Strandarkirkja. Ljósm.: Björn Ingi Bjarnason.

 Ný pílagrímaganga á Suðurlandi

   Gengið frá Strandarkirkju að Skálholti í sumar

Undanfarið hefur vinnuhópur unnið að því að búa til pílagrímagönguleið frá Strandarkirkju og alla leið í Skálholt. Hugmynd að göngunni fékk Þorlákshafnarbúinn Edda Laufey Pálsdóttir eftir að hún gekk Jakobsveginn, þekktustu pílagrímaleið Evrópu. Edda Laufey hefur oft á undanförnum árum komið með hugmyndir að verkefnum sem gætu aukið áhuga ferðamanna á Þorlákshöfn og Ölfusinu og hafa margar hugmyndir hennar orðið að veruleika.

Edda Laufey kynnti tillögu sína að fimm daga pílagrímsgöngu frá Strandarkirkju í Skálholt, fyrir bæjarfulltrúum og fleiri áhugasömum í Þorlákshöfn. Hugmyndinni var afar vel tekið og var hún kynnt víðar þar sem leiðin liggur um fimm sveitarfélög. Eftir kynningarfund í Skálholti var myndaður fimm manna vinnuhópur sem nú vinnur að því að móta verkefnið. Í vinnuhópnum sitja þau Barbara Guðnadóttir fyrir Ölfusið, Bragi Bjarnason fyrir Árborg, Rósa Matthíasdóttir fyrir Flóahreppi, Ásborg Arnþórsdóttir fyrir Uppsveitir Árnessýslu og Axel Árnason Njarðvík, héraðsprestur Suðurprófastsdæmis.

Að mörgu er að hyggja þegar ný gönguleið er hönnuð og hefur verið rætt við landeigendur til að fá leyfi þeirra. Þá þarf að ákveða gönguleiðina á hverjum stað með með það í huga að dagleiðir verði ekki of langar um leið og gengið er um falleg svæði. Verkefnið fékk styrk úr Uppbyggingarsjóði Suðurlands og mun hann nýtast við að kortleggja leiðina og skipuleggja prufugöngur.

Verkefnið var kynnt fyrir Ferðafélagi Íslands í haust og í kjölfarið var prufuganga ferðarinnar sett á dagskrá FÍ á þessu ári. Gengið verður fimm sunnudaga í sumar á eftirfarandi dögum:

• 22. maí, Strandarkirkja – Þorlákskirkja. Lagt af stað með rútu kl. 9:30 frá íþróttahúsinu í Þorlákshöfn. Gengið frá Strandarkirkju um 18 km leið með sjónum sem leið liggur austur í Þorlákshöfn.
•  
• 21. júní, Þorlákshöfn – Stokkseyri. Brottför með rútu frá Hólmarastarhúsinu á Stokkseyri kl. 9:30. Gengið eftir sandfjörunni frá Þorlákshöfn að Hafinu Bláa og áfram með sjónum, framhjá Eyrarbakka og eftir nýrri gönguleið til Stokkseyrar. Þessi ganga er um 19 km löng.
•  
• 25. júní. Stokkseyri – Villingaholt. Brottför með rútu frá Villingaholtskirkju kl. 9:30. Gengið frá Hólmarastarhúsinu á Stokkseyri um fallegt svæði að Gaulverjabæjarkirkju og áfram að Villingaholti um 21 km.
•  
• 10. júlí. Villingaholt í Flóa – Ólafsvallakirkja á Skeiðum. Brottför með rútu frá Ólafsvallakirkju kl. 9:30. Gengið um Flóann og upp Skeiðin um 20 km leið um sunnlenska sveit.
•  
• 24.júlí. Ólafsvallakirkja á Skeiðum – Skálholtsdómkirkja. Brottför með rútu frá Skálholti kl. 7:00. Gengið um 17 km leið frá Ólafsvallakirkju á Skeiðum sem leið liggur um fallega sveit norður í Skálholti. Göngunni lýkur á Skálholtshátíð þar sem pílagrímar koma einnig úr Borgarfirði þennan dag.

Hver ferð kostar kr. 9.000 (6.000 kr fyrir félaga í FÍ). Ferðafélagið sér um skráningu í ferðina.

Af www.hafnarfrettir.is

Eyrbekkingar við Strandarkirkju.  Ljósm.: Björn Ingi Bjarnason.
 

Skráð af Menningar-Staður
 

Umsóknir um styrki frá

Framkvæmdasjóði ferðamannastaða

Vegna breyttra reglna um mótframlag er að nýju auglýst eftir umsóknum um styrki til uppbyggingar á ferðamannastöðum. Umsóknarfrestur er til miðnættis 2. febrúar 2016. Þær umsóknir sem bárust í kjölfar síðustu auglýsingar (19. september 2015) halda gildi sínu og mun umfjöllun um þær byggjast á grundvelli nýju reglnanna. 

Nýjar reglur

Samkvæmt nýjum reglum miðast mótframlag styrkhafa að jafnaði við 20% þegar styrkhafi er sveitarfélag eða einkaaðili en styrkir til svæða í eigu eða umsjón ríkisins verða veittir án kröfu um mótframlag.  Mótframlag getur áfram verið í formi beinna útgjalda eða vinnuframlags. 

Einnig er gerð breyting á útborgun styrkja. Styrkur greiðist út til styrkþega í samræmi við samþykkta kostnaðar-, verk- og framkvæmdaráætlun. Fyrsta greiðsla, allt að 40%, er greidd við undirritun samnings en áður en til frekari greiðslna kemur skal styrkþegi skila inn framvinduskýrslu, ásamt myndefni, fyrir hvern áfanga. 

• Nánar um starfsreglur Framkvæmdasjóðs ferðamannastaða

Umsóknir sem búið er að senda inn

Þær umsóknir sem bárust í kjölfar síðustu auglýsingar (19. september 2015) halda gildi sínu og mun umfjöllun um þær byggjast á grundvelli nýju reglnanna. Kappkostað verður að ljúka úthlutunarferlinu eins fljótt og unnt er. Kjósi umsækjandi að breyta umsókn sinni skal það gert í þjónustugátt Ferðamálastofu í síðasta lagi 2. febrúar nk. Sjá nánar undir liðnum "Hvar ber að sækja um" hér að neðan.

Framkvæmdasjóðurinn styrkir verkefni sem uppfylla a.m.k. eitt af eftirfarandi skilyrðum:

1. 1. Verkefnið er til uppbyggingar, viðhalds og verndunar mannvirkja og náttúru á ferðamannastöðum í eigu opinberra aðila eða á náttúruverndarsvæðum.
   2. Verkefnið er til framkvæmda sem varða öryggi ferðamanna og verndun náttúru á ferðamannastöðum í eigu opinberra aðila jafnt sem einkaaðila.
   3. Verkefnið er til undirbúnings- og hönnunarvinnu sem er nauðsynleg vegna framkvæmda á ferðamannastöðum eða á náttúruverndarsvæðum.

Áherslur og ábendingar til umsækjenda

1. Mótframlag styrkhafa miðast að jafnaði við 20% af kostnaði þegar styrkhafi er sveitarfélag eða einkaaðili. Styrkir til svæða í eigu eða umsjón ríkisins eru veittir án kröfu um mótframlag.
2. Lögð er sérstök áhersla á verkefni þar sem horft er til heildarmyndar ferðamannastaða og ferðamannaleiða.
3. Styrkur greiðist út í samræmi við starfsreglur sjóðsins.
4. Áherslur Framkvæmdasjóðsins er varða skipulag og hönnun, útlit og gæði mannvirkja og merkinga koma m.a. fram í:

• Menningarstefna í Mannvirkjagerð
• Góðir staðir" - leiðbeiningarrit um uppbyggingu ferðamannastaða
• "Aðgengi fyrir alla" bæklingurinn
• Handbók um merkingar á ferðamannastöðum og friðlöndum (PDF 8,6 MB)
• Matsblað fyrir styrkumsóknir 

Allar umsóknir skulu innihalda:

a. Verkefnislýsingu sem lýsir hugmyndinni með rökstuddum og skýrum hætti.
b. Kostnaðar- og verkáætlun. Hún er hluti af umsóknarformi og fyllt út samhliða.

Fylgiskjöl

a. Ef sótt er um styrk fyrir byggingu mannvirkja eða til annarra framkvæmda þá verður deiliskipulag,
fullnaðarhönnun og framkvæmdaleyfi að liggja fyrir.
b. Ef sótt er um styrk til skipulags- og hönnunarvinnu eða undirbúningsrannsókna þá verður að fylgja
skriflegt samþykki sveitarstjórnar og/eða skipulagsfulltrúa viðkomandi sveitarfélags.
c. Skriflegt samþykki allra landeigenda og/eða umsjónaraðila.

Hverjir geta sótt um?

Öllum sem hagsmuna eiga að gæta er frjálst að sækja um styrk að uppfylltum ofangreindum skilyrðum.

Hvar ber að sækja um

Sótt er um á rafrænni þjónustugátt Ferðamálastofu. Byrja þarf á að skrá sig inn með Íslykli eða rafrænum skilríkjum í farsíma. Þegar innskráningu er lokið skal velja flipann "Umsóknir".

• Opna Þjónustugátt Ferðamálastofu

Í myndbandinu hér að neðan eru leiðbeiningar um innskráningu og fleira sem tengist umsóknarferlingu, bæði fyrir nýjar umsóknir og ef umsækjandi vill breyta umsókn sinni. Ath. að aðeins er hægt að breyta umsóknum sem sendar voru inn fyrir lok síðasta umsóknarfrests, þ.e. í október 2015, en ekki er hægt að breyta nýrri umsókn eftir að hún hefur verið send inn.


Af www.ferdamalastofa.is


Skráð af Menningar-Sta'ur

  Bakkablótið að Stað 30. janúar 2016

                         Uppselt - Biðlisti

                          Laust á ballið

                             Velkomin


 

Skráð af Menningar-Staður

F.v.: Rúnar Eiríksson, Siggeir Ingólfsson, Ingólfur Hjálmarsson, Jóhann Gíslason

og Ragnar Emilsson. Ljósm.: Björn Ingi Bjarnason.

Alþýðuhúsið á Eyrarbakka 29. janúar 2016

Skráð af Menningar-Staður

Vigdís í vöfflukaffi 29. janúar 2016
 

Vigdís Hauksdóttir í vöfflukaffi í Framsóknarhúsinu við Eyraveg 15 á Selfossi

í dag, föstudaginn 29. janúar 2016 kl. 16 - 18

Allir velkomnir.





Skráð af Menningar-Staður

Opinn fundur um bæjarhátíðir í Árborg

Íþrótta- og menningarnefnd Sveitarfélagsins Árborgar boðar til opins fundar um bæjarhátíðir og menningarviðburði í Árborg 2016. Fundurinn verður haldinn í Ráðhúsi Árborgar, 3.hæð, þriðjudaginn 2.febrúar nk. kl.18:30.

Hátíðarhaldarar sem og aðrir áhugasamir eru hvattir til að mæta.

Í tilkynningu frá nefndinni segir að mikil sóknarfæri séu í ferðamannaiðnaðinum og eru fjölbreyttir og líflegir menningarviðburðir hluti af því sem ferðamenn, innlendir sem erlendir vilja heimsækja.




Skráð af Menningar-Staður

Óðinn við bryggju á Flateyri. Ljósm.: BIB

27. janúar 1960 - Óðinn kom

Varðskipið Óðinn kom til landsins þann 27. janúar 1960. 

Því var beitt í þremur þorskastríðum og það tók þátt í björgun um 370 skipa. 

Skipið er nú hluti af Víkinni, sjóminjasafninu í Reykjavík.

Morgunblaðið miðvikudagurinn 27. janúar 2016

Eyrbekkingurinn og Önfirðingurinn Vilbergur Magni Óskarsson,
skipherra, á brúravæng Óðins við bryggju á Flateyri.


Skráð af Menningar-Staður
 

Spilavist BSE byrjar 27. janúar 2016

 

Foreldrafélag BES stendur fyrir fjórum spilakvöldum.

Það fyrsta verður annað kvöld, miðvikudag 27. janúar 2016, á Stokkseyri kl. 18:00.

Allir hjartanlegavelkomnir

– börn, foreldrar, ömmur og afar, kennarar, vinir og nágrannar

Stjórnin


Skráð af Menningar-Staður
 

•  Alþýðuhúsið á Eyrarbakka 26. janúar 2016

.

..

70.900 FERÐAMENN Í DESEMBER 2015

Af www.ferdamalastofa.is


Skráð af Menningar-Staður