Ólafur Hannibalsson (1935 - 2015).

Merkir Íslendingar - Ólafur Hannibalsson

Ólaf­ur Hanni­bals­son fædd­ist á Ísaf­irði 6. nóv­em­ber 1935. For­eldr­ar hans voru Sól­veig Sig­ríður Ólafs­dótt­ir hús­freyja, f. 1904 á Strand­selj­um í Ögur­sveit, d. 1997, og Hanni­bal Gísli Valdi­mars­son, alþing­ismaður og ráðherra, f. 1903 í Fremri-Arn­ar­dal við Skutuls­fjörð, d. 1991.
 

Ólaf­ur lauk stúd­ents­prófi frá Mennta­skól­an­um á Laug­ar­vatni árið 1956 og stundaði nám við há­skól­ann í Delaware í Banda­ríkj­un­um og við hag­fræðihá­skól­ann í Prag í Tékklandi á ár­un­um 1957 til 1962. Hann starfaði hjá Loft­leiðum í New York, var rit­stjóri Frjálsr­ar þjóðar 1964-1970, með árs­hléi 1968 þegar hann vann að haf­rann­sókn­um. Hann var skrif­stofu­stjóri ASÍ 1971-1977. Ólaf­ur var varaþingmaður Sjálf­stæðis­flokks­ins í Vest­fjarðakjör­dæmi 1995-1999.
 

Um tíu ára skeið til árs­ins 1987 var Ólaf­ur bóndi í Selár­dal og síðan blaðamaður, rit­höf­und­ur og rit­stjóri. Ásamt Jóni Hjalta­syni og Hjalta Ein­ars­syni skrifaði hann 50 ára sögu Sölu­miðstöðvar hraðfrysti­hús­anna, sem út kom 1997. Hann þýddi Sögu þorsks­ins eft­ir Mark Kurlan­sky og skráði ásamt konu sinni Sól­ar­meg­in, end­ur­minn­ing­ar Her­dís­ar Eg­ils­dótt­ur kenn­ara. Síðustu árin vann Ólaf­ur að Djúp­manna­tali, skrá ábú­enda við Ísa­fjarðar­djúp frá 1801 til 2011, og kom ritið út í fyrra.
 

Ólaf­ur lét sig þjóðmál miklu varða, tók virk­an þátt í ýms­um aðgerðum, ritaði ótal grein­ar og hélt út­varps­er­indi um inn­lend og er­lend mál­efni.
 

Eig­in­kona Ólafs er Guðrún Pét­urs­dótt­ir lífeðlis­fræðing­ur, f. 1950. For­eldr­ar henn­ar voru Pét­ur Bene­dikts­s­son, alþing­ismaður og banka­stjóri, og Guðrún Eggerts­dótt­ir Briem. Dæt­ur Ólafs og Guðrún­ar eru Ásdís og Marta. Börn Ólafs með fyrri eig­in­konu sinni, Önnu G. Kristjáns­dótt­ur kenn­ara, f. 1935, eru Hugi, Sól­veig og Krist­ín.
 

Ólaf­ur lést á heim­ili sínu í Þykkvabæ í Reykja­vík 30. júní 2015.

Morgunblaðið.

 

Skráð af Menningar-Staður

Jóhann Jóhannsson 90 ára
 

Jóhann Jóhannsson fyrrverandi útgerðarmaður og fiskverkandi á Eyrarbakka er 90 ára í dag, mánudaginn 6. nóvember 2017.

Hátt í 200 manns voru í afmælisfagnaði í Félagsheimilinu Stað á Eyrarbakka nú á laugardeginum 4. nóv. sl.

Veislustjóri var Magnús Karel Hannesson.


Afmæliskveðjur.
 

Kjartan Björnsson færði til myndar sem hér eru:
 

. . . . . . . Skráð af Menningar-Staður

Hlynur Sigtryggsson (1921 - 2005).

Merkir Íslendingar - Hlynur Sigtryggsson

Hlynur fæddist á Núpi í Dýrafirði 5. nóvember 1921. Foreldrar hans voru hjónin Hjaltlína Margrét Guðjónsdóttir, kennari og húsfreyja, frá Brekku á Ingjaldssandi, og séra Sigtryggur Guðlaugsson, prestur, og skólastjóri á Núpi, frá Þröm.
 

Systir Sigtryggs var Friðdóra, móðir Finns Sigmundssonar landsbókavarðar, afa Hallgríms Geirssonar, lögmanns og fyrrv. stjórnarformanns Árvakurs.
 

Bróðir Hlyns er Þröstur, fyrrverandi skipherra hjá Landhelgisgæslunni og einn þeirra fræknu skipherra sem stóðu í ströngu í Þorskastríðunum á áttunda áratugnum.
 

Eiginkona Hlyns var Jakobína Guðríður Bjarnadóttir sem lést haustið 1970 en dóttir þeirra er Ragnheiður Ingibjörg sálfræðingur, f. 1952.
 

Hlynur lauk stúdentsprófi frá Menntaskólanum á Akureyri 1942. Hann stundaði síðan nám í veðurfræði við Kaliforníuháskóla (UCLA) og lauk þaðan MA-prófi 1946. Á árunum 1954-55 var hann við nám og rannsóknarstörf við Stokkhólmsháskóla.

Hlynur var veðurfræðingur á Veðurstofu Íslands í Reykjavík á árunum 1946-52, en var þá ráðinn deildarstjóri Veðurstofu Íslands á Keflavíkurflugvelli. Hann var skipaður veðurstofustjóri sumarið 1963 og gegndi því til hausts 1989.
 

Um Hlyn sagði tengdasonur hans, Georg A. Bjarnason m.a. í minningargrein: „Hlynur bjó yfir mikilli hugarró og þolinmæði. Hann gat setið tímunum saman og gluggað í bækur og blöð um sín mörgu áhugamál; veðurfræði, eðlisfræði, stærðfræði, stjörnufræði, sögu, tónlist, ljósmyndun, stangveiði og fluguhnýtingar. Hann mundi flest sem hann las og virtist skilja samhengi í veröld vísinda og lista. Hann las stærðfræðisannanir af sama áhuga og aðrir lesa reyfara. Eins og oft er um afburðagáfað fólk hafði hann enga þörf fyrir að upphefja sjálfan sig, og var auðmjúkur og ljúfur í daglegum samskiptum.“
 

Hlynur lést 14. júlí  2005.

Morgunblaðið.

 

Hlíða að Núpi í Dýrafirði. Æskuheimili Hlyns Sigtryggssonar. Ljósm.: BIB   Núpur í Dýrafirði og Hlíð engst til vinstri. Ljósm.: BIB       Skráð af Menningar-staður

. .

Sviðaveisla að Stað 3. nóvember 2017

Félag búfjáreigenda á Eyrarbakka stóð fyrir veglegri sviðaveislu í Félagsheimilinu Stað á Eyrarbakka föstudagskvöldið 3. nóvember 2017.

Það var Björn H. Hilmarsson í Smiðshúsum á Eyrarbakka sem var veislustjóri en salarfylli var í efri salnum að Stað og samkoman sérlega vel heppnuð.

Forseti Hrútavinafélagsins Örvars Suðurlandi, Björn Ingi Bjarnason að Ránargrund á Eyrarbakka, ávarpaði samkomuna.
 

Menningar-Staður færði samkomuna til myndar og er myndalabúm á þessari slóð:

http://menningarstadur.123.is/photoalbums/284417/

Nokkrar myndir:

 

. . . . . . . .   Skráð af Menningar-Staður

Jóhann Jóhannsson 90 ára

6. nóvember 2017


Afmælisfagnaður að Stað á Eyrarbakka

laugardaginn 4. nóv. kl 17 - 20

 

Hlökkum til að sjá ykkur.

Skráð af Menningar-Staður

Sólvellir á Eyrarbakka. Ljósm.: Björn Ingi Bjarnason.

1. nóv. 2017 - Sólvellir á Eyrarbakka 30 ára
 

Sólvellir á Eyrarbakka, til hamingju með 30 ára afmælið

í dag, 1. nóvember 2017. 

 

Skráð af Menningar-Staður

Meðal hljómsveita sem kemur fram er Kiriyama Family.

Hátíð í borg og bæ

Tón­list­ar­hátíðin Ice­land Airwaves hefst í dag með mikl­um fjölda tón­leika á fjöl­mörg­um tón­leika­stöðum í miðborg Reykja­vík­ur en á morg­un hefst hún á Ak­ur­eyri og er það í fyrsta sinn sem hluti henn­ar fer þar fram.

Dag­skrána alla má finna á vef hátíðar­inn­ar á slóðinni www.icelandairwaves.is


Dagskrá Kiriyama Family:

Skráð af Menningar-Staður.

Leikskólabörn og kennarar á Vinatorgi í morgun ásamt Kjartani Björnssyni, formanni íþrótta- og menningarnefndar Árborgar.

Skilti afhjúpað á Vinatorgi á Eyrabakka

Í morgun, 31. okt. 2017, var afhjúpað skilti á Vinatorgi, við leikskólann Brimver á Eyrarbakka, með nafni torgsins.

Bæjarstjórn Árborgar samþykkti nöfn á öll hringtorg í sveitarfélaginu að undangenginni nafnasamkeppni árið 2010. Síðan þá hafa verið afhjúpuð skilti með nöfnum torganna, einu af öðru.

Það var Auður Hjálmarsdóttir sem átti hugmyndina að nafninu á sínum tíma.

Leikskólabörnin á Brimveri voru að sjálfsögðu viðstödd athöfnina í morgun, en skiltið afhjúpuðu þau Bryndís Sigurðardóttir og Ívan Gauti Ívarsson.


Skráð afMenningar-Staður

Andrea Eir Sigurfinnsdóttir.

Tónleikar í minningu Andreu Eirar

Minningar- og styrktartónleikar verða haldnir í Selfosskirkju mánudagskvöldið 6. nóvember n.k. fyrir fjölskyldu Andreu Eirar Sigurfinnsdóttur.

Andrea Eir lést þann 15. október síðastliðinn á Karólínska sjúkrahúsinu í Svíþjóð aðeins fimm ára gömul, eftir stutta en erfiða baráttu við veikindi. 

Mikill kostnaður skapast við þessar aðstæður og hafa vinir fjölskyldunnar ákveðið að halda tónleika með landsfrægu tónlistarfólki þetta kvöld til styrktar fjölskyldunni.

Tónleikarnir verða í Selfosskirkju kl. 19:30 og er miðaverð 3.500 kr en frítt er fyrir börn 5 ára og yngri.

Miðasala hefst miðvikudaginn 1. nóvember og verður í Dýraríkinu á Selfossi og í Reykjavík, Verzluninni Borg í Grímsnesi og Skálanum Stokkseyri. Enginn posi, aðeins hægt að greiða með pening. 

Tónlistarmennirnir sem koma fram á tónleikunum eru Páll Óskar og Monika, Regína Ósk, Magnús Kjartan, Ylja, Helgi Björnsson, Guðrún Árný, Karitas Harpa, Gunnar Ólason, Hreimur og Made in sveitin og Eyþór Ingi.

Kynnir er Theodór Francis Birgisson og hljóðkerfi og ljós eru í boði EB kerfa

 

Selfosskirkja.



Skráð af Menningar-Staður

Útgáfuhátíð fjögurra bóka

Bókaútgáfan Sæmundur á Selfossi efnir til útgáfuhátíðar fjögurra nýrra bóka í Safnaðarheimili Grensáskirkju i Reykjavík í kvökd, mánudagskvöldið 30. október 2017.
 

Höfundarnir sem stíga á stokk eru Þórður Tómasson sem sendir frá sér bókina Um þjóðfræði mannslíkamans, Guðfinna Ragnarsdóttir með bókina Sagnaþættir Guðfinnu, Vestfirðingurinn úr Súðavík, Valgeir Ómar Jónsson, með bókina Vitavörðurinn og Garðar Olgeirsson með bókina Ævintýri Stebba. 
 

Húsið opnar klukkan 20 og eru allir velkomnir. 
Ókeypis veitingar í boði útgefanda. 

Vitavörðurinn

Valgeir Ómar Jónsson, barnabarn Þorbergs Þorbergssonar vitavarðar á Galtarvita hefur gefið út bók um þessa einstöku en óskemmtilegu reynslu þegar breski herinn handtók nokkra Vestfirðinga og flutti í fangelsi í Bretlandi.
 

Á bakhlið bókarinnar er efni hennar lýst með þessum hætti:
 

Laust eftir miðnætti aðfaranótt 9. júní 1941 stóðu fjórir alvopnaðir breskir hermenn við vitavarðarhúsið á Galtarvita. Erindi þeirra var að handtaka vitavörðinn Þorberg Þorbergsson og flytja í fangelsi í Bretlandi. Áður en þeir gætu haldið frá landi með stríðsfangann varð hann sjálfur að gera við bát hermannanna sem brotnað hafði í fjörunni.

Sök vitavarðarins var að hafa skotið skjólshúsi yfir þýskan flóttamann. Ferðin til Bretlands var fyrsta utanför Þorbergs og honum minnisstæð. Í bókinni rekur Valgeir Ómar Jónsson sonarsonur Þorbergs sögu afa síns og samferðamanna hans og framvindu þessa sérstæða máls.

 

Skráð af Menningar-Staður