Ágætu Eyrbekkingar

Að venju verður Kvenfélag Eyrarbakka með kaffisölu í Félagsheimilinu Stað á Eyarbakka hinn 1. maí 2013 kl. 15:00

Við leitum eftir stuðningi ykka með kökur og fleira meðlæti.

Tekið verður á móti kökum á Stað frá kl. 11:00 sama dag.

Stöndum saman og styrkjum gott málefni

Kvenfélag Eyrarbakka

Skráð af: Menningar-Staður

Söng- og kvæðamannahátíðin  "Syngjandi vor"  var haldin í Grænumörk á Selfossi mánudaginn 29. apríl sl. eins og greint hefur verið frá á Menningar-Stað.

Myndasafn frá þessari frábæru samkomu er komnar í myndasafnið á Menningar-Stað

Smella á þessa slóð: http://menningarstadur.123.is/photoalbums/246366/

Skráð af: Menningar-Staður

Í janúar sl. auglýsti Menningarráð Suðurlands eftir umsóknum um verkefnastyrkir og stofn- og rekstrarstyrki til eflingar menningarlífs á Suðurlandi.

Alls bárust 23 umsóknir um stofn- og rekstrarstyrki og var sótt um u.þ.b. 50 milljónir kr. Á fundi ráðsins sem haldinn var 17. apríl sl., var samþykkt að veita 14 verkefnum stofn- og rekstrarstyrki, samtals rúmlega 13 milljónir kr.

Alls bárust 174 umsóknir um verkefnastyrkir og var sótt um u.þ.b. 130 milljónir kr. Samþykkt að veita 119 verkefnum styrki, samtals rúmlega 31 milljónir kr.

Úthlutunarhátíð verður haldin  í Menningarsalnum á Hellu, Dynskálum 8, þann 7. maí nk. kl. 16:30 og verða samningar um styrkina undirritaðir þar.

Í tengslum við úthlutunina fer fram kynning á niðurstöðum stefnumótunarvinnu í menningarmálum á Suðurlandi og hugsanlega verður stofnað félag listamanna á Suðurlandi.

Dorothee Lubecki, menningarfulltrúi Suðurlands og Siggeir Ingólfsson staðarhaldari í Félagsheimilinu Stað á Eyratrbakka, Menningar-Stað.

Skráð af: Menningar-Staður.

Mynd dagsins á Menningar-Stað

Glaðst eftir frábæra skemmtun í Grænumörk á Selfossi í gær.

Skráð af: Menningar-Staður

Verkalýðsfélagið Skjöldur á Flateyri 80 ára

Frá 50 ár afmælisfagnaði Verkalýðsfélagsins Skjaldar í október 1983.

Stjórn og varastjór Verkalýðsfélagsins Skjaldar á afmælisárinu 1983. F.v.: Hálfdán Kristjánsson, Sigurður Sigurdórsson, Björn Ingi Bjarnason, Sigríður K. Benjamínsdóttir, Ragnar H. Kristjánsson, Einar Guðbjartsson, Pétur G. Þorkelssog og Jón Guðjónsson. Ljósm.: Gísli Valtýsson

Verkalýðsfélagið Skjöldur á Flateyri 80 ára

Hinn 21. desember n.k. verða 80 ár frá stofnun Verkalýðsfélagsins Skjaldar á Flateyri en það var stofnað þann 21. desember 1933. Skjöldur er nú hluti af Verkalýðsfélagi Vestfirðinga sem stofnað var 2002.

Í tilefni afmælisársins ætla allnokkrir af fyrrverandi formönnum og stjórnarmönnum í Skildi að hittast í hátíðarkaffi í Félagsheimilinu Stað á Eyrarbakka á morgun,  1. maí  - á hátíðisdegi verkalýðsins kl. 15:00

Á eftir kaffinu verður samverustund í hliðarsal þar sem litið verður til baka. Sérstaklega til 27. desember 1968 þegar Hljómsveitin Æfing kom fram fyrsta sinni á fundi í Verkajýðsfélaginu Skildi sem haldinn var í Samkomuhúsinu.

Hljómsveitin Æfing fagnar nú 45 ára afmælinu með útgáfu geisladisks sem er meistaraverk mannlífs- og menningarsögu Önfirðinga að þeirra hætti og gleðja mun marga. Útgáfuhátíð verður á Flateyri um hvítasunnuhelgina.

 Væntum þess að sjá sem flesta Önfirðinga á morgun 1. maí á Eyrarbakka í tilefni þessa sem rakið hefur verið hér.

Björn Ingi Bjarnason, f.v. formaður Verkalýðsfélagsins Skjaldar

Björn E. Hafberg, f.v. formaður Verkalýðsfélagsins Skjldar

Guðmundur Jón Sigurðsson, f.v. formaður Verkalýðsfélagsins Skjaldar

Í kirkjugarðinum á Eyrarbakka þar sem formennirnir fyrrverandi funduðu eitt sinn og áttuðu sig þá á að á fundarstöðum sem þessum truflar ekkert . F.v.: Guðmundur Jón Sigurðsson og Björn Hafberg. Ljósm.: BIB

F.v.: Björn Ingi Bjarnason og Björn E. Hafberg. Ljósm.: GJS

.

Af:  www.flateyri.is

.

Skráð ag: Menningar-Staður
 

Söng- og kvæðamannahátíðin  Syngjandi vor  var haldin í dag í Grænumörk á Selfossi frá kl. 17:00 - 18:30

Þar komu fram kvæðamennirnir; Ingimar Halldórsson og Arnþór Helgason.

Skáldkonan Sigríður Jósdóttir í Arnarholti las ljóð.

Söngvararnir; Sigurður Torfi Guðmundsson og Þórarinn Ólafsson sungu einsöng og einnig tvísöng  við undirleik Inga Heiðmars Jónsson.

Þá var samsöngur allra þeirra fjölmörgu sem mættu til þessarar frábærlega  vel heppnuðu samkomu.

Ingi Heiðmar Jónsson skipulagði samkomuna og stjórnaði en þessi dagskrá hafði áður verið flutt á Flúðum þann 11. apríl s.l.

Menningar-Staður var á staðnum og færði til myndar.  (Fleiri myndir síðar)

Frá samkomunni nú síðdegis í Grænumörk á Selfossi. (fleiri myndir síðar) F.v.: Undirleikarinn, Ingi Heiðmar Jónsson og söngvararnir Þórarinn Ólafsson og Sigurður Torfi Guðmundsson.       Skráð af: Menningar-Staður.

Steingrímur Sigurðsson, listmálari.

Steingrímur Sigurðsson 

Steingrímur fæddist á Akureyri 29. apríl 1925 og ólst þar upp.

Foreldrar hans voru Sigurður Guðmundsson, skólameistari á Akureyri, og k.h., Halldóra Ólafsdóttir húsfreyja.

Systkini Steingríms: Örlygur listmálari, faðir Sigurðar myndlistarmanns, Ólafur, fyrrv. yfirlæknir á Akureyri, Guðmundur Ingvi hrl, og Þórunn húsfreyja.

Sigurður var sonur Guðmundar, b. í Mjóadal Erlendssonar, dbrm. í Tungunesi Pálmasonar, bróður Jóns, afa Jóns Pálmasonar, alþingisforseta á Akri, Jóns Leifs tónskálds og Jóns Kaldal ljósmyndara. Móðir Sigurðar var Ingibjörg Sigurðardóttir.

Halldóra var dóttir Ólafs, pr. í Kálfholti Finnssonar, og Þórunnar Ólafsdóttur, b. í Mýrarhúsum á Seltjarnarnesi Guðmundssonar.

Steingrímur var í námi í University College í Nottingham á Englandi 1946-47, í námi í ensku og enskum bókmenntum í Leeds University 1947-48 og sótti bókmenntatíma í norrænudeild HÍ 1948-49, en hann varð cand.phil. frá HÍ 1949. Auk þess dvaldi hann við nám í St. Peter's Hall í Oxford sumarið 1956 og í Edinborg 1959.

Steingrímur kenndi íslensku í MA 1944-46, við Gagnfræðaskólann við Lindargötu 1949-50, kenndi ensku og teikningu í MA 1954-60 og var blaðamaður á Tímanum 1948. Hann var ritstjóri og útgefandi tímaritsins Líf og list 1950-52 og stundaði blaðamennsku og ritstörf í Reykjavík 1961-66 en hann hafði myndlist að aðalstarfi frá 1967.

Steingrímur hélt meira en 70 málverkasýningar heima og erlendis. Hann samdi nokkrar smásögur og skáldsögur, skrifaði ýmislegt í blöð og tímarit, s.s. fjölda afmælis- og minningargreina og þýddi m.a. Dagur í lífi Ivans Denisovitchs eftir A. Solzhenitsyn, útg. í Rvík 1983.

Steingrímur var hressilegur og skemmtilegur í viðkynningu, víðlesinn og sjálfstæður í skoðunum en gat verið svolítið gassafenginn – lengst af svolítið dæmigerður bóhem.

Steingrímur lést 21. apríl 2000

Elfar Guðni Þórðarson við stærstu mynd sem hann hefur málað. Brennið þið vitar í Lista- og menningarverstöðinni Hólmaröst á Stokkseyri

Skráð af: Menningar-Staður

Ágætu Eyrbekkingar

Að venju verður Kvenfélag Eyrarbakka með kaffisölu í Félagsheimilinu Stað á Eyarbakka hinn 1. maí 2013 kl. 15:00

Við leitum eftir stuðningi ykka með kökur og fleira meðlæti.

Tekið verður á móti kökum á Stað frá kl. 11:00 sama dag.

Stöndum saman og styrkjum gott málefni

Kvenfélag Eyrarbakka

Hafþór Gestsson aðstoðaði Kvenfélag Eyrarbakka með að dreifa miðum í hús.         Og Hafþór Gestsson var myndaður í Menningar-Sellu á ritstjórn Menningar-Staðar     Skráð af: Menningar-Staður

Báran á Eyrarbakka

Tildrög að stofnun Bárunnar í upphafi síðustu aldar voru þau að Sigurður Eiríksson, sem gjarnan var nefndur regluboði, hugsaði sér þetta félag sem bindindisfélag og hagsmunafélag sjómanna en hann var framámaður í Góðtemplarareglunni. Félagið hét upphaflega Sjómannafélagið Báran á Eyrarbakka. 
Báran, félag sjómanna og dagvinnulaunamanna, var stofnuð í Bræðrafélagshúsi þann 14. febrúar 1903. Félagið starfaði óslitið til 1961 en var endurvakið eftir tveggja ára hlé þann 21. desember 1963 í Fjölni á Eyrarbakka. 
Forgöngumenn um stofnun félagsins voru Sigurður regluboði Eiríksson og Ottó N. Þorláksson. Sigurður var starfsmaður Góðtemplarareglunar. Hann var jafnframt mikill félagsmálafrömuður, organisti og söngkennari. 

Formenn Bárunnar

Fyrsti formaður Bárunnar var Guðni Jónson „formaður“ í Einarshöfn en hann var fæddur í Steinskoti á Eyrarbakka 5. júní 1867. Aðrir í stjórn voru Einar Jónson og Guðmundur Kristjánsson sem einnig gegndi formennsku í félaginu af og til. Á eftir honum komu Sigurður Þorsteinsson, sem var formaður frá 1909-1910 og Bjarni Eggertssonjarni  var formaður frá 1910 – 1915 og átti síðan sæti í stjórn í samtals tólf og hálft ár. Þorfinnur Kristjánsson formaður 1915. Einar Jónson formaður 1916. Þorleifur Guðmundsson formaður 1929. Síðan gegndu Andrés Jónsson frá Smiðshúsum formennsku fyrst 1930 . Bjarni Eggertsson formaður 1931. Þorvarður Sigurðsson tók við formrmennsku í lok árs 1931. Kristján Guðmundsson verður formaður 1939. Sigurjón Valdimarsson formaður 1942. Þá tekur Andres Jónson við formennsku á ný 1963. Kjartan Guðjónsson frá Sandprýði tekur við formennsku í félaginu um 1972. Hafþór Gestsson er formamaður 1979 - 1980.  Guðrún Thorarensen tók við formennsku af Hafþóri Gestssyni 1980. Síðasti formaður í gömlu Bárunni fyrir sameiningu var Eiríkur Runólfsson en hann tók við formensku í félaginu 25. mars 1984. 

Af: http://www.baran.is/um-okkur/sagan/   Skráð af: Menningar-Staður

Vitringafundur var í morgun í Vesturbúðinni á Eyrarbakka.

Helstu verkefni fundarins var að undirbúa komur nýrra alþingismanna sem vitað er að muna mæta bráðlega enda voru væntanlegir alþingismenn oft gestir Vitringa í Vesturbúðinni á síðustu vikum og mánuðum.

Skifti engum togum í morgun að alþingismaður kom á Vitringafund.  Þar var á ferð Alma Lísa Jóhannsdóttir sem var varaþingmaður VG í Suðurkjördæmi 2007 - 2009 og sat hún á Alþingi í mars-apríl og sept. 2008.

Alma Lísa var hlaðin vonleysi eftir úrslit alþingiskosninganna í gær er hún kom til samveru með Vitringunum. Þeim tókst á skömmum tíma að byggja upp vænlega framtíðarsýn fyrir Ölmu Lísu og fék hún sér pylsu með öllu Í Vesturbúðinni áður en hún hélt frá Eyrarbakka. 

Menningar-Staður færði til myndar.

F.v.: Siggeir Ingólfsson, Ingólfur Hjálmarsson og Alma Lísa Jóhannsdóttir f.v. varaþingmaður. 

Skráð af: Mennigar-Staður