Menningar-Staður
Félagsheimilið Staður á Eyrarbakka

Færslur: 2015 Júlí

15.07.2015 22:01

Regnbogi við Ránargrund 15. júlí 2015

 

 

 

Regnbogi við Ránargrund á Eyrarbakka 15. júlí 2015

kl. 21:45

 

 


.


 

Skráð af Menningar-Staður

14.07.2015 16:42

Hvergerðingar komu til Strandar

 

 
Hvergerðingarnir við Rjómabúið á Baugsstöðum. Lengst til vinstri er Siggeir Ingólfsson.
Svanur Jóhannesson var með í hópnum en hann var innan dyra þegar fært var til myndar.
 

 

Hvergerðingar komu til Strandar

 

Félag eldriborgara í Hvergerði var á ferðinni í dag, þriðjudaginn 14. júlí 2015, um strandsvæði Flóans.

Þau komu m.a. við í Rjómabúinu á Baugsstöðum þar sem Siggeir Ingólfsson, staðarhaldari á Stað á Eyrarbakka, tók á móti hópnum.

Allt var sett í gang enda enda virkar aðrennslið að vatnshjóli Rjómabúsins eins og best gerist eftir lagfæringar Siggeirs í upphafi sumars.

Menningar-Staður færði til myndar:

 

 

.


 

Skráð af Menningar-Staður

14.07.2015 10:47

Alþýðuhúsið á Eyrarbakka að morgni 14. júlí 2015

 

 

Alþýðuhúsið á Eyrarbakka að morgni 14. júlí 2015

 

Myndaalbúm er komið hér á Menningar-Stað
Smella á þessa slóð:
http://menningarstadur.123.is/photoalbums/273371/

Nokkrar myndir:


.

.

.

.




Skráð af Menningar-Staður.

 

 

 

 

 

14.07.2015 08:25

Mynd dagsins

 

F.v.: Björn Ingi Bjarnason að Ránargrund á Eyrarbakka og Hannes Sigurðsson að Hrauni í Ölfusi.

 

Mynd dagsins
 

Stefnumótun vegna Aldamótahátíðar á Eyrarbakka.

 

Skráð af Menningar-Staður

11.07.2015 15:10

80 ára minning Hafliða Magnússonar

 

Við Skógafoss 6. desmber 2008. F.v.: Jón Kr. Ólafsson, Hafliði Magnússon og Björn Ingi Bjarnason.

Ljósm.: Einar Loftur Högnason.

 

80 ára minning Hafliða Magnússonar

 

Hafliði Þórður Magnússon, listamaður frá Bíldudal, var fæddur þann 16. júlí 1935 og næsta fimmtudag eru því 80 ár frá fæðingun hans. Hafliði lést þann 25. júní 2011  á heimili sínu á Selfossi.

Hafliði var fæddur í Hergilsey á Breiðafirði. Hann fluttist þaðan 6 ára í Arnarfjörð þar sem fjölskyldan bjó á ýmsum stöðum en lengst af bjó hann á Bíldudal. Hann bjó einnig um tíma í Reykjavík.

Hafliði starfaði m.a. sem sjómaður og þá mest á síðutogurum, við fiskvinnslu og einnig kenndi hann sjóvinnu. Þá vann hann við uppbyggingu Mjólkárvirkjunar og endurgerð fæðingarbæjar Jóns Sigurðssonar á Hrafnseyri við Arnarfjörð.

Frá árinu 1998 bjó Hafliði síðan á Selfossi ásamt sambýliskonu sinni Evu Þórarinsdóttur frá Suðureyri við Súgandafjörð. Á Selfossi vann hann ýmis störf, síðast hjá SG við trésmíðar þar sem hann lauk hefðbundinni starfsævi árið 2002.

En Hafliði Magnússon var fyrst og fremst rithöfundur, ljóðskáld, söngleikjahöfundur og málari. Þá lagði hann mikla rækt við sagnaþætti af ýmsum toga og flest í því tengdist Bíldudal og Arnarfirði. Hann var svo sannarlega margþættur listamaður og þeim störfum helgaði hann sig alfarið eftir að hann hætti störfum hjá SG. 

Hafliði var félagslyndur og hrókur alls fagnaðar í hópi vina sinna. Hann vann mikið með leikfélaginu Baldri á Bíldudal og var formaður þess um tíma. Hann samdi ótal gamanbragi sem fluttir voru við sérstök tækifæri. Þó nokkur leikrit og söngleikir eftir hann voru fluttir á Bíldudal og víðar um land og einnig erlendis. Hann skrifaði fjölmörg ritverk, bækur og greinar. Hafliði var mikilvirkur máttarstólpi fyrir Vestfirska forlagið á Þingeyri í hinni fjölbreyttu útgáfu þess forlags allt frá stofnun árið 1994 og var með athyglisverð verk í vinnslu er hann féll frá. 

Sem púki og ungur maður á Flateyri við Önundarfjörð vissi ég af Hafliða Magnússyni sem eins hinna vönduðu og kraftmiklu félags- og listamanna á Bíldudal sem stóðu þar fyrir margþættu lista- og menningarlífi svo eftir var tekið í þorpunum á Vestfjörðun og reyndar víðar um land. Leikritin frá Leikfélaginu Baldri, sem þeir fóru með um alla Vestfirði og sýndu, voru ógleymanleg og er ekki hallað á nein leikfélög vestra þegar sagt er að Bílddælingarnir voru öllum fremri. Hljómsveitin Facon á Bíldudal varð til og starfaði í þessari traustu menningarlegu umgjörð sem Arnarfjörðurinn var. Frá þessum tíma fylgdist ég með Hafliða Magnússyni og því sem hann var að gera án þess þó að hitta hann nokkurn tímann í návígi.

Á þessu varð síðan breyting er ég og fjölskyldan fluttum til Stokkseyrar árið 1999 og síðan á Eyrarbakka. Eins og Vestfirðinga er gjarnan háttur á nýjum slóðum krunka þeir sig saman til þátttöku í félags- og menningarlífi. Þeir reyna að blanda þar við innslögum að vestan því ekki eru Vestfirðingar ragir við að kunngjöra sitt upprunastolt og öllu sem því fylgir. Í þessum anda og umgjörð lágu leiðir okkar Hafliða Magnússonar saman í Flóanum. 

Báðir höfðum við Hafliði verk á höndum fyrir Sunnlenska fréttablaðið á Selfossi. Hann sem krossgátuhöfundur og smásagnaritari og ég sem frétta- og greinaskrifari. Með okkur Hafliða varð strax náin og góð vinátta og stóðum við í ýmsu félags- og menningarstarfi og þá oftar en ekki með Vestfirðingum syðra. Meðal þessa varð síðustu árin skemmtilegt samstarf við Vestfirska forlagið á Þingeyri og kynningar á útgáfu þess á Suðurlandi og víðar og samkomuhald vegna verkefnisins.  Þessar samkomur voru vel heppnaðar og fjölsóttar þannig að þær eiga mörg aðsóknarmet slíkra samkoma. Hæfileikar og framganga Hafliða á þessum samkomum voru lykilatriði þessa góða gengis. Nefni ég aðeins til samkomurnar árið 2008 en þá kom út ævisaga Jóns Kr. Ólafssonar söngvara á Bíldudal, „Mélódíur minninganna” sem Hafliði skráði með sínum skemmtilega hætti.

Í lok ágúst árið 2009 fóru nokkrir Hrútavinir af Suðurlandi og fangaverðir á Litla-Hrauni í fræðslu- og skemmtiferð um Vestfirði. Leiðsögumenn vorum við Hafliði hvor á sínu svæði. Gist var að Sólbakka á Flateyri og á Bíldudal. Þessi ferð er rómuð af öllum sem í fóru. Vestfjarðaferðin var einnig hluti af afmælishaldi vegna 10 ár afmælis Hrútavinafélagsins Örvars á Suðurlandi.

Hafliði Magnússon samdi í rúman áratug vikulegar krossgátur fyrir Sunnlenska fréttablaðið sem nutu mikilla vinsælda. Myndtök hans og orðaval í krossgátunum voru með sterka tengingu við líðandi stund samfélagsins í bland við mennigararfleiðina.

Minningarathöfn um Hafliða Magnússon fór fram í Laugardælakirkju við Selfoss fimmtudaginn 30. júní 2011. Kistu Hafliða við þá athöfn báru tveir tengdasynir Hafliða og Evu þeir Magnús B. Óskarsson og Sigþór Þórarinsson, einnig fjórir vinir hans af Suðurlandi; þeir Bjarkar Snorrason, Einar Loftur Högnason, Jóhann Páll Helgason og Björn Ingi Bjarnason. Þessir fjórir voru allir með í Vestfjarðaferðinni góðu sumarið 2009 og hafa ásamt fleirum hitst reglulega í hverjum mánuði síðustu ár í „menningarkakói” í Sunnlenska bókakaffinu á Selfossi í minningu Hafliða.

Hafliði Þórður Magnússon var jarðsunginn frá Bíldudalskirkju laugardaginn 2. júlí 2011. Prestur við athöfnina var hinn góði vinur Hafliða séra Egill Hallgrímsson í Skálholti sem einnig var prestur við minningarathöfnina í Laugardælakirkju. 

Blessuð sé minning Bílddælingsins Hafliða Magnússonar sem bjó síðustu árin á Selfossi.


Björn Ingi Bjarnason á Eyrarbakka

Dagskráin - Fréttablað á Suðurlandi 10. júlí 2015

 

Við Uppsali í Selárdal, Arnarfirði í Vestfjarðaferðinni 2009.

F.v.: Hlynur Gylfason, Einar Valur Oddsson, Jóhann Páll Helgason, Einar Loftur Högnason, Hafliði Magnússon, Friðrik Sigurjónsson, Ásmundur Sigurðsson, Bjarkar Snorrason og Gunnar Marel Friðþjófsson.
Ljósm.: Björn Ingi Bjarnason.

 

 

Skráð af Menningar-Staður

 

09.07.2015 17:25

Milljón á Menningar-Stað

 

 

 

Milljón á Menningar-Stað

 

Rétt í þessu náði  -Vefurinn Menningar-Staður.123.is- því að flettingar á vefnum eru orðnar yfir - 1.000.000  -  einmilljón- samtals.

Vefurinn hefur verið í loftinu í tæp tvö-  og hálft ár.

Gestir eru orðnir samtals um 135.000 eða 155 að meðaltali á dag.

Flettingarnar eru eins og fyrr segir 1.000.000 eða að meðaltali 1.150 á dag.

 

Takk fyrir þetta kæru gestir.

Höldu sama striki sem aldrei fyrr!


 

 


Skráð af Menningar-Staður
 

08.07.2015 12:08

Bryggjuhátíðin verður á Stokkseyri um helgina

 

 

Bryggjuhátíðin á Stokkseyri verður um helgina

 

Bryggjuhátíðin verður haldin á Stokkseyri dagana 10.–12. júlí næstkomandi.

 

Yfirskrift hátíðarinnar er Brú til brottfluttra.

 

Margt verður í boði eins ogjá má á dagskránni hér að neðan.

 

FÖSTUDAGUR 10. JÚLÍ:
8-17 Kajak (500 kr. stuttar ferðir/5000kr, safna á í eina stóra ferð á laugardagskvöldið www.kajak.is
8-18 Orgelsmiðjan
10-22 Shellskálinn Stokkseyri
10-18 Blómi gróðrastöð
11-18 Kaffigott
11-18 Veiðisafnið
12-21 Við Fjöruborðið
13-18 Álfa-, trölla- og Norðurljósasafnið
13-18 Draugasetrið
13-? Gallerý Gimli
14-18 Gallerý Svartiklettur (í Menningarverstöðinni)
Kvöldvaka á bryggju Stokkseyrar
20-? Kjötsúpusala fyrir utan Gallerý Gimli
20:30 Setning Hátíðarinnar
BMX BRÓS
Von er á þyrlu Landhelgisgæslunnar
Fjöldasöngur með Ingó Veðurguð
Brenna - Blys - Reykur
23:00 Ball á Draugabarnum með Labba í Glóru

LAUGARDAGUR 11. JÚLÍ:
8-17 Kajak (500 kr. stuttar ferðir/5000kr, safna á í eina stóra ferð á laugardagskvöldið www.kajak.is
8-18 Orgelsmiðjan
10-22 Shellskálinn Stokkseyri
10-18 Blómi gróðrastöð
11-18 Kaffigott
11-18 Veiðisafnið
12-21 Við Fjöruborðið
13-18 Álfa-, trölla- og Norðurljósasafnið
13-18 Draugasetrið
13-? Gallerý Gimli
14-18 Gallerý Svartiklettur ( í Menningarverstöðinni)
11:00 sögugangu um Þuríði Formann með Sigurgeiri Hilmari
13:00 Krúserklúbburinn sýnir bíla sína
13:00 Gói barnaskemmtun (íþróttahúsinu)
13-16 Tívolí (frítt)
Hestar
Andlitsmálun (Ásgeirsbúð)
Kajak (tilboð á ferðum)
13-17 Markaður (barnaskólanum)
16:00 Þorparinn 2015 (fjölþraut á fótboltavellinum á vegum UMFS)
19:00 Grillað í görðum og þorpsstemmning
21:00 Ball með ,,Dönsum á Selfossi” (íþróttahúsinu)
23:00 Ball á Draugabarnum með Ingó og Veðurguðunum

SUNNUDAGUR 12. JÚLÍ:
8-17 Kajak (500 kr. stuttar ferðir/5000kr, safna á í eina stóra ferð á laugardagskvöldið www.kajak.is
8-18 Orgelsmiðjan
10-22 Shellskálinn Stokkseyri
10-18 Blómi gróðrastöð
11-18 Kaffigott
11-18 Veiðisafnið
12-21 Við Fjöruborðið
13-18 Álfa-, trölla- og Norðurljósasafnið
13-18 Draugasetrið
13-? Gallerý Gimli
14-18 Gallerý Svartiklettur (í Menningarverstöðinni)
13:00 Lopapeysumessa verður á bryggjunni þar sem presturinn kemur í fylgd hestamanna, messugestir hvattir til að koma í lopapeysum
13:40 Pönnukökukeppni
14:?? Molakaffi eftir messu
16:00 Orgelsmiðjan, tónleikar með hljómsveitinni VAR
17:00 Hátíð slitið og dagskrárlok

Af: www.dfs.is

 

.

.

.


 

 

Skráð af Menningar-Staður

06.07.2015 20:43

Sr. Kristján Björnsson prestur á Eyrarbakka

 



Eyrarbakkakirkja og flaggað dönskum vegna kvikmyndunar fyrir nokkrum árum.

 

Kristján Björnsson

Sr. Kristján Björnsson

 

Sr. Kristján Björnsson prestur á Eyrarbakka

 

Séra Kristján Björnsson hefur verið ráðinn sóknarprestur í Eyararbakkaprestakalli og mun hann taka við því embætti 1. ágúst næstkomandi. Sr. Kristján var áður sóknarprestur í Vestmannaeyjum. Sr. Jón Dalbú hróbjartsson hefur þjónað Eyrarbakkaprestakalli undanfarið og mun gera það út júlímánuð.

Biskup Íslands auglýsti eftir presti til að sinna afleysingaþjónustu í Eyrarbakkaprestakalli, Suðurprófastsdæmi, í byrjun júní sl. Í auglýsingu kom fram að um tímabundna setningu í embættið væri að ræða, þ.e. frá og með 1. júlí 2015 til 30. júní 2016.

Eyrarbakkaprestakall er á samstarfssvæði með Hveragerðisprestakalli, Selfossprestakalli og Þorlákshafnarprestakalli. Íbúar prestakallsins eru rúmlega eitt þúsund.

 

Af www.dfs.is

 

05.07.2015 19:30

Ari Björn Thorarensen forseti bæjarstjórnar Árborgar

 


Eyrbekkingurinn Ari Björn Thorarensen í pontu við hæfi.

 

Ari Björn Thorarensen

forseti bæjarstjórnar Árborgar

 


Af: www.dfs.is

 

Skráð af Menningar Staður

 

05.07.2015 13:42

Maður dagsins - Halldór Páll Kjartansson

 

 

 

Maður dagsins - Halldór Páll Kjartansson
 

 

Skráð af Menningar-Staður