Brautryðjendur fyrir vestan

Ný bók frá Vestfirska forlaginu til heiðurs

vestfirskum vegavinnumönnum.

Ein af þeim sjö bókum sem Vestfirska forlagið gefur út í flóðinu að þessu sinni nefnist Brautryðjendur fyrir vestan. Hún er út gefin til heiðurs vestfirskum vegavinnumönnum: Verkstjórunum, ráðskonunum, vinnukonunum, tippurunum, hefilsstjórunum, gröfumönnunum, bílstjórunum, jarðýtustjórunum, snidduhleðslumönnunum og öllum öðrum sem lögðu hönd á plóg. Þar á meðal hinum mörgu strákum sem byrjuðu sinn feril í vegavinnunni. Vegfarendur koma einnig nokkuð við sögu við ýmsar aðstæður.

   Engu er líkara en fjöldi vestfirskra vega hafi verið greyptir í landið þegar landnámsmenn komu. Svo inngrónir eru þeir landslaginu i dag. Vestfirskir vegir voru almennt snilldarlega lagðir og bera höfundum sínum gott vitni. Og hafa komið Vestfirðingum að ótrúlega góðum notum. Hvernig hefðu Vestfirðir verið án vega? Óbyggilegir. Þarf ekki annað en líta til Hornstranda í þeim efnum.

 

Skráð af Menningar-Staður

Bjarni Harðarson

með þrjátíu nýjar bækur fyrir jólin

Við Austurveginn á Selfossi er Bókakaffi Bjarna Harðarsson og Elínar Gunnlaugsdóttur, eiginkonu hans þar sem þau reka kaffihús og bóksölu. Þau eiga einnig bókaútgáfuna Sæmund en sú útgáfa gefur út hvorki meira né minna en 30 nýjar bækur fyrir jólin enda bunkinn hár.
 

Allar bækurnar lætur Bjarni prenta í útlöndum og segir hann að bækurnar séu af fjölbreyttum toga. Skáldsögur, ljóðabækur, ævisögur, örsögur og stærri fræðiverk eru á meðal þess sem er gefið út fyrir þessu jól. Hann er stoltur af afrakstrinum og þykir starfið afar skemmtilegt.

En staða bókarinnar, hvernig er hún að mati Bjarna?

„Hún er auðvitað erfið eins og bóka um allan heim en fréttir af andláti bókarinnar eru nú mjög orðum auknar“.

En hvar lætur Bjarni prenta bækurnar sínar?

„Langmest er þetta prentað núna í Norður Þýskalandi en það eru líka prentstaðir eins og Bosnía, Lettland þó við höfum ekki bundið okkur við neitt sérstakt land. Ég verð auðvitað að játa það að ég prenta þetta allt erlendis eins og greinin í heild sinni en það er afleiðing af þessari ofhitnun samfélagsins, þá gerist þetta“.

Bjarni segist eiga von á þokkalegum bókajólum þó hann segist ekki gera ráð fyrir að bóksalir séu að rétta strax úr kútnum eftir kreppu síðustu ára.

VÍSIR/MAGNÚS HLYNUR HREIÐARSSON

 

. . Skráð af Menningar-Staður

Tón­listar­fólk. Björg­vin Tóm­as­son org­elsmiður og Hrönn Helga­dótt­ir org­an­ist við alt­ari Guðríðar­kirkju með org­elið í bak­sýn. Það verður vígt við hátíðlega at­höfn á öðrum sunnu­degi í aðventu, em er eft­ir tæp­ar tvær vik­ur.

Hljóðfæri mikilla möguleika

Org­elið í öllu sínu veldi. Nú er verið að fínstilla nýtt org­el

í Guðríðar­kirkju í Grafar­holti, sem er vin­sæl til tón­leika­halds.

Hljóðfærið hæf­ir hús­inu vel og radd­irn­ar fylla hvert rými þess.

Pípu­org­elið er eins og heil sin­fón­íu­hljóm­sveit,“ seg­ir Hrönn Helga­dótt­ir org­an­isti í Guðríðar­kirkju í Grafar­holti í Reykja­vík. „Mögu­leik­arn­ir sem þetta hljóðfæri skap­ar eru mikl­ir og fyr­ir mig hafa verið for­rétt­indi að fylgj­ast með smíði þess og vera með í ráðum. Það er líka að koma á dag­inn að org­elið hæf­ir þessu húsi vel vel. Hjómb­urður­inn hér er góður og radd­ir org­els­ins fylla kirkj­una.“

Píp­urn­ar eru 1.112

Þessa dag­ana er verið að leggja loka­hönd á upp­setn­ingu nýs nítj­án radda pípu­org­els í Guðríðakirkju, sem verður svo vígt við hátíðlega at­höfn þann 9. des­em­ber næst­kom­andi. Það er ann­ar sunnu­dag­ur í aðventu og þá er jafn­framt tíu ára vígslu­af­mæli kirkj­unn­ar. Form­leg­ur vígslu­dag­ur var 7. des­em­ber 2008, en í sept­em­ber það ár var samið við Björg­vin Tóm­as­son org­elsmið á Stokks­eyri um hljóðfæri í kirkj­una. Hann var aðeins kom­inn af stað þegar banka­kerfið á Íslandi hrundi svo allt fór í baklás svo setja þurfti smíðina á ís. Nokkr­um árum síðar gat Björg­vin svo tekið aft­ur upp þráðinn; að smíða org­elið með sínu flókna gang­virki og píp­um bæði úr tré og málmi sem eru 1.112 tals­ins. Sjálf­ur vann hann mikið að smíði og­els­ins í Guðríðar­kirkju en aðrir sem að verk­inu komu eru Jó­hann Hall­ur Jóns­son, Guðmund­ur Gest­ur Þóris­son, Júlí­us Óttar Björg­vins­son og Mar­grét Erl­ings­dótt­ir.

Hef­ur smíðað 38 org­el

Safnað hef­ur verið fyr­ir org­el­inu með frjáls­um fram­lög­um, tón­leika­haldi og ýms­um öðrum leiðum. Safn­ast þegar sam­an kem­ur, eins og mál­tækið herm­ir, og allt hafðist á end­un­um þótt hægt miðaði um hríð.

„Moz­art sagði að pípu­org­elið væri drottn­ing hljóðfær­anna og hafði sjálfsagt nokkuð til síns máls þar. Þetta eru stór­kost­leg hljóðfæri, en vissu­lega nokkuð flók­in að allri gerð. Í svona verk­efni fara þúsund­ir vinnu­stunda,“ seg­ir Björg­vin. Hann hef­ur með sínu fólki smíðað 38 org­el af ýms­um stærðum og gerðum sem eru í kirkj­um vítt og breitt um land.

Tón­list­ar­starf í Guðríðar­kirkju hef­ur frá fyrstu tíð verið öfl­ugt. Þar eru tveir barnakór­ar og svo kirkju­kór sem Hrönn Helga­dótt­ir stjórn­ar, en hún kom til starfa við Grafar­holts­söfnuð tals­vert löngu áður en kirkj­an var reist, en áður var sal­ur í þjón­ustu­blokk aldraðra við Þórðarsveig nýtt­ur til helgi- og sam­komu­halds. „Þegar kirkj­an var tek­in í gagnið feng­um við Est­onia-flygil; frá­bært hljóðfæri sem er í miklu upp­á­haldi hjá mér. En org­elið nýja er sem allt önn­ur ver­öld. Með því hægt að kalla fram ótrú­leg­ustu hljóma og skapa margt skemmti­legt,“ seg­ir Hrönn Helga­dótt­ir að síðustu.

Hljóðfærið. Kirkj­an ómar öll, er sungið í sálmi eft­ir Stefán frá Hvíta­dal. — Morg­un­blaðið/?Sig­urður Bogi

Morgunblaðið 27. nóvember 2018.
Sig­urður Bogi Sæv­ars­son
sbs@mbl.is


Skráð af Menningar-Staður.

Ásmundur Friðriksson.

Akstur Ásmundar ekki brot á reglum

For­sæt­is­nefnd Alþing­is tel­ur ekk­ert gefa til kynna að hátt­erni Ásmund­ar Friðriks­son­ar, þing­manns Sjálf­stæðis­flokks­ins í Suður­kjör­dæmi, í tengsl­um við end­ur­greidd­an akst­urs­kostnað hafi verið and­stætt siðaregl­um alþing­is­manna. Þá tel­ur nefnd­in ekki til­efni til þess að hefja al­menna rann­sókn á end­ur­greidd­um akst­urs­kostnaði þing­manna.

Þetta kem­ur fram í svari for­sæt­is­nefnd­ar við er­indi Björns Levís Gunn­ars­son­ar, þing­manns Pírata.

For­sæt­is­nefnd tel­ur ekki að fram hafi komið upp­lýs­ing­ar eða gögn sem sýni að til staðar sé grun­ur um refsi­verða hátt­semi sem kæra beri til lög­reglu sem meint brot á regl­um for­sæt­is­nefnd­ar um end­ur­greiðslu akst­urs­kostnaðar.

Björn Leví óskaði eft­ir því að for­sæt­is­nefnd kannaði sér­stak­lega hvert og eitt ferðatil­efni þar sem þingmaður hefði fengið end­ur­greidd­an akst­urs­kostnað og hvort ástæða væri til þess að höfða gegn þeim siðareglu­mál. Til vara, féll­ist for­sæt­is­nefnd ekki á þá kröfu, óskaði Björn eft­ir því að at­hugað yrði hvort Ásmund­ur hefði brotið siðaregl­ur vegna end­ur­greiðslna sem hann fékk fyr­ir akst­urs­kostnað.

Hafnaði öll­um ásök­un­um

Vegna þessa máls ritaði Ásmund­ur bréf til for­sæt­is­nefnd­ar. Þar hafn­ar hann því með öllu að hafa mis­notað aðstöðu sína og lagt fram mis­vís­andi reikn­inga eða reikn­inga vegna per­sónu­legs akst­urs. Ásak­an­ir um fjár­svik séu rang­ar.

„Ég hef gert grein fyr­ir ferðum mín­um í hvert sinn og fylgt þar í einu og öllu regl­um um þing­far­ar­kostnað, vinnu­regl­um skrif­stofu Alþing­is og leiðbein­ing­um um end­ur­greiðslu ferðakostnaðar,“ rit­ar Ásmund­ur.

Hann upp­lýs­ir jafn­framt að hafa í fe­brú­ar á þessu ári end­ur­greitt 178 þúsund krón­ur vegna ferðakostnaðar í tengsl­um við þátta­gerð fyr­ir ÍNN. Seg­ist hann ekki hafa þegið laun sem þátta­stjórn­andi hjá ÍNN en tekið viðtöl við áhuga­vert fólk í kjör­dæm­inu. Ásmund­ur seg­ir þetta hafa orkað tví­mæl­is og því hafi hann end­ur­greitt ferðakostnaðinn.

Morgunblaðið 27. nóvember 2018.

 

Ásmundur Friðriksson er hér í Alþýðuhúsinu á Eyrarbakka þangað sem

hann hefur oft komið á liðnum árum.

Aðdáunarverð er ræktarsemi Ásmundar við fólk i öllu Suðurkjördæmi. 

Ljósm.: Björn Ingi Bjarnason.


Skráð af Menningar-Staður.

Edda Heiðrún Backman (1957 - 2016).

Merkir Íslendingar - Edda Heiðrún Backman

Edda Heiðrún Backm­an fædd­ist á Akra­nesi 27. nóvember 1957.

For­eldr­ar henn­ar voru Jó­hanna Dag­fríður Arn­munds­dótt­ir og Hall­dór Sig­urður Backm­an.

Börn Eddu Heiðrún­ar eru Arn­mund­ur Ernst leik­ari og Unn­ur Birna nemi.

Edda Heiðrún lauk stúd­ents­prófi frá Mennta­skól­an­um við Sund 1978 og leik­ara­prófi frá Leik­list­ar­skóla Íslands 1983.

Edda Heiðrún var mik­il­virk og vin­sæl leikk­kona til árs­ins 2004. Þá hafði hún greinst með MND-sjúk­dóm­inn, hætti að leika, sneri sér að leik­stjórn og leik­stýrði fjölda sýn­inga í Borg­ar­leik­hús­inu og Þjóðleik­hús­inu. Árið 2007 opnaði hún blóma­búðina Súkkulaði og rós­ir, þar sem hún bauð upp á heims­ins besta súkkulaði og fal­leg­ustu rós­ir. Hún fann sköp­un­ar­krafti sín­um nýj­an far­veg, 2008, er hún hóf að mála með munn­in­um, vatns­lita- og ol­íu­mynd­ir af fugl­um og fólk­inu sem var henni kært. Hún hélt fjölda sýn­inga í Reykja­vík og út um land, auk þess sem hún átti mynd­ir á sýn­ing­um er­lend­is.

Edda Heiðrún barðist fyr­ir rétt­ind­um fatlaðs fólks og lagði mikið af mörk­um þegar hún, ásamt Holl­vina­sam­tök­um Grens­ás, stóð fyr­ir lands­söfn­un til upp­bygg­ing­ar og end­ur­bóta á Grens­ás­deild und­ir yf­ir­skrift­inni Á rás fyr­ir Grens­ás. Þar söfnuðust á annað hundrað millj­ón­ir króna.

Edda var mik­ill talsmaður um­hverf­is­vernd­ar og ís­lenskr­ar nátt­úru, barðist fyr­ir stofn­un há­lend­isþjóðgarðs á miðhá­lendi Íslands og stofnaði fé­lags­skap­inn Rödd nátt­úr­unn­ar árið 2016.

Edda Heiðrún var þris­var sæmd Íslensku sviðslista­verðlaun­un­um, þ.ám. heiður­sverðlaun­um Grím­unn­ar 2015, hlaut Íslensku kvik­mynda­verðlaun­in, Edd­una, 2003, var borg­ar­listamaður Reykja­vík­ur 2006 og var samþykkt af Alþingi í hóp heiðurslista­manna árið 2008.

Edda Heiðrún lést 1.október 2016.



Morgunblaðið.
 

Skráð af Menningar-Staður.

Fullveldishátíðinni víða fagnað

með viðburðum á Suðurlandi
 

1. desember 2018

Ríkisstjórn Íslands efnir til fullveldishátíðar í tilefni þess að 100 ár eru liðin síðan Ísland öðlaðist fullveldi. Fjölbreyttir viðburðir ætlaðir almenningi verða í helstu menningarstofnunum þjóðarinnar auk þess sem boðið verður til veislu víða um landið. Á Suðurlandi eru ýmsir viðburðir tengdir fullveldishátíðinni sem hægt er að sækja. Hér að neðan gefur að líta einhverja þeirra.

100 ára fullveldi í hugum barna

 er yfirskrift sýningar á verkum nemenda Grunnskólans í Hveragerði. Sýningin var opnuð föstudaginn 16. nóvember sl. á Bókasafninu í Hveragerði og Listasafni Árnesinga. Laugardaginn 1. des. frá kl. 14-16 verður afhending viðurkenninga sem hluti af menningardagskrá barna í Listasafni Árnesinga. Sýningin verður opin út árið.

Halldór Einarsson í ljósi samtímans

 er myndlistarsýning í Listasafni Árnesinga. Sýningin er á verkum Halldórs auk fjögurra annarra listamanna; Anna Hallin (1965), Birgir Snæbjörn Birgisson (1966), Guðjón Ketilsson (1956) og Rósa Sigrún Jónsdóttir (1962). Sýningin er opin til 16. desember.

Þingvellir, friðun og fullveldi. 

Á fullveldisdaginn verður ókeypis inn á nýja sýningu í gestastofu þjóðgarðsins á Þingvöllum. Gestum gefst færi á að spyrja starfsfólk út í sýninguna og Þingvelli. Klukkan 11 verða afhjúpuð fræðsluskilti á nýju sýningunni sem lýsa hvernig friðunarhugmyndir Þingvalla mótast um líkt leyti og Ísland verður fullvalda þjóð 1918. Klukkan 14 er hátíðarguðsþjónusta í Þingvallakirkju og mun sr. Kristján Valur Ingólfsson þjóna fyrir altari.  Organisti er Guðmundur Vilhjálmsson.

Fullveldi í kjölfar Kötlugoss 

verður haldin á Kirkjuhvoli á Kirkjubæjarklaustri. Kl. 11:00 munu nemendur Tónlistarskóla Skaftárhrepps flytja tónlist. Frumsýnd stuttmynd um Kötlugos og önnur gos. Opnuð vefsíða um Kötlugos, Katla100.is  Guðrún Gísladóttir, prófessor í landafræði við HÍ segir frá Kötlugosinu 1918. Zbigniew and Teresa Zuchowicz flytja tónlist. Veitingar í Kirkjubæjarskóla í boði Skaftárhrepps. Kl. 12:00 -14:00 Sögusýning sem nemendur Kirkjubæjarskóla hafa sett upp. Þar á meðal er annáll frá árinu 1918, fróðleikur um frostaveturinn mikla, Kötlugos, spænsku veikina, Fullveldi Íslands og fleira.

Menningardagskrá barna 1. desember 2018 

Um árabil hafa Bókasafnið í Hveragerði og Listasafn Árnesinga í Hveragerði efnt til menningardagskrár að kvöldi fullveldisdagsins 1. desember, þar sem myndlist, orðlist og tónlist er teflt saman eina kvöldstund. Í tilefni 100 ára afmælis fullveldisdagsins sem árið 2018 ber upp á laugardag verður efnt til menningardagskrár með börnum og fyrir börn um miðjan dag og Grunnskólinn í Hveragerði bætist við sem samstarfsaðili. Efnt verður til ritunarsamkeppni og samkeppni í myndmennt út frá fullveldishugtakinu innan skólans á haustmisseri. Óháðar dómnefndir verða fengnar til að velja nokkur verk sem verða verðlaunuð út frá mismunandi forsendum til þess að leggja áherslu á fjölbreytta nálgun viðfangsefnisins. Úrval myndverka verður til sýnis í Listasafni Árnesinga og úrval ritverka í Bókasafninu frá og með 16. nóvember og út árið. Á Menningardagskrá barna – 1. des. 2018 verða niðurstöður dómnefnda kynntar og viðurkenningar veittar. Þá munu börn kynna og lesa úr nokkrum völdum ritverkum og kynna nokkur valin myndverk. Tónlistarflutningur á menningardagskránni 1. des. verður í höndum barna sem stunda nám við Tónlistarskóla Árnesinga. Um leið og aldarafmælis sjálfstæðis og fullveldis Íslands er minnst gefst börnunum tækifæri til að setja fullveldishugtakið í mismunandi samhengi og tengja nútímanum – og börnum og fjölskyldum þeirra, ásamt öðrum íbúum svæðisins, gefst kostur á að eiga samverustund sem auðgar andann með áhugaverðri dagskrá.

Fjallkonurnar okkar

Viðburðurinn Fjallkonurnar okkar verður haldinn í Versölum, ráðhúsi Ölfuss laugardaginn 1. desember kl. 15:30 í tilefni 100 ára afmælis Fullveldisins Íslands. Nokkrar af þeim sem hafa verið fjallkonur í Þorlákshöfn á 17. júní í gegnum tíðina koma og flytja það ljóð sem þær fluttu þegar þær voru fjallkonur.
Samhliða þessum viðburði verður ljósmyndasýning um fjallkonur opnuð í Galleríinu undir stiganum á Bæjarbókasafni Ölfuss. Allir velkomnir! Kaffi og smákökur í boði.Viðburðurinn er unnin í samstarfi við Kvenfélag Þorlákshafnar. Kvenfélagið hefur séð um að tilnefna fjallkonuna á ári hverju og félagið á skautbúninginn sem fjallkonurnar klæðast.

Hátíðartónleikar í Skálholtsdómkirkju 100 ára fullveld 

Hátíðartónleikar í Skálholtsdómkirkju í tilefni 100 ára afmælis fullveldis Íslendinga og upphafs aðventu.Flutt verður fjölbreytta tónlist sem tengist á einhvern hátt tilefninu og kemur tónleikagestum einnig í rétta stemmningu fyrir komandi aðventu og jól svo ekki sé minnst á þessi merku tímamót okkar Íslendinga. Fram koma Kirkjukórar Breiðabólstaðarprestakalls ásamt söngfólki úr Landeyjum, Kirkjukórar Stóra-Núps og Ólafsvallakirkna, Skálholtskórinn, Karlakór Selfoss og Öðlingarnir. Kórarnir mynda hátt í 100 manna blandaðan kór og einnig 100 manna karlakór. Einsöngvari á tónleikunum er Oddur Arnþór Jónsson bassi. Jóhann I. Stefánsson leikur á trompet og Matthías Nardeau leikur á Óbó. Orgel og píanó meðleik annast Jón Bjarnason og Guðjón Halldór Óskarsson. Sr. Kristján Björnsson vígslubiskup í Skálholti flytur ávarp og stjórnendur eru Guðjón Halldór Óskarsson, Jón Bjarnason og Þorbjörg Jóhannsdóttir.

Tónleikarnir hefjast klukkan 16:00
Miðaverð 2500 krónur
frítt fyrir börn yngri en 12 ára
öryrkja og eldri borgara.



Skráð af Menningar-Staður

Útvörðurinn á Baugsstöðum

Frum­sýnd verður í Bíó­hús­inu á Sel­fossi nú í vik­unni heim­ild­ar­mynd­in Útvörður­inn sem er um Sig­urð Páls­son, bónda og vita- og safn­vörð á Baugs­stöðum í Flóa.

Það var Gunn­ar Sig­ur­geirs­son á Sel­fossi sem gerði mynd­ina í sam­starfi við Byggðasafn Árnes­inga og Menn­ing­ar­ráð Suður­lands. Sig­urður er fróður um sagna­slóðir við strönd­ina frá Loftsstaðahól að Fornu-Baugs­stöðum, sem eru skammt aust­an við Stokks­eyri.

Í mynd­inni er fléttað sam­an dag­legt líf Sig­urðar og saga Fló­ans frá land­náms­öld og til dags­ins í dag. Í mynd­inni fylg­ir Sig­urður áhorf­end­um á sögu­slóðir við strönd­ina frá Knarr­arós­vita að Loftsstaðahól þar sem Galdra-Ögmund­ur varðist land­töku Tyrkja. Sagt er frá sjó­sókn á Loftsstaðas­andi, Þuríði for­manni og sjáv­ar­flóðum á Eyr­um. Rjóma­búið á Baugs­stöðum og Flóa­á­veit­an koma við sögu.

Einnig er sagt frá stríðsár­un­um og mann­líf­inu í sveit­inni. Saga staðar­ins er í hnot­skurn sunn­lenskr­ar bænda­menn­ing­ar og þeirr­ar tækni­bylt­ing­ar er átti sér stað með virkj­un vatns­afls­ins er vatns­hjól Baugs­staðar­jóma­bús­ins fór að snú­ast árið 1905. Þá seg­ir Sig­urður frá Knarr­arós­vita, sem er ein hæsta bygg­ing á Suður­landi.

Mynd­in er sýnd í Bíó­hús­inu í Hót­el Sel­fossi 1., 2. og 3. des­em­ber 2018, klukk­an 17 alla þessa daga.

Aðgang­ur er ókeyp­is.

Skráð af Menningar-Staður

Þorvarður Kjerúlf Þorsteinsson (1917 - 1983).

Merkir Íslendingar - Þorvarður Kjerúlf Þorsteinsson

Þor­varður Kjer­úlf Þor­steins­son fædd­ist á Eg­ils­stöðum 24. nóvember 1917.

For­eldr­ar hans voru Þor­steinn Jóns­son, kaup­fé­lags­stjóri Kaup­fé­lags Héraðsbúa í Her­mes á Reyðarf­irði, og Sig­ríður Þor­varðardótt­ir Kjer­úlf, hús­freyja í Her­mes.

Þor­steinn var son­ur Jóns Bergs­son­ar, bónda, kaup­manns, pósts- og sím­stöðvar­stjóra og loks kaup­fé­lags­stjóra á Eg­ils­stöðum, og k.h., Mar­grét­ar Pét­urs­dótt­ur hús­freyju.
 

Sig­ríður var dótt­ir Þor­varðar Andrés­son­ar Kjer­úlf, lækn­is og alþing­is­manns á Ormars­stöðum í Fell­um, og s.k.h., Guðríðar Ólafs­dótt­ur Hjaltested hús­freyju. Seinni maður henn­ar og stjúp­faðir Sig­ríðar var Magnús Blön­dal Jóns­son, prest­ur í Valla­nesi.

Þor­varður var bróðir Þor­geirs, lög­reglu­stjóra á Kefla­vík­ur­flug­velli, föður Her­dís­ar fyrr­ver­andi for­setafram­bjóðanda, og bróðir Jóns, föður Ei­ríks Jóns­son­ar fjöl­miðlamanns.

Börn hans og Önnu Einarsdóttur, fyrri eiginkonu hans, eru:

Einar - fv. umdæmisverkfræðingur Vegagerðarinnar á Austurlandi.

Sigríður - verslunamaður (rak og átti um árabil verslunina Pipar og salt á Klapparstíg).

Margrét - hjúkrunarfræðingur.

Guðbörg Anna - dýralæknir (Dýralæknastofa Dagfinns)

Þorsteinn - búnaðarráðunautur.

Með Ólafíu Þorvaldsdóttur, fv. sambýliskonu átti hann tvær dætur, þær eru:

Dagbjört Þyri - hjúkrunarfræðingur og deildarstjóri

Þórunn - verslunarmaður

Með seinni eiginkonu sinni, Magdalenu Thoroddsen átti hann tvær dætur, þær eru:

Ólína Kjerúlf - þjóðfræðingur, fv. alþingismaður og skólameistari

Halldóra Jóhanna - prófastur í Suðurprófastdæmi.

Þá eignaðist hann ungur að aldri dótturina Dýrfinnu sem skrifuð er Jónsdóttir og búsett á Selfossi.

Þor­varður lauk stúd­ents­prófi frá MA 1938, embætt­is­prófi í lög­fræði frá HÍ 1944 og fékk hdl-rétt­indi 1950. Hann hóf störf í at­vinnu- og sam­göngu­málaráðuneyt­inu 1944, varð full­trúi þar 1946 og deild­ar­stjóri 1971 og starf­rækti lög­manns­stofu í Reykja­vík um skeið sam­hliða störf­um í ráðuneyt­inu. 

Þor­varður var bæj­ar­fóg­eti og sýslumaður á Ísaf­irði 1973-83 er hann baðst lausn­ar af heilsu­fars­ástæðum. 

Um Þor­varð seg­ir Ármann Snæv­arr í minn­ing­ar­grein: „Hann var að eðlis­fari og öllu geðslagi friðsam­ur maður, ró­lynd­ur og æðru­laus, þótt á móti blési, maður með ríka rétt­lætis­kennd, trygg­ur og góður fé­lagi, hrein­lynd­ur og hrein­skipt­inn.“

Þor­varður lést 31. ágúst 1983.
 

Skráð af menningar-Staður.

Fasteignaskattur í Árborg lækkaður

Á fundi bæjarstjórnar Árborgar sem haldinn var 21. nóvember 2018 var lögð fram til fyrri umræðu tillaga að fjárhagsáætlun fyrir árið 2019 þar sem gert er ráð fyrir 505 milljóna króna afgangi. Helst ber til tíðinda að gert er ráð fyrir að A-hluti skili 48,5 milljóna króna afgangi og er það í fyrsta sinn frá árinu 2008 sem áætlun fyrir A-hluta er skilað með afgangi, utan þess að gert var ráð fyrir 4 m.kr. afgangi í þeirri áætlun sem lögð var fram fyrir ári síðan.

Samkvæmt áætluninni eru álagningarprósentur skatta á íbúðarhúsnæði lækkaðar umtalsvert til að mæta þeirri miklu hækkun sem orðið hefur á fasteignamati í sveitarfélaginu. Þannig lækkar fasteignaskattur úr 0,325% í 0,275%, sem er 15,4% lækkun á skattinum.

Skuldaviðmið skv. sveitarstjórnarlögum, eins og það hefur verið reiknað á undanförnum árum, nær nýju lágmarki árið 2019 m.v. framlagða áætlun og verður 122,7%. Breyting hefur þó orðið á lögum um þetta viðmið og reiknast það 106,7% samkvæmt nýjum reglum.i gera kleift að bæta þjónustu við íbúa og auka þannig velsæld og ánægju í sveitarfélaginu. Myndarlegur rekstrarafgangur sé einnig nauðsynlegur svo sveitarfélagið hafi aukna getu til fjárfestinga í nauðsynlegum innviðum á borð við leikskóla, grunnskóla, íþróttahús og fráveitu – sem sé mikilvægt þegar fjölgun íbúa er eins hröð og nú gerist í Árborg.

Fjárfest í innviðum

Sveitarfélagið Árborg mun fjárfesta í innviðum fyrir rúmlega 10 milljarða á næstu fjórum árum. Uppbygging íbúabyggðar í Bjarkarstykki, með um 650 íbúðum og nýjum grunnskóla, uppbygging íþróttamannvirkja við Engjaveg, nýr leikskóli og hreinsistöð fráveitu, verða stærstu einstöku fjárfestingarnar á tímabilinu.

Aldrei áður í sögu sveitarfélagsins hefur verið fjárfest jafn mikið í samfélagslegum innviðum og gert verður á næstu fjórum árum. Til að mæta uppsafnaðri fjárfestingaþörf síðustu ára er mikil fjárfesting framundan á næstu tveimur árum en minnkar á síðari hluta tímabilsins. Meðal annars verður aukinn kraftur settur í orku- og vatnsöflun.


www.dfs.is

 

Skráð af Menningar-Staður

Útvörðurinn 

Í tilefni aldarafmælis, sjálfstæðis og fullveldis Íslands er boðið á sýningar á heimildamyndina ÚTVÖRÐURINN í Bíóhúsinu Selfossi.

Útvörðurinn er mynd um SIGURÐUR PÁLSSON bónda, safn- og vitavörð á Baugsstöðum.

Sigurður er samofinn sögu staðarins, Rjómabúsins og Knarrarósvita. Hann er fróður á sagnaslóðum við ströndina frá Loftstaðarhól að Fornu-Baugsstöðum.

Í myndinni er sagt frá, sjósókn frá Loftstaðasandi, Þuríði-Formanni, Flóaáveitunni og sjávarflóðum á Eyrum. Þá er og sagt frá Landnámsmönnum, þjóðtrúnni og Galdra-Ögmundi. Einnig koma stríðsárin og Kaldaðarnesflugvöllur við sögu svo og Vormenn Íslands og mannlífið í Flóanum.

Kvikmyndin er eftir Gunnar Sigurgeirsson, tónlist Hilmar Örn Hilmarsson og kvæðamaður og þulur Steindór Andersen.

Sýningardagar eru 1., 2., og 3. des. 2018 kl. 17:00 alla sýningardaga.

Frítt inn!
 

Skráð af Menningar-Staður.