Merkir Íslendingar - Jón Ólafsson Indíafari

Jón Ólafs­son fædd­ist 4. nóv­em­ber 1593.

For­eldr­ar hans voru Ólaf­ur Jóns­son, bóndi á Svart­hamri í Álftaf­irði, og k.h. Ólöf Þor­steins­dótt­ir. Faðir hans dó úr blóðsótt þegar Jón var að verða 7 ára, eft­ir því sem hann sjálf­ur seg­ir.
 

Jón er hvað þekkt­ast­ur fyr­ir reisu­bók sína um dvöl sína í Kaup­manna­höfn og ferð sína til Ind­lands, sem hann skrifaði um 1661. Frá­sögn­in skipt­ist í tvo meg­in­hluta og grein­ir sá fyrri frá dvöl hans í Dan­mörku og ferðinni til Sval­b­arða, en hinn síðari lýs­ir Ind­lands­ferð hans. Þriðja hlut­an­um er bætt við eft­ir dauða Jóns og grein­ir hann frá ævi Jóns eft­ir heim­kom­una til Íslands.

Árið 1615 kom Jón sér um borð í enskt skip og samdi við skip­stjór­ann um far til Eng­lands. Þaðan lá leið hans til Dan­merk­ur þar sem hann gerðist byssu­skytta á her­skip­um Kristjáns IV. Dana­kon­ungs. Fljót­lega lá leið hans norður í Hvíta­haf, til Sval­b­arða og árið 1622 sigldi hann suður fyr­ir Góðrar­von­ar­höfða til Srí Lanka. Síðar dvald­ist hann í virki í dönsku ný­lend­unni Tranqu­eb­ar á Indlandi. Í sept­em­ber árið 1624 slasaðist hann illa í spreng­ingu í fall­byssu og var flutt­ur til Dan­merk­ur og kom þangað eft­ir mikla hrakn­inga sum­arið árið eft­ir. Hafði hann þá haft viðkomu á Írlandi.

Jón kom aft­ur til Íslands árið 1626. Hann kvænt­ist Ingi­björgu Ólafs­dótt­ur og bjuggu þau fyrst að Tröð og hugs­an­lega í Eyr­ar­dal í Álftaf­irði. Þaðan héldu þau hjón­in til Vest­manna­eyja 1639 þar sem Jón tók við sem stjórn­andi heima­varn­ar­liðs og bys­sumaður á Skans­in­um. Konu hans líkaði illa í Vest­manna­eyj­um og þau fluttu aft­ur vest­ur 1640 og sama haust drukknaði Ingi­björg í Álftaf­irði. Son­ur Jóns sem hét Kristó­fer Bogi lést skömmu síðar. Aft­ur kvænt­ist Jón Þor­björgu Ein­ars­dótt­ur og eignuðust þau Ólaf sem síðar bjó á Kambs­nesi og nokk­ur ætt er frá kom­in. Með Þor­björgu bjó Jón á Upp­söl­um í Seyðis­firði í 5 ár frá 1644 og loks í 30 ár frá 1649 til æviloka í Eyr­ar­dal við Álfta­fjörð.

Jón Indíafari lést 2. maí 1679.

 

Skráð af Menningar-Staður.

Hrafnseyrarkirkja.

Þetta gerðist:

4. nóvember 1888 fauk Hrafnseyrarkirkja

Þann 4. nóvember 1888 fauk tveggja ára gömul kirkja á Hrafnseyri við Arnarfjörð af grunni, fór yfir nokkur leiði „en kom svo aftur niður alheil og óskemmd,“ sagði í Ísafold. 

Hún er enn í notkun.

Frá Hrafnseyri við Arnarfjörð.

Skráð af Menningar-Staður

Eggert Valur Guðmundsson á Eyrarbakka.

VAXTAVERKIR SVEITARFÉLAGA

Eggert Valur Guðmundsson,

formaður bæjarráðs Sfv. Árborgar skrifar: 

Það hefur ekki farið framhjá okkur íbúum í Svf. Árborg að mikill áhugi er hjá fólki að setjast að í sveitarfélaginu, og fólksfjölgun á undanförnum árum verið með því mesta sem gerist á Íslandi. Nú stendur yfir vinna við fjárhagsáætlun næsta árs og þriggja ára fjárfestingaráætlunar. Í þeirri vinnu verður að taka tillit þeirrar breyttu stöðu sem aukin íbúafjöldi kallar á. Sveitarfélag í örum vexti eins og Árborg er komið í þá stöðu að nauðsynlegt er að hugsa hlutina á annan og nýjan hátt. 

Óhjákvæmilegt verður að taka lán til þess að byggja upp innviði og þjónustu, sem laðar að nýja íbúa sem skila síðar sköttum og gjöldum í bæjarsjóð. Samkvæmt sveitarstjórnarlögum ber sveitarfélögum að halda skuldbindingum sínum undir 150% af reglulegum tekjum. Þetta skuldaviðmið getur reynst sveitarfélögum á miklum vaxtarsvæðum eins og okkar erfitt að uppfylla þar sem byggja þarf upp margvíslega hluti eins og t.d ný íbúðarhverfi, nýja grunn- og leikskóla og annað sem nauðsynlega þarf að vera til staðar til þess að viðhalda góðu samfélagi. Ljóst er að fjárfestingarþörf Svf. Árborgar verður mikil á næstu árum og hæpið að tekjur standi að öllu leyti undir þeim fjárfestingum sem brýnt er að ráðast í. 

Við ætlum að leysa fráveitumálin Öll framboðin sem buðu fram fyrir kosningarnar í vor lofuðu að koma fráveitumálum sveitarfélagsins í gott horf. Þrettán ár eru síðan öll sveitarfélög áttu að vera komin með fullnægjandi skólphreinsun eins eða tveggja þrepa hreinsun. Lítið hefur gengið í þessum málaflokk hér í Árborg, aðallega vegna gríðarlegs kostnaðar og rangrar forgangsröðunar verkefna hjá fyrrum meirihluta bæjarstjórnar. Fólk sturtar niður úr klósettinu og hvað svo, er öllum sama? Nei fólki er það alls ekki.

Árið 1995 voru sett lög um stuðning við fráveituframkvæmdir sveitarfélaga. Í því fólst að ríkisvaldið styrkti sveitarfélög um 20% af stofnkostnaði framkvæmda. Þessum stuðningi lauk árið 2008 og síðan hefur dregið verulega úr framkvæmdum vegna fráveitumála sveitarfélaga á landsvísu. Engu að síður verður að þrýsta á ríkisvaldið að koma myndarlega að þessum málaflokk sem er svo nauðsynlegur.Brýnt er að sveitarstjórnarfulltrúar standi saman í þessu máli og myndi alvöru þrýsting á ríkisvaldið um niðurfelllingu virðisaukaskatts af fráveituframkvæmdum. 

Meirihluti bæjarstjórnar hefur nú þegar hrundið af stað vinnu varðandi stefnumótun í hreinsun fráveituvatns í sveitarfélaginu öllu, þar sem litið verður til nýjustu tækni við hreinsun, endurnýtingu og möguleika til verðmætasköpunar. Til að byrja með munu mestir fjármunir fara í hreinsimannvirki við Geitanesflúðir til hreinsunar skolps frá Selfossi, sem alllir vita að hefur verið stórt vandamál um langt árabil. Það verður síðan í framhaldinu verkefni bæjaryfirvalda , að fráveitumál á Eyrarbakka og Stokkseyri verði í lagi til framtíðar. Verkefni allra bæjarfulltrúa þvert á flokkslínur hlýtur að vera að koma þessum málum í lag svo að það gagnist best fyrir umhverfið, íbúana og samfélagið allt.

Eggert Valur Guðmundsson. formaður bæjarráðs Árborgar.


Suðri Héraðsfréttablað 1. október 2018.


Skráð af Menningar-Staður.

Keppnisliðin í Útsvarinu og stjórnendur á sviðinu í Þingborg. Ljósm.: Björn Ingi Bjarnason.

Gaulverjabæjarhreppur sigraði í Útsvarinu

Á Kótelettukvöldinu fjölmenna í Þingborg á fysrta vetrardegi þann 27. október 2018 fór fram Útsvarskeppni milli gömlu hreppanna; Hraungerðis- Villingaholts- og Gaulverjabæjarhreppa.

Sigmundur Stefánsson stjórnaði með aðstoð Jóns M. Ívarssonar og tæknimaður var Baldur Gauti Tryggvason.

 Sigurliðið var Gaulverjabæjarhreppur og fengu titilinn „Flóafíflið 2018.“

 

. Sigurlið Gaulverjabæjarhrepps. . . Lið Hraungerðishrepps. . . Lið Villingaholtshrepps. . Stjórnendur keppninnar. F.v.: Jón M. Ívarsson. Sigmundur Stefánsson og Baldur Gauti Tryggvason. . Skráð af Menningar-Staður.

Alþýðuhúsið á Eyrarbakka 1. nóvember 2018


 

Vinir alþýðunnar

Ljósm.: Ólafur Ragnarsson.

. . . . Skráð af Menningar-Staður.

Kristján Runólfsson (1956 - 2018).

Kristján Þór Línberg Runólfsson

- Fæddur 5. júlí 1956 -

Dáinn 17. október 2018 - Minning

Kristján Þór Lín­berg Run­ólfs­son fædd­ist 5. júlí 1956 á Sauðár­króki. Hann lést á Heil­brigðis­stofn­un Suður­lands 17. októ­ber 2018.

For­eldr­ar hans voru Run­ólf­ur Marteins Jóns­son, f. 15. des­em­ber 1919, d. 4. nóv­em­ber 2007, og Halla Kol­brún Lín­berg Kristjáns­dótt­ir, f. 31. mars 1935, d. 29. októ­ber 2014.

Systkini Kristjáns eru:

1) Hólm­fríður, f. 12. ág­úst 1953, maki Steinn, f. 7. mars 1948, þau eiga tvo syni og fjög­ur barna­börn.

2) Inga, f. 5. ág­úst 1954, maki Ein­ar, f. 12. sept­em­ber 1956, hún á fjór­ar dæt­ur og sjö barna­börn.

3) Guðrún María, f. 10. apríl 1958, hún á tvö börn og tvö barna­börn.

4) Ásgeir, f. 30. ág­úst 1960, maki Belinda, f. 22. fe­brú­ar 1969, hann á átta börn og fimm barna­börn.

5) Sig­ríður, f. 31. des­em­ber 1962, maki Hall­dór, f. 4. júlí 1966, þau eiga tvo syni.

6) Birna, f. 16. fe­brú­ar 1964, hún á tvö börn.

7) Björg, f. 25. fe­brú­ar 1967, hún á eina dótt­ur.

8) Ró­bert, f. 6. janú­ar 1975, maki Frey­dís, f. 10. maí 1979, þau eiga þrjár dæt­ur.

Fyrri eig­in­kona Kristjáns er Jó­hanna Sig­urðardótt­ir, þau eiga sam­an þrjá syni:

a) Jó­hann Þór, f. 1. nóv­em­ber 1974, maki Olga Lín­dal, f. 10. nóv­em­ber 1975. Hann á þrjú börn: Kára, f. 30. júlí 2000, Freyju, f. 16. janú­ar 2002, og Ólaf Örn, f. 21. apríl 2009.

b) Gunn­ar Páll, f. 27. sept­em­ber 1979, maki Lauf­ey, f. 16. janú­ar 1984. Hann á þrjú börn: Amel­íu Nótt, f. 7. janú­ar 2004, Tinnu Katrínu, f. 16. júlí 2007, og Adam Val, f. 31. októ­ber 2010.

c) Sig­urður Örn, f. 9. mars 1981.

Þann 15. júlí 2000 kvænt­ist Kristján Ragn­hildi Guðmunds­dótt­ur, f. 30. júlí 1953. For­eldr­ar Ragn­hild­ar eru Guðmund­ur Ein­ars­son, f. 19. fe­brú­ar 1929, d. 17. des­em­ber 2004, og Sig­fríð Valdi­mars­dótt­ir, f. 27. sept­em­ber 1933.

Systkini Ragn­hild­ar eru:

Lilja, f. 13. ág­úst 1951, Ásdís, f. 30. sept­em­ber 1951,

Hulda, f. 7. nóv­em­ber 1954, d. 16. mars 1999,

Ein­ar, f. 12. sept­em­ber 1956,

Ingi, f. 18. apríl 1960,

Hrefna, f. 9. fe­brú­ar 1965,

og Ásta María, f. 17. sept­em­ber 1969.

Börn Ragn­hild­ar eru:

1) Guðmund­ur Óli, f. 20. októ­ber 1973, maki Hrefna, f, 23. júlí 1974. Hann á þrjú börn; Gest Egil, f. 3. júní 1994, Grím Egil, f. 13. maí 2001, og Ragn­hildi Jó­hönnu, f. 23. maí 2005.

2) Hug­rún, f. 18. mars 1976, maki Sig­fús, f. 21. sept­em­ber 1976. Hún á þrjú börn; Elís Aron, f. 22. októ­ber 2003, Leon Mána, f. 22. júní 2013, og Noel Evan, f. 9. maí 2015.

3) Ei­rík­ur Ein­ar, f. 28. júní 1987, maki Guðrún Vil­borg, f. 3. sept­em­ber 1987. Hann á tvö börn; Elm­ar Elí, f. 6. októ­ber 2010, og Vict­oríu Köru, f. 4. des­em­ber 2012.

Kristján ólst upp í Skagaf­irði á Brú­ar­landi í Deild­ar­dal og eyddi unglings­ár­um á Eyr­ar­bakka. Meg­in­hluta æv­inn­ar bjó hann á Sauðár­króki en flutt­ist í Hvera­gerði árið 2004. Kristján var mik­ill grúsk­ari, safnaði m.a. ljós­mynd­um, skjöl­um og göml­um mun­um. Hann stofnaði Minja­safn Kristjáns Run­ólfs­son­ar á Sauðár­króki og rak í fjölda ára. Kristján hafði einnig mik­inn áhuga á ætt­fræði en fyrst og fremst var hann mik­ill hagyrðing­ur.

Útför Kristjáns fer fram frá Hvera­gerðis­kirkju í dag, 31. októ­ber 2018, klukk­an 14.

_____________________________________________________________________________________

Minningarorð - Ólöf Erla og Sig­urður dýra­lækn­ir Sel­fossi.

Kristján Run­ólfs­son, hagyrðing­ur­inn snjalli og safn­ar­inn iðni, er dá­inn eft­ir stutt­an en harðvítug­an loka­slag við ofjarl lækna­vís­ind­anna.

Það er þungt áfall fyr­ir fjöl­marga vini hans að missa hann svo ung­an. Þeirra á meðal vor­um við í litla Kvæðamanna­fé­lag­inu Árgala á Sel­fossi. Við sökn­um hans sárt.

Hann sótti vel fundi okk­ar og var lengst í stjórn fé­lags­ins. Hann var gleðivaki og áhuga­sam­ur um að kynna kvæðamennsk­una fyr­ir öðrum.

Hann kom með gesti á okk­ar fundi. Elís barna­barn hans drakk í sig áhuga afa síns og hafði fengið brenn­andi áhuga á kveðskap, en við veru hans í Svíþjóð var sam­bandið erfiðara. Hann spurði afa sinn fyrst af öllu þegar hann kom í heim­sókn­ir til Íslands: „Er ekki bráðum fund­ur í Árgala?“ Elís er vel­kom­inn á okk­ar fund þegar hann vill og get­ur og fund­irn­ir eru eins og áður á öðrum mánu­degi hvers mánaðar að vetr­in­um.

All­ir eru vel­komn­ir á okk­ar fundi.

Kristján var iðinn við að setja ljóðin sín á leir­inn og vís­ur hans og ljóð voru oft­ast þrung­in hlýju, gam­an­semi og speki­orðum.

Þess­ar vís­ur komu á netið fyr­ir nokkru:

Leik­um okk­ur var­lega á lífs­ins hálu braut,

því létt er gang­an oft­ast breiða veg­inn.

Synd­in leyn­ist víða og send­ir okk­ur þraut

og sum­ir fara út af báðum meg­in.

En þeim sem fara mjóa veg­inn gat­an sæk­ist seint

og sig­ur­laun­in oft í fjarska bíða.

Upp á tind­inn háa menn varla geta greint

göt­una, sem dyggðugt líf skal prýða.

Við bless­um minn­ingu Kristjáns og þökk­um hon­um fyr­ir skemmti­leg­ar sam­veru­stund­ir og ynd­is­leg kynni. Ragn­hildi konu hans, ætt­fólki hans og vin­um send­um við hlýj­ar samúðarkveðjur.

Ólöf Erla og Sig­urður

dýra­lækn­ir Sel­fossi.


Morgunblaðið miðvikudagurinn 31. október 2018.

 

Skráð af Menningar-Staður

Menningar-Staður á toppinn

Vefurinn sívirki Menningar-Staður náði þeim áfanga, í gærdag í fyrsta sinn frá því hann hóf göngu sína í febrúar 2013, að verða mest skoðaði vefurinn í 123.is vefsafninu.

 

Takk fyrir þetta ágætu lesendur.
 

Skráð af Menningar-Staður.

 

Jónshús í Kaupmannahöfn.

Um Jónshús í Kaupmannahöfn

Jónshús í Kaupmannahöfn hefur verið í eigu Alþingis frá árinu 1967 er Carl Sæmundsen stórkaupmaður gaf það í minningu Jóns Sigurðssonar og Ingibjargar Einarsdóttur. Þau hjón bjuggu í húsinu frá árinu 1852 allt til dauðadags, 1879. Húsið er við Øster Voldgade 12.
 

Árið 1970 hófst rekstur í húsinu. Þar er nú félagsheimili Íslendinga í Kaupmannahöfn, minningarsafn um Jón Sigurðsson og Ingibjörgu og bókasafn í kjallara hússins.
 

Einnig hafa Íslendingafélagið, íslenski söfnuðurinn, íslenski skólinn, kórar og margir fleiri aðstöðu í húsinu. Þá er íbúð umsjónarmanns í húsinu, en þar var áður íbúð sendiráðsprests sem gegndi þá jafnframt stöðu umsjónarmanns hússins.

Sýning um Jón Sigurðsson er opin sem hér segir: Þriðjudaga, miðvikudaga, fimmtudaga og föstudaga kl. 11–17, laugardaga og sunnudaga kl. 10–16 og á öðrum tímum í samráði viðforstöðumann Jónshúss.
 

Í húsinu eru tvær íbúðir fyrir íslenska fræðimenn.



Skráð af Mennihngar-Staður.

Í Þingborg í gærkvöldi. F.v.: Bjarni Stefánsson, Guðni Ágústsson og Guðmundur Magnússon. Ljósm.: Björn Ingi Bjarnason.

Vann Strætóferð til Akureyrar

Kótelettukvöld Flóamanna og gesta var haldið með glæsibrag í Þingborg í gærkvöldi, laugardaginn 27. október 2018 - fyrsta vetrardag.

Þar bar það m.a. til að Guðmundur Magnússon á Eyrarbakka fékk flottan vinning í happdrætti kvöldsins hvað var ferð fyrir tvo með -STRÆTÓ – til Akureyrar fram og til baka með gistingu á KEA-hóteli í tvær nætur.

Fetar hann þar í happdrættisfótspor svila síns; Sigurbjörns Tryggva Gunnarssonar að Ásamýri í Holtum er hann vann í sama happdrætti í fyrra –forystugimbur- frá Ytra-Álandi í Þistilfirði.  

Þeir svilarnir, ásamt eiginkonum sínum, sóttu svo á dögunm á Hrútadaginn á Raufarhöfn verðlaunin frá í fyrra, forystugimbrina að Ytra-Álandi.

Í nótt var ort eftir vinning gærkvöldsins:
 

Fer í Strætó ferð um land
flott er KEA-gisting.
Límonaði ljúft í bland
léttir rútu-hristing.

 

. . Skráð af Menningar-Staður

Kótelettukvöld í Þingborg

    27. október 2018

 

Hið árlega Kótelettukvöld verður haldið í Þingborg á morgun, laugardagskvöldið 27. október 2018, fyrsta vetrardag.

Uppskeruhátíð Flóamanna og styrktarhátíð Flóamannabókar.

Samkoman hefst klukkan 20.30 húsið opnar kl. 20.00.

Kótelettur í raspi ásamt tilheyrandi meðlæti og ostaterta frá MS í eftirrétt (gos, rauðvín og bjór selt af bar).

Veislustjórar: Bjarni Stefánsson og Guðni Ágústsson.

Skemmtiatriði:

Farfuglarnir. Þær systur Unnur Birna og Dagný Halla Bassadætur frá Glóru ásamt leikkonunni Ágústu Evu Erlendsdóttur sjá um dinnermúsik og syngja og leika á hljóðfæri lög sem þær hafa útsett fyrir þrjár raddir.

Fram fer árleg Útsvarskeppni milli gömlu hreppanna Hraungerðis-Villingaholts- og Gaulverjabæjarhreppa. Sigurliðið hlýtur gáfumannabikarinn: „Flóafíflið 2018.“

Happdrætti. Góðir vinningar samkvæmt venju og margar fleiri uppákomur.

Miðapantanir og borð:

Guðrún Tryggvadóttir í síma 894-4448 netf:grenigrund(hjá)islandia.is Sigmundur Stefánsson í síma 898-6476 netf:sigmundurstef(hjá) gmail.com

Húsið tekur 200 manns í sæti, gott að panta tímanlega, fullt hús í fyrra.

Miðaverð er 6.000 kr.

Tekið verður á móti greiðslu eða reiðufé og/eða af kortum við inngang.

Allur ágóði rennur til Flóamannabókar sem Jón M Ívarsson er að skrifa.

Allir Flóamenn, frændur og vinir fólksins í Flóanum velkomnir

 

. . Skráð af Menningar-Staður