Alþýðuhúsið á Eyrarbakka 10. apríl 2018

 

Vinir Alþýðunnar.

 

. . . Skráð af Menningar-Staður.

 

Steingrímur Jónsson (1928 - 2018).

 

Steingrímur Jónsson - Fæddur 14. september 1928

 

- Dáinn 1. apríl 2018 - Minning

 

Stein­grím­ur Jóns­son fædd­ist 14. sept­em­ber 1928 á Stokks­eyri. Hann lést á Heil­brigðis­stofn­un Suður­lands á Sel­fossi 1. apríl 2018.

 

For­eldr­ar hans voru Odd­ný Jón­ína Pét­urs­dótt­ir, f. 17.1. 1892 í Vík­ur­gerði í Fá­skrúðsfirði, d. 15.8. 1982, og Jón Hall­dórs­son, f. 3.1. 1901 á Stokks­eyri, d. 26.12. 1932.

 

Bræður Stein­gríms voru Stefán Ant­on, f. 16.11. 1922, d. 16.11. 2014, Hall­dór, f. 30.9. 1927, d. 16.7. 2005, og Sig­ur­jón, f. 12.10. 1929, d. 25.9. 2017.

 

Stein­grím­ur kvænt­ist Áslaugu Jóns­dótt­ur, f. 23.6. 1931, d. 6.11. 1975, hinn 15.11. 1952.

Þau eignuðust þrjár dæt­ur:

1) Odd­ný, f. 18.10. 1952, gift Hinriki Inga Árna­syni, f. 11.11. 1951, börn þeirra eru a) Garðar, f. 1971, b) Ásgrím­ur, f. 1974, c) Áslaug Ósk, f. 1977, og d) Odd­ný Jón­ína, f. 1983.

2) Guðleif Erna, f. 20.9. 1953, gift Jóni Karli Har­alds­syni, f. 1.7. 1952. Börn þeirra eru a) Stein­grím­ur, f. 1972, b) Áslaug, f. 1977, og c) Guðjón, f. 1985.

3) Anna Mar­grét, f. 29.9. 1956, gift Nikulási Ívars­syni, f. 21.1. 1954. Börn þeirra eru a) Bald­vin Ald­ar, f. 1972. b) Ívar, f. 1977, og Sig­urður Kristján, f. 1987. Fóst­ur­son­ur Stein­gríms af fyrra hjóna­bandi var Sig­urður Kristján Jónas­son, f. 25.10. 1950, d. 16.10. 1984. Hann var kvænt­ur Guðbjörgu Elsie Ein­ars­dótt­ur, f. 18.3. 1957, d. 11.10. 2014, son­ur þeirra er Jón Odd­ur, f. 1984. Þrír syn­ir af fyrri sam­bönd­um eru: Davíð Már, f. 1971, Sig­björn, f. 1972, og Gunn­ar, f. 1981.

Stein­grím­ur og Áslaug slitu sam­vist­um.

 

Stein­grím­ur kvænt­ist Jó­hönnu Erlu Sig­urþórs­dótt­ur, f. 5.4. 1944, d. 13.8. 2015, hinn 12.12. 1975.

Börn Erlu af fyrra hjóna­bandi eru:

1) Marteinn S. Aril­íus­son, f. 23.10. 1962, kvænt­ur Sig­ríði B. Birg­is­dótt­ur, f. 4.12. 1964, syn­ir þeirra eru a) Aril­íus, f. 1984, b) Birg­ir, f. 1987, og c) Andri, f. 1992.

2) Óskar V. Aril­íus­son, f. 13.6. 1965, kvænt­ur Þór­hildi D. Ingva­dótt­ur, f. 12.5. 1972. Syn­ir þeirra eru a) Ingvi Rafn, f. 1993, b) Aril­íus, f. 1998, c) Jó­hann Fann­ar, f. 2004, og d) Steinþór Blær, f. 2011.

3) Linda Aril­íus­dótt­ir, f. 18.12. 1966, gift Skarp­héðni Ómars­syni, f. 9.9. 1963. syn­ir þeirra eru a) Ari Steinn, f. 1992, og b) Sindri Snær, f. 1993. Barna­barna­börn Stein­gríms eru 37.

 

Stein­grím­ur ólst upp á Stokks­eyri og lauk barna­skóla­prófi þaðan, hann út­skrifaðist sem meist­ari í múr­smíði frá Iðnskól­an­um á Sel­fossi 1965.

 

Stein­grím­ur vann við múr­verk hjá ýms­um aðilum á ár­un­um 1954-1964. Hann var gjald­keri Stokks­eyr­ar­hrepps, sveit­ar­stjóri Stokks­eyr­ar­hrepps 1970-1975, tré­smiður hjá Sig­ur­jóni bróður sín­um 1976-1986, skrif­stofumaður hjá Hita­veitu Eyra. Frá 1991 var hann rekstr­ar­stjóri hjá Hita­veitu Eyra, raf­veitu Stokks­eyr­ar og Eyr­ar­bakka.

 

Árin 1968-2002 var Stein­grím­ur stefnu­vott­ur í Stokks­eyr­ar­hreppi. Hann var formaður Bjarma 2000-2002 þar til það var sam­einað Bár­unni á Sel­fossi, þá í stjórn Bár­unn­ar til árs­ins 2012. Stein­grím­ur var formaður UMF Stokks­eyr­ar. Stjórn­ar­maður í Sjálf­stæðis­fé­lagi Stokks­eyr­ar 1961-1974. Formaður Björg­un­ar­sveit­ar­inn­ar Drafnar Stokks­eyri 1967-1971.

 

Stein­grím­ur sat í hrepps­nefnd Stokks­eyr­ar 1959 og var hrepp­stjóri Stokks­eyr­ar­hrepps frá 1971. Full­trúi skatt­stjóra í Stokks­eyr­ar­hreppi frá 1971. Odd­viti Stokks­eyr­ar­hrepps 1978-1982. Stjórn­ar­formaður í hita­veitu Eyra frá 1986.

 

Útför Stein­gríms fer fram frá Stokks­eyr­ar­kirkju í dag, 10. apríl 2018, klukk­an 14.

Morgunblaðið þriðjudagurinn 10. apríl 2018.



Skráð af Menningar-Staður

 

Sex efstu frambjóðendur á Á-listanum í Árborg. Ljósmynd/piratar.is

 

Sigurjón Vídalín leiðir Á-listann í Árborg

 

Píratar og Viðreisn, ásamt óháðum, hafa kynnt sameiginlegt framboð til sveitarstjórnarkosninga 2018 í Árborg undir nafninu Áfram Árborg og verður listabókstafur framboðsins Á.

 

Efstu sæti listans skipa:

 

1. Sigurjón Vídalín Guðmundsson, jarðfræðingur
2. Álfheiður Eymarsdóttir, stjórnmálafræðingur
3. Sigurður Á. Hreggviðsson, öryrki
4. Guðfinna Gunnarsdóttir, framhaldsskólakennari
5. Gunnar E. Sigurbjörnsson, tómstunda- og forvarnarfulltrúi
6. Ingunn Guðmundsdóttir, viðskiptafræðingur

Frá þessu er greint á heimasíðu Pírata.



Skráð af Menningar-Staður

 

Sigurður Þórðarson (1895 - 1968)

 

Merkir Íslendingar - Sigurður Þórðarson

 

Sigurður fæddist að Gerðhömrum í Dýrafirði 8. apríl 1895, sonur hjónanna Þórðar Ólafssonar, prófasts á Söndum, og Maríu Ísaksdóttur húsfreyju.
 

Eiginkona Sigurðar var Áslaug Sveinsdóttir frá Hvilft í Önundarfirði og eignuðust þau tvö börn, sem bæði dóu ung.
 

Sigurður lauk prófi frá Verzlunarskólanum í Reykjavík 1915, var verslunarmaður á Akureyri um skeið, starfaði í Landsbankanum í Reykjavík en lærði á orgel, píanó og fiðlu og stundaði nám í tónlist hjá Sigfúsi Einarssyni, frú Önnu Pétursson, móður dr. Helga Pjeturss, Oscar Johansen og Páli Ísólfssyni, sem hvatti hann til að fara utan til frekara náms.

Hann lagði stund á píanó- og fiðlunám og hljómfræði í Tónlistarskólanum í Leipzig 1916-18 en hvarf þá heim vegna fjárskorts, var skrifstofumaður hjá G. Copland & Co og síðan skrifstofustjóri Ríkisútvarpsins frá stofnun þess 1930 og þar til hann fór á eftirlaun. Auk þess gegndi hann oft útvarpsstjórastarfinu í fjarveru útvarpsstjóra.
 

Þó að Sigurður sinnti tónlistinni í hjáverkum varð hann einn þekktasti kórstjóri landsins og var auk þess prýðilegt tónskáld. Hann stjórnaði karlakórnum Þröstum í Hafnarfirði 1923-26, stofnaði Karlakór Reykjavíkur 1926 og stjórnaði honum til 1966. Á þeim árum gerði kórinn víðreist til Norðurlandanna, Mið-Evrópu, Bandaríkjanna, Kanada og Miðjarðarhafslanda.
 

Sigurður samdi óperettu, kantötur, tónsmíðar fyrir píanó, orgel, hljómsveit og fjölda sönglaga.
 

Eitt þekktasta tónverk hans er Alþingishátíðarkantata frá 1930, en þar er alkunnur kaflinn „Sjá, dagar koma.“ Hann var ljóðrænt sönglagatónskáld og átti hægt með að semja eftir ljóðforminu.
 

Sigurður var sæmdur fálkaorðunni, Buffalo-orðunni, æðsta heiðursmerki Manitobafylkis, sæmdur medalíu af páfanum og var heiðursfélagi Winnipeg-borgar, Þjóðræknisfélags Íslendinga í Vesturheimi og fjölda söngfélaga.
 

Sigurður lést 28. október 1968.

 

Gerðhamrar í Dýrafirði. Ljósm.: Björn Ingi Bjarnason.

Skráð af Menningar-Staður

 

 

Lýðháskólinn á Flateyri

 

tekur til starfa haustið 2018

 

Kennsla og starfsemi við nýjan skóla, Lýðháskólann á Flateyri, mun hefjast haustið 2018. Undirbúningur starfsins hefur staðið yfir seinustu tvö ár. Starfsemi skólans fyrsta árið verður að mestu leyti fjármagnað af styrkjum frá Ísafjarðarbæ. Jöfnunarsjóði sveitarfélaga, Uppbyggingarsjóði Vestfjarða, Vinnumálastofnun og sveitarfélögum, ráðuneytum, fyrirtækjum og einstaklingum. 

Á félagsfundi sem haldin var á skírdag var samþykkt að auglýsa og kynna starfsemi skólans þann 15.apríl næstkomandi Þetta kemur fram í fréttatilkynningu.

 

Lýðháskólinn á Flateyri mun vera samfélag kennara og nemenda sem býður fólki tækifæri til að mennta sig og þroskast í samstarfi við íbúa í bæjarfélaginu. 

Einkunnarorð skólans eru frelsi, þekking og þroski. Lögð verður áhersla á samveru, sjálfsskoðun, sjálfsrækt og lífsleikni. Helena Jónsdóttir sálfræðingur er framkvæmdastjóri skólans.


Skráð af Menningar-Staður

 

 

 

Kiriyama Family til Danmerkur og Noregs

 

Draumur hljómsveitarmeðlima í Kiriyama Family um að komast út að kynna tónlistina er að verða að veruleika.

 

Breska umboðsskriftofan ITB sem þau skrifuðum undir hjá fyrir stuttu er nú þegar búin að bóka Kiriyama Family á festivöl í Evrópu í sumar.


HEARTLAND FESTIVAL - Danmörk 31. maí - 2. júní 2018

BERGENFEST - Noregur 12. júní - 16. júní 2018

 

 

Skráð af Menningar-Staður

 

Hljómsveitin Kiriyama Family. Ljósm.: Hanna Siv Bjarnardóttir.

 

 

Koma fram á Iceland Airwaves

 

Iceland Airwaves-hátíðin 2018 verður haldin dagana 7. til 10. nóvember 2018 á ýmsum tónleikastöðum í Reykjavík.

 

Aðstandendur hátíð- arinnar hafa gefið út fyrsta listann yfir þá listamenn og hljómsveitir sem koma fram og meðal erlendu gestanna verða sveitir víða að, frá Norðurlöndum, fleiri Evrópulöndum og Bandaríkjunum, svo sem:

Fontaines D.C., Girlhood, Girl Ray, Jade Bird, Jockstrap, Mavi Phoenix, Naaz, The Orielles, Sassy 009, Scarlet Pleasure, Soccer Mommy, Superorganism og Tommy Cash.

Þá var greint frá því að eftirfarandi íslenskir flytjendur træðu upp: Agent Fresco, Auður, Between Mountains, Bríet, Cyber, Hugar, Júníus Meyvant, Kiriyama Family, Rythmatik, Snorri Helgason, Sykur, Úlfur úlfur, Una Stef, Valdimar og Warmland.

 

Í tilkynningu frá Iceland Airwaves segir að á næstu mánuðum verði allt að 100 aðrir flytjendur og hljómsveitir kynnt til leiks.

 

Skráð af Menningar-Staður

 

 

Vorkoma við Vöðin í Önundarfirði

 

þann 1. apríl 2018


Ljósm.: Björn Ingi Bjarnason.

 

 

. . . . . . . . . . Skráð af Menningar-Staður

 

 

Metaðsókn á Aldrei fór ég suður 2018

 

Tónlistarhátíðin -Aldrei fór ég suður- var haldin á Ísafirði nú um páskana; föstudags- og laugardagskvöld.

 

Mikill mannfjöldi var í Ísafjarðarbæ og nutu bæði heimamenn og aðkomufólk skemmtilegra viðburða og þjónustu í veðurblíðunni á Ísafirði sem og í öðrum nálægum bæjum.

 

Tónlistarhátíðin er líkt og fyrri ár fjölskylduhátíð og veitto frían aðgang öllum sem vildu njóta tónlistarinar, en hátíðin hefur unnið sér sess sem mikilvægur þáttur í menningar- og tónlistarlífi landsins. 

 

Talið er að metfjöldi gesta hafi haldið páskana hátíðlega á - Aldrei fór ég suður-. Kristján Freyr Halldórsson rokkstjóri hátíðarinnar segir að hátt í fimm þúsund tónleikagestir hafi komið vestur og íbúafjöldi Ísafjarðar hafi því rúmlega tvöfaldast. „Í fyrra þá slógum við öll met en núna held ég að við séum að toppa okkur. Sem ég hélt að væri hreinlega ekki hægt.

 

Skráð af Menningar-Staður

 

 

Polskie Swieta Wielkiej Nocy

– Pólskir páskar í Húsinu á Eyrarbakka

 

Páskasýning safnsins er tileinkuð pólskum páskum.  Í borðstofu Hússins verður dregið fram það helsta sem fylgir páskahefðum í Póllandi en þar fagna flestir samkvæmt kaþólskum sið.

 

Á sýningunni má sjá myndskreytt egg sem kallast pisanki, matarkörfu með páskamat sem er blessaður í kirkjunni á páskadagsmorgun, litríka handgerðir vendi sem eru tákn fyrir pálmagreinar og ýmislegt fleira.  Á páskum er föstunni að ljúka og tákn um vorkomu er víða sjáanlegur í páskasiðunum. Sýningin verður svo sannarlega í þeim anda.  Monika Figlarska hefur aðstoðað safnið við gerð sýningarinnar.

 

Sýningin opnaði laugardaginn 24. mars og verður opin alla daga kl. 13-17  fram yfir páska.

 

Síðasti sýningardagur verður sem sagt annar í páskum.

 

Frítt verður í safnið á meðan á sýningu stendur.

 

Allir velkomnir. Zapraszamy wszystkich serdecznie.



Skráð af Menningar-Staður