.

F.v.: Oddný G. Harðardóttir og Sigríður Ingibjörg Ingadóttir.

Velferðar- og fjárlagatvist á Selfossi

 Þingkonur Samfylkingarnar: þær  Sigríður I. Ingadóttir, formaður velferðarnefndar Alþingis og Oddný G. Harðardóttir, 2. varaformaður fjárlaganefndar, voru með framsögur  á opnum fundi hjá Samfylkingunni í Árborg í morgun, laugardaginn 28. febrúar  2015.

Vel var mætt á fundinn og eftir framsögur voru  margar fyrispurnir  og umræður áhugaverðar.

Menningar-Staður færði til myndar og er albúm komið hér á Menningar-Stað.
Smella á þessa slóð:
http://menningarstadur.123.is/photoalbums/270120/

Nokkrar myndir hér:

.

.

.

.

.

Skráð af Menningar-Staður

.

Skíðaganga við sólarupprás á Eyrarbakka 28. feb. 2015

Myndalbúm frá Flötnum austanlega á Eyrarbakka í morgun.

Smella á þessa slóð.

http://menningarstadur.123.is/photoalbums/270109/

Nokkrar myndir hér:

.

.

Skráð af Menningar-Staður

Félagsheimilið Staður á Eyrarbakka - Stóri salurinn

Upplýsingar og leiga:
Siggeir Ingólfsson sími: 898-4240  og 483-1415

Fleiri myndir á þessari slóð:

http://menningarstadur.123.is/photoalbums/270103/

og

http://menningarstadur.123.is/page/36148

.

.

.

.

•  Sjkráð af Menningar-Staður

Eyrbekkingurinn Óðinn Andersen með fyrstu teikninguna sem birtist í blaðinu fyrir tuttugu árum.

Þúsund skopteikningar á 20 árum

Í Sunnlenska fréttablaðinu á  þessari viku birtist eittþúsundasta skopteikningin eftir Óðinn Kaleví Andersen á Eyrarbakka. Fyrsta skopteikning Óðins birtist í Sunnlenska þann 19. janúar 1995, rúmum þremur árum eftir að blaðið kom fyrst út.

Því hefur Óðinn teiknað vikulega í blaðið í tvo áratugi, með aðeins örfáum undantekningum. Hann tekur sér dágóðan tíma í að teikna hverja mynd, en um fjórar til fimm klukkustundir fara í hverja skopteikningu frá því hann fyrst byrjar á henni.

„Ég hef líka breytt nokkrum sinnum um stíl, maður er alltaf að prófa sig áfram, ekki síst núna með meiri tölvutækni,“ segir Óðinn - og hann hyggst halda áfram að teikna á meðan hann hefur gaman af þvi´.

„Ég veit ekki hvort þær verða þúsund í viðbót skopteikningarnar, en maður hefur gaman af þessu og maður glottir innra með sér meðan maður er að þessu,“ segir listamaðurinn.

Sjá nánar í Sunnlenska fréttablaðinu.

Af  www.unnlenska.is

Skráð af Menningar-Staður

Sveinn Björnsson.

Merkir Íslendingar - Sveinn Björnsson

Sveinn fæddist í Kaupmannahöfn 27. febrúar 1881 en ólst upp í Ísafoldarhúsinu við Austurstræti sem nú er í Aðalstræti. Þar starfrækti faðir hans Ísafoldarprentsmiðju og ritstýrði Ísafold og þar var Morgunblaðið fyrst til húsa, en Ólafur, bróðir Sveins, var ásamt Vilhjálmi Finsen, stofnandi þess árið 1913.

Sveinn var sonur Björns Jónssonar, ritstjóra, alþm. og ráðherra, og k.h., Elísabetar G. Sveinsdóttur húsfreyju, systur Hallgríms biskups, og Sigríðar, móður Haraldar Níelssonar guðfræðiprófessors, afa Haraldar Sveinssonar, framkvæmdastjóra Árvakurs.
 

Eiginkona Sveins var af dönskum ættum, Georgia Björnsson, f. Hansen, og eignuðust þau sex börn.
 

Sveinn lauk stúdentsprófi aldamótaárið 1900 og hélt síðan til Kaupmannahafnar til að stunda laganám. Því lauk hann vorið 1907 og varð sama ár yfirréttarmálaflutningsmaður og 1920 varð hann hæstaréttarlögmaður. Á árunum 1907-20 rak Sveinn málflutningsskrifstofu í Reykjavík. Hann var settur málaflutningsmaður við landsyfirréttinn 1919. Þá var hann alþm. fyrir Sjálfstæðisflokkinn eldri 1914-15 og síðan fyrir Heimastjórnarflokkinn 1919-20, og gegndi starfi sendiherra Íslands í Danmörku 1920-24 og 1926-41.
 

Árið 1941 var Sveinn kjörinn af Alþingi ríkisstjóri Íslands og hinn 17. júní 1944 var hann kjörinn af Alþingi fyrsti forseti Íslands á Lögbergi á Þingvöllum. Hann var tvisvar endurkjörinn án atkvæðagreiðslu. Sveinn hafði m.a. umtalsverð áhrif sem forseti á mótun varnarmála og nýrrar utanríkisstefnu hér á landi með samskiptum sínum við Bandaríkjaforseta.
 

Sveinn er eini forsetinn sem skipað hefur utanþingsstjórn en það gerði hann sem ríkisstjóri, árið 1942, í óþökk ýmissa alþingismanna, ekki síst sjálfstæðismanna. Sveinn skráði endurminningar sem gefnar voru út 1957. Þá skrifaði Gylfi Gröndal bókina Sveinn Björnsson – ævisaga.
 

Sveinn Björnsson lést 25. janúar 1952.

Morgunblaðið föstudagurinn 27. febrúar 2015 - Merkir Íslendingar

Skráð af Menningar-Staður

Karlakór Selfoss við æfingar á Stað. Ljósm.: Siggeir Ingólfsson

Karlakór Selfoss að Stað

 

Karlakór Selfoss var við æfingar í Félagsheimilinu Stað á Eyrarbakka á síðasta laugardegi þann 21. febrúar 2015

Karlakór Selfoss 50 ára

50 ár eru liðin frá stofnun Karlakórs Selfoss og af því tilefni halda kórfélagar og makar afmælishátíð með pomp og

prakt á Hótel Selfossi föstudaginn 6. mars nk.

Fyrrum kórfélagar, vinir og velunnarar eru hvattir til að taka þátt í hátíðinni sem hefst kl. 19:00 þann 6. mars.

Miðaverð er 6.500 kr. á mann fyrir fordrykk og 3ja rétta galakvöldverð ásamt söng og gleði.

Áhugasamir geta haft samband við kórmenn en einnig við formann kvennaklúbbsins, Guðrúnu Tryggvadóttur í

síma 894-4448 eða netfangið  grenigrund@islandia.is, eigi síðar en mánudaginn 2. mars sem er hinn eiginlegi

afmælisdagur kórsins. Athugið að fyrstur kemur, fyrstur fær þar sem húsrúm er takmarkað.

Skráð af Menningar-Staður

Þingkonurnar Sigríður I. Ingadóttir og Oddný G. Harðardóttir.

Velferðar- og fjárlagatvist

Þingkonurnar Sigríður I. Ingadóttir, formaður velferðarnefndar Alþingis og Oddný G. Harðardóttir, 2. varaformaður fjárlaganefndar, verða á opnum fundi hjá Samfylkingunni í Árborg á morgun, laugardaginn 28. febrúar kl. 11.

Þær hlakka til að sjá sem á Eyravegi 15 og eiga við ykkur samtal.

www.sunnlenska.is

Skráð af Menningar-Staður

Markús Þorkelsson.

Markús Þorkelsson - Fæddur 6. júní 1918 - Dáinn  29. janúar 2015 - Minning 

Markús Þorkelsson fæddist 6. júní 1918 í Gerðum í Gaulverjabæjarhreppi. Hann lést á dvalarheimilinu Sólvöllum á Eyrarbakka 29. janúar 2015.

Foreldrar hans voru Þorkell Guðmunds., f. 31. des. 1883, d. 17. júní 1975, bóndi í Gerðum, og k. hans Guðrún Guðmundsd., f. 1. feb. 1888, d. 6. des. 1970. Systkini voru Þorgerður, f. 6. júní 1918, d. 7. ágúst 2001, og Þórir, f. 14. sept. 1921, d. 27. sept. 1987. Uppeldisbróðir er Hergeir Kristgeirsson, f. 16. ágúst 1934, k. Fanney Jónsd., f. 1933, börn: Ragnheiður, Þórir, Grímur, Guðrún Herborg og eru afkomendur 16.

Markús kvæntist 6. jan. 1955 Margréti Magnúsdóttur Öfjörð frá Skógsnesi, f. 5. júní 1923, d. 29. maí 2004. Börn a) Þorkell H., f. 15 nóv. 1950, K. Ragnhildur Benediktsd. F.k; Ólafía A. Halldórsd, börn: 1) Grétar Már. K. Nanna Dóra Ragnarsdóttir, börn: Þorkell Ragnar, Ingunn Ósk, Anna Lára og Þorgerður María. 2) Ólöf Árný Öfjörð, sambýlismaður Jónas Höfðdal Hauksson. Börn: Victoría Kolbrún Öfjörð og Markús Höfðdal. Barnsmóðir Þorkels: Inga Lóa Hannesdóttir, sonur þeirra 3) Hannes Öfjörð. B) Ragnheiður, f. 17. sept. 1954, d. 16. júlí 2001. M. Helgi Ingvarsson. Börn: 1) Kjartan Þór. 2) Gunnar Örn. 3) Ómar Vignir. K. Edda Linn Riise. Börn: a) Ragnheiður Petra, Ívar Helgi og Hilda Karen. 4) Guðrún Alda, barnsfaðir: Lúðvík Kristjánsson, sonur: Ómar Loki. C) Magnús Öfjörð, f. 3 okt. 1958. K. Sandra Pálsdóttir, börn: 1) Anna Margrét í sambúð með Ástþóri I. Ingvarssyni, börn: a) Berglind Sif og Magnús Ingvi. 2) Hafþór. D) Kolbrún, f. 13. sept. 1966. M. Agnar Bent Brynjólfsson. Börn: 1) Guðjón Eggert í sambúð með Ragnhildi Kristjönu Birnu Birgisdóttur. 2)Alexandra Öfjörð, í sambúð með Tom Skyum Andersen, dóttir: Elena Öfjörð. 3) Álfrún Björt. Synir Margrétar og fóstursynir Markúsar: E) Þórarinn Ö. Sigurðsson, f. 25. júní 42. K. Geraldine Gonzales. F) Sveinn Á. Sigurðsson, f. 6 okt. 1944. K. Guðrún Guðbjartsdóttir. F.k. Sigurbjörg Gísladóttir, börn: 1) Bryndís, synir: Ármann Örn, Steinar og Bjarki Elvar. 2) Magnús Gísli. K. Linda B. Perludóttir. Börn: a) Dagur Fannar, í sambúð með Þóru Grétu Pálmarsdóttur, dóttir: Kristbjörg Lilja, b) Daldís Perla, í sambúð m. Arnari Péturssyni, og c) Sveinn Atli. 3) Krístín, M. Andrés G. Ólafsson, börn: a) Sverrir, í sambúð m. Amöndu Hernandez, b) Ólafur Áki og Áslaug.

Markús fór ungur á vertíðir, fyrst til Vestmannaeyja og var þar hjá Ársæli á Fögrubrekku, og síðar nokkrar vertíðir í Grindavík, bæði til sjós og lands. Eins og algengt var með unga menn á fjórða áratug síðustu aldar komst Markús í vinnu hjá hernum og sagðist þá fyrst hafa séð peninga. Markús hóf búskap með Margréti konu sinni í Vallahjáleigu í Gaulverjabæjarhreppi áður en þau tóku við búi foreldra hans í Gerðum. Þar bjuggu þau með blandaðan búskap fram til 1972 er þau fluttu á Eyrarbakka og bjuggu þar í 30 ár á Staðarbakka. Þar stundaði Markús ýmis störf, m.a. múrverk og fiskvinnslu, er hann starfaði við fram yfir áttrætt, síðast hjá Fiskiveri sem hann bar ætíð mikinn hlýhug til. Árið 2002 þegar heilsa Margrétar var farin að gefa sig fluttu þau á Selfoss til Kolbrúnar dóttur sinnar og fjölskyldu og bjuggu þar síðan, fyrst bæði en síðan Markús einn eftir að Margrét féll frá 2004. Markús flutti síðan í byrjun janúar sl. að dvalarheimilinu Sólvöllum á Eyrarbakka þar sem hann lést. Markús var vel ern og eftirminnilegur samferðamönnum sínum fyrir gott geðslag og frábært líkamleg ásta nd.

Markús verður jarðsunginn frá Eyrarbakkakirkju í dag, 27. febrúar 2015, og hefst athöfnin kl. 13.

Morgunblaðið föstudagurinn 27. febrúar 2015

 

Skráða f Menningar-Staður

Björn Pálsson.

Merkir Íslendingar - Björn Pálsson

Björn fæddist á Snæringsstöðum í Svínadal í Austur-Húnavatnssýslu 25. febrúar 1905. Foreldrar hans voru Páll Hannesson, bóndi á Snæringsstöðum og síðar á Guðlaugsstöðum í Blöndudal, og k.h., Guðrún Björnsdóttir húsfreyja.

Meðal systkina Björns voru Hannes bóndi á Undirfelli, afi Hannesar Hólmsteins Gissurarsonar prófessors, Hulda, húsfreyja á Höllustöðum, móðir Páls Péturssonar, fyrrv. alþm. og ráðherra, og Halldór búnaðarmálastjóri. Meðal bræðra Páls voru Guðmundur læknaprófessor og Jón, bóndi á Brún, langafi Guðrúnar Agnarsdóttur læknis og Ástríðar Thorarensen hjúkrunarfræðings.

Guðrún Björnsdóttir var hálfsystir Sigurgeirs, föður Þorbjarnar, prófessors og forstöðumanns Raunvísindastofnunar HÍ, og hálfsystir Þorsteins, frumbýlings á Hellu, föður Björns sagnfræðiprófessors. Guðrún var dóttir Björns Eysteinssonar, bónda í Grímstungu, bróður Ingibjargar, langömmu Friðriks Sophussonar, fyrrv. ráðherra.

Eiginkona Björns var Ólöf Guðmundsdóttir frá Flatey á Skjálfanda og eignuðust þau 10 börn.

Björn varð búfræðingur frá Hólum 1923. Hann stundaði nám í Samvinnuskólanum 1925, nám í lýðháskóla í Noregi og ferðaðist um Noreg og Danmörku 1927. Þá ferðaðist hann umhverfis hnöttinn og dvaldi á Nýja-Sjálandi og í Ástralíu 1928-29 til þess að kynna sér kjötmarkaði og meðferð á kjöti.

Björn var bóndi á Ytri-Löngumýri í rúma sex áratugi, frá 1930 til dauðadags. Hann var oddviti Svínavatnshrepps 1934-58, sat í sýslunefnd um skeið, var kaupfélagsstjóri Kaupfélags Skagstrendinga frá 1955-59, stofnaði útgerðarfélagið Húnvetning hf. 1957 og Húna hf. 1962 og rak útgerð í allmörg ár m.a. skipið glæsilega Húna II. Hann var alþm. Framsóknarflokksins fyrir Austur-Húnavatnssýslu sumarþingið 1959 og þingmaður fyrir Norðurlandskjördæmi vestra á árunum 1959-1974.

Björn lést 11. apríl 1996.
 

Morgunblaðið miðvikudagurinn 25. febrúar 2015 - Merkir Íslendingar

Skráð af Menningar-Staður

Kolbrún Hulda Tryggvadóttir.

Kolbrún Hulda Tryggvadóttir er 40 ára

Gefur öllu samstarfsfólkinu kökur

Kolbrún Hulda Tryggvadóttir tónlistarkennari kennir í Tónsmiðju Suðurlands á Selfossi. Þar er hún með námskeið og kennir einnig tónfræði og söng. Hún kennir enn fremur tónmennt í Barnaskólanum á Eyrarbakka og Stokkseyri og tónlist í leikskólanum Brimver/Æskukot sem er á Eyrarbakka og Stokkseyri.

Sunnudaginn síðasta voru árlegir fjáröflunartónleikar barnaskólans. „Það gekk mjög vel og nú vorum við að safna fyrir tónmenntaaðstöðuna. Svo verða fleiri tónleikar á næstunni, barnakórinn í skólanum verður með tónleika í vor og 4. apríl fer fram lokaverkefni mitt í Listaháskólanum en ég er í meistaranámi í sköpun, miðlun og frumkvöðlastarfi. Lokaverkefnið endar á nokkrum tónleikum sem verða haldnir á Stokkseyri, en þar tengi ég saman eldri borgara, grunnskóla- og leikskólanemendur. Við ætlum að nýta nokkur hús í bænum fyrir tónleikana.“

Kolbrún Hulda er mikil áhugamanneskja um allar hannyrðir. „Ég prjóna, hekla, þæfi og orkera. Ég prjóna á börnin og í gjafir, ég get aldrei verið kyrr og fínt að hafa handavinnuna þegar það er rólegt.“

Sambýlismaður Kolbrúnar Huldu er Kristinn Óskarsson. Hann er vélstjóri og vinnur í vatnsverksmiðjunni Icelandic Glacial. Börn þeirra eru Hulda Kristín Kolbrúnardóttir, f. 1997, en hún er söngkona í Kiriyama Family, Óskar Atli, f. 2003, Tryggvi Rúnar, f. 2005, Finnur Andri, f. 2011, og Hrafnhildur, f. 2013, Kristinsbörn.

Kolbrún Hulda ætlar að fara á milli vinnustaðanna í dag, hitta vinnufélaga sína og gefa þeim köku. „Það er ekki hefðbundin kennsla í skólanum í dag og því get ég flakkað á milli staðanna.“

Morgunblaðið miðvikudagurinn 25. febrúar 2015

 

Skráð af Menningar-Staður