlársdagur 10:00 – 16:00

 

Úrvalið getið þið skoðað á www.flugeldar.is/

 

Við treystum á ykkar stuðning

 

Þið megið gjarnan deila þessari færslu til þess að sem flestir sjái opnunartímann.



Skráð af Menningar-Staður

27.12.2017 07:07

Merkir Íslendingar - Einar Oddur Kristjánsson

 


Einar Oddur Kristjánsson (1942 - 2007).

 

Merkir Íslendingar - Einar Oddur Kristjánsson

 

Ein­ar Odd­ur Kristjáns­son fædd­ist á Flat­eyri 26. des­em­ber 1942 og hefði því orðið 75 ára í gær. For­eldr­ar hans voru hjón­in Kristján Ebenezers­son skip­stjóri, f. 1897, d. 1947, og María Jó­hanns­dótt­ir, stöðvar­stjóri Pósts og síma á Flat­eyri, f. 1907, d. 2003.
 

Ein­ar Odd­ur stundaði nám í Héraðsskól­an­um á Núpi í Dýraf­irði og í Mennta­skól­an­um á Ak­ur­eyri. Frá ár­inu 1968 starfaði Ein­ar Odd­ur við sjáv­ar­út­veg, fyrst sem einn af stofn­end­um og fram­kvæmda­stjóri hluta­fé­lags­ins Fiskiðjunn­ar Hjálms. Hann var síðar stjórn­ar­formaður hluta­fé­lag­anna Hjálms, Vest­firsks skel­fisks og Kambs.
 

Ein­ar Odd­ur sat í hrepps­nefnd Flat­eyr­ar­hrepps 1970-1982, var formaður Sjálf­stæðis­fé­lags Önund­ar­fjarðar 1968-1979, formaður full­trúaráðs Sjálf­stæðis­flokks­ins í Vest­ur-Ísa­fjarðar­sýslu 1979-1990 og formaður kjör­dæm­is­ráðs Sjálf­stæðis­flokks­ins á Vest­fjörðum 1990-1992.
 

Ein­ar Odd­ur sat í stjórn Vinnu­veit­enda­fé­lags Vest­fjarða frá ár­inu 1974. Hann var í aðal­stjórn Sölu­miðstöðvar hraðfrysti­hús­anna 1989-1994, stjórn­ar­formaður Vél­báta­út­gerðarfé­lags Ísfirðinga frá ár­inu 1984 og sat í stjórn Sam­taka fisk­vinnslu­stöðva 1981-1996. Hann var formaður efna­hags­nefnd­ar rík­is­stjórn­ar­inn­ar 1988. Formaður Vinnu­veit­enda­sam­bands Íslands var hann 1989-1992 og sat í stjórn at­vinnu­leys­is­trygg­inga­sjóðs 1995.
 

Ein­ar Odd­ur var alþing­ismaður fyr­ir Sjálf­stæðis­flokk­inn frá 1995 til dán­ar­dags. Á Alþingi átti hann sæti í mörg­um nefnd­um en lengst og mest starfaði hann í fjár­laga­nefnd, var vara­formaður henn­ar 1999-2007 og jafn­framt aðaltalsmaður síns flokks í rík­is­fjár­mál­um.
 

Hinn 7.10. 1971 kvænt­ist Ein­ar Odd­ur Sigrúnu Gerðu Gísla­dótt­ur hjúkr­un­ar­fræðingi, f. 20.11. 1943. Börn Ein­ars Odds og Sigrún­ar Gerðu eru Bryn­hild­ur, Kristján Torfi og Teit­ur Björn.
 

Ein­ar Odd­ur lést 14. júlí 2007.

Morgunblaðið 27. desember 2017.

 


Þjóðarsátt 1990.

F.v.: Ásmundur Stefánsson, Haukur Halldórsson, Einar Oddur Kristjánsson.

 




Skráð af Menningar-Staður.

26.12.2017 21:11

Jólaball Kvenfélagsins 27. des. 2017

 

 

 

Jólaball Kvenfélagsins 27. des. 2017


Jólaball Kvenfélags Eyrarbakka að Stað á Eyrarbakka

miðvikudaginn 27. desember 2017 kl. 15:00



Skráð af Menningar-Staður

25.12.2017 16:20

Jóladagsflöggun við Stað á Eyrarbakka

 

 

 

Jóladagsflöggun við Stað á Eyrarbakka

 

.

.



Skráð af Menningar-Staður.

24.12.2017 11:03

Eyrarbakkakirkja - hátíðarguðsþjónusta á jólanótt

 

 

 

Eyrarbakkakirkja - hátíðarguðsþjónusta á jólanótt 

 

Hátíðarguðsþjónusta í Eyrarbakkakirkju á jólanótt 24. desember kl. 23.30.

 

Hátíðarsöngur og jólasálmar á helgri jólanótt. Kór Eyrarbakkakirkju syngur. Organisti Haukur Arnarr Gíslason.

 

Sr. Kristján Björnsson þjónar fyrir altari og prédikar.

 





Skráð af Menningar-Staður

 

 

23.12.2017 18:05

Gleðilega jólahátíð

 

 

Gleðilega jólahátíð
 

 

                                          Gleðileg jól

                             gott og farsælt komandi ár
 

                                      Þökkum liðin ár
                            

                   Félagsheimilið Staður á Eyrarbakka
                                       
                                     Menningar-Staður

 

                             Alþýðuhúsið á Eyrarbakka
 



Skráð af Menningar-Staður

 

23.12.2017 07:52

Skötuveisla Ungmennafélags Stokkseyrar

 

 

 

Skötuveisla Ungmennafélags Stokkseyrar

 

Árleg skötuveisla Ungmennafélagsins verður haldinn í Íþróttahúsi Stokkseyrar í dag, laugardaginn 23. desember 2017.


Húsið opnar kl 11:00


Borðhald hefst kl 11:30.


Eins og undanfarið verður boðið upp á daufa skötu, sterka skötu og saltfisk með tilheyrandi meðlæti.


Gos selt á staðnum en verð fyrir 12 ára og eldri er 3.000 kr, en 1.500 fyrir yngri en 12 ára.

 

Höldum í hefðirnar og styrkjum um leið gott málefni.
 

 




Skráð af Menningar-Staður

22.12.2017 18:28

Vestfirska forlagið: - Rífandi gangur í Vestfjarða-bókunum!

 

 

Vestfirska forlagið: - Rífandi gangur í Vestfjarða-bókunum!

 

Rífandi gangur í Vestfjarðabókunum!
 

Hjá Vestfirska forlaginu er rífandi gangur þessa dagana. Bækurnar að vestan seljast nú eins og heitar lummur. Starfslið forlagsins hefur varla undan að afgreiða pantanir.
 

   Söluhæsta bókin hjá forlaginu er Allt þetta fólk Þormóðsslysið 18. febrúar 1943. Enda hefur Sr. Jakob Ágúst Hjálmarsson unnið mjög þarft og gott verk með þessari bók um harmsögu Bíldudals.
 

   100 Vestfirskar gamansögur og Vestfirðingar til sjó og lands, Rauða og Hvíta kverið, eru á fullri siglingu, enda Vestfirðingarnir þar óborganlegir. 

Sama má segja um hjólabækurnar hans Ómars Smára, sem nú eru orðnar 5 talsins. Nýjasta bókin fjallar um Rangárvallasýslu. Nú eru margir farnir að hjóla svo til allan ársins hring, svo það veitir ekkert af að hafa hjólabækurnar við hendina.

 

   Danska fragtskipið Fortuna strandaði í Eyvindarfirði á Ströndum í september 1787. Um þá sögu alla er fjallað i bókinni Fortunu slysið eftir þá félagana Guðlaug Gíslason frá Steinstúni og Jón Torfason. Þar kemur margt spanskt fyrir sjónir nútímamanna.
 

   Bækurnar um Flateyri eftir Jóhönnu Guðrúnu Kristjánsdóttur, standa fyrir sínu.   Vestfirskar sagnir 4. hefti eru klassískar og bókin með langa nafninu Sólin er klukkan sjö á Hreiðarsstafjallinu eftir Jóhannes Sigvaldason leynir á sér. Þar svífur norðlenski húmorinn yfir vötnum.

 

 

Vinningshafar á aðventuhátíð Hjallastefnunnar þann 6. desember 2017 í Alþýðuhúsinu á

Eyrarbakka með bækurnar frá Vestfirska forlaginu.
F.v.: Vigdís Hjartardóttir, Selfossi, Jóhann Jóhannsson, Eyrarbakka, Ingvar Jónsson, Selfossi, 

Þórður Gretar Árnason, Selfossi, og Ásmundur Friðriksson, Keflavík.




Skráð af Menningar-Staður

21.12.2017 06:42

Vetrarsólstöður (sólhvörf) eru í dag 21. desember 2017

 

 

 

Vetrarsólstöður (sólhvörf) eru í dag 21. desember 2017

 

Vetrarsólhvörf eru í dag 21. desember. Þá er skemmstur sólargangur og sól fer að hækka á himninum.

Vetrarskammdegið er nú í hámarki en stysti dagur ársins er á tímabilinu 20.-23. desember.

Á þessari öld ber vetrarsólhvörf oftast upp á þann 21. 

 

Í dag er sólargangur stystur; sólris seint og sólarlag snemma. Um leið verður áberandi hve seint náttúrulegt hádegi er á ferðinni á Íslandi.


 Klukkan 16:28 eftir hádegi nær sólin þeim stað á sólbaugnum sem markar syðstu og lægstu stöðu sólar á himninum, sólin stendur kyrr eins og stundum er sagt. Síðan fer sólin að hækka á lofti á ný. Það gerist afar hægt í byrjun. Á morgun nýtur sólar tveimur sekúndum lengur en í dag en sólarstundum fjölgar hraðar þegar á líður.

 

Ljóð Einars Benediktssonar, 

Vetrarsólhvörf:

Stynur jörð við stormsins óð

og stráin kveða dauð,

hlíðin er hljóð,

heiðin er auð.

- Blómgröf, blundandi kraftur,

við bíðum, það vorar þó aftur.

Kemur skær í skýjunum sólin,

skín í draumum um jólin.

Leiðir fuglinn í för

og fleyið úr vör. 

 

Arni sofa hugir hjá, -

þeir hvíldu dag og ár.

Stofan er lág,

ljórinn er smár.

- Fortíð, fram líða stundir,

senn fríkkar, því þróttur býr undir.

Hækka ris og birtir í búðum,

brosir dagur í rúðum.

Lítur dafnandi dug

og djarfari hug.

 

Vakna lindir, viknar ís

og verður meira ljós.

Einhuga rís

rekkur og drós.

- Æska, ellinnar samtíð,

við eigum öll samleið - og framtíð.

Aftni svipur sólar er yfir,

sumrið í hjörtunum lifir.

Blikar blóms yfir gröf,

slær brú yfir höf.


Skráð af Menningar-Staður.

16.12.2017 18:29

Aðventustund Hjallastefnunnar 6. des. 2017

 

.
Siggeir Ingólfsson.
.
 

 

Aðventustund Hjallastefnunnar  6. des. 2017

 

Hjallastefnan og Vinir alþýðunnar buðu til aðventustundar síðdegis  miðvikudaginn 6. desember 2017,  í Alþýðuhúsinu á Eyrarbakka hvar er í Félagsheimilinu Stað þar í bæ.

 

Veislustjóri var Siggeir Ingólfsson, staðarhaldari á Stað.

 

Á borðum voru afurðir Hjallastefnurnar sem Vinir alþýðunnar hafa verkað á þjóðlegan máta úr hráefni sem veitt hefur verið af Eyrarbakkabátnum Mána ÁR. Þetta var; siginn fiskur sem verkaður hefur verið í útsýnispallinum við Alþýðuhúsið á síðustu vikum. Þúsundir erlendra ferðamanna hafa myndað verkunina á fiskinum og þannig vottað þessa þjóðlegu verkunaraðferð Hjallastefnunnar.



Siggeir Ingólfsson, staðarhaldari á Stað allt frá árinu 2013, gerði grein fyrir stóra fánamálinu.

Það liggur í því að sett var nálgunarbann á hann við fánastöng Árborgar á Vesturbúðarhólnum á Eyrarbakka og matti hann alls ekki flagga þar.
Nú er öldin önnur og hefur Siggeir verið skipaður sérstakaur flaggar á fánastönginni á Vesturbúðarhólnum og var þessu sérlega fagnað. Hefur hann skipað aðstoðarmenn þá; Jón Gunnar Gíslason og Björn Inga Bjarnason.

 

Sérstakur gestur aðventustundarinnar var Ásmundur Friðriksson, alþingismaður í Suðurkjördæmi,

en hann á mjög sterkt bakland hjá Vinum alþýðunnar. Honum var þökkuð vaskleg framganga til stuðnings Keflavíkurkirkju til þess að ná samningum um smíði nýs orgels fyrir kirkjuna sem gert verður í Orgelsmiðju Björgvins Tómassonar á Stokkseyri.

 

Björn Ingi Bjarnason, forseti Hrútavinafélagsins, flutti blandaða þjóðlega hugvekju í menningarlegu samspili Vestfirðinga og Sunnlendinga fyrr og nú.

 

Þá var í lokin Bókalottó þar sem dregnar voru út bækur frá Vestfirska forlaginu.

 

Mennigar-Staður færði aðventustundina til myndar.

Myndaalbúm er komið á Menningar-Stað. http://menningarstadur.123.is/photoalbums/284709/

 

Nokkrar myndir hér:

 

.

.

.

.

.

.

.

.

 

.

.

 


Skráð af Menningar-Staður.