Kynning á breytingu aðalskipulags Árborgar 2010-2030 - Göngustígur milli Eyrarbakka og Stokkseyrar

 

Áður en tillaga að breytingu á aðalskipulagi er tekin til formlegrar afgreiðslu í sveitarstjórn skal tillagan og forsendur hennar kynnt íbúum sveitarfélagsins og öðrum hagsmunaaðilum.

Í samræmi við 2.mgr. 30.gr. skipulagslaga nr. 123/2010 er hér kynnt tillaga að breytingu á aðalskipulagi Árborgar 2010-2030.

 

Um er að ræða breytta legu göngu- og hjólastígs á milli Eyrarbakka og Stokkseyrar.

Breytt lega stígsins nær frá vestur enda hans, við Merkisteinsvelli á Eyrarbakka, að göngubrú yfir Hraunsá, vestan Stokkseyrar. Stígurinn mun liggja á milli Gaulverjabæjarvegar nr. 33 og fjörukambsins.

Skilgreind landnotkun samkvæmt gildandi aðalskipulagi sveitarfélagsins er einkum opið svæði til sérstakra nota auk landbúnaðarsvæðis. Samkvæmt gildandi aðalskipulagi er staðsetning stígsins meðfram strandlengjunni. Hann mun því færast fjær sjónum við breytinguna.

Með breytingu á legu stígsins er verið að minka líkur á ágangi sjávar auk þess sem lengd hans styttist um 260m.

Ekki er um að ræða friðlýst svæði á náttúruminjaskrá, en á lista í skránni um „ aðrar náttúruminjar „ er að finna Gamla-Hraun og nágrenni vegna fjölbreytts lífríkis.

 

Tillagan ásamt greinagerð verður aðgengileg á heimasíðu Sveitarfélagsins Árborgar www.arborg.is auk þess sem hún verður til kynningar á skrifstofu skipulags- og byggingarfulltrúa að Austurvegi 67 Selfossi , fimmtudaginn 16. október 2014 frá kl 13.00 til kl 15.00.

 

Gögn:  Göngu-og hjólast-Askbr1-Drög1

 

Bárður Guðmundsson

Skipulags- og byggingarfulltrúi

Sveitarfélagsins Árborgar

 

Skráð af Menningar-Staður

 

Félagslundur.

Málþing um framtíð ungmennafélaganna í Flóahreppi

13. október 2014

 

Nú þegar 10 ár eru liðin síðan Flóaskóli var stofnaður og sveitarfélagið Flóahreppur varð til í kjölfarið hafa ungmennafélögin í Flóahreppi ákveðið 
að boða til málþings um framtíð ungmennafélaganna í Flóahreppi.

Í okkar samfélagi þar sem gömlu hreppamörkin verða sífellt óljósari heyrast oft raddir sem vilja að í Flóahreppi verði eitt ungmennafélag sem haldi utan um íþrótta- og menningarstarfsemi sveitarfélagsins. Börnin í sveitinni séu saman í skóla og keppi nú þegar undir sama merki í íþróttum. 
 

Á málþinginu verður farið yfir þær sameiningarhugmyndir sem stjórnir ungmennafélaganna hafa rætt á síðustu misserum og í kjölfarið verða almennar umræður um hverskonar íþrótta- og menningarlíf íbúar í Flóahreppi vilja að fari fram í sveitinni. Hvernig er hægt að hafa starfið sem fjölbreyttast og að sem flestir vilji taka þátt? 

 Málþingið mun fara fram í Félagslundi mánudagskvöldið 13. október og hefst kl 20:30. 

Við hvetjum alla þá sem áhuga hafa að mæta og viðra sínar skoðanir á málinu. Sérstaklega viljum við hvetja foreldra barna á skólaaldri til að koma og móta þannig með okkur framtíðina í íþrótta- og menningarstarfi sveitarinnar. 
 

Léttar veitingar í boði ungmennafélaganna og vonandi góðar umræður í sönnum ungmennafélagsanda. 

 

Unmennafélögin Baldur, Samhygð og Vaka

 

Félagslundur.

Skráð af Menningar-Staður

 

Mikhail Gorbatsjof og Ronald Reagan.

 

11. október 1986 -  Leiðtogafundurinn í Höfða hófst

 

11. október 1986 Leiðtogafundurinn í Höfða hófst.

Hann stóð í tvo daga. Þar ræddu Ronald Reagan Bandaríkjaforseti og Mikhail Gorbatsjof leiðtogi Sovétríkjanna um afvopnunarmál. „Vonir um verulega fækkun kjarnavopna,“ sagði DV.

Morgunblaðið laugardagurinn 11. október 2014 - Dagar Íslands - Jónas Ragnarsson.

 

Höfði í Reykjavík.

 

Skráð af Menningar-Staður

 

Flestir þátttakendur í ferðinni með nokkrum heimamönnum við Allrahndarútan þegar komið var að Svalbarði í Þistilfirði með Gorba.

 

- Samvinnuferðin  landsferð-  Þátttakendur

 

Hrútavinafélagið Örvar á Suðurlandi fór hreint magnaða ferð hringinn um Ísland á helginni sem leið,  ( 2. – 5. október 2014) -Samvinnuferðin – landsferð-

Tilgangur ferðarinnar var að koma Gorbachev, uppstoppuðum verðlaunahrút - forystusauð frá Brúnastöðum í Flóa norður í Þistilfjörð þar sem hann mun gleðja safngesti á Fræðasetri um forystufé að Svalbaði í Þistilfirði.

Helstu driffjaðrir þessa voru þeir Guðni Ágústsson, heiðursforseti Hrútavinafélagsins Örvars  og fyrrum landbúnaðarráðherra, Björn Ingi Bjarnason forseti Hrútavinafélagsins Örvars á Eyrarbakka og Níels Árni Lund í Landbúnaðrráðuneytinu,  frá Miðtúni rétt norðan Kópaskers.

 

Farið var í rútu frá Allrahanda í boði eigenda; Sigurdórs Sigurðssonar og Þóris Garðarssonar frá Flateyri.

 

Þátttakendur í ferðinnu voru:

 
  1. Guðni  Ágústsson – Reykjavík

  2. Margrét Hauksdóttir – Reykjavík

  3. Níels Árni Lund – Reykjavík  

  4. Björn Ingi Bjarnason - Eyrarbakka

  5. Guðmundur Jón Sigurðsson – Reykjavík - bílstjóri

  6. Jón Hermannsson - Flúðum

  7. Kristján Runólfsson - Hveragerði

  8. Þórður Guðmundsson – Hólmi, Stokkseyri

  9.  Hendrik Tausen - Garði

10. Sigurgeir Hilmar Friðþjófsson - Stokkseyri

11. Guðbergur Guðnason – Reykjavík -  bílstjóri

12.  Gunnar Haraldsson  Kistuholti 5 - Blásksógabyggð  

13. Óskar Halldórsson-  Krossi – Lundarreykjadal – Borgarfirði

14. Ólafur Pétursson -  Hveragerði

15.  Sigurður Sigurðarson - Selfossi 

16.  Ólöf Erla Halldórsdóttir – Selfossi

17. Magnús Ólafsson – Sveinsstöðum í Húnavatnssýslu

18. Ari Björn Thorarensen – Selfossi

19. Ingvar Sigurðsson – Selfossi

20. Jóhannes Kristjánsson – Reykjavík -  eftirherma

21. Sigurður Þ. Ragnarsson - Hafnarfirði  frá INN og sýnt í nóv. 2014
22. Hólmfríður Þórisdóttir – Hafnarfirði frá INN og sýnt í nóv. 2014
 

Einnig komu af Suðurlandi  á eigin vegum:

23. Tryggvi Ágústsson – Selfossi

24. Helgi S. Haraldsson – Selfossi
25. Haraldur Sveinsson – Hrafnkelsstöðum við Flúðir
26. Gunnar Einarsson Selfossi

Nokkrar rútumyndirt hér:

. . . . . . . . . . Skráð af Menningar-Staður

 

Hljómsveitin Kiriyama Family.   Fjölskyldan með All night long í Þekjunni   Kiriyama Family mættu í Þekjuna í Virkum morgnum á Rás 2 og hentu í smellinn All night long með Lionel Richie. Hljómsveitin spilar á  Akureyri í kvöld, nánar tiltekið á Græna hattinum og hefjast tónleikarnir klukkan 22:00.    Kiriyama Family hefur verið starfandi frá árinu 2010 og þeirra fyrsta breiðskífa kom út um mitt sumarið 2012. Lagið Weekends af þeirri plötu náði þeim árángri að verða lag ársins á rás 2 og bætti met með því að sitja lengst á toppi listans frá upphafi. Nú tveimur árum seinna er von á annarri breiðskífu bandsins sem mun koma með vetrinum og hefur fyrsti singúll þeirra "Apart" þegar náð að setja í toppsæti vinsældarlista rásar2 í 3 vikur í röð. Hljómsveitin samanstendur af 6 manns, þar á meðal ungri söngkonu sem nýverið gekk til liðs við bandið. Hljómsveitin er þekkt fyrir flotta og lifandi tónleika og þykir mjög sérstakt að enginn meðlimur bandsins er fastur við eitt hljóðfæri. Þannig myndast skemmtileg og síbreytileg stemmning sem gerir bandið að Kiriyama Family. Hljómsveitin Hljómsveitt hitar upp.   Hér má heyra  All night long með Kiriyama Family frá því í morgun.

http://www.ruv.is/tonlist/fjolskyldan-med-all-night-long-i-thekjunni

 

Af www.ruv.is

Skráð af Menningar-Staður

 

Jón Karl Ragnarsson.

Hjallurinn við Húsið endurgerður

 

Um þessar mundir er unnið að endurgerð hjallsins við Húsið á Eyrarbakka.  Hann er núna færður í upprunalega gerð með pappa sem ystu klæðningu á veggjum í stað bárujárns og með rimlum eins og upphaflega var.

Hjallurinn var upprunalega reistur í tíð Kaupfélagsins Heklu árin 1919-1925 en svo var honum breytt talsvert að talið er árin 1932-1935.

Verkið vinnur Jón Karl Ragnarsson húsasmíðameistari fyrir Þjóðminjasafn Íslands.

Af www.husid.com

Skráð af Menningar-Staður
 

Vík í Mýrdal. Ljósm.: Egill Bjarnason.

 

Regnbogahátíðin í Vík á helginni

 

Bæjar- og menningarhátíðin Regnboginn, list í fögru umhverfi, verður haldin í Vík í Mýrdal dagana 10. til 12. október 2014. Boðið verður upp á fjölbreytta dagskrá þar sem allir eiga að geta fundið eitthvað við sitt hæfi.

Eiríkur Vilhelm Sigurðsson, framkvæmdastjóri hátáðarinnar segir að tónlistin skipi stóran sess á hátíðinni nú sem endranær og kemur tónlistarfólkið að þessu sinni bæði úr Mýrdalnum og annars staðar af landinu.

Tónleikar og skemmtun verða bæði köldin í íþróttahúsinu þar sem Árný Árnadóttir, Beggi blindi, Elva Dögg Gunnarsdóttir og Hviðmávarnir koma fram. Á laugardagsmorgninum ætlar Ásgeir Magnússon, sveitarstjóri og konan hans að bjóða Mýrdælingum í morgunverð á heimili sitt við Sunnubraut 7.

Í Suður-Vík standa tvær myndlistasýningar yfir á efri og neðri hæð, Guðrún Sigurðardóttir opnar gallerýið sitt fyrir gestum og gangandi. Í Kötlusetri verður ljósmyndasýning Varyu Lozenko en hún er langt komin með verk sitt þar sem hún hefur ljósmyndað 0,1% þjóðarinnar. Regnbogamarkaðurinn verður á sínum stað og mun Dagný Kristjánsdóttir sýna servíettusafn sitt þar. Áslaug og Siggi bjóða gestum í gönguferð um Víkurþorpið, Ævar vísindamaður kíkir í heimsókn og kaffihúsin hafa opið lengur um helgina.

Framrás býður upp á alvöru sveitaball í Leikskálum með hljómsveitinni Skítamóral í tilefni 25 ára afmælis fyrirtækisins í ár. Þá verður haldið upp á 80 ára afmæli Víkurkirkju á sunnudeginum og að því tilefni verður hátíð í kirkjunni á sunnudaginn með afmælismessu. Að messu lokinni verður messukaffi í Suður-Vík. Hljómsveitin Árstíðir ljúka hátíðinni að þessu sinni á ljúfu nótunum.

„Regnbogahátíðin á sér margt velgjörðarfólk og eru allir tilbúnir að aðstoða við undirbúning hennar, ungir sem aldnir. Fyrir það erum við í undirbúningsnefndinni afar þakklát. Við þökkum öllum fyrir hjálpina,“ segir Eiríkur Vilhelm.

 

Af www.sunnlenska.is

 

Ásgeir Magnússon frá Flateyri er sveitarstjóri í Vík í Mýrdal.

 

 

Skráð af Menningar-Staður

 

 

88.300 FERÐAMENN Í SEPTEMBER

 

 

Bakkaroði og blámi

Séð 10. október 2014 frá Ránargrund á Eyrarbakka.

 

Skráð af Menningar-Staður

 

 

Ari Björn Thorarensen og Þórður Guðmundsson bera Gorba út úr rútunni.

Tryggvi og Guðni Ágústssynir báru Gorba inn á Svalbarði.

 

Afmælisferð Hrútavinafélagsins Örvars 15 ára

 

Hrútavinafélagið Örvar á Suðurlandi efndi til Samvinnuferðar á Hrútadaginn mikla á Raufarhöfn um síðustu helgi. Ferðin var fjögurra daga hringferð um landið með viðkomu víða og fjölmennum mannlífs uppákomum með heimamönnum á hverjum stað .

Með í för var hinn uppstoppaði forystusauður Gorbatsjov frá Brúnastöðum sem Hrútavinafélagið gaf síðan Fræðasetrinu  um forystufé sem er að Svalbarði í Þistilfirði og opnað var í sumar. Það voru Brúnastaðabræðurnir Guðni og Tryggvi Ágústssynir sem báru Gorba inn og afhentu hann formlega Daníel Hansen en hann er forstöðumaður setursins. María Hauksdóttir kvaddi síðan Gorba með kossi og jafnaði þar með kossastöðuna  við eiginmann sinn er Guðni kyssti kú fyrir nokkrum árm eins og frægt er.

Spennandi dagskrá var í boði fyrir gesti hátíðarinnar en dagskráin innihélt m.a. hrútahlaup, skemmtiatriði frá Hrútavinafélaginu Örvari, hrútauppboð, Hagyrðingakvöld, Jóhannes Kristjánsson skemmti, en hann var í hópi Hrútavinna og síðan dansleikur. Fullt var út úr dyrum á öllum dagskráratriðum.

Hrúturinn myndarlegi, Þorlákur var verðmætasti hrúturinn á uppboðinu  en hann seldist á rúmar 150 þúsund krónur Tryggva Ágústssyni og félögum af Suðurlandi.

Hrútavinafélagið var leyst út með gjöfum og óskum þess að koma aftur á Hrútadaginn að ári og er þegar hefinn undirbúningur þess.
 

Þetta var fimmtán ára afmælisferð Hrútavinafélagsins Örvars og þakkar félagið frábærar móttökur hvar sem komið var. Víst er að ferðin hefur aukið hróður Sunnlendinga og færði heimamönnum mikla gleði hvar sem komið var í hringferðinni um Ísland.  

 

Björn Ingi Bjarnasonm forseti Hrúitavinafélagsins Örvars
Ljósm.: Guðmundur Jón Sigurðsson

 

Hópurinn að sunnan og heimamenn  framan við rútuna frá Allrahanda.

 

F.v.: Björn Ingi Bjarnason, Tryggvi Ágústsson, Guðni Ágústsson, Daníel Hanssen, forstöðumaður Forystufjársetursins að Svalbarði í Þistilfirði og Margrét Hauksdóttir.

 

Skráð af Menningar-Staður