Félagsheimilið Staður á  Eyrarbakka.

Hrútavinafélagið Örvar gjörir kunnugt:

100 ára afmælishátíð á Stað
 

Björn Ingi Bjarnason á Eyrarbakka fyllir 60 lífárin 7. júlí 2013

Hann hefur verið í félagsmála-forystu í  40 ár. Fyrst á Flateyri til 1984,

síðan í Hafnarfirði  og svo í þorpunum Stokkseyri og Eyrarbakka

og víðar frá 1999. Vegna þessara 100 ára heldur Hrútavinafélagið Örvar

og fleiri samstarfsmenn Björns Inga afmælissamkomu,

laugardagskvöldið 6. júlí  2013 kl. 20:00

í Félagsheimilinu Stað á Eyrarbakka,

þar sem þessum áföngum verður fagnað í tali og tónum.

Fram koma m.a. hljómsveitirnar; Æfing og Siggi Björns frá Flateyri,

Granít frá Vík í Mýrdal og Kiriyama Family frá Eyrarbakka, Stokkseyri og Selfossi.  

Á borðum verður þjóðleg  kjötsúpa með öllu tilheyrandi

að hætti Hrútavina ásamt límonaði og lageröli.

Veislustjórar verða Guðmundur Jón Sigurðsson og Hendrik Tausen

sem átt hafa margþætta félagsmálasamleið með afmælisbarninu í þessi 40 ár

Síðan verður pokaball með hljómsveitinni Granít fram á nótt.

Afmælisbarnið afþakkar allar gjafir en framlög

í Menningarsjóð Hrútavina er kr. 2.500 sem aðgangseyrir.

Þátttaka tilkynnist á bibari@simnet.is

eða í síma 897-0542

Tékklendingar á Menningar-Stað 30. júní 2013

Meðal þeirra fjölmörgu gesta sem komu við í Félagsheimilinu Stað, Menningar-Stað á Eyrarbakka í gær var hópur Tékklendinga.

Fóru þeir í göngu eftir sjóvarnargarðinum og nutu Atlantshafsins. Spurðu mikið um varnargarðana og sögðu frá því að gríðarleg flóð hefðu verið á þeirra heimasvæði í vor.

Hópurinn þáði kaffi og verslaði hjá Siggeiri Ingólfssyni sem tók á móti hópnum og fræddi af sinni alþýðlegu glaðværð sem gestirnir kunnu vel að meta.

Menningar-Staður færði til myndar.

Myndaalbúm er komið hér á Menningar-Stað

 Smella á þessa slóð hér:http://menningarstadur.123.is/PhotoAlbums/249349/

Nokkrar myndir hér:

.

.

Eyrarbakki í beinni útsendingu

Vefmyndavélin á Rauða-húsinu

Skráð af menningar-Staður

Tæp sextíu prósent þjóðarinnar eru frekar eða mjög hlynnt veiðum á langreyðum en átján prósent eru andvíg veiðunum. Mestur er stuðningurinn meðal fylgismanna Sjálfstæðisflokksins eða 73 prósent. Þetta er á meðal þess sem kemur fram í nýrri skoðanakönnun sem unnin var fyrir Stöð 2 og Fréttablaðið dagana 26. til 27. júní. Alls voru 802 spurðir um viðhorf sitt til veiða á langreyðum.

Könnunin leiddi meðal annars í ljós að stuðningur við veiðarnar er meiri meðal íbúa á landsbyggðinni en íbúa á höfuðborgarsvæðinu. Þannig er rúmur helmingur borgarbúa hlynntur veiðunum en 21 prósent er frekar eða mjög andvígt þeim. 68 prósent íbúa á landsbyggðinni voru hlynnt veiðunum en 13 prósent andvíg.

Þá er lítill munur á viðhorfi eftir aldri. Meðal fólks á aldrinum 18 til 49 ára voru 54 prósent hlynnt veiðunum en 61 prósent af 50 ára og eldri.

Stuðningur við veiðar á langreyðum er mestur meðal stuðningsmanna ríkisstjórnarinnar; 72 prósent framsóknarmanna og 73 prósent sjálfstæðismanna eru hlynnt veiðunum. 39 prósent samfylkingarmanna eru hlynnt veiðunum og 40 prósent vinstri grænna.

Fréttablaðið mánudagurinn 1. júlí 2013.

30 júní 2013. Hvalur 9 kom við á olíubryggjunni í Örfirisey um miðjan dag í dag og tók olíu eftir löndun í Hvalfirði. Hann hélt strax aftur á miðin.

Ljósm.: Jón Steinar Sæmundsson.

Skráð af Menningar-Staður