Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

02.02.2019 08:43

Íbúafundur í Árborg - Niðurstöður úttektar á stjórnsýslu kynntar

 

 

 

 

Íbúafundur í Árborg -

 

Niðurstöður úttektar á stjórnsýslu kynntar

 

 

Úttekt á fjármálum, stjórnsýslu og rekstri Sveitarfélagsins Árborgar er lokið.

 

Það var Haraldur Líndal Haraldsson, hagfræðingur sem stóð að úttektinni og gerð skýrslu um málefnið.

 

Íbúafundur þar sem niðurstöður úttektarinnar verða kynntar mun fara fram á Hótel Selfossi mánudaginn 4. febrúar 2019 kl. 20:00

 

Úttektin náði yfir stjórnsýslu, rekstur og fjármál Sveitarfélagsins Árborgar og fór fram að ósk núverandi bæjarstjórnar samkvæmt samningi sem samþykktur var á bæjarstjórnarfundi 17. október 2018.

 

Niðurstöðurnar, ásamt tillögum til úrbóta, verða gefnar út í skýrslu sem ætlað er að gefa góða mynd af stjórnsýslunni, fjármálum sveitarfélagsins, rekstri þess og einstakra stofnana.

 

Áður en skýrslan verður gerð opinber verður hún kynnt bæjarfulltrúum, starfsfólki og íbúum.

 

 



Skráð af Menningar-Staður.

01.02.2019 20:30

100 dagar í lokadagstónleika ÆFINGAR

 

 

 Hljómsveitin ÆFING og aðdáendur í Berlín 2015.

 

 

100 dagar í lokadagstónleika ÆFINGAR

 

 

Til allra sem málið varðar með einum eða öðrum hætti: 


Hljómsveitin ÆFING frá Flateyri varð 50 ára þann 27. desember 2018. -


100 dagar í lokadagstónleika ÆFINGAR í Bæjarbíói í Hafnarfirði hinn 11. maí 2019.

 

 



Skráð af Menningar-Staður

01.02.2019 17:34

1. febrúar - Dagur kvenfélagskonunnar

 

 

 

1. febrúar - Dagur kvenfélagskonunnar

 

 

Dagurinn í dag, föstudagurinn 1. febrúar, er Dagur kvenfélagskonunnar. 
 


1. febrúar 1930 var stofndagur Kvenfélagasambands Íslands og var formlega gerður að degi kvenfélagskonunnar árið 2010.

 

Var það gert til að vekja athygli á miklu og óeigingjörnu starfi kvenfélagskvenna um árabil, enda löngu tímabært að kvenfélagskonur fengju sinn eigin dag á dagatalinu.


Fyrsta kenfélagið á Íslandi, sem var í Rípurhreppi, var stofnað 1869.


Kvenfélag Eyrarbakka var stofnað 25. apríl árið 1888.


 



Skráð af Menningar-Staður.

01.02.2019 06:37

1. fe­brú­ar 1904 - Heima­stjórn

 


Hannes Hafstein við Stórnarráðið í Reykjavík.

 

 

 

1. fe­brú­ar 1904 - Heima­stjórn

 

 

Heima­stjórn. Ný stjórn­skip­an kom til fram­kvæmda og fól í sér skip­an ís­lensks ráðherra sem bæri ábyrgð gagn­vart Alþingi.

 

Þessu var „fagnað með veislu­höld­um bæði í Reykja­vík og víðar um land,“ eins og sagði í Skírni.

 

Hann­es Haf­stein varð fyrsti ráðherr­ann. Hann gegndi því embætti til 1909 og aft­ur frá 1912 til 1914.

 


Skráð af Menningar-Staður

31.01.2019 17:38

Kyndilmessustund í Húsinu á Eyrarbakka laugardaginn 2. febrúar 2019

 

 

 

Kyndilmessustund

 

í Húsinu á Eyrarbakka laugardaginn 2. febrúar 2019

 

 

Byggðasafn Árnesinga heldur  upp á Kyndilmessu í Húsinu á Eyrarbakka laugardaginn 2. febrúar 2019 kl. 3.

 

Dagskráin verður nokkuð óhefðbundin. Kristján Guðmundsson sálfræðingur hugleiðir efni skáldsögunnar Eitraða barnið eftir Guðmund S. Brynjólfsson. Af hverju fremur manneskja glæp? Er einhver leið að útskýra ofbeldi? Eitraða barnið gerist á Eyrarbakka um aldamótin 1900 og ætlar Kristján að veita gestum sálfræðilega innsýn í efni bókarinnar fyrir gesti.  Að loknu erindi Kristjáns syngur Hafsteinn Þórólfsson söngvari  við undirleik Ásgeirs Ásgeirssonar gítarleikara nokkur lög.

 

Í upphafi dagskrár verður í stuttu máli sagt frá Kyndilmessunni.  Kyndilmessa, hreinsunarhátíð Maríu meyjar, er 40 dögum eftir fæðingu Krists sem ber upp á 2. febrúar ár hvert. Þá er mikil ljósadýrð við kaþólska guðþjónustu og dagurinn því kenndur við kerti eða kyndla og íslenska nafnið  Kyndilmessa þaðan upprunnið segir í Sögu Daganna eftir Árna Björnsson.

 

Stundin hefst kl. 3, boðið verður upp á kaffi að lokinni dagskrá  og aðgangur ókeypis.

 

Allir velkomnir.



Skráð af Menningar-Staður

30.01.2019 17:26

Fimmtíu ár frá síðustu tónleikum Bítlana

 

 

Sjá;

https://www.youtube.com/watch?v=NCtzkaL2t_Y

 

 

Fimmtíu ár frá síðustu tónleikum Bítlana

 

 

Fimmtíu ár eru liðin í dag frá því að fjórmenningarnir

í hljómsveitinni The Beatles héldu sína síðustu tónleika.

r að gera nýja heimildarmynd um fjórmenningana,

byggða á mörgum klukkustundum af áður óútgefnu efni.

 

 

The Beatles, eða bresku Bítlarnir, eins og þeir voru iðulega kallaðir hér á landi, voru við það að slíta samstarfinu þegar þeir fengu þá skyndihugdettu að leika nokkur lög uppi á þaki á skrifstofubyggingu fyrirtækis þeirra, Apple Records, við Savile Row í miðborg Lundúna. Til tónleikanna var efnt þar sem verið var að vinna að heimildamynd um gerð plötu þeirra Let It Be, sem kom út ári síðar.

 

Upphaflega stóð til að tónleikarnir yrðu í tvö þúsund ára hringleikahúsi í Túnis, en George Harrison harðneitaði að fara þangað. Hann tók nauðugur þátt í þaktónleikunum 30. janúar, en af svipbrigðum hans má ráða að hann hafi sæst við að leika nokkur lög með félögum sínum þegar á leið.

 

Bítlarnir höfðu ekki sótt um leyfi til tónleikahalds í miðborginni. Múgur og margmenni safnaðist saman á götunni neðan við Apple-bygginguna og olli umferðartruflunum. Einnig var kvartað yfir hávaða. Lögregla var kölluð til, en lögreglumaðurinn sem var fyrstur á vettvang, 21 árs nýliði í miðborgarlögreglunni, segist hafa orðið sem bergnuminn þegar hann kom upp á þak og sá hverjir voru að framkalla hávaðann sem barst frá þakinu.

 

Alls léku The Beatles fimm lög á þessum lokatónleikum sínum, þar af nokkur oftar en einu sinni. Eftir 42 mínútna leik var hljómsveitin beðin um að draga úr hljóðstyrknum og þar með var tónleikunum lokið. John Lennon átti lokaorðið. Hann þakkaði viðstöddum fyrir og kvaðst vonast til þess að hljómsveitin hafi staðist áheyrnarprófið. Alls voru um það bil tuttugu manns á þessum lokatónleikum á þakinu, að hljómlistarmönnunum meðtöldum.

 

Nokkur laganna sem leikin voru rötuðu síðar á hljómplötur og í heimildamyndina Let It Be. Mikið efni sem tekið var upp fyrir hana komst ekki að, eða um 55 klukkustundir. Kvikmyndaleikstjórinn Peter Jackson hefur tekið að sér að fara yfir allt þetta efni og gera úr því nýja kvikmynd sem ákveðið hefur verið að verði einnig nefnd Let It Be.



www.ruv.is og www.visir.is

 

Skráð af Menningar-Staður

30.01.2019 07:02

Merkir Íslendingar - Björn Bjarnason

 

 

Björn Bjarnason (1899 - 1984).

 

 

Merkir Íslendingar - Björn Bjarnason

 

 

Björn Bjarna­son fædd­ist 30. janú­ar 1899 á Hösk­ulds­stöðum á Skaga­strönd, A.-Hún.

For­eldr­ar hans voru Bjarni Sig­urðsson, lengst af vinnumaður í Vatns­dal og síðast sjó­maður í Kálf­ham­ars­vík á Skaga, og Sól­veig Andrés­dótt­ir, vinnu­kona og bjó síðan með Þórði Jó­hann­es­syni á Blönduósi. Björn ólst upp hjá móður sinni þar sem hún var vi­st­ráðin hverju sinni en flutt­ist svo með henni inn á heim­ili Þórðar.

 

Björn stundaði sjó­mennsku á ár­un­um 1915-1928 með heim­ili á Blönduósi. Hann þurfti að hætta sjó­mennsku vegna tauga­bólgu í fingr­um, fór í land og vann hjá fyr­ir­tæk­inu Hreini hf. í Reykja­vík 1928-1934 og hjá Smára og Sápu­gerðinni Frigg á ár­un­um 1934-1967. Björn varð síðan starfsmaður Iðju 1967-1983.

Björn var einn af stofn­end­um Komm­ún­ista­flokks Íslands árið 1930 og var í miðstjórn hans alla tíð og síðan í miðstjórn Sósí­al­ista­flokks­ins til 1962 en þá fannst Birni flokk­ur­inn hafa fjar­lægst upp­haf­leg stefnumið sín.

 

Björn var stofn­andi Iðju, fé­lags verk­smiðju­fólks í Reykja­vík, árið 1934. Björn var rit­ari Iðju 1934-1942 og formaður Iðju 1942-1947 og aft­ur 1950-1957. Björn sat í miðstjórn ASÍ 1942-1948 og 1956-1958. Hann var formaður full­trúaráðs verka­lýðsfé­lag­anna í Reykja­vík um sex ára skeið. Þá var Björn fyrsti formaður Lands­sam­bands iðnverka­fólks 1973-1978.

 

Björn var bæj­ar­full­trúi í Reykja­vík 1934-1950 og fyrsti full­trúi Komm­ún­ista­flokks­ins í borg­inni og varamaður í bæj­ar­ráði 1946-1950. Hann var í hafn­ar­stjórn tvö kjör­tíma­bil og varamaður í bygg­ing­ar­nefnd í fjög­ur ár. Björn var kjör­inn heiðurs­fé­lagi Iðju 1949.

 

Fyrri kona Björns var Bryn­hild­ur Magnús­dótt­ir, f. 1904, d. 1980, hús­freyja, en þau skildu. Son­ur þeirra er Þórir, f. 1926, bú­sett­ur í Reykja­vík. Seinni kona Björns var Guðný Sig­urðardótt­ir, f. 1919, d. 1999, hús­freyja.

 

Björn lést 19. janú­ar 1984.


Morgunblaðið

 

Skráð af Menningar-Staður.

26.01.2019 09:26

Vöfflukaffi Framsóknar 18. janúar 2019

 

 

 

 

Vöfflukaffi Framsóknar 18. janúar 2019

 

 

Húsfyllir var í tíunda vöfflukaffi vetrarins og hinu fyrsta á nýju ári hjá Framsókn i Árborg.

 

Vöfflukaffið var haldið föstudaginn 18. janúar 2019 í Framsóknarsalnum við Austurveg á Selfossi.

 

Gestur vöfflukaffisins var Sigurður Ingi Jóhannsson, samgöngu- og sveitastjórnarráðherra og formaður Framsóknarflokksins. Framsaga ráðherrans - fjörugar fyrirspurnir og innlegg fundarmanna.



Menningar-Staður færði til myndar. Myndaakbúm á þessari slóð:
http://menningarstadur.123.is/photoalbums/289273/

 

Nokkrar myndir:

 

 

.

.

.

.

.

.

.

.

.

.

.




Skráð af Menningar-Staður.

25.01.2019 06:49

Þorri hefst 25. janúar 2019 - Bóndadagur

 

 
Dýrafjörður.
 

 

 

Þorri hefst 25. janúar 2019 - Bóndadagur

 

 

Mánuðurinn þorri hefst í 13. viku vetrar, nú 19. til 25. janúar, en 9. til 15. janúar í gamla stíl fyrir 1700. Mánaðarnafnið er kunnugt frá 12. öld en uppruni þess er óviss.

Þorri er persónugerður sem vetrarvættur í sögnum frá miðöldum. Þar er einnig getið um þorrablót, en þeim ekki lýst. Vetraröldungurinn Þorri er algengt yrkisefni á 17. – 19. öld og um fagnað eða sérstaka siðvenju við upphaf þorra eru heimildir frá öndverðri 18. öld. Líklegt er að slíkar venjur séu allmiklu eldri.

Upphaflega virðist húsfreyja hafa boðið þorra velkomin enda er ljóst að fyrsti dagur þorra hefur verið tileinkaður húsbóndanum. Er hvorttveggja til að honum hafi verið veitt sérstaklega í mat og að hann hafi þá átt að gera vel við sitt fólk. Bóndadagsheitið er þó ekki kunnugt fyrr en í þjóðsögum Jóns Árnasonar frá miðbiki 19. aldar. Þar er einnig minnst á hlaup bónda kringum bæ sinn, en óljóst er hversu almennur slíkur siður hefur verið og hver er uppruni hans. Vera kann að þar sé um að ræða leifar af eldra þorrafagnaði.

Á síðarihluta 19. aldar fóru mennta- og embættismenn að tíðka samkomur sem þeir kölluðu “Þorrablót” að fornum hætti, matar- og drykkjarveislur þar sem sungin voru ný og gömul kvæði og drukkin minni Þorra og heiðinna goða. Einkum var Þór tengdur þorranum. Þessar veislur lögðust af eftir aldamótin 1900 í kaupstöðum en þá hafði þorrablótssiðurinn borist í sveitirnar, fyrst á Austurlandi og í Eyjafirði, og hélt þar áfram.

Um miðja 20. öld hófu átthagasamtök á höfuðborgarsvæðinu síðan þorrablótin aftur til vegs og virðingar í þéttbýli, og buðu þá “íslenskan” mat sem nú var orðinn sjaldséður í kaupstöðum.

Veitingamaður í Naustinu í Reykjavík (Halldór Gröndal sem á ættir til Hvilftar í Önundarfirði) hafði síðan sérstakan þorramat á boðstólum frá þorranum 1958. 

Síðan hafa þorrablót ýmissa samtaka með íslenskan mat verið fastur liður í skemmtanalífi um allt land.

Um 1980 hófust blómagjafir eiginkvenna til eiginmanna undir áhrifum frá konudegi.

 

Heimild: Saga daganna eftir Árna Björnsson. 

 

 
 
 




Skráð af Menningar-Staður.

23.01.2019 06:50

"Mikil gleðitíðindi fyrir alla Vestfirði"

 

 

Á aukafundi sveitarstjórnar Reykhólahrepps í gær var samþykkt

með þremur atkvæðum gegn tveimur að fara Teigsskógarleið, eða Þ-H leið,

í aðalskipulagi hreppsins. Þrjár tillögur voru lagðar fram á fundinum.

Ingimar Ingimarsson, oddviti hreppsins, lagði fram tillögu um frestun

ákvörðunar og íbúakosningu. Sú tillaga var felld með þremur atkvæðum

og einn sat hjá. Árný Huld Haraldsdóttir lagði fram tillögu um Teigsskógarleið

og var hún sem fyrr segir samþykkt. Því þurfti ekki að taka afstöðu til þriðju

tillögunnar um Reykhólaleið, leið R. Voru sveitarstjórnarmenn ómyrkir í máli

í bókunum, sögðu m.a. að Vegagerðin hafi tekið skipulagsvald af sveitarfélaginu

og réttarstaða þess yrði skoðuð gagnvart Vegagerðinni.

 

 

„Mikil gleðitíðindi fyrir alla Vestfirði“

 

• Óvíst hvenær vegaframkvæmdir um Teigsskóg hefjast

 

 

Þótt meiri­hluti sveit­ar­stjórn­ar Reyk­hóla­hrepps hafi ákveðið að velja Teigs­skóg­ar­leið ÞH fyr­ir Vest­fjarðaveg er ekki þar með sagt að Vega­gerðin geti sent gröf­ur og bíla vest­ur til að hefja fram­kvæmd­ir. Hugs­an­legt er að hægt verði að hefja fram­kvæmd­ir utan Teigs­skóg­ar á þessu ári en það gæti þó vel dreg­ist.

Skipu­lags­ferlið er langt komið og nú þarf að aug­lýsa breyt­ingu á aðal­skipu­lagi sem sýn­ir breytta legu veg­ar­ins í gegn­um Teigs­skóg og hvert á að sækja efni vegna fram­kvæmd­anna. Þrír mánuðir gef­ast fyr­ir al­menn­ing og hags­munaaðila til að gera at­huga­semd­ir. Eft­ir að sveit­ar­stjórn hef­ur samþykkt aðal­skipu­lags­breyt­ing­una get­ur Vega­gerðin sótt um fram­kvæmda­leyfi fyr­ir alla leiðina, bæði þver­an­ir tveggja fjarða og leiðina í gegn­um Teigs­skóg. Fram­kvæmda­leyfið er síðan kær­an­legt til úr­sk­urðar­nefnd­ar auðlinda- og um­hverf­is­mála. Miðað við for­sög­una má bú­ast við kær­um. Get­ur tekið 6 til 10 mánuði að úr­sk­urða.

 

Beðið eft­ir veg­in­um

Hugs­an­legt er að fram­kvæmd­ir geti haf­ist á þessu ári, að minnsta kosti á hluta leiðar­inn­ar, eft­ir að skipu­lag hef­ur verið staðfest og fram­kvæmda­leyfi gefið út. Einnig er hugs­an­legt að úr­sk­urðar­nefnd­in stöðvi fram­kvæmd­ir í Teigs­skógi og jafn­vel víðar.

 

Vega­gerðin stöðvaði und­ir­bún­ing Teigs­skóg­ar­leiðar þegar ný sveit­ar­stjórn Reyk­hóla­hrepps fór að vinna að svo­kallaðri Reyk­hóla­leið. Nú verður þráður­inn tek­inn upp aft­ur. Hann felst í end­an­legri hönn­un veg­ar­ins, samn­ing­um við land­eig­end­ur og gerð útboðsgagna. Vitað er af fyrri sam­skipt­um að hluti land­eig­enda í Teigs­skógi er mjög mót­fall­inn vegi þar um og má bú­ast við að Vega­gerðin þurfi að leita eft­ir því að land und­ir veg­inn verði tekið eign­ar­námi. Það get­ur kallað á dóms­mál. Hags­munaaðilar geta einnig borið málið í heild und­ir dóm­stóla, ef þeir verða und­ir hjá úr­sk­urðar­nefnd­inni.

Stjórn­end­ur hjá Vega­gerðinni treysta sér ekki til þess að segja til um hvenær fram­kvæmd­ir geta haf­ist, það sé ekki að öllu leyti í þeirra hönd­um. Magnús Val­ur Jó­hanns­son, fram­kvæmda­stjóri mann­virkja­sviðs, seg­ir að reynt verði að hraða und­ir­bún­ingi enda sé beðið eft­ir þess­um vegi.

 

Fagna niður­stöðunni

Sveit­ar­stjórn­ar­menn á Vest­fjörðum fagna niður­stöðu meiri­hluta sveit­ar­stjórn­ar Reyk­hóla­hrepps. „Þetta eru mik­il gleðitíðindi fyr­ir alla Vest­f­irði,“ seg­ir Iða Marsi­bil Jóns­dótt­ir, for­seti bæj­ar­stjórn­ar Vest­ur­byggðar. Hún vís­ar til þess að Teigs­skóg­ar­leiðin hafi verið kom­in lengst í und­ir­bún­ingi og því minnst­ar lík­ur á því að fram­kvæmd­ir við hana drag­ist. Hún ger­ir sér einnig von­ir um að Alþingi komi Vest­f­irðing­um til hjálp­ar með því að setja lög á fram­kvæmd­ina til að draga úr hættu á að hún fari að drag­ast vegna kæru­mála.

 

Daní­el Jak­obs­son, formaður bæj­ar­ráðs Ísa­fjarðarbæj­ar, tek­ur ákvörðun Reyk­hóla­hrepps fagn­andi. Hann minn­ir á að með fram­kvæmd­um á þess­ari leið, meðal ann­ars Dýra­fjarðargöng­um, verði þetta hinn nýi þjóðveg­ur frá norðan­verðum Vest­fjörðum inn á hring­veg­inn og stytti mjög leiðina til Reykja­vík­ur. Hann seg­ist ekki vera hrædd­ur við kær­ur á aðal­skipu­lag og fram­kvæmda­leyfi. Ef sveit­ar­stjórn Reyk­hóla­hrepps hafi vandað sig við und­ir­bún­ing­inn, eins og hann trú­ir að hún hafi gert, verði hægt að af­greiða mál­in hratt og ör­ugg­lega. Þá sé áhætt­an af kær­um ekki síðri á öðrum leiðum.

Miðvikudagur, 23. janúar 2019


Skráð af Menningar-Staður.