Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

Færslur: 2013 Desember

21.12.2013 16:54

Helgihald í Eyrarbakkaprestakalli um jólin

Í Eyrarbakkakirkju  30. maí 2013 þegar eldri borgarar ú Dómkirkjusöfnuðinum voru í heimsókn.
Ungur Eyrbekkingur, Björn Ingi Bragason, frá Kaupmannahöfn fylgist með.

 

Helgihald í Eyrarbakkaprestakalli um jólin

 

Stokkseyrarkirkja
Aftansöngur á aðfangadag kl. 18:00
Organisti Haukur A. Gíslason

 

Eyrarbakkakirkja
Messa á aðfangadag kl. 23:30 

Organisti
Haukur A Gíslason

 

Gaulverjabæjarkirkja
Messa jóladag kl. 14:00 

Organisti

Haukur A Gíslason

 

Sr. Sveinn Valgeirsson

 

Eyrbekkingarnir Séra Sveinn Valgeirsson og Siggeir Ingólfsson. Dómkirkjuprestarnir séra Anna Sigríður Pálsdóttir og séra Hjálmar Jónsson sitja til hægri. 

Skráð af Menningar-Staður

21.12.2013 13:24

| Jólaskreytingasamkeppnin í Árborgar 2013 - Verðlaunaafhending á Jólatorginu í dag 21. des.

 

 Jólaskreytingasamkeppnin í Árborgar 2013 –

Verðlaunaafhending á Jólatorginu í dag 21. des. kl. 16:00

 

Í dag,  laugardaginn 21. des. 2013,  verða afhent verðlaun fyrir jólaskreytingasamkeppnina í Árborg 2013.

Verðlaunaafhendingin fer fram á Jólatorginu á Selfossi kl. 16:00.  

Fjölmörg íbúðarhús og fyrirtæki voru tilnefnd og var val dómnefndar erfitt. Þetta árið var allt sveitarfélagið undir og valið í þrjú sæti í flokki íbúðarhúsa og eitt í flokki fyrirtækja. Hér að neðan má sjá tilnefnd íbúðarhús og fyrirtæki.

jólaskreytingasamkeppninn 2013 – tilnefningar


Af www.arborg.is

 

Skráð af Menningar-Staður

21.12.2013 09:19

Vetrarsólstöður eru í dag 21. desember 2013

Við Eyrabakkafjöru.



Vetrarsólstöður eru í dag 21. desember 2013

 

Vetrarsólstöður eru í dag 21. desember. Þá er skemmstur sólargangur og sól fer að hækka á himninum.

Vetrarskammdegið er nú í hámarki en stysti dagur ársins er á tímabilinu 20.-23. desember.

Á þessari öld ber vetrarsólhvörf oftast upp á þann 21. 

Í dag er sólargangur stystur; sólris seint og sólarlag snemma. Um leið verður áberandi hve seint náttúrulegt hádegi er á ferðinni á Íslandi.

Skráða f Menningar-Staður
.

 

21.12.2013 07:36

Sleipnir fékk hæsta styrkinn

Sýningin -Mannlíf og menning á Eyrarbakka- er nú í Ráðhúsinu á Selfossi.
Hér tekur Kjartan Björnsson, formaður Íþrótta og menningarnefndar Árborgar við sýningunni úr hendi Siggeirs Ingólfssonar, staðarhaldara á Stað á Eyrarbakka.

 

Sleipnir fékk hæsta styrkinn

 

Íþrótta- og menningarnefnd Árborgar úthlutaði menningarstyrkjum fyrir árið 2013 á síðasta fundi sínum. Þessi styrkir voru lagðir af árið 2008 í efnahagshruninu en koma nú aftur að hluta.

 

Samtals úthlutaði nefndin 250 þúsund krónum til fimm verkefna.

Eftirfarandi verkefni fengu styrk:

1. Jólahátíð Sleipnis – 75.000 kr. 

2. Ljósmyndasýning, Friðsæld – 50.000 kr. 

3. Kynningar á Konubókastofunni á Eyrarbakka – 50.000 kr. 

4. Sumarhúsið og garðurinn, viðburðir – 50.000 kr.

5. Hrútavinafélagið Örvar, útgáfa Séð og jarmað – 25.000 kr. 

 

Af www.sunnlenska.is

 

Allir skoða sýninguna -Mannlíf og menning á Eyrarbakka-
 

Skráð af Menningar-Staður

20.12.2013 07:14

Allskonar sögur - komnar út hjá Vestfirska forlaginu

Kápa bókarinnar - Allskonar sögur

 

Allskonar sögur - komnar út hjá Vestfirska forlaginu

 

Hjá Vestfirska forlaginu á Þingeyri er komin út bókin Allskonar sögur eftir Jón Hjartarson á Selfossi, Strandamann og fyrrum fræðslustjóra á Suðurlandi og afabarn hans, Ásu Ólafsdóttur. Bókin er ríkulega myndskreytt af Sunnlendingnum Ómari Smára Kristinssyni í Garðaríki á Ísafirði.

 

   Allskonar sögur eru 14 talsins. Ein þeirra, Urtan og ljósmóðirin, segir frá því þegar langamma Jóns Hjartarsonar, Sigríður Jónsdóttir ljósmóðir frá Stórafjarðarhorni, lenti í þeirri lífsreynslu að hjálpa urtu að kæpa. Er ekki vitað til að slíkt hafi komið fyrir fyrr né síðar hér á landi.

 

   Allskonar sögur er bók fyrir alla aldurshópa, sem hafa gaman af ævintýrum og njóta þeirra í samvistum við landið, sögurnar og eigin ímyndunarafl. 
 

Fæst í bókaverslunum um land allt.

Einnig er hægt að panta beint frá útgefanda í síma 456-8181.

Eða sendið okkur bara tölvupóst; jons@snerpa.is 

 

Þá er hægt að kaupa bækurnar í netverslun okkar; www.vestfirska.is

 

 

.

Skráð af Menningar-Staður

 

20.12.2013 06:39

Jólakveðja Regínu og Geira á Bakkanum

.

Gleðileg jól  gott og farsælt komandi ár.
Þökkum allan stuðninginn og vináttuna á liðnu ári.


Regína og Geiri á Bakkanum.

 

20.12.2013 06:22

20. desember 1930 - Landspítalinn tekur til starfa

Gamli Landspítalinn við Hringbraut
Landspítalinn sem Eyrbekkingurinn Guðjón Samúelsson teiknaði.

 

20. desember 1930 - Landspítalinn tekur til starfa

 

Landspítalinn var tekinn í notkun, án viðhafnar. Fyrsta daginn komu þrír sjúklingar á handlækningadeildina. Í spítalanum voru 120 sjúkrarúm og í upphafi voru læknarnir átta.

Elsti hluti Landspítalans, sem tekinn var í notkun 1930, var teiknaður af þáv. húsameistara ríkisins, Guðjóni Samúelssyni frá Eyrarbakka og það tók rúml. 4 ár að byggja hann. Í byrjun voru aðeins 2 deildir á Landspítalanum, þ.e.a.s. hand- og lyflækningadeild, en fyrsta stoðdeildin, röntgendeildin tók til starfa í janúar 1931.

Guðjón Samúelsson frá Eyrarbakka.

Morgunblaðið föstudagurinn 20. desember 2013 - Dagar Íslands - Jónas Ragnarsson.

Skráð af Menningar-Staður

19.12.2013 21:24

Rúmar sex milljónir á Suðurland


Björgvin Tómasosn á Stokkseyri fékk  kr. 1.500.000.
Í heimsókn alþingismanna og Hrútavina á Orgelverkstæði Björgvins í haust.
F.v.: orgelsmiðrinir Jóhann Hallur Jónsson, Guðmundur Gestur Þórisson og orgelmeistarinn Björgvin Tómasson og síðan alþingismennirnir Ásmundur Friðriksson og Vilhjálmur Árnason.


Rúmar sex milljónir á Suðurland

 

Nítján verkefni fengu í gær úthlutað samtals 33,5 milljónum króna úr Þróunarsjóði ferðamála. Að honum standa Landsbankinn og atvinnuvegaráðuneytið. Rúmum 6 milljónum króna var veitt í verkefni á Suðurlandi.

 

Íslenski bærinn í Austur-Meðalholtum í Flóahreppi fékk tveggja milljón króna styrk en þar er ætlunin að gefa út yfirlit um íslenska torfbæjararfinn í ljósi vistvænnar byggingarlistar. Íslenski bærinn mun samsanstanda af heilstæðu húsaþorpi og gert er ráð fyrir að fjöldi gesta sæki það heim á næstu árum. 

 

Friður og frumkraftar í Skaftárhreppi fengu rúmlega eina og hálfa milljón króna fyrir verkefni sem snýst um að þróa náttúrutengda upplifun fyrir menntaskólahópa í Skaftárhreppi innan Kötlu jarðvangs þar sem aðaluppsprettan er íslenskur mosi.

 

Orgelsmiðja Björgvins Tómassonar á Stokkseyri fékk eina og hálfa milljón króna í verkefni sem felst í því að opna orgelsmiðjuna fyrir almenningi. Sett verður upp fræðslusýning um starfsemina. Einnig verða hljóðfæri til sýnis og aðstaða útbúin fyrir tónleikahald.

 

Þá fékk undirbúningsfélag um bókabæ á Suðurlandi, Bókabærinn austanfjalls, eina milljón króna í styrk. Þar er ætlunin að mynda hóp samstarfsaðila sem tengjast bókum, menningu og ferðaþjónustu á Suðurlandi.

 

Þróunarsjóðurinn var stofnaður í tengslum við verkefnið Ísland allt árið og markmiðið með starfrækslu hans er að efla starfsemi fyrirtækja í ferðaþjónustu utan háannatíma og auka arðsemi þeirra. Þetta er í þriðja sinn sem úthlutað er úr sjóðnum og barst honum 61 umsókn að þessu sinni. 

Af www.sunnlenska.is




Frá tónleikum á Orgelverkstæði Björgvins Tómassonar á Stokkseyri fyrir nokkrum árum.

.

.

.


.

.

Skráð  af Menningar-Staður

19.12.2013 21:10

33,5 milljónum króna úthlutað til verkefna í ferðaþjónustu

Styrkhafar með banastjóra og ráðherra.

Styrkhafarnir ásamt Ragnheiði Elínu Árnadóttur, ráðherra ferðamála og Steinþóri Pálssyni, bankastjóra Landsbankans.

 

33,5 milljónum króna úthlutað til verkefna í ferðaþjónustu

 

Nítján verkefni fengu í gær úthlutað samtals 33,5 milljónum króna úr Þróunarsjóði ferðamála. Að honum standa Landsbankinn og atvinnuvega- og nýsköpunarráðuneytið.

Sjóðurinn var stofnaður í tengslum við verkefnið Ísland allt árið og markmiðið með starfrækslu hans er að efla starfsemi fyrirtækja í ferðaþjónustu utan háannatíma og auka arðsemi þeirra. Þetta er í þriðja sinn sem úthlutað er úr sjóðnum og barst honum 61 umsókn að þessu sinni.

Þróunarsjóðnum er ætlað að styðja við samstarfsverkefni fyrirtækja á tilteknum svæðum eða afbragðsverkefni stakra fyrirtækja undir sömu formerkjum. Hvatt er til samstarfs skapandi greina við fyrirtæki í ferðaþjónustu. Sjóðurinn styrkir einkum verkefnisstjórn, greiningarvinnu, undirbúning verkefna, kaup á ráðgjöf og þróun hugmynda en einnig önnur verkefni sem stuðlað geta að lengingu ferðamannatímans. Styrkir sjóðsins geta að hámarki numið 50% af heildarkostnaði verkefnis.

Í dómnefnd sátu þau Finnur Sveinsson, Davíð Björnsson og Guðný Erla Guðnadóttir frá Landsbankanum, Ólöf Ýrr Atladóttir, Ferðamálastofu, Berglind Hallgrímsdóttir Nýsköpunarmiðstöð Íslands og Ásborg Arnþórsdóttir tilnefnd af atvinnuvega- og nýsköpunarráðuneyti. Formaður dómnefndar var Finnur Sveinsson, sérfræðingur í samfélagsábyrgð hjá Landsbankanum.

Yfirlestur og mat umsókna önnuðust verkefnisstjórar frá Nýsköpunarmiðstöð Íslands og Ferðamálastofu. Eftirfylgni og afgreiðsla styrkja verður í höndum Nýsköpunarmiðstöðvar Íslands.

Ólöf Ýrr Atladóttir ferðamálastjóri segir:
„Sjálfbær vöxtur ferðaþjónustunnar kallar á að sífellt sé verið að þróa ný tækifæri ferðamanna til upplifunar, þannig að viðgangur atvinnugreinarinnar sé ekki eingöngu metin út frá tölum um fjölgun ferðamanna, heldur ekki síður út frá athöfnum þeirra, hegðun og þeirri reynslu sem þeir deila með vinum sínum þegar heim er komið. Þróunarsjóðurinn hefur komið til móts við þá þörf sem skapast hefur fyrir vandaða þjónustu við ferðamenn og verið frumkvöðlum á þessu sviði hvatning.“

Steinþór Pálsson bankastjóri Landsbankans segir:
„Það hefur verið ótrúlegt að fylgjast með þeim vexti sem orðið hefur í ferðaþjónustu á síðustu árum og nýjar rannsóknir sýna að greinin skapar senn meiri gjaldeyristekjur en sjávarútvegurinn. Landsbankinn hefur tekið þátt í þessum vexti af fullum krafti og staðið við bakið á ferðaþjónustufyrirtækjum um allt land bæði með styrkjum og lánsfjármögnun. Þróunarsjóðurinn gegnir mikilvægu hlutverki við að ýta úr vör spennandi verkefnum, við teljum að mörg þeirra sem fengið hafa styrk séu líkleg til að skila ávinningi í framtíðinni og ljóst er af umsóknum í sjóðinn að starfsfólk í ferðaþjónustu hefur mikinn metnað. Við óskum styrkþegum í dag til hamingju og vonum að hugmyndir þeirra verði að veruleika.“

Eftirtaldir hlutu styrki úr Þróunarsjóði ferðamála að þessu sinni:

Ferðaklasinn ÆSA – Vetrarupplifun á Austurlandi – 4.000.000 kr.
Verkefnið snýst um markaðssetningu á vönduðum ferðum sem byggja á sérstöðu landshlutans og miða að því að ná ferðamönnum til lengri dvalar á Austurlandi yfir veturinn.

Hestasport – Ævintýraferðir - Í ríki hestsins í Skagafirði - 3.000.000 kr.
Markmiðið er að efla vetrarhestaferðamennsku í Skagafirði. Undir leiðsögn reyndra reiðkennara fá þátttakendur tækifæri til að reyna allar gangtegundir á framúrskarandi hestum á „heimavelli“ yfir vetrartímann.

I5 - Into the North - 2.800.000 kr.
Ferðir allt árið fyrir erlenda ferðamenn um Ísland, með áherslu á svæði sem nær yfir Húnavatnssýslur og Skagafjörð. Saga, menning og matur úr héraði leikur stórt hlutverk í einstakri náttúruupplifun.

Okkar konur í Kína - Sterkari saman - Allt árið - 2.700.000 kr.
Markaðssókn á Asíumarkað með megináherslu á Kína. Unnið að fjölgun verðmætra ferðamanna, sem leggja upp úr sérstakri upplifun og lengri dvöl en almennt tíðkast.

Djúpavogshreppur – Haustafþreying í Djúpavogshreppi – 2.400.000 kr.
Markaðssetning smalamennsku og hreindýraskoðunar, veiða á ref og mink, og selaskoðunar á bátum í umhverfi myrkurs og norðurljósa.

Henry Fletcher – Wildfjords Trail – 2.400.000 kr.
Wildfjords Trail er stígur í villtri náttúru Íslands á milli Ísafjarðar og Látrabjargs. Með því að fara hann mun fólki gefast kostur á að upplifa einstaka náttúru svæðisins.

Skrifstofa ferða- og menningarmála – Aldamótabærinn Seyðisfjörður-Skapandi allt árið – 2.150.000 kr.
Klasasamstarf skapandi greina og ferðaþjónustu á Seyðisfirði. Markmiðið er að markaðssetja, og þróa afþreyingu fyrir ferðamenn til að lengja ferðamannatímann.

Íslenski bærinn – Íslenski bærinn – 2.000.000 kr.
Ætlunin er að gefa út yfirlit um íslenska torfbæjararfinn í ljósi vistvænnar byggingarlistar. Íslenski bærinn mun samsanstanda af heilstæðu húsaþorpi og gert er ráð fyrir að fjöldi gesta sæki það heim á næstu árum.

Helga Hausner – Die Islandfrauen – 1.778.000 kr.
Skipulagning og markaðssetning vikunámskeiða í sjálfseflingu sem fram fara að vetrarlagi á Þingeyri og ætluð er þýskumælandi konum.

Friður og frumkraftar – Náttúrutengd upplifun fyrir menntaskólahópa – 1.550.000 kr.
Verkefnið snýst um að þróa náttúrutengda upplifun fyrir menntaskólahópa í Skaftárhreppi innan Kötlu jarðvangs þar sem aðaluppsprettan er íslenskur mosi.

Björgvin Tómasson sf. – Orgelsmiðja – 1.500.000 kr.
Hugmyndin felst í því að opna orgelsmiðjuna fyrir almenningi. Sett verður upp fræðslusýning um starfsemina. Einnig verða hljóðfæri til sýnis og aðstaða útbúin fyrir tónleikahald.

Rútópía fyrir ferðamenn – Rútópía, ferð um mannlíf og menningu Reykjavíkurborgar – 1.100.000 kr.
Farþegar ferðast í gömlum menningarvagni um listaheim og menningarlíf Reykjavíkurborgar. Þátttakendur kynnast listafólki og öðrum sem á veginum verða, á fræðandi og óvæntan hátt.

Austurför ehf. – Veiði- og útivistarveisla á Fljótsdalshéraði – 1.000.000 kr.
Veiði- og útivistarveislan dregur fram styrkleika Fljótsdalshéraðs þegar kemur að veiði og útivist og stuðlar að því að lengja ferðamanntímabilið inn í veturinn.

Undirbúningsfélag um bókabæ á Suðurlandi – Bókabærinn austanfjalls – 1.000.000 kr.
Ætlunin er að mynda hóp samstarfsaðila sem tengjast bókum, menningu og ferðaþjónustu á Suðurlandi.

Sigrún Birna Einarsdóttir – Upplifun á söguslóð – 1.000.000 kr.
Verkefnið miðar að því að virkja þann fjársjóð sem felst í sérstöðu Vesturlands í náttúru, alþýðumenningu og ekki síst sögulegri arfleifð með áherslu á Borgarfjörð.

Sjálfseignarstofnun Vélsmiðju Guðmundar J. Siguðssonar – Þingeyri áningastaður Vestfjarða, allt árið – 1.000.000 kr.
Markmiðið er að skapa sameiginlegan vettvang og opinberan móttökustað fyrir ferðamenn sem heimsækja Þingeyri.

Skagaferðir ehf. – TasteIceland - 1.000.000 kr.
Skipulagðar ferðir um Akranes og nærsveitir fyrir erlenda ferðamenn til að kynna atvinnuhætti og menningu heimamanna með áherslu á matarmenningu.

Ferðaþjónustan Döff – Ferðaþjónustan Döff – 600.000 kr.
Ætlunin er að bjóða heyrnarlausum erlendum ferðamönnum með því að aka þeim um Ísland og veita leiðsögn á táknmáli.

Tasting Iceland – Tasting Iceland – 600.000 kr.
Markmiðið er að skipuleggja sælkeraferðir til Íslands og laða að ferðamenn frá Bandaríkjunum og Kanada á haustin með áherslu á góðan íslenskan mat

Af www.ferdamalastofa

.

Skráð af Menningar-Staður

19.12.2013 06:34

Kosning hafin á Sunnlendingi ársins

Árið er senn á enda. sunnlenska.is/Jónas Erlendsson

 

Kosning hafin á Sunnlendingi ársins

 

Kosning er hafin á Sunnlendingi ársins 2013. Árið er senn á enda og á síðustu mánuðum hafa margir Sunnlendingar unnið stór og smá afrek sem vöktu athygli og aðdáun.

Kosningunni lýkur á jóladag en úrslitin verða birt á sunnlenska.is á milli jóla og nýárs. Einnig er hægt að senda tilnefningar á netfangið sunnlenska@sunnlenska.is eða koma við á skrifstofu blaðsins á Austurvegi 22 á Selfossi.

 

Smellið HÉR til þess að kjósa.

 

Fyrri Sunnlendingar ársins:

2012 Jóhanna Bríet Helgadóttir, móðir á Selfossi Valin af lesendum Sunnlenska fréttablaðsins og sunnlenska.is
2011 Olga Bjarnadóttir, fimleikaþjálfari og kennari á Selfossi Valin af lesendum Sunnlenska fréttablaðsins og sunnlenska.is
2010 Kjartan Þorkelsson, sýslumaður á Hvolsvelli Valinn af lesendum Sunnlenska fréttablaðsins og sunnlenska.is
2009 Ekki valinn
2008 Jón Eiríksson, bóndi og fræðimaður í Vorsabæ Valinn af lesendum Sunnlenska fréttablaðsins
2007 Ekki valinn
2006 Ekki valinn
2005 Gunnar Egilsson, Suðurpólfari á Selfossi Valinn af lesendum Sunnlenska fréttablaðsins og sudurland.is

Af www.sunnlenska.is

 

Skráð af Menningar-Staður