Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

Færslur: 2016 Maí

03.05.2016 17:27

Jórukórinn með Abba þema á tónleikum 7. maí 2016

 

 

Jórukórinn með Abba þema á tónleikum 7. maí 2016

 

Í ár verður Jórukórinn á Selfossi 20 ára og mun halda upp á afmælið með stæl. „Við ætlum að efna til stórra og kröftugra tónleika í íþróttahúsi Vallaskóla þann 7. maí 2016 kl. 16:00. Þemað verður ABBA og er Stefán Þorleifsson, stjórnandinn okkar, búinn að útsetja fullt af lögum af tilefninu,“ segir Laufey Ósk formaður Jórukórsins.

„Þetta verða engir venjulegir kórtónleikar. Við erum búnar að panta hljóðnema fyrir hverja konu, ljósasýningu og hljóðkerfi hjá EB kerfum. Einnig verður með okkur Jóhanna Guðrún söngkona og sex manna hljómsveit sem mun ekkert gefa eftir.“

Á dagskránni verður, auk ABBA, einnig brot af því besta frá sögu kórsins. Forsala miða er hafin á Verónu hársnyrtistofu á Selfossi og hjá kórkonum. „Okkur þætti vænt um að fá sem flesta til að fagna með okkur,“ sagði Laufey Ósk.

Af www.dfs.is


Skráð af Menningar-Staður

02.05.2016 13:54

Vinnustund í Hjallastefnunni 2. maí 2016

 

.

Siggeir Ingólfsson, deildarstjóri Hjallastefnunnar.

.

 

 

Vinnustund í Hjallastefnunni 2. maí 2016
 

Hjallastefnuhátíð á næstu grösum í Alþýðuhúsinu á Eyrarbakka

 

Kristján Runólfsson . orti:
Hjallastefnu-hátíðin,
haldin verður bráðum,
hæfir þá að höbbðinginn, (ég) 
sé hafður með í ráðum.

 

.

Siggeir Ingólfsson, deildarstjóri Hjallastefnunnar.

.


 

 

Skráð af Menningar-Staður

 

02.05.2016 13:38

Alþýðuhúsið á Eyrarbakka 2. maí 2016

 

 

 

Alþýðuhúsið á Eyrarbakka 2. maí 2016

 

.

 

.

.

 

 

Skráð af Menningar-Staður

01.05.2016 21:07

Stórsigur á Flateyri fyrir 35 árum

 


Forgöngumenn.  Myndin var tekin í stofunni heima hjá Ægi sparisjóðsstjóra þegar

skrifað var undir hið merka tímamótasamkomulag fyrir 35 árum síðan. 

Frá vinstri, Björn Ingi Bjarnason formarður Verkalýðsfélagsins Skjaldar,

Ægir E. Hafberg sparisjóðsstjóri í Sparisjóði Önundarfjarðar

og Einar Oddur Kristjánsson forstjóri Hjálms HF. á Flateyri langstærsta atvinnurekenda þorpsins.

 

Stórsigur á Flateyri fyrir 35 árum

 

Um áratuga skeið var allt orlofsfé landsmanna lagt inn á reikninga hjá Póstgíróstofunni sem þá var til. Þarna var peningur fólks vistaður vaxtalítið ríkinu til hagsbóta. Þetta fyrirkomulag hafði lengi verið verkalýðsforkólfum á Vestfjörðum þyrnir í augum.
 

Hendrik Tausen sem um árabil var formaður verkalýðsfélagsins Skjaldar á Flateyri hafði nokkrum sinnum viðrað þá hugmynd að allt orlofsfé yrði ávaxtað og geymt í heimabyggðum en fengið lítil viðbrögð. Björn Ingi Bjarnason varð síðar formaður félagsins og telst með réttu hafa hlotið félagslegt uppeldi hjá Hendrik, tók þetta mál upp á sína arma eftir að hann hafði tekið við félaginu.
 

Þegar farið var að láta reyna á möguleika þess að ávaxta allt orlofsfé sem til félli á Flateyri í Sparisjóði Önfirðinga fóru að berast boð að sunnan eins og sagt er þegar hið opinbera leggur afl sitt í að bregða fæti fyrir framfarir.
 

En á Flateyri voru kjarkaðir menn sem voru meira en tilbúnir til að berjast fyrir því sem bæði var löglegt og ekki síður til mikilla bóta fyrir launafólk og byggðina alla.
 

„Stærsti atburðurinn á mínum ferli í verkalýðsfélaginu er samningurinn um að orlofsfé launafólks á Flateyri yrði greitt inná reikninga þeirra í Sparisjóði Önundarfjarðar og því ávaxtast í heimabyggð í stað þess að geymast vaxtalítið hjá Póstgíróstofunni eins og verið hafði. Þetta var gömul hugmynd frá formannsárum Hendriks en hafði ekki komist í framkvæmd. Það var ekki einfalt að landa þessu.
 

Atvinnurekendur á staðnum sem og sparisjóðurinn voru undir gríðarlega miklum þrýstingi að sunnan um að gefa sig ekki. Þarna sýndi Einar Oddur Kristjánsson, forstjóri Hjálms hf, þann kjark sem til þurfti og hann taldi skynsamlegast fyrir fólkið, fyrirtækið og byggðina. Það var einmitt þessi kjarkur hans sem gerði þjóðarsáttasamningana að veruleika á sínum tíma. Hann bugaðist ekki undan pressu valdamikilla aðila.
 

Ægir E. Hafberg sparisjóðsstjóri, sem nú stýrir Landsbankanum í Þorlákshöfn, lét bankakerfið heldur ekki buga sig þrátt fyrir hreint ofurmannlega pressu sem hann var beittur.
 

Það er stærsta og sælasta stund félagsmálaferils míns þegar skrifað var undir þennan samning í stofunni heima hjá Ægi E. Hafberg sparisjóðsstjóra. Í fyrstu var Hjálmur hf. eina fyrirtækið, enda stærsta og öflugasta fyrirtæki staðarins, en hin komu öll á eftir þannig að þetta baráttumál félagsins fékk farsælan endi.“ Þetta segir Björn Ingi fyrrum formaður nú 35 árum síðar.
 

Þess má geta að þetta samkomulag sem undirritað var af þessum þremur stórhuga og kjarkmiklu forystumönnum varð auðvitað fyrirmynd að samskonar samningum um allt land eftir að ríkið hafði verið lagt að velli með þessu samkomulagi á Flateyri.

 

 

 

Stjórn Verkalýðsfélagsins Skjaldar fyrir 35 árum þegar lausn fékkst í áralöngu baráttumáli 

um ávöxtun í heimabyggð.

Aftari röð frá vinstri.: Hendrik Tausen, ritari, Hálfdán Kristjánsson, gjaldkeri

og Sigurður Sigurdórsson, meðstjórnandi.

Fremri röð frá vinstri, Björn Ingi Bjarnason, formaður og Pétur G. Þorkelsson, varaformaður.

 

Guðmundur Jón Sigurðsson.

www.thingeyri.is


Skráð af Menningar-Staður

01.05.2016 07:06

1. maí 2016 á Selfossi

 

 

 

1. maí 2016 á Selfossi

 

Kröfuganga við undirleik Lúðrasveitar Selfoss kl. 11:00.

Félagar úr Sleipni fara fyrir göngunni á hestum. Lagt verður af stað frá húsi stéttarfélaganna Austurvegi 56 og gengið að Hótel Selfossi þar sem hátíðardagskráin verður haldin innandyra.
Kynnir - Halldóra Sigríður Sveinsdóttir, formaður Bárunnar, stéttarfélags
Ræður dagsins - Hilmar Harðarson formaður Fit og Eva Dögg Einarsdóttir landvörður í Þjóðgarðinum á Þingvöllum
Skemmtiatriði - Danshópurinn Flækjufótur á Selfossi sýna línudans. Villi naglbítur syngur og skemmtir.


Glæsilegar kaffiveitingar í boði stéttarfélaganna í Hótel Selfoss. Sérstakt smáréttaborð fyrir börnin. Félagar úr Bifreiðaklúbbi Selfoss sýna stórglæsilega bíla sína.

Teymt undir börnum í Sleipnishöllinni frá kl. 12:30.


Skráð af Menningar-Staður

 

01.05.2016 06:50

1. maí 2016 - Hátíðarkaffi Kvenfélags Eyrarbakka á Stað

 

 

 

1. maí 2016 - Hátíðarkaffi Kvenfélags Eyrarbakka á Stað

 

Að venju verður Kvenfélag Eyrarbakka með kaffisölu í Félagsheimilinu Stað á Eyrarbakka í dag  -1. maí 2016 kl. 15:00 - 17:00

Allur ágóði rennur til líknarmála

Posi á staðnum

Kvenfélag Eyrarbakka

Kaffinefnd Kvenfélags Eyrarbakka 1. maí 2013.

 

Skráð af Menningar-Staður