Menningar-Staður
Félagsheimilið Staður á Eyrarbakka

Færslur: 2016 September

30.09.2016 07:16

50 ár frá upphafi Sjónvarpsins á Íslandi

 

 

 

50 ár frá upphafi Sjónvarpsins á Íslandi

 

Götur tæmdust á höfuðborgarsvæðinu fyrsta útsendingarkvöld íslenska sjónvarpsins þennan mánaðardag fyrir 50 árum, þann 30. september 1966. 

Það hófst klukkan 20 með ávarpi Vilhjálms Þ. Gíslasonar útvarpsstjóra. 

Næst á dagskrá var blaðamannafundur með Bjarna Benediktssyni forsætisráðherra, spyrjendur voru Ólafur Hannibalsson og Andrés Kristjánsson, ásamt Eiði Guðnasyni sem stýrði umræðum. 

Fleiri atriði fylgdu á eftir svo sem kvikmynd eftir Ósvald Knudsen, lestur Halldórs Laxness úr Paradísarheimt, skemmtiþáttur með Savannatríóinu og sakamálaþátturinn Dýrlingurinn.

 

Fréttablaðið 30. september 2016.

 

Image result for sjónvarp á eyrarbakka
Helga Káradóttir og Anna Þórðardóttir

við fyrsta sjónvarpstækið sem kom á Eyrarbakka í spríl 1964.

 


Skráð af Menningar-Staður

29.09.2016 16:27

Útför Gunnars Olsen laugardaginn 1. okt. 2016

 

 

 

Útför Gunnars Ólsen laugardaginn 1. okt. 2016


frá Eyrarbakkakirkju

 

 

 


Skráð af Menningar-Staður

29.09.2016 08:38

Nafnasamkeppni um göngu- og hjólreiðastíginn milli Eyrarbakka og Stokkseyrar

 

 

Til skýringar þá liggur stígurinn þar sem svarta línan liggur.

 

Nafnasamkeppni um göngu- og hjólreiðastíginn milli Eyrarbakka og Stokkseyrar

 


Sveitarfélagið Árborg hefur ákveðið að setja af stað nafnasamkeppni um nýja göngu- og hjólreiðastíginn milli Eyrarbakka og Stokkseyrar. Um er að ræða nýja stíginn sem liggur meðfram ströndinni og tengir þorpin saman. Vilji er til þess að finna í samvinnu við íbúa þjált og gott nafn fyrir stíginn.

 

Íþrótta- og menningarnefnd Árborgar mun fara yfir tillögur og í október verður nafnið kynnt við hátíðlega athöfn. Dagsetning verður auglýst síðar. Allir hafa rétt til þátttöku í nafnasamkeppni þessari.

 

Tillögur er hægt að senda á netfangið bragi@arborg.is eða koma með í í þjónustuver Ráðhúss Árborgar, Austurvegi 2, 800 Selfoss merkt: „Nafn á göngu- og hjólreiðastíginn milli Eyrarbakka og Stokkseyrar“.

 

Skilafrestur á tillögum er til fimmtudagsins 29. september 2016.

 

Íþrótta- og menningarnefnd Sveitarfélagsins Árborgar

Af www.arborg.is


Skráð af Menningar-Staður

28.09.2016 20:55

Margrét Símonardóttir Kjærnested - Fædd 3. september 1923 - Dáin 18. september 2016 - Minning

 

 

 

Margrét Símonardóttir Kjærnested.

 

Margrét Símonardóttir Kjærnested -

- Fædd 3. september 1923 - Dáin 18. september 2016 - Minning

Margrét Anna Símonardóttir Kjærnested fæddist á Eyrarbakka 3. september 1923. Hún andaðist á Hrafnistu 18. september 2016.

Foreldrar hennar voru Símon Símonarson, bifreiðarstjóri, f. 9. apríl 1890, d. 24. ágúst 1960, og Ingibjörg Gissurardóttir, f. 30. ágúst 1888, d. 20. nóvember 1977. Systkini Margrétar voru: Gissur, f. 1920, Ingunn, f. 1921, Kristín, f. 1926 og Símon Þóroddur, f. 1926. Þau eru öll látin.

Margrét giftist 11. október 1944 Guðmundi Kjærnested, skipherra, f. 29. júní 1923, d. 2. september 2005. Heimili þeirra var alla tíð á Þorfinnsgötu 8 í Reykjavík í húsi sem foreldrar hennar reistu.

 

Börn Margrétar og Guðmundar eru fjögur: 

1. Símon Ingi, f. 1945, kvæntur Elínborgu Stefánsdóttur Kjærnested, f. 1945.

Börn þeirra eru: a) Guðmundur, f. 1967, kvæntur Margaret Elizabeth Kjærnested, f. 1969, eiga þau þrjú börn. b) Stefán, f. 1971, kvæntur Ásgerði Ósk Jakobsdóttur, f. 1976, eiga þau fjögur börn. c) Brynjar, f. 1977, kvæntur Hjördísi Jónsdóttur, f. 1980, eiga þau þrjú börn, en fyrir á Brynjar eitt barn með fyrri eiginkonu sinni, Paola Cardenas, f. 1977.

2) Örn, f. 1948, kvæntur Hildi Einarsdóttur, f. 1949. Börn þeirra eru: a) Guðlaug Ágústa, f. 1968, gift Kolbeini Sigurjónssyni, f. 1972, eiga þau tvö börn, en fyrir á Guðlaug tvö börn og eitt barnabarn með fyrri eiginmanni sínum, Þóri Erni Grétarssyni, f. 1964. b) Einar Páll, f. 1972, kvæntur Hildi Ólafsdóttur, f. 1975, eiga þau tvö börn. c) Guðmundur Örn, f. 1985, kvæntur Elínu Maríu Jónsdóttur, f. 1984, eiga þau þrjú börn.

3. Helgi Stefnir, f. 1954. Sonur Helga og Höllu Elínar Baldursdóttur, f. 1955, Baldur Már, f. 1976, kvæntur Svanhildi Sigurðardóttur, f. 1976, eiga þau þrjú börn. Dóttir Helga og Soffíu Lárusdóttur, f. 1960, Margrét Rán, f. 1986, gift Jan Prikryl, f. 1987, eiga þau 1 barn.

4. Margrét Halldóra, f. 1960, gift Pétri E. Oddssyni, f. 1957, dóttir þeirra er Ásta, f. 1988.

 

Margrét stundaði nám í Austurbæjarskóla og Ingimarsskóla. Hún vann sem ung kona í mjólkurbúð, en eftir að börnin fæddust var hún heimavinnandi að mestu og passaði barnabörnin.

Margrét vann ásamt Vigdísi Kristjánsdóttur veflistakonu að listaverkinu „Ingólfur varpar öndvegissúlu fyrir borð“ sem hangir uppi í Ráðhúsi Reykjavíkur. Verkið unnu þær fyrir Reykjavíkurborg í tilefni 1100 ára afmælis landnáms. Einnig vann hún í versluninni Handíð og Hattabúð Reykjavíkur. Margrét var í Kvenfélaginu Hrönn og Heimilisiðnarfélagi Íslands.

 

Margrét bjó á Þorfinnsgötu 8 í 81 ár. Síðustu mánuði var hún á Hrafnistu við Brúnaveg.

 

Útför Margrétar var gerð frá Bústaðakirkju mánudaginn, 26. september 2016.

------------------------------------------------------------------------------------------

Minningarorð:

 

Mamma er dáin. Mikið rosalega er það skrítið. Okkar líf saman hefur staðið yfir í rúm 56 ár sem hafa einkennst af mikilli samveru. Mamma var alltaf til staðar á gleði- og sorgarstundum. Bræður mínir voru allir fluttir að heiman á unglingsárum mínum og pabbi mikið úti á sjó. Því eyddum við mörgum kvöldum, helgum og hátíðisdögum bara tvær einar og fyrir það vil ég þakka þér.

Einnig vil ég þakka þér fyrir allar utanlandsferðir sem ég fór í með ykkur pabba þegar ég var lítil og eins í seinni tíð þegar við fórum til Kanarí á hverjum vetri.

Við áttum handavinnu sem sameiginlegt áhugamál. Þú passaðir alltaf upp á að allt sem ég gerði væri 100%. Áttir jafnvel til að rekja upp það sem ég var búin að sauma eða prjóna ef þér fannst það ekki nógu vel gert.

Þú varst mjög fróð um ættir og oft gott að hringja í þig til að fletta upp í öllum ættartölunum sem þú áttir, eiginlega varst þú undanfari Íslendingabókar.

Þú passaðir Ástu dóttur mína þegar ég þurfti að fara að vinna og hún ekki komin á leikskóla. Átti hún alltaf vísan stað hjá ömmu og afa á Þorfinns í öllum skólafríum.

Ég veit þú saknaðir pabba mikið, sem dó fyrir 11 árum. Þið höfðuð ferðast út um allan heim og örugglega ekki margir á þínum aldri sem fóru í yfir 80 utanlandsferðir sem allar eru skráðar samviskusamlega í stílabók. Í seinni tíð hafðir þú mjög gaman af að rifja þær upp og í leiðinni að skoða myndir úr ferðunum. Nú hafið þið sameinast í sumarlandinu og gangið hönd í hönd á ströndinni kaffibrún.

Hvíl í friði.

Þín dóttir,

Margrét.

 

Fyrstu minningar mínar um mömmu eru frá Þorfinnsgötu 8, húsinu sem afi byggði og þar bjó mamma í 81 ár. Fyrir minn tíma bjuggu í húsinu yfir fjörutíu manns en öllu færri undir síðustu aldamót. Á ungdómsárum mínum bjuggu þar margar konur sem stjórnuðu heimilum sínum og húshaldinu í heild, þar á meðal mamma mín og amma. Mamma var alltaf til staðar þegar maður kom heim og vakti yfir velferð okkar til hinstu stundar. Hún var kvik í hreyfingum, létt í spori og hljóp á milli hæða í húsinu. Hún var alltaf að, ef ekki inni að sýsla eitthvað, þá úti í garði að hlúa að blómum, reyta arfa, hugsa um matjurtagarðinn eða hreinsa stéttina í kringum garðinn. Þingholtin og miðbærinn voru hennar staðir og það var gaman að fara í göngutúr með henni um gamla bæinn. Hún þekkti til flestra húsanna, hver hafði byggt þau og búið þar fyrstu árin. Líf mömmu og pabba var gæfuríkt. Fyrstu fjörutíu árin komu þau upp börnum og búi, þar sem mamma var kletturinn í lífi pabba, síðan tóku við tuttugu góð ár þar sem þau nutu þess að eldast og vera saman. Mamma var trú sínum nánustu og varði tíma sínum til að hlúa að þeim. Þetta ár var henni erfitt þar sem heilsa og kraftur þrutu og sjúkdómurinn náði yfirhöndinni, en hún kvaddi þennan heim á sinn hátt, sátt og í hljóði umkringd sínum nánustu. Núna er hún farin inn í sumarlandið til ástvina sem á undan gengu. Ég sakna mömmu og þakka henni samfylgdina og lífið, en hennar vegna er ég jafnframt þakklátur því nú hefur hún fengið hvíld.

Minning hennar lifir.

Helgi Kjærnested.



Morgunblaðið 26., september 2016.
 


Skráð af Menningar-Staður

 

28.09.2016 08:56

UM 242 ÞÚSUND ERLENDIR FERÐAMENN Í ÁGÚST

 

 

 

UM 242 ÞÚSUND ERLENDIR FERÐAMENN Í ÁGÚST

 

Ferðamenn í ágúst 2016

Um 242 þúsund erlendir ferðamenn fóru frá landinu í ágúst síðastliðnum samkvæmt talningum Ferðamálastofu í Flugstöð Leifs Eiríkssonar eða rúmlega 52 þúsund fleiri en í ágúst á síðasta ári. Aukningin nemur 27,5% milli ára.

Heildarfjöldi ferðamanna frá áramótum er um 1,2 milljónir tæpar eða 32,7% fleiri miðað við fjölda ferðamanna á tímabilinu janúar til ágúst árið 2015.

Fjórar þjóðir helmingur ferðamanna

10 fjölmennustu þjóðernin

Fjórar þjóðir voru áberandi fjölmennastar þegar skoðað er hvernig ferðamannahópurinn var samsettur. Þetta voru Bandaríkjamenn, Þjóðverjar, Frakkar og Bretar. Samtals voru ferðamenn frá þessum löndum 122.200 í ágúst, eða ríflega helmingur allra ferðamanna. Sé Ítölum, Kanadamönnum og Spánverjum bætt við þá voru sjö þjóðir með tvo þriðju af heildinni.

Langmest fjölgun í ágúst var meðal Bandaríkjamanna eða 20.500 manns miðað við ágúst 2015. Í prósentum var þetta 56,3% fjölgun á milli ára. Veruleg fjölgun var einnig frá Kanada, ríflega 5 þúsund manns eða 72,1%. Frökkum fjölgaði um 4.651 (28,7%), Þjóðverjum um 3.636 (15,6%), Bretum um 2.495 (16,6%), Ítölum um 2.361 (26,1%) og Spánverjum um 2.003 (22,2%).

Ferðamenn eftir markaðssvæðumSexföldun N-Ameríkana frá 2010

Þegar litið er til fjölda ferðamanna í nýliðnum ágústmánuði eftir markaðssvæðum má sjá nokkuð verulega fjölgun frá árinu 2010 frá flestum svæðum. Mest áberandi er breytingin hjá Norður-Ameríkönum en fjöldi þeirra hefur nærri sjöfaldast, að miklu leyti síðustu þrjú ár. Fjöldi Breta hefur nærri þrefaldast og fjöldi Mið- og Suður Evrópubúa ríflega tvöfaldast. Fjöldi ferðamanna frá löndum sem lenda í hópnum ,,annað“ hafa nærri þrefaldast. Norðurlandabúum hefur hins vegar fjölgað minnst eða um 25.5% frá 2010.

Breytt samsetning eftir markaðssvæðum

Samsetning ferðamanan eftir markaðssvæðum

Samsetning ferðamanna eftir markaðssvæðum hefur breyst töluvert frá árinu 2010 eins og sjá má af myndinni hér til hliðar. Í ágúst síðastliðnum voru Norður Ameríkanar 28,5% af heildarfjölda en hlutdeild þeirra var ekki nema 12,5% árið 2010. Hlutfall Mið- og Suður Evrópubúa og Norðurlandabúa hefur hins vegar lækkað verulega frá árinu 2010. Hlutdeild Breta og annarra markaðssvæða hefur hins vegar staðið í stað.

Ferðir Íslendinga utan

Um 44 þúsund Íslendingar fóru utan í ágúst síðastliðnum eða 4.337 fleiri en árið 2015. Um er að ræða 10,9% fleiri brottfarir en í ágúst 2015 en talsvert færri en í júlí síðastliðnum þegar um 55 þúsund Íslendingar fóru til útlanda um Keflavíkurflugvöll.

Nánari upplýsingar

Talningar Ferðamálastofu ná yfir allar brottfarir frá landinu um Leifsstöð. Skiptingu milli landa má sjá í töflunni hér að neðan og nánari upplýsingar undir liðnum Tölur og útgáfur / Fjöldi ferðamanna hér á vefnum.

Ferðamenn í ágúst 2016

Af www.ferdamalastofa.is


Skráð af Menningar-Staður

23.09.2016 11:53

Oddný í efsta sæti Samfylkingarinnar í Suðurkjördæmi

 

 

Oddný G. Harðardóttir.  Ljósm.: Björn Ingi Bjarnason.

 

Oddný í efsta sæti Samfylkingarinnar í Suðurkjördæmi

 

Framboðslisti Samfylkingarinnar – Jafnaðarmannaflokks Íslands – í Suðurkjördæmi í alþingiskosningunum 29. október 2016 var samþykktur með lófaklappi á fundi kjördæmráðs Samfylkingarinnar í Suðurkjördæmi sem haldinn var í Reykjanesbæ í gærkvöldi.

 

Listann skipa eftirtaldir:

 

  1.    Oddný G. Harðardóttir, alþingismaður, Garði

  2.    Ólafur Þór Ólafsson, stjórnsýslufræðingur og forseti bæjarstjórnar, Sandgerði

  3.    Arna Ír Gunnarsdóttir, félagsráðgjafi og bæjarfulltrúi, Selfossi

  4.    Magnús Sigurjón Guðmundsson, aðgerðastjóri, Selfossi

  5.    Guðný Birna Guðmundsdótti,r hjúkrunarfræðingur og bæjarfulltrúi, Reykjanesbæ

  6.    Miralem Hazeta, húsvörður, Höfn í Hornafirði

  7.    Arna Huld Sigurðardóttir, hjúkrunarfræðingur, Vestmannaeyjum

  8.    Guðmundur Oddgeirsson, framkvæmdastjóri og bæjarfulltrúi, Þorlákshöfn

  9.    Borghildur Kristinsdóttir, bóndi, Landsveit 

10.    Marta Sigurðardóttir, viðskiptastjóri og bæjarfulltrúi, Grindavík

11.    Andri Þór Ólafsson, vaktstjóri, Sandgerði

12.    Kristbjörg Erla Hreinsdóttir, öryrki, Hveragerði

13.    Guðbjörg Anna Bergsdóttir, lögfræðingur og bóndi, Höfn í Hornafirði

14.    Magnús Kjartansson, hljómlistarmaður, Grímsnesi

15.    Guðbjörg Rut Þórisdóttir, deildarstjóri, Reykjanesbæ

16.    Ingimundur Bergmann, formaður Félags kjúklingabænda, Flóahreppi

17.    Kristján Gunnarsson, formaður Verkalýðs- og sjómannafélags Keflavíkur og nágrennis, Reykjanesbæ

18.    Kristín Á. Guðmundsdóttir, formaður Sjúkraliðafélag Íslands, Árborg

19.    Karl Steinar Guðnason, fyrrverandi alþingismaður, Reykjanesbæ

20.    Margrét Frímannsdóttir, fyrrverandi alþingismaður, Kópavogi

 


Oddný G. Harðardóttir Ljósm.: Björn Ingi Bjarnason.




Af www.dfs.is


Skráð af Menningar-Staður

22.09.2016 15:54

Opinn fundur Bókabæjanna austanfjalls á Eyrarbakka

 

 

 

Opinn fundur Bókabæjanna austanfjalls á Eyrarbakka

 

Í dag, fimmtudagskvöldið 22. september 2016, boða Bókabæirnir austanfjalls til opins fundar í Rauða húsinu á Eyrarbakka (kjallara).

 

Á dagskrá fundarins er kynning á tveimur stærstu verkefnum haustsins sem eru barnabókahátíð í Hveragerði í október og krimmakvöld í Flóanum í nóvember ásamt frásögn Dorothee Lubecki í máli og myndum af ferð sinni til Sviss á þing IOB (alþjóðlegra samtaka bókabæja) sem fulltrúi Bókabæjanna austanfjalls.

 

Skipulagning barnabókahátíðar og krimmakvölds er komin í fullan gang í höndum Hrannar Sigurðardóttur. Hafi einhver sem þetta les áhuga á að vera með í skipulagningu eða framkvæmd verkefnanna er upplagt fyrir viðkomandi að mæta á fundinn – eða hafa samband við Hrönn ( hronnsig@arborg.is).

 

Bókabæirnir eru Árborg (Selfoss, Eyrarbakki og Stokkseyri), Hveragerði, Þorlákshöfn og Flóahreppur og styrkja sveitarfélögin starfsemi félagsins. Markmið Bókabæjanna austanfjalls er að gera bókum hátt undir höfði á ýmsan hátt, m.a. með því að vekja athygli á bókum og bóklestri og finna gömlum, notuðum bókum nýjan farveg. Upplýsingar um félagið má finna á www.bokabaeir.is og á Facebook.

 

Fundurinn hefst kl. 20 og er reiknað með að hann taki um eina klukkustund.

 

Allir eru hjartanlega velkomnir til að forvitnast, fylgjast með eða taka þátt í þessum skemmtilegu verkefnum.

Af. wwwdfs.is

Image result for siggeir ingólfsson og valgeir guðjónsson við eyrarbakkakirkju

Fundurinn verður í Rauða-húsinu á Eyrarbakka.

Skráð af Menningar-Staður

22.09.2016 11:40

22. september 2016 - haustjafndægur

 

 

 

22. september 2016 - haustjafndægur

Jafndægur eru tvisvar á ári, um 20.-21. mars og 22.-23. september. 
 


Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir miðbaug jarðar. Þessi atburður er á tilteknu augnabliki innan dagsins. Um haustjafndægur eru dagur og nótt álíka löng og styttist dagurinn um 6-7 mínútur á hverjum degi.
 

Stundum er sagt að á jafndægrum séu dagur og nótt jafnlöng, sem er nærri lagi, en þetta er ekki alveg svo einfalt. Í fyrsta lagi er bjart nokkru fyrir sólarupprás og eftir sólarlag, en jafnvel tíminn milli sólarupprásar og sólarlags er ekki nákvæmlega 12 klst. á jafndægrum.
 

Ástæða þessa fráviks er af tvennum toga. Í fyrsta lagi miðast sólarupprás og sólarlag ekki við augnablikið þegar sólmiðjuna ber við sjónbaug (láréttan sjóndeildarhring), heldur er miðað við fyrstu og síðustu geisla sólar, þ.e. efri rönd sólkringlunnar. Í öðru lagi veldur ljósbrot í lofthjúpi jarðar því að við getum séð í sólina þar til sólmiðjan er komin um 1,1° niður fyrir sjónbaug.

 


Haustjafndægur er kl. 14:21 - 22. september 2016.

 

 




Skráð af Menningar-Staður.

 

22.09.2016 10:09

Jóna Sólveig, Jóhannes og Ingunn skipa efstu sæti Viðreisnar í Suðurkjördæmi

 

 

 

Jóna Sólveig, Jóhannes og Ingunn

skipa efstu sæti Viðreisnar í Suðurkjördæmi


Suðri greinir frá fimmtudaginn 22. september 2016.
 

Listi Viðreisnar er þannig skipaður: 

  1.  Jóna Sólveig Elínardóttir, aðjúnkt, Mýrdalshreppi
  2.  Jóhannes Albert Kristbjörnsson, lögmaður, Reykjanesbæ
  3.  Ingunn Guðmundsdóttir, deildarstjóri, Selfossi
  4.  Gunnar Þórarinsson, viðskiptafræðingur, Reykjanesbæ
  5.  Kristín María Birgisdóttir, kennari, Grindavík
  6.  Sigurjón Vídalín Guðmundsson, jarðfræðingur, Eyrarbakka
  7.  Þóra Ingimundardóttir, framkvæmdastjóri í ferðaþjónustu, Suðursveit
  8.  Skúli Kristinn Skúlason, sjómaður, Þorlákshöfn
  9.  Júlía Jörgensen, stjórnmálafræðingur, Reykjanesbæ
10.  Haukur Már Stefánsson, verkfræðingur, Hveragerði
11.  Sigurbjörg Björgvinsdóttir, hjúkrunarfræðingur, Selfossi
12.  Skúli Thoroddsen, lögmaður, Reykjanesbæ
13.  Guðbjörg Ingimundardóttir, sérkennari, Reykjanesbæ
14.  Arnar Páll Guðmundsson, viðskiptafræðingur, Reykjanesbæ
15.  Þórunn Benediktsdóttir, framkvæmdastjóri hjúkrunar, Reykjanesbæ
16.  Agnar Guðmundsson, tölvunarfræðingur, Reykjanesbæ
17.  Iwona Zmuda Trzebiatowska, starfsmannastjóri, Vík i Mýrdal
18.  Róbert Ragnarsson, stjórnmálafræðingur, Grindavík
19.  Heiða Björg Gústafsdóttir, sjúkraliði og hjúkrunarfræðingur, Reykjanesbæ
20.  Bergsteinn Einarsson, framkvæmdastjóri, Selfoss

 

image

1. sæti

Jóna Sólveig Elínardóttir, aðjúnkt, Mýrdalshreppi

 

Viðreisn er ýr, frjálslyndur stjórnmálaflokkur, sem mun bjóða fram í öllum kjördæmum í komandi kosningum.

 


Skráð af Menningar-Staður

18.09.2016 07:26

1.9 milljón flettinga á Menningar-Stað

 

 

 

1.9 milljón flettinga á Menningar-Stað

 

Vefurinn Menningar-Stað fór í gærkveldi yfir 1.900.000 flettingar

(eina komma níu milljón) flettinga.

 

Menningar-Staður þakkar gestum þessa gríðarlegu tryggð og flettingar.
 

 


Skráð af Menningar-Staður