Menningar-Staður
Félagsheimilið Staður á Eyrarbakka

30.04.2016 21:37

Ný stjórn kosin á aðalfundi Ferðafélags Árnesinga

 

 

Ný stjórn kosin á aðalfundi Ferðafélags Árnesinga

 

Aðalfundur ferðafélags Árnesinga var haldinn miðvikudaginn 13. apríl 2016. 

Þar var ný stjórn kosin en hana skipa Daði Garðarsson formaður og meðstjórnendur Sævar Gunnarsson, Bergur Guðmundsson, Jón G. Bergsson og Sigrún Helga Valdimarsdóttir. Til vara eru Sigrún Jónsdóttir og Kristbjörg Bjarnadóttir. Skoðunarmenn er Svanur Bjarnason og til vara Halldór Ingi Guðmundsson. Skjalvörður félagsins er Þorsteinn Tryggvi Másson.

Ný ferðanefnd var kosin og gönguræktin var sameinuð henni. Nefndina skipa Ólafur Auðunsson, Hulda Svandís Hjaltadóttir, Páll Tryggvason, Sigrún Jónsdóttir, Jón G Bergsson, Björg Halldórsdóttir, Aðalsteinn Geirsson og Magnús Baldursson,

Í félaginu hafa margir lagt hönd á plóg með miklu og óeigingjörnu starfi í gegnum tíðina og ekki síst fráfarandi formaður Jón G. Bergsson. Honum voru á fundinum færðar bestur þakkir fyrir góð störf síðastliðin sjö ár eða frá stofnun félagsins. Félagið átti 7 ára afmæli 12. mars sl. Einnig var öllum öðrum sem starfað hafa fyrir félagi þakkað fyrir þeirra framlag.

Vefsíða félagsins er http://ffar.is/dagskra.


Af www.dfs.is




Skráð af Menningar-Staður

30.04.2016 21:32

Árborg tapaði með minnsta mun

 

Lið Árborgar skipa þau Gísli Stefánsson, Gísla þór Axelssyni og Herborg Pálsdóttir.

Ljósmynd/RÚV

 

Árborg tapaði með minnsta mun

 

Lið Árborgar tapaði fyrir Reykjavíkurborg með eins stigs mun í undanúrslitum Útsvars í Ríkissjónvarpinu í gærkvöldi.

Árborg hafði forystuna undir lokin en vopnin snerust í höndum liðsins og Reykjavík náði að knýja fram eins stigs sigur, 72-71 með því að svara síðustu spurningu kvöldsins.

Lið Árborgar skipuðu þau Gísli Stefánsson, Gísli Axelsson og Herborg Pálsdóttir.

Af www.sunnlenska.is

Skráð af Menningar-Staður

29.04.2016 22:07

Hreinsunarátak í Árborg 29. apríl - 8. maí 2016

 

 

Hreinsunarátak í Árborg 29. apríl – 8. maí 2016

 

 

Skráð af Menningar-Staður

29.04.2016 08:34

Landgræðslusjóður styrkir Skógræktarfélag Eyrarbakka

 

 

 

Landgræðslusjóður styrkir Skógræktarfélag Eyrarbakka


Skráð af Menningar-Staður

29.04.2016 07:50

1.6 milljón flettinga á Menningar-Stað

 

 

 

 

1.6 milljón flettinga á Menningar-Stað

 

Vefurinn Menningar-Stað var rétt í þessu að fara yfir 1.600.000  

(eina komma sex milljón) flettinga.


Menningar-Staður þakkar gestum þessa gríðarlegu tryggð og flettingar.



Skráð af Menningar-Staður

28.04.2016 09:48

Helgafellskirkja

 

 

 

Helgafellskirkja

 

Kirkjuráð Hrútavinafélagsins Örvars var á dögunum á Snæfellsnesi.

Kirkjan að Helgafelli var m.a mynduð.


Helgafellskirkja

Að Helgafelli hefur verið kirkja frá árinu 1000 þegar kristni var lögtekin á Alþingi og er Helgafell með elstu kirkjustöðum á landinu. Snorri goði lét reisa fyrsta guðshúsið á Helgafelli og síðan þá hafa staðið þar margar kirkjur á 1000 ára tímabili. Á Helgafelli er Guðrún Ósvífursdóttir jörðuð, en hún bjó þar eftir að þau Snorri goði skiptu á bústöðum.

Núverandi kirkja var byggð 1903 og var vígð 1. janúar 1904. Hún var byggð á sama grunni og sú eldri stóð á. Smiður var Sveinn Jónsson, snikkari í Stykkishólmi. Kirkjan er úr timbri, járnvarin og tekur um 80 manns í sæti. Kostnaður við bygginguna fyrir 100 árum var 4.420 kr. og 12 aurar

Helgafellskirkja á ýmsa góða gripi, meðal annars ljósakrónu frá 1756, kertastjaka frá 1699 og litla kirkjuklukku frá 1545 eða þegar Jón Arason var enn biskup í katólskum sið.

Hermann Pálsson skrifaði sögu Helgafells, Helgafell, saga höfuðbóls og klausturs.


Helgafellskirkja er í Stykkishólmsprestakalli í Snæfellsness- og Dalaprófastsdæmi.

 


.

 




Skráð af Menningar-Staður

 



 

28.04.2016 08:33

Vortónleikar Karlakórs Selfoss

 

 

Úr blaðinu Suðra fimmtudaginn 28. apríl 2016.

 

 

Vortónleikar Karlakórs Selfoss

 

Árleg vortónleikaröð Karlakórs Selfoss hófst með tónleikum í Selfosskirkju á sumardaginn fyrsta, 21. aprl. Var þeim fylgt eftir með tónleikum í Selfosskirkju þriðjudaginn 26. apríl , í Fella- og Hólakirkju 28. apríl kl. 20:00 og með lokatónleikum á Flúðum laugardaginn 30. apríl kl. 20:30.

 
Sl. haust hætti Lofur Erlingsson, sem verið hafði söngstjóri Karlakórs Selfoss í 15 ár við frábæran orðstí. Lofti og Helgu Kolbeinsdóttur, eiginkonu hans, er þökku› samfylgdin með kórnum og sérstaklega fyrir góða leiðsögn og mikinn faglegan metnað sem skilaði sér til söngmanna og áheyrenda.

 

Nýr stjórnandi


Karlakór Selfoss réði í september nýjan stjórnanda; Skarphéðin Þór Hjartarson, tónlistarkennara, sem hefur æft og stjórnað kórnum í vetur, en hann hefur m.a. getið sér gott orð fyrir útsetningar og nýtur kórinn þess þegar á fyrsta starfsári undir hans stjórn og syngur fjögur lög í útsetningum hans og Jón Bjarnason, organisti í Skálholti er áfram undirleikari og aðstoðarmaður við raddþjálfun og æfingar.

Annasamt starfsár
Veturinn hefur að vanda verið annasamur hjá Karlakór Selfoss, mörg skemmtileg og krefjandi verkefni og ber þar hæst þátttaka í Kötlumóti í Reykjanesbæ í október, sem er stærsta samkoma karlakóra og haldin á 5 ára fresti. Kórinn hefur sungið við fjölmörg tilefni innan héraðs auk þess að vera oft valinn af aðstandendum til að syngja við útfarir. Vordagskráin verður einnig flutt í söngferð kórsins til Norður- Ítalíu í byrjun júní þegar um 50 kórmenn halda utan. þá hafa kórmenn unnið að endurbótum á félagsheimili sínu og nú í mars var tekið í notkun nýtt veislu-eldhús sem bætir mjög aðstöðu til veisluhalds í salnum sem tekur um 170 manns í sæti.

 

Fjölbreytt lagaval 


Á efnisskrá vortónleikanna í ár eru yfir 20 lög og kennir þar ýmissa grasa, allt frá þekktustu karlakóralögum og sjómannalögum, til alþekktra slagara og dægurlaga sem kórinn hefur haft mikla ánægju af að æfa og vonar að áheyrendum líki. Má þar t.d. nefna stórverkin Brennið þið vitar og Brimlending. Og einnig lögin sem stjórnandinn okkar hefur útsett, en þau eru; Eyjan hvíta, Ísland er land þitt, Vor í Vaglaskógi , Vertu sæl mey og Ég er kominn heim (Ferðalok).. Þá verður einnig frumflutt lagið Mig langar heim sem Örlygur Benediktsson samdi og færði Karlakór Selfoss í fimmtugs afmælisgjöf í fyrravor og er samið við ljóð heimamannsins Frímanns Einarssonar.


Upplýsingar frá Karlakór Selfoss.
 

 

Karlakór Selfoss.

 


Skráð af Menningar-Staður

 

 

28.04.2016 07:41

Fundur um ferðamál í Hótel Selfoss í dag 28. apríl 2016

 

Hótel Selfoss.

 

Fundur um ferðamál í Hótel Selfoss í dag 28. apríl 2016

 

Sveitarfélögin Árborg og Flóahreppur hafa boðað til fundar um ferðamál í húsakynnum Hótel Selfoss í dag, fimmtudaginn 28. apríl 2016,  kl. 10–13.

 

Dagskrá efundarins verður sem hér segir:


Nýungar í markaðsmálum á sviði ferðamála í sveitafélögunum Árborg og Flóahreppi kynntar.
Markaðsefni í ferðaþjónustu – Tryggvi Árnason, markaðs- og rekstrarráðgjafi hjá R3 Ráðgjöf.
Gildi samvinnu í ferðaþjónustu – Dagný Jóhannsdóttir, framkvæmdastjóri Markaðsstofu Suðurlands.
Framúrskarandi þjónusta - húmor gleði og hamingja – Edda Björgvinsdóttir leikkona.

Heitt verður á könnunni og boðið upp á súpu og brauð. Skráning er hjá Helgu Gísladóttur (helga@icelandforever.is). Skráningargjald er 1.600 krónur á mann sem greiðist við innganginn.  Hægt er að skrá sig við innganginn á fundardegi.

 

Allir áhugasamir eru velkomnir.

Af www.dfs.is


Skráð af Menningar-Staður

27.04.2016 18:28

Alþýðuhúsið á Eyrarbakka 27. apríl 2016

 

.

 

 

Alþýðuhúsið á Eyrarbakka 27. apríl 2016

 

.

.

.

.


 

Skráð af Menningar-Staður

 

 

27.04.2016 14:52

Guðni Th. með erindi í Húsinu um forseta Íslands að fornu og nýju

 

Guðni Th. Jóhannesson.

 

Guðni Th. með erindi í Húsinu um forseta Íslands að fornu og nýju

 

Guðni Th. Jóhannesson sagnfræðingur og dósent við Háskóla Íslands kemur í Húsið á Eyrarbakka á morgun,  fimmtudaginn 28. apríl 2016 og flytur erindið „Forsetar Íslands að fornu og nýju. Átök og álitamál“.

Erindið hefst kl. 20 og ræðir Guðni um embætti forseta Íslands, hvernig þeir sem hafa gegnt því, hafa mótað það í áranna rás og hvaða áskorunum þeir hafa mætt hverju sinni. Sagðar verða sögur af fyrri forsetum til að lýsa embættinu nánar. Guðni hefur mikið ritað um fyrrverandi forseta Íslands og eftir hann er m.a. rit um forsetatíð Kristjáns Eldjárns 1968–1980. Hann vinnur nú að bók um forsetaembættið.

Fyrirspurnum verður svarað að erindi loknu, ókeypis aðgangur og allir velkomnir.

Af www.dfs.is





Skráð af Menningar-Staður