Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

Færslur: 2017 Maí

13.05.2017 21:25

Vor í Árborg 2017 - myndir

 

 

 

Vor í Árborg 2017 - myndir

 

 

 

Dagskráin  -  fimmtudaginn 11. maí 2017


Slkráð af Menningar-Staður

13.05.2017 06:58

"Saga Þuríðar formanns kveikti neistann"

 

 

Margaret Willson og Þórður Guðmundsson á Stokkseyri.

 

„Saga Þuríðar formanns kveikti neistann“

 

Fyrir einstaka tilviljun byrjaði Margaret Willson, mannfræðingur og prófessor við Washington háskóla í Seattle, að rannsaka sjósókn íslenskra kvenna. Henni var boðið í heimsókn til Íslands árið 1999, sótti Stokkseyri heim og kom við í Þur- íðarbúð, sem þá var í raun ekki annað en minnisvarðinn um Þuríði formann. Stórbrotin saga Þuríðar kveikti neistann og teningunum var kastað. Hún var sjálf alin upp í sjávarþorpi í Oregon þar sem hún vann sem háseti á mörgum bátum. Sjómennskan er henni sjálfri því í blóð borin. 

Afurð rannsóknar hennar er bókin Survival on the Edge: Seawomen of Iceland, sem kom út hjá University of Washington Press, í Seattle, Bandaríkjunum, á síðasta ári og hefur vakið mikla athygli. Sjávarsafnið í Reykjavík setti til dæmis upp sýningu um verk hennar sem hefur staðið í tvö ár. Margaret er nú enn og aftur stödd á Stokkseyri í rannsóknarleyfi frá háskólanum. 

„Þessi óvænta ferð á Stokkseyri gjörbreytti lífi mínu og ég hef myndað mjög sterk tengsl við þorpið síðan þá. Vonandi fæst bókin mín þýdd og gefin út á Íslandi, en það kemur í ljós á næstunni,“ segir Margaret en ritstjóri Suðra hitti þessa merku fræðakonu á Stokkseyri fyrir skömmu, ásamt Þórði Guðmundssyni sem er henni innan handar. 

Hvað hefur komið þér á óvart við rannsókn á íslenskum sjókonum? 

„Í fyrsta lagi hvað þær eru og hafa verið margar. Frá því að saga og minnisvarði Þuríðar formanns kveikti hugmyndina að verkinu var það ekki fyrr en tíu árum síðar að ég fékk styrk til þess að hefja rannsóknina formlega. Fyrir nítjándu öldina var það ekkert tiltökumál að konur væru á sjó, en þær voru þá um einn þriðji sjómanna. Það þurfti allar hendur á dekk, og konur voru ómissandi hluti vinnuaflsins. Það var ekki fyrr en líða tók á 19. öldina að kynjalínan varð skýrari og það þótti eingöngu við hæfi karlmanna að stunda sjóinn. Það má því segja að það viðhorf hafi orðið til í landi, því konur voru löngu orðnar fullgildir sjómenn.

“ Hvað ertu að rannsaka núna? 

„Áfram er ég hugfangin af Stokkseyri og sögu þorpsins. Viðvangið er sagan og nútíðin. Þáttur minninganna í því. Sagan er að mestu sögð með augum karlmanna og ég vil fá fram sjónarhorn kvenna í nútíð og fortíð. Hvað gerir samfélagið að því sem það er, hvaðan spretta jafn stórir kvenleiðtogar og Þuríður formaður og Margrét Frímannsdóttir, svo ég taki tvo skörunga fyrr og nú, báðar frá Stokkseyri sem eiga sér einstaka sögu. 

Hvaðan koma þessar stór merkilegu konur og hvað í umhverfi þeirra gerði þær að þessum miklu leiðtogum? 

Ég rannsaka einnig hvernig fólk kemst af við ójöfnuð og óréttlæti og einbeiti mér í því ljósi að sögu Stokkseyrar. Ég stefni að því að koma aftur í september, og þá mun ég hitta Margréti og heyra hennar sögu,“ segir Margaret.

Í bókinni rekur Margaret sögu íslenskra sjókvenna frá Þuríði formanni á Stokkseyri til Sigrúnar stýrimanns frá Djúpavogi og nokkurra enn yngri kvenna. Hún skrifar í fyrstu persónu og rekur í inngangi bókarinnar hvatann að því að hún fékk áhuga á efninu, hvernig var að hefja rannsókn á efni sem lítið hafði verið skoðað og aðferðir sínar við gagnaöflun. Í máli hennar kemur skýrt fram að þrátt fyrir að hafa gjarnan fengið þau svör að fáar konur hafi stundað sjó frá hinum eða þessu bæjarfélaginu þá hafi alla jafna allt annað komið á daginn og þær séu fjölmargar Íslensku konurnar sem sótt hafa sjóinn, þótt þær hafi ekki gert sjóskókn að ævistarfi sínu. 

Hólmfríður Garðarsdóttir, prófessor í spænsku, segir í grein á Hugrás um bókina að í texta hennar takist Willson með athyglisverðum hætti að flétta saman ítarlega heimildavinnu og vitnisburð Íslenskra kvenna af eigin reynslu, ásamt tilvísunum í fjöldan allan af þjóð- sagnakenndum frásögnum um sjósókn þeirra á ólíkum tímum. „Hún leitar víða fanga og nýtir sér jafnt varðveittar sjó- ferðabækur sem og stökur og kvæði, s.s. eftir Ólínu Andrésardóttur, frá 1924, þar sem segir: „þær saumuðu, spunnu, styrðu skeið, / þeim var kunnug láar leið / lögð yfir grunna svæðin breið“ (bls. 40), til að varpa ljósi á margbrotið lífshlaup kvenna um aldir.“


 

 


Björgvin G. Sigurðsson.

Héraðsfréttablaðið Suðri - fimmudaginn 11. maí 2017


 


Skráð af Menningar-Staður.

12.05.2017 21:30

BÆTA VERÐUR INNVIÐINA

 

 

Guðrún Hanna Óskarsdóttir, húsmóðir í Neðri-Breiðadal í Önundarfirði

og tengdamóðir Dýrafjarðar.

Hún opnar nú á helginni kaffihúsið Kaffi Sól í Neðri-Breiðadal.

 

BÆTA VERÐUR INNVIÐINA

 

Guðmundur Hálfdánarson prófessor við Háskóla Íslands segir að bæta verði innviði Vestfjarða, þannig að byggð haldist þar. Fleira þurfi að koma til, svo sem pólitískar ákvarðanir.

Þetta kemur fram í þætti um Vestifrði á N4 á sunnudagskvöld. Guðmundur var einn fyrirlesara á málþinginu Vestfiska vorið sem var haldið á Flateyri um síðustu helgi.

 

Þetta kemur fram í þætti um Vestifrði á N4 á sunnudagskvöld, 14. maí, kl. 21.30.

Í stiklu úr þættinum er einnig rætt við Guðrúnu Óskarsdóttur í Neðri-Breiðadal í Önundarfirði.

 

Smella á þessa slóð:
http://www.bb.is/2017/05/baeta-verdur-innvidina/

 

 

Í Neðri-Breiðadal í Önundarfirði.

.

 

 

-Vestfirska vorið- verður á dagskrá á -N4- nú á sunnudagskvöldinu 14. maí kl. 20:30

 

Af www.thingeyri.is


Skráð af Menningar-Staður

12.05.2017 07:00

80 ár frá strandi Loch Morar

 

 

 

80 ár frá strandi Loch Morar

 

Héraðsfréttablaðið - Suðri- fimmtudagurinn 11. maí 2017


Er dreift í 10.500 eintökum á öll heimili á Suðurlandi og Vestmannaeyjum. 


Blaðið á þessari slóð:
http://fotspor.is/…/wp-…/uploads/2017/05/sudri_11mai_web.pdf


 

.

.



Skráð af Menningar-Staður

 

11.05.2017 17:11

11. maí 1921 - Vöku­lög­in voru samþykkt á Alþingi

 


Togarinn Jón forseti. Fyrsti togarinn sem smíðaður var fyrir Íslendinga.

 

11. maí 1921 - Vöku­lög­in voru samþykkt á Alþingi

 

Vöku­lög­in voru samþykkt á Alþingi þann 11. maí 1921. 

Sam­kvæmt þeim áttu há­set­ar á tog­ur­um að hafa „að minnsta kosti 6 klst. óslitna hvíld í sól­ar­hring hverj­um,“ en áður höfðu sjó­menn þurft að standa vakt­ir í tvo til þrjá sól­ar­hringa. 

Hvíld­ar­tím­inn var lengd­ur í 8 klst. árið 1928 og í 12 klst. árið 1955.

 

Morgunblaðið 11. maí 2017 - dagar Íslands - Jónas Ragnarsson.

 

 

 

 

Skráð af Menningar-Staður

11.05.2017 10:21

Lokadagurinn 11. maí

 


Vinir alþýðunnar í morgunspjalli í Alþýðuhúsinu á Eyrarbakka 11. maí 2017.
F.v.: Guðmundur Sæmundsson, Haukur Jónsson, Ingvar Jónsson, Siggeir Ingólfsson,

Jón Gunnar Gíslason og Ólafur Ragnarsson. Jóhann Jóhannsson var farinn upp að Ölfusá.
Ljósm.: Björn Ingi Bjarnason.

 

Lokadagurinn 11. maí
 

 

Hinn hefðbundni lokadagur vetrarvertíðar 11. maí er í dag.

 

Minna fer nú fyrir vertíðarlokum en áður þar sem nær allar veiðar eru takmarkaðar í kvótum.

 

Horft er nú frekar til lokadags sem hluta af atvinnumenningu þjóðarinnar.


Vinir alþýðunnar í Alþýðuhúsinu á Eyrarbakka héldu uppá lokadaginn með innihaldsríku morgunspjalli og kaffi.
 


Skráð af Menningar-Staður

10.05.2017 11:58

Vormessa í Hjallakirkju 7. maí 2017

 


Hjallakirkja í Ölfusi sem byggð var árið 1928.   Ljósm.: Björn Ingi Bjarnason.

 

 

Vormessa í Hjallakirkju 7. maí 2017 

 

Nú sunnudaginn 7. maí sl. var vormessa í Hjallakirkju í Ölfusi sem byggð var árið 1928.

Kór Þorlákskirkju í Þorlákshöfn söng undir stjórn organistans  Miklós Dalmay.

Sóknarpresturinn í Þorlákshöfn, séra Baldur Kristjánsson og Guðmundur Brynjólfsson,  djákni sem býr  á Eyrarbakka, þjónuðu fyrir altari.
Meðhjálpari í Hjallakirkju er Sigurður Hermannsson.

 


Kirkjuráð Hrútavinafélagsins Örvars á Suðurlandi var í vormessunni í Hjallakirkju. Meðal verkefna Kirkjuráðsins er að heimsækja allar kirkjur á Suðurlandi. Það verkefni er komið vel á veg en hefur tekið nokkur ár.
Að lokinni vormessunni var ársfundur Kirkjuráðs Hrútavinafélagsins haldinn að Hrauni í Ölfusi hjá hjónunum Þórhildi Ólafsdóttur og Hannesi Sigurðssyni.



Menningar-Staður færði til myndar.
Myndaalbúm komið á Menningar-Stað.
Smella á þessa slóð: 
http://menningarstadur.123.is/photoalbums/282841/
 


Nokkrar myndir:

 

.

.

.

.

.

 

.

.

.




Skráð af Menningar-Staður

10.05.2017 08:59

Íslenskir seðlar seljast dýrt

 

 

Íslenski seðillinn seldist á hærra verði en búist var við.

500 krónur - Jón Sigurðsson.

 

Íslenskir seðlar seljast dýrt

 

Átta íslenskir seðlar seldust fyrir tæplega tvær milljónir króna á uppboði hjá danska uppboðsfyrirtækinu Bruun Rasmussen í gær, þar af seldist sá dýrasti fyrir tæpa hálfa milljón króna og sá næst dýrasti á tæplega 400 hundruð þúsund krónur. 

Þeir dýrustu voru tveir 500 króna seðlar frá árinu 1944, útgefnir af Landsbanka Íslands, með mynd af Jóni Sigurðssyni.

Um eru að ræða góð eintök af viðkomandi seðlum en þeir voru ekki í gildi nema í rúm þrjú ár. Annar þeirra fór á tvöföldu matsverði uppboðshússins og hinn á rúmlega þreföldu matsverði. Um er að ræða talsverðar verðhækkanir á íslensku seðlunum frá seinustu tveimur árum, eða sem nemur tugum prósenta miðað við það þegar sambærilegar seðlar hafa komið á uppboð í Danmörku.

Stutt er síðan fá­gæt­ur 50 króna seðill frá árinu 1925 seldist ­fyr­ir um þrjár millj­ón­ir króna og í haust sem leið seldist sjaldgæfur 100 króna seðill frá árinu 1919 fyrir um 2,6 milljónir króna á uppboði í Þýskalandi. 

 

Fréttablaðið 10. maí 2017.



Skráð af Menningar-Staður.

09.05.2017 07:01

Styrkir úr húsafriðunarsjóði 2017

 


Eyrarbakkakirkja fék kr. 5.000.000.-.

 

Styrkir úr húsafriðunarsjóði 2017

 

Minjastofnun Íslands og húsafriðunarnefnd hafa lokið yfirferð þeirra 257 umsókna um styrki úr húsafriðunarsjóði sem bárust stofnuninni þegar auglýst var eftir umsóknum s.l. haust. 

Umsóknirnar skiptust þannig milli efnisflokka:

  • friðlýstar kirkjur: 47 umsóknir
  • friðlýst hús og mannvirki: 32 umsóknir
  • friðuð hús og mannvirki: 110 umsóknir
  • önnur hús og mannvirki: 50 umsóknir
  • byggða- og húsakannanir: 6 umsóknir
  • rannsóknir og önnur verkefni: 12 umsóknir

 

Nú reyndist unnt að veita 182 styrki, samtals að upphæð 168.350.00 kr., en sótt var um rúmlega 772 millj. króna.

 

Hér má sjá lista yfir þá styrki sem veittir voru ásamt samantekt umsókna og styrkja.


Af www.minjastofnun.is

 

Skráð af Menningar-Staður.

07.05.2017 09:46

Athöfn í Eyrarbakkakirkjugarði 6. maí 2017

 

 

 

Athöfn í Eyrarbakkakirkjugarði 6. maí 2017

 

Í gær, laugardaginn 6. maí komu þeir; Siggeir Ingólfsson, Reynir Jóhannsson og Ólafur Ragnarsson í Eyrarbakkakirkjugarð með nýmálaða krossana sex á leiði skipverjanna af Loch Morar og komu þeim fyrir á sína staði. Togarinn strandaði við Gamla-Hraun 31. mars 1937 og allir 12 í áhöfn fórust en sex lík ráku á fjörur við Eyrarbakka og voru jarðsettir þar.

 

Þeir þremenningarnir hafa tekið að sér að sjá um krossana næstu árin.

 

Þessir krossar voru settir nýir á leiðin í september 2012 að frumkvæði Gunnars Olsen og Jóns Hákons Magnússonar með stuðninga breska sendiráðsins í Reykjavík .

Þá tóku þeir;  Siggeir, Reynir og Ólafur að þessu loknu,  minningarkrossinn frá árinu 1998 sem Skotarnir frá Aberdeen, heimahöfn Loch Morar,  komu með það ár  og verður hann lagfærður og málaður. Því verki verður lokið að sögn þremenningana fyrir sjómannadag sem er sunnudaginn 11. júní n.k. 

Menningar-Staður færði til myndar.
Myndaalbúm á Menningar-Stað.
Smella á þessa slóð:
http://menningarstadur.123.is/photoalbums/282805/

 

Nokkrar myndir:
 

.

.

.



Skráð af Menningar-Staður