Áramótakveðja

 

Félagsheimilið Staður

 

Menningar-Staður 

á Eyrarbakka

Siggeir Ingólfsson

 

 

Siggeir Ingólfsson.

Skráð af Menningar-Staður

 

 

 

Áramótabrennur í Árborg 2014

 

Kveikt verðu í áramótabrennum á eftirfarandi stöðum í Sveitarfélaginu Árborg þann 31.desember 2014 ef veður leyfir.

• Á gámasvæðinu, Víkurheiði á Selfossi kl. 16:30
• Við Hafnarbrú á Eyrarbakka kl. 20:00
• Við Arnhólma á Stokkseyri kl. 20:00
  
  Af www.arborg.is
  
  Skráð af Menningar-Staður

 

Guðmunda Brynja og Daníel Jens eftir verðlaunaafhendinguna í kvöld.
Ljósm.: sunnlenska.is/Guðmundur Karl

 

Guðmunda og Daníel íþróttafólk ársins í Árborg

 

Knattspyrnukonan Guðmunda Brynja Óladóttir og taekwondomaðurinn Daníel Jens Pétursson, bæði úr Umf. Selfoss, voru í kvöld útnefnd íþróttakona og íþróttakarl Sveitarfélagsins Árborgar.

Uppskeruhátíð Íþrótta- og menningarnefndar Árborgar var haldin í hátíðarsal Fjölbrautaskóla Suðurlands í kvöld.

Þar voru Íslands-, deildar-, bikar- og Norðurlandameistarar úr sveitarfélaginu heiðraðir sérstaklega en íþróttamenn úr Árborg unnu yfir fimmtíu titla á árinu, bæði í liða og einstaklingsgreinum. Sveitarfélagið eignaðist tvo Norðurlandameistara á árinu og en íþróttamenn úr Árborg komust fimm sinnum til viðbótar á pall á Norðurlanda- eða Evrópumeistaramótum.

Hestamannafélagið Sleipnir fékk hvatningarverðlaun ÍMÁ en félagið er 85 ára í ár. Félagsstarf Sleipnis hefur eflst mikið á síðustu árum og félagafjöldinn tvöfaldast en hann er nú á sjötta hundrað félagsmanna. Einnig er æskulýðsstarf félagsins sérstaklega öflugt.

Einnig voru veittir styrkir úr afreks- og styrktarsjóðum íþróttafélaganna og sveitarfélagsins.

Hápunktur kvöldsins var útnefning íþróttafólks ársins en 38 aðilar, bæjarfulltrúar, forystufólk í íþróttahreyfingunni og fjölmiðlamenn kjósa úr hópi tilnefndra íþróttamanna.

Guðmunda Brynja fékk 185 stig í kjörinu, handboltakonan Hrafnhildur Hanna Þrastardóttir, Umf. Selfoss, 174 stig og fimleikakonan Eva Grímsdóttir, Umf. Selfoss, 140 stig.

Hjá körlunum sigraði Daníel Jens með 199 stig, annar varð fimleikamaðurinn Konráð Oddgeir Jóhannsson, Umf. Selfoss, með 142 stig og þriðji júdómaðurinn Þór Davíðsson, Umf. Selfoss, með 126 stig.

Guðmunda Brynja er fyrirliði kvennaliðs Selfoss í knattspyrnu sem varð í 4. sæti Pepsi-deildarinnar í sumar og komst í úrslit í bikarkeppni KSÍ. Hún er orðin fastamaður í A-landsliðinu og skoraði sitt fyrsta landsliðsmark á árinu. 

Daníel Jens kom til baka eftir erfið meiðsli og varð Norðurlandameistari í sínum þyngdarflokki auk þess sem honum gekk vel á mótum á erlendri grundu. Hann varð einnig Íslandsmeistari í sínum þyngdarflokki með miklum yfirburðum.
 

Af www.sunnlenska.is

 

Skráð af Menningar-Staður

 

 

Tilnefningar til íþróttakarls og konu Árborgar 2014

 

Eftirtaldir aðilar hafa hlotið tilnefningu til íþróttakarls- og konu Árborgar 2014. Tilkynnt verður um úrslit kjörsins í kvöld þriðjudaginn 30. des. 2014 kl. 20:00 í hátíðarsal Fjölbrautaskóla Suðurlands.

Tilnefndir eru í stafrófsröð:

1. Alexandra Eir Grétarsdóttir                            golf
2. Daníel Jens Pétursson                                      taekwondo
3. Elmar Darri Vilhelmsson                                 mótorcross
4. Erlendur Ágúst Stefánsson                              körfuknattleikur
5. Eva Grímsdóttir                                                 fimleikar Umf. Selfoss
6. Guðmunda Brynja Óladóttir                           knattspyrna
7. Guðmundur Ásbjörnsson                                íþróttir fatlaðra
8. Guðrún Hulda Sigurjónsdóttir                       frjálsar íþróttir fatlaðra
9. Gyða Dögg Heiðarsdóttir                                 mótokross
10. Haukur Baldvinsson                                         hestaíþróttir
11. Hrafnhildur Hanna Þrastardóttir                  handbolti
12. Hlynur Geir Hjartarson                                   golf
13. Ingibjörg Erla Grétarsdóttir                            taekwondo
14. Ívar Guðmundsson                                           akstursíþróttir
15. Kári Valgeirsson                                                sund
16. Konráð Oddgeir Jóhannsson                          fimleikar
17. Nína Jenný Kristjánsdóttir                             körfuknattleikskona
18. Olil Amble                                                           hestaíþróttir
19. Ólafur Guðmundsson                                      frjálsar íþróttir
20. Ólöf Eir Hoffritz                                                sund
21. Sverrir Pálsson                                                  handknattleikur
22. Thelma Björk Einarsdóttir                             frjálsar íþróttir
23. Tómas Sjöberg Kjartansson                           knattspyrna Árborg
24. Vanda Jónasardóttir                                        fimleikar Umf. Stokkseyri
25. Þorsteinn Daníel Þorsteinsson                      knattspyrna Umf. Selfoss
26. Þór Davíðsson                                                   júdó
27. Þórdís Mjöll Böðvarsdóttir                             júdó

Listinn með umsögnum um hvern íþróttamanna:

Tilnefndir íþróttamenn 2014 með umsögn

Af www.arborg.is

Skráð af Menningar-Staður

 

Egill Blöndal og Guðmunda Óladóttir voru valin íþróttafólk ársins í fyrra.
Ljósm.: sunnlenska.is/Guðmundur Karl

 

Uppskeruhátíð Íþrótta- og menningarnefndar Árborgar

þriðjudaginn 30. des. 2014 

íþróttakarl og kona Árborgar heiðruð

 

Í dag, þriðjudaginn 30. des  2014 kl. 20:00 verður hin árlega uppskeruhátíð íþrótta- og menningarnefndar Árborgar haldin í sal Fjölbrautaskóla Suðurlands á Selfossi.

Þar verða afhentir styrkir úr Afreks-og styrktarsjóði Árborgar og íþróttafélaganna, þ.e. Umf. Selfoss, íþf. Suðra, íþf. Fsu og Golklúbbs Selfoss, Hvatningaverðlaun veitt, afhentir styrkir fyrir afburðaárangur og tilkynnt kjör íþróttakonu og íþróttakarls Árborgar 2014.

Anton Guðjóns og Gunnar Guðni spila og syngja fyrir gesti.

Allir velkomnir en boðið er upp á kaffiveitingar að lokinni athöfn.

 

Íþrótta- og menningarnefnd Sveitarfélagsins Árborgar.

 

Skráð af Menningar-Staður

 

Vilhjálmur frá Skáholti

 

Merkir Íslendingar - Vilhjálmur frá Skáholti

 

Vilhjálmur Björgvin Guðmundsson fæddist í Skáholti við Bræðraborgarstíg í Reykjavík 29. desember 1907 og kenndi sig jafnan við þann bæ. Foreldrar hans voru Guðmundur Guðmundsson sjómaður og k.h., Sigurveig Einarsdóttir húsfreyja.

Vilhjálmur ól allan aldur sinn í Reykjavík að undanskildum vetrinum 1932-33 er hann lærði við Lýðháskólann í Askov. Hann setti sinn sérstæða svip á mannlífið í Miðbænum þar sem hann starfrækti einhvers konar fornsölu og seldi blóm. Hann var Reykjavíkurskáld í húð og hár, tilfinningaríkt og eirðarlaust náttúrubarn og drykkfellt alþýðuskáld sem lá ekki lengi yfir ljóðum sínum né skeytti um brothætt mannorðið. Þess vegna drógu margir í efa að hann væri alvöruskáld. En þó að hann sé mistækur er hann víða afburðaskáld þegar honum tekst best upp.

Vilhjálmur sendi frá sér ljóðabækurnar Næturljóð, 1931; Vort daglegt brauð, 1935 og 1950; Sól og menn, 1948, og Blóð og vín, 1957. Í Vort daglegt brauð er hann uppreisnarskáld í tvenns konar skilningi: Hann skipar sér á bekk með róttækustu málsvörum verkalýðsbaráttu

og heimsbyltingar og ræðst auk þess á hræsni og skinhelgi góðborgaranna með hispurslausum hugleiðingum um sjálfan sig og frelsarann.

Vilhjálmur er oft sjálfmiðaður, sjálfsgagnrýninn og angurvær þó að hann verji breyskan bróður og beri höfuðið hátt í allri sinni ógæfu. Hann var fríður, sviphreinn og höfðinglegur, trúr vinum sínum og barngóður.

Lengi vel voru ljóðabækur Vilhjálms ófáanlegar en árið 1992 gaf Hörpuútgáfan út heildarsafn ljóða hans, Rósir í mjöll. Helgi Sæmundsson bjó bókina til prentunar og skrifaði prýðilegan inngang.

Tvö ljóða Vilhjálms hafa oft verið sungin við gullfalleg lög tveggja vina hans: Ó borg, mín borg, við lag Hauks Morthens, og Litla fagra, ljúfa vina, við lag Sigfúsar Halldórssonar.

Vilhjálmur lést 1963.

Hér syngur Haukur Mortens - Ó borg mín borg:
https://www.youtube.com/watch?v=5TTmmHIDzjE

Morgunblaðið mánudagurinn 29. desember 2014 - Merkir Íslendingar

Skráð af Menningar-Staður

 

F.v.: Siggeir Ingólfsson og Mats Wibe Lund með ljósmynd af Eyrarbakka.

Alþýðuhúsið á Eyrarbakka 29. desember 2014

 

. F.v.: Þórður Grétar Árnason, Siggeir Ingólfsson og Mats Wibe Lund.   Skráð af Menningar-Staður

 

 

700.000 flettingar á Menningar-Stað

 

Síðdegis í gær – sunnudaginn 28. desember 2014 – fóru flettingar frá upphafi á vefnum -Menningar-Staður- yfir 700.000 og eru gestir orðnir yfir 111.400

Takk fyrir þetta ágætu gestir á Menningar-Stað

Vefurinn hefur verið í loftinu frá því í lok febrúar 2013.

 

Skráð af Menningar-Staður

 

 

Hljómsveitin Kiriyama Family frá; Eyrarbakka, Stokkseyri og Selfossi.

 

Kiriyama Family á þriðja vinsælasata lag ársins 2014

 

Hljómsveitin Amabadama er í toppsæti Árslistans 2014, samantekt allra Vinsældalista Rásar 2 á árinu, með lagið „Hossa Hossa“. Í öðru sæti samantektarlistans er Eurovision lagið „No Prejudice/Enga fordóma“ með sveitinni Pollapönk og þriðja vinsælasta lag ársins er lagið „Apart“ með Kiriyama Family.

 

.

 

Fokvísur Kristjáns Runólfssonar

 

Kári blés á Geira glans,
glataðist pottloksnefnan
hún fauk af til andskotans,
eins og hjallastefnan.

 

Hattur Geira, höfuð laus,
horfinn var í rokið,
á meðan sett´ann sinn á haus,
sixpensaralokið.

 

.

.

Skráð af Menningar-Staður