)
)
)
)
)
)
)
)
)
)
)
)
)
)
Um 73% ferðamanna um Keflavíkurflugvöll árið 2015 voru af tíu þjóðernum. Bretar og Bandaríkjamenn voru fjölmennastir eða 38,3% af heildarfjölda ferðamanna en þar á eftir komu ferðamenn frá Þýskalandi (8,2%), Frakklandi (5,2%), Noregi (4,1%), Danmörku (3,9%), Kína (3,8%), Kanada (3,7%), Svíþjóð (3,4%) og Hollandi (2,3%). Af einstaka þjóðernum fjölgaði Bandaríkjamönnum, Bretum, Kínverjum og Þjóðverjum mest árið 2015. Þannig komu 90.781 fleiri Bandaríkjamenn en árið 2014, 60.521 fleiri Bretar, 21.606 fleiri Kínverjar og 17.469 fleiri Þjóðverjar. 
Sölutölur frá Austfari gefa til kynna hver þjóðernasamsetning farþega með Norrænu til Íslands er eins og sjá má af grafi. Níu af hverjum tíu erlendum ferðamönnum með Norrænu árið 2015 voru af tíu þjóðernum. Þjóðverjar voru langfjölmennastir eða 45,8% af heildarfjölda en þar á eftir komu Danir (10,4%) og Færeyingar (9,2%). 
Fjöldamet voru slegin í öllum mánuðum ársins 2015 á Keflavíkurflugvelli. Aukning milli ára fór yfir 30% átta mánuði ársins en hlutfallslega var hún mest milli ára í október (49,3%), september (39,4%) og maí (36,4%). 
Ferðamenn frá einstökum markaðssvæðum dreifðust nokkuð ólíkt yfir árið. Bretar skera sig úr en ríflega helmingur (54,9%) þeirra kom að vetri til. Mið- og S- Evrópubúar voru hins vegar áberandi yfir sumarmánuðina en 55,8% þeirra komu að sumri. Norðurlandabúar, Norður Ameríkanar og ferðamenn frá löndum sem flokkast undir annað dreifðust hins vegar jafnar yfir árið eins og sýnt er á myndinni hér til hliðar.
Um 29% erlendra ferðamanna árið 2015 komu að vetrarlagi eða 369.558 talsins. Um er að ræða tæplega 89.760 fleiri ferðamenn en yfir vetrarmánuðina árið 2014. Aukningin nemur 32,1% milli ára. Af einstaka þjóðum voru flestir vetrarferðamenn frá Bretlandi (35,8%) og Bandaríkjunum (16,3%). Ferðamenn frá Þýskalandi (4,5%), Frakklandi (4,0%), Kína (3,3%), Danmörku (3,3%), Noregi (3,2%), Svíþjóð (2,7%), Kanada (2,4%) og Japan (2,4%) fylgdu þar á eftir en samanlagt voru þessar tíu þjóðir 77,9% ferðamanna að vetrarlagi. Bretar og Bandaríkjamenn báru að miklu leyti uppi (58,7%) aukningu vetrarins en 34.643 þúsund fleiri ferðamenn komu frá Bretlandi yfir vetrarmánuðina 2015 en að vetri til 2014 og 18.015 fleiri Bandaríkjamenn. Um er að ræða 35,5% aukningu Breta milli ára og 42,6% aukningu Bandaríkjamanna.
30,5% erlendra ferðamanna árið 2015 komu að vori eða hausti til eða um 384.957 talsins, 104.214 fleiri ferðamenn en á sama tímabili árið 2014. Aukningin nemur 37,1% milli ára. Af einstaka þjóðernum voru flestir ferðamenn að vori og hausti frá Bandaríkjunum (19,5%) og Bretlandi (17,3%). Þar á eftir komu ferðamenn frá Þýskalandi (7,5%), Noregi (5,9%), Danmörku (4,7%), Kanada (4,5%), Svíþjóð (4,3%), Frakklandi (4,0%), Kína (3,3%) og Hollandi (2,2%) en samanlagt voru þessar tíu þjóðir 73,2% ferðamanna að vori og hausti.
Um 40,2% ferðamanna komu yfir sumarmánuðina þrjá eða 507.423. Um var að ræða 98.783 fleiri ferðamenn en sumarið 2014 og nemur aukningin 24,2% milli ára. Af einstaka þjóðum voru flestir ferðamenn að sumri árið 2015 frá Bandaríkjunum (21,1%) og Þýskalandi (11,4%). Þar á eftir fylgdu ferðamenn frá Bretlandi (8,3%), Frakklandi (7,0%), Kína (4,4%), Kanada (4,0%), Danmörku (3,7%), Noregi (3,3%), Svíþjóð (3,3%) og Spáni (3,2%) en samanlagt voru þessar tíu þjóðir 69,7% ferðamanna sumarið 2015.
Skáldsagan Líkvaka kom út fyrir jólin, áhugaverð en afar sérstök og ber sannarlega nafn með rentu þótt með óhefðbundnum hætti sé. Ekki verður farið nánar út í það hér.
„Ég hef lengi gengið með þá hugmynd að skrifa sögu um einhvern sem fremur svakalegt ódæði en er samt ekki slæmur maður; að láta einhvern gera eitthvað viðbjóðslegt en að lesandinn finni samt frekar til með honum en hitt,“ segir Guðmundur í samtali við Sunnudagsblað Morgunblaðsins.
Hrotti vegna uppeldis
Rithöfundurinn segir borðleggjandi að Engilbert þessi, aðalpersónan, hafi skemmst í uppeldinu, og lesandinn getur vart annað en komist að sömu niðurstöðu. „Ég hugsa að ef þessi náungi hefði ekki alist upp við þær aðstæður sem raun ber vitni hafði hann jafnvel plummað sig. Þótt einhver veila hafi verið fyrir hendi hefði hann aldrei verið svona hrottalegur nema af því hann ólst upp við mikinn viðbjóð.“Guðmundur segir söguna að mestu leyti hreinan skáldskap.
„Ég hef reyndar hitt marga sem hafa sagt mér eitt og annað, og sjálfur lent í ýmsu í gegnum lífið þannig að þetta er samtíningur héðan og þaðan. Sagan er í raun samfélagsádeila, Engilbert segir ýmislegt í sínu brjálæði sem margir eru að tala um úti í samfélaginu en enginn ber samt kannski almennilega á borð.
Gagnrýnin er þó ekki beint á meðferðargeirann, frekar á úrræðaleysi samfélagsins gagnvart fólki eins og honum; á félagsmálapakkann þar sem allt virðist reka á reiðanum, einhver teymi eru alltaf til staðar en kerfið áorkar þó í raun engu. Engilbert er að vísu óforskammaður og örugglega ekki gott við hann að eiga.“
Guðmundur segist í raun ekki hafa lagt upp með að skrifa ádeilusögu. „Þetta er skáldskapur sem tekur bara þessa stefnu og kemur víða við.“
Hann nefnir að fyrir jólin var mikið í umræðunni að menn væru að segja eigin sögu í ýmsum búningum, „en ég hef sem betur aldrei lent í þeim aðstæðum sem ég lýsi í bókinni og aldrei kynnst neinu af því tagi!“
Guðmundur skrifaði Líkvöku á síðustu tveimur árum en í hittifyrra sendi hann sér sér skáldsöguna Gosbrunninn. „Það er líka saga manns í krísu, sögð í fyrstu persónu, en á allt öðrum nótum en Líkvaka. Þessi bók er því alveg einstæð.“
Áður hafði hann sent frá sér tvær barnabækur og skrifað leikrit en þau verk voru á allt öðrum nótum. „Ég er alltaf með eitthvað á prjónunum og reyndar alltaf með margt í gangi í einu. Ég er ekki alveg ákveðinn í hvað ég fer í af mestum krafti næst, en hugsa að ekkert komi út fyrr en á næsta ári.“
Guðmundur segist hafa fengið mjög góð viðbrögð við Líkvöku.
„Mörgum finnst sagan rosaleg og segja það hikstalaust við mig; að sagan sé óskaplega ógeðsleg, en líka að hún sé góð og mér sýnist það sem ég ætlaði mér hafi heppnast mjög vel því margir tala um að þeir finni til með aðal persónunni.“
Af hermangi
Guðmundur hefur fengist við margvísleg skrif eins og áður greinir. Snemma árs í fyrra kom til að mynda út ljósmyndabók hjá Crymogeu með myndum Braga Þórs Jósefssonar af yfirgefnum mannvirkjum á Miðnesheiði; bókin Iceland Defence Force. Guðmundur skrifaði textann, sem er bæði á íslensku og ensku í bókinni.„Ég vann í hermanginu í gamla daga og þótti vel til þess fallinn að skrifa þetta. Mér fannst það dálítið fyndið að ein af ástæðunum sem gefnar voru upp var að margir rithöfundar hefðu unnið á Vellinum en vildu helst ekki tala um það. Skömmuðust sín fyrir það! Ég skammast mín hins vegar ekki neitt. Ég var þarna í mörg ár og líkaði vel. Þetta var ekki verri vinnustaður en hver annar,“ segir Guðmundur S. Brynjólfsson.
Morgunblaðið sunnudagurinn 21. febrúar 2016.
Skráð af Menningar-Staður
