Menningar-Staður
Félagsheimilið Staður á Eyrarbakka

Færslur: 2019 Janúar

16.01.2019 06:34

Bakkablótið 26. janúar 2019

 

 

 

 

 Bakkablótið

 

   verður 26. janúar 2019
 


Miðasala 16. og 21. janúar á Stað kl. 20 - 22



Skráð af Menningar-Staður.

15.01.2019 18:20

Alþýðuhúsið á Eyrarbakka 15. janúar 2019

 

 

 

 

Alþýðuhúsið á Eyrarbakka 15. janúar 2019

 

Vinir alþýðunnar

 

Á Stað í morgun á afmælisdegi Guðmundar Inga Kristjánssonar


frá Krirkjubóli í Bjarnardal í Önundarfirði

 

- höfuðskálds Hrútavina


Hrútavinafélagið ÖRVAR á Suðurlandi 20 ára - 2019.

 

 

.

.

.

.




Skráð af Menningar-Staður

15.01.2019 17:13

Merkir Íslendingar - Hjálmar Finnsson

 


Hjálmar Finnsson (1915 - 2004).
 

 

Merkir Íslendingar - Hjálmar Finnsson

 

Hjálmar fæddist á Hvilft í Önundarfirði 15. janúar 1915.

Foreldrar hans voru Finnur Finnsson, bóndi á Hvilft, og Guðlaug J. Sveinsdóttir.


Finnur var sonur Finns, bónda þar Magnússonar, b. þar Einarssonar (og helsta stuðningsmanns Jóns Sigurðssonar við kosningarnar til hins endurreista Alþingis 1845), bróður Ásgeirs, alþm. á Þingeyrum, og Torfa, alþm. á Kleifum, en systir Magnúsar var Ragnheiður, amma Torfa tollstjóra og Snorra skálds Hjartarsona.

 

Guðlaug Jakobína var dóttir Sveins Rósinkranzsonar, skipstjóra á Hvilft, bróður Rósinkranz, föður Guðlaugs þjóðleikhússstjóra, en systir Sveins var Kristín, amma Kristjáns Ragnarssonar, fyrrv. framkvæmdastjóra LÍÚ.

 

Meðal systkina Hjálmars voru Ragnheiður skólastjóri; Sveinn, framkvæmdastjóri Fiskimálasjóðs; og Gunnlaugur, alþm. á Hvilft.

 

Eiginkona Hjálmars var Doris Finnsson, f. Walker, sem lést 1992, hjúkrunarfræðingur, og eignuðust þau þrjú börn.

 

Hjálmar lauk stúdentsprófi frá MA 1938, viðskiptafræðiprófi frá HÍ 1941 og stundaði framhaldsnám í fyrirtækjastjórnun við University of Southern California 1941-42.

 

Hjálmar stofnaði viðskiptafyrirtæki í New York 1942, var umboðsmaður íslenskra verslunar- og iðnfyrirtækja við innkaup í Bandaríkjunum 1942-48, var framkvæmdastjóri fyrirtækis í New York 1945-48 og umboðsmaður Loftleiða hf. í Bandaríkjunum, m.a. við öflun varanlegs lendingarleyfis 1947-48.

 

Hjálmar var framkvæmdastjóri Loftleiða hf. í Reykjavík 1949-52. Þá kom mjög til álita að sameina Loftleiðir og Flugfélag Íslands og að Hjálmar yrði forstjóri hins nýja flugfélags. Hann var forstjóri Áburðarverksmiðjunnar í Gufunesi 1952-85, sat í Flugráði, í samninganefnd um flugleyfi til Evrópulanda og var m.a. formaður Félags viðskiptafræðinga.

 

Hjálmar var fróður maður, hressilegur í viðmóti og skemmtilegur viðmælandi. Hann var sæmdur riddarakrossi hinnar íslensku fálkaorðu.

 

Hjálmar lést 10. júlí 2004.

 

 

Morgunblaðið.

 
 



Skráð af Menningar-Staður.

15.01.2019 08:21

Merkir Íslendingar - Guðmundur Ingi Kristjánsson

 

 

Guðmundur Ingi Kristjánsson (1907 - 2002).

 

 

Merkir Íslendingar - Guðmundur Ingi Kristjánsson

 

 

Guðmundur Ingi fæddist á Kirkjubóli í Bjarnardal í Önundarfirði 15. janúar 1907.

Foreldrar hans voru Kristján Guðjón Guðmundsson, bóndi á Kirkjubóli, og k.h., Bessabe Halldórsdóttir.

Systir Kristjáns var Guðrún, amma Gests Ólafssonar skipulagsfræðings og langamma Þórunnar Valdimarsdóttur, rithöfundar og sagnfræðings. Kristján var sonur Guðmundar Pálssonar, bónda á Kirkjubóli, bróður Hákonar, langafa Sigurjóns Péturssonar heitins, sem var forseti borgarstjórnar.
 

Systir Bessabe var Friðrikka, amma Einars Odds Kristjánssonar alþm. f. 1942 - d. 2007.
 

Systkini Guðmundar Inga voru Ólafur, skólastjóri í Hafnarfirði, faðir Kristjáns Bersa skólameistara og afi Ólafs Harðarsonar stjórnmálafræðings, Jóhanna á Kirkjubóli, og Halldór, rithöfundur og alþm.
 

Eiginkona Guðmundar Inga var Þuríður Gísladóttir frá Mýrum í Dýrafirði og stjúpsonur hans Sigurleifur Ágústsson. Þuríður var fædd þann 6. júlí 1925 og hún lést  þann 30. október 2016.


Guðmundur Ingi ólst upp á Kirkjubóli, var þar heimilisfastur alla tíð og bóndi þar frá 1944. Hann stundaði nám við eldri deild Alþýðuskólans á Laugum og eldri deild Samvinnuskólans í Reykjavík. Guðmundur Ingi var kennari í Mosvallahreppi af og til um langt árabil og auk þess skólastjóri heimavistarskólans í Holti 1955-74.
 

Guðmundur Ingi sat í stjórn ungmennafélagsins Bifröst, Héraðssambands ungmennafélaga Vestfjarða, stjórn Kaupfélags Önfirðinga, Búnaðarfélags Mosvallahrepps, var formaður Búnaðarsambands Vestfjarða, oddviti Mosvallahrepps um langt árabil og sýslunefndarmaður, sat í skólanefnd hreppsins og Héraðsskólans á Núpi og var þrisvar í framboði til Alþingis fyrir Framsóknarflokkinn.
 

Ljóðabækur Guðmundar Inga eru:

Sólstafir 1938, 
Sólbráð 1945, 
Sóldögg 1958, 
Sólborgir 1963 
og Sólfar 1981. 

Síðan heildarljóðasafn Sóldagar 1993 og 2007 með viðauka.


Hann var sæmdur riddarakrossi 1984 og var heiðursborgari Mosvallahrepps og Ísafjarðarbæjar.

 

Guðmundur Ingi lést 30. ágúst 2002.

 
 

Morgunblaðið.

 

 

Hjónin Þuríður Gísladóttir (1925 - 2016) og Guðmundur Ingi Kristjánsson

(1907 - 2002).

Ljósm.: Björn Pálsson.
 



Skráð af Menningar-Staður.

13.01.2019 14:45

Úthlutun fræðimannsíbúðar Húss Jóns Sigurðssonar árið 2019

 

 

 

 

Úthlutun fræðimannsíbúðar

 

Húss Jóns Sigurðssonar árið 2019

 

 

 

Úthlutunarnefnd fræðimannsíbúðar, samkvæmt reglum um Húss Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 4. hæð hússins almanaksárið 2019. Nefndinni bárust að þessu sinni 36 gildar umsóknir um dvöl í fræðimannsíbúðinni.

 

Úthlutað var dvalartíma til eftirtalinna fræðimanna: 

  •  Anna Agnarsdóttir, til að vinna verkefni um samskipti Íslands og Frakklands á 18. öl
  •  Ari Páll Kristinsson, til að vinna verkefni um íslenska, danska og norræna málstefnu
  • Árni Daníel Júlíusson, til að vinna verkefni um selstöðuverslunina á Íslandi 1806-1906;
  • Ása Ólafsdóttir, til að vinna verkefni um samningarétt;
  • Eiríkur Örn Arnarson, til að verkefni um forvörn geðlægðar meðal ungmenna;
  • Gísli Pálsson, til að vinna verkefni sem ber heitið „Örlög geirfuglsins: aldauði tegunda“;
  • Kristín Bragadóttir, til að vinna verkefni um Hólavallaskóla 1786-1804;
  • Kristín G. Guðnadóttir, til að vinna verkefni um námsferðir íslenskra myndlistarmanna frá Kaupmannahöfn til Ítalíu á árunum 1900-1935;
  • Maria Elvira Mendez Pinedo, til að vinna verkefni um virkni Evrópuréttar: endurskoðun eigin fræðibókar með sérstaka áherslu á Danmörku og Ísland;
  • Marianne Rasmussen, til að vinna verkefni sem ber heitið „Part of ARCPATH“;
  • Njörður Sigurðsson, til að vinna verkefni sem ber heitið „Danska sendingin 1928. Skjalakröfur, sjálfsmynd og sjálfstæðisbarátta“;
  • Vilhjálmur Árnason, til að vinna verkefni um þýðingu tilvistargreiningar Kirkegaards fyrir nútímaerfðafræði;
  • Þóra Pétursdóttir, til að vinna að verkefni sem ber heitið „Reki - fornleifafræði utan seilingar.“
  •  

 Í úthlutunarnefndinni eiga sæti:
Dr. Anna Soffía Hauksdóttir, prófessor við Háskóla Íslands, sem er formaður nefndarinnar, dr. Guðmundur Heiðar Frímannsson, prófessor við Háskólann á Akureyri, og Drífa Hjartardóttir, fyrrverandi alþingismaður. Ritari nefndarinnar er Jörundur Kristjánsson, forstöðumaður skrifstofu forseta Alþingis.


Skráð af Menningar-Staður.

13.01.2019 08:44

Merkir Íslendingar - Sigvaldi Kaldalóns

 

 

Sigvaldi Kaldalóns (1881 - 1946).

 

 

Merkir Íslendingar - Sigvaldi Kaldalóns

 

 

Sigvaldi Kaldalóns fæddist í Vaktarabænum í Grjótaþorpinu 13. janúar 1881,

sonur Stefáns Egilssonar múrara og k.h., Sesselju Sigvaldadóttur, ljósmóður Reykjavíkur um árabil.
 

Stefán var hálfbróðir Jóns í Litlabæ, föður Guðmundar Kamban rithöfundar og Gísla Jónssonar alþingismanns. Í móðurætt var Sigvaldi þremenningur við séra Bjarna Þorsteinsson á Siglufirði. Bróðir Sigvalda var Eggert söngvari.
 

Sigvaldi lauk stúdentsprófum frá Lærða skólanum 1902, embættisprófi í læknisfræði frá Læknaskólanum í Reykjavík 1908 og stundaði framhaldsnám í Kaupmannahöfn. Þar kynntist hann danskri og evrópskri tónlist og einnig eiginkonu sinni, Karen Margrethe Mengel Thomsen hjúkrunarkonu.
 

Sigvaldi varð héraðslæknir í Nauteyrarhéraði 1910, sem náði yfir innri hluta Ísafjarðardjúps. Hann bjó í Ármúla, örskammt sunnan við hið ægifagra Kaldalón þar sem skriðjökull úr Drangajökli skríður niður í lónið. Svo hugfanginn varð hann af þessu svæði að hann tók síðar upp ættarnafnið Kaldalóns.
 

Sigvaldi veiktist alvarlega af taugaveiki 1917 og náði sér aldrei að fullu. Hann dvaldist á Vífilsstöðum og á heilsuhæli í Kaupmannahöfn, var síðan héraðslæknir í Flateyjarhéraði 1926-29 og í Keflavíkurhéraði með aðsetur í Grindavík 1929-41. Hann var læknir í Grindavík til 1945 en flutti þá til Reykjavíkur.
 

Sigvaldi var sannkallað söngvatónskáld og er eitt vinsælasta tónskáld þjóðarinnar, fyrr og síðar.
 

Hann lærði nótur og fékk aðra tónlistartilsögn hjá dómorganistunum Jónasi Helgasyni og Brynjólfi Þorlákssyni og varð fyrir áhrifum af vini sínum Sigfúsi Einarssyni tónskáldi frá Eyrarbakka. 
Meðal þekktustu laga Sigvalda eru t.d. Ísland ögrum skorið; Á Sprengisandi; Suðurnesjamenn; Svanasöngur á heiði; Erla, góða Erla; Ave María; Draumur hjarðsveinsins og Ég lít í anda liðna tíð.

 

Sigvaldi lést 28. júlí 1946.

 

Morgunblaðið.

 

 

Ármúli á Snæfjallaströnd í Nauteyrarhreppi við Ísaafjarðardjúp

þar sem Sigvaldi Kaldalóns læknir sat árin 1910-1922.
Ármúli er skammt sunnan við hið ægifagra Kaldalón þar sem

skriðjökull úr Drangajökli skríður niður í lónið. 

Gustav Rasmussen apótekari tók myndina síðsumars 1916.




Skráð af Menningar-Staður.

13.01.2019 08:40

Merkir Íslendingar - Hannibal Valdimarsson

 

 

Hannibal Valdimarsson (1903 - 1991).

 

 

Merkir Íslendingar - Hannibal Valdimarsson

 

 

Hanni­bal fædd­ist í Fremri-Arn­ar­dal í Skutuls­firði 13. janúar 1903.

For­eldr­ar hans voru Valdi­mar Jóns­son, bóndi þar, og k.h. Elín Hanni­bals­dótt­ir.
 

Bróðir Hanni­bals var Finn­bogi Rút­ur, alþm. og banka­stjóri.
 

Eig­in­kona Hanni­bals var Sól­veig Ólafs­dótt­ir og urðu syn­ir þeirra landsþekkt­ir, þeir Arn­ór heim­speki­pró­fess­or, Ólaf­ur, rit­höf­und­ur og fyrrv. vþm., og Jón Bald­vin, fyrrv. alþm. ráðherra, formaður Alþýðuflokks­ins og sendi­herra.
 

Hanni­bal lauk prófi frá kenn­ara­skól­an­um í Jonstrup 1927. Hann var skóla­stjóri í Súðavík 1929-31, stundaði skrif­stofu­störf hjá Sam­vinnu­fé­lagi Ísfirðinga, kenndi 1931-38 og var skóla­stjóri Gagn­fræðaskól­ans á Ísaf­irði 1938-54. Hann hóf af­skipti af verka­lýðsbar­áttu um 1930, var formaður Verka­lýðsfé­lags Álft­f­irðinga í tvö ár og Verka­lýðsfé­lags­ins Bald­urs á Ísaf­irði 1932-39, for­seti Alþýðusam­bands Vest­fjarða 1934-54 og for­seti ASÍ 1954-71, bæj­ar­full­trúi á Ísaf­irði 1933-49, alþm. 1946-73 og ráðherra í tveim­ur vinstri­stjórn­um, Her­manns Jónas­son­ar 1956-58 og Ólafs Jó­hann­es­son­ar 1971-73.
 

Hanni­bal fór á þing fyr­ir Alþýðuflokk­inn 1946, var formaður flokks­ins 1952-54, klauf flokk­inn 1956 og gekk til kosn­inga­sam­starfs við Sósí­al­ista sem for­svarsmaður Mál­funda­fé­lags jafnaðarmanna und­ir nafni Alþýðubanda­lags og var formaður þess 1956-68, skildi þá við Alþýðubanda­lagið og stofnaði Sam­tök frjáls­lyndra og vinstrimanna 1969 og var formaður þeirra er þau unnu stór­sig­ur í þing­kosn­ing­um 1971 og felldu Viðreisn­ar­stjórn­ina. Sam­tök Hanni­bals tóku þá þátt í nýrri vinstri­stjórn sem Hanni­bal rakst illa í enda bend­ir ým­is­legt til að hann hefði frem­ur kosið að fram­lengja Viðreisn­ar­stjórn með Alþýðuflokki og Sjálf­stæðis­flokki en að mynda nýja vinstri­stjórn. Hann lauk síðan stjórn­mála­ferl­in­um í gamla góða Alþýðuflokkn­um sem hann hafði ung­ur gefið hjarta sitt.
 

Hanni­bal lést 1. september 1991.

 

Morgunblaðið.



Skráð af Menningar-Staður.

11.01.2019 21:07

Brúnastaðasystkinin eru 1.000 ára í dag

 

Ágústs­börn. Í fremri röð frá vinstri, Geir, sem er af­mæl­is­barn dags­ins,

Bragi, Hjálm­ar, Gísli sem lést 2006, Tryggvi, Þor­steinn, Þor­vald­ur og Ketill.

Í aft­ari röð eru, frá vinstri, Valdi­mar, Guðni, Auður, Hrafn­hild­ur, Ásdís,

Guðrún, Sverr­ir og Jó­hann. Systkin­in fimmtán búa öll, að Guðna frá­töld­um,

á Suður­landi.
Mynd frá ár­inu 2005.

 

 

Brúnastaðasystkinin eru 1.000 ára í dag

 

• Sextán og fimmtán lifa 

• Fjölmennur hópur úr Flóanum 

• Fædd á árunum 1942-1963

 • Öll eru þau við góða heilsu 

• Lífið hefur leikið við okkur,

segir Ásdís Ágústsdóttir sem er elst systkinanna

 

Sam­an­lagður ald­ur fimmtán systkina frá Brúna­stöðum í Flóa nær í dag slétt­um þúsund árum. Geir Ágústs­son, bóndi í Gerðum í Flóa, verður í dag, 11. janú­ar, 72 ára en hann er fimmti elsti af systkin­un­um sem voru alls sex­tán. Gísli, sem var fjórði í ald­urs­röðinni, lést 2006 og er utan við fram­an­greinda summu.

 

Bönd­in eru sterk

For­eldr­ar þessa stóra systkina­hóps voru Ágúst Þor­valds­son, bóndi og alþing­ismaður, og Ing­veld­ur Ástgeirs­dótt­ir, sem bæði eru lát­in. „Við systkin­in erum öll við góða heilsu og í stór­um drátt­um má segja að lífið hafi leikið við okk­ur,“ seg­ir Ásdís Ágústs­dótt­ir sem er fædd árið 1942 og er elst systkin­anna. „Nei, mér finnst ég aldrei hafa átt mörg systkini eða velt því mikið fyr­ir mér. Ég þekki ekki annað en að hafa verið í þess­um stóra barna­hópi. Já, við höld­um vel hóp­inn, bönd­in milli okk­ar systkin­anna eru sterk og alltaf tals­verður sam­gang­ur milli fólks.“

 

Ásdís býr á Sel­fossi en fjór­tán systkin­anna búa á Suður­landi. Í Reykja­vík býr Guðni, fyrr­ver­andi alþing­ismaður og ráðherra.

„Við feng­um kjarn­góðan mat í for­eldra­hús­um, vor­um starf­andi og alltaf á hreyf­ingu. Það skýr­ir sjálfsagt að ein­hverju leyti að okk­ur öll­um heils­ast vel þótt ár­un­um fjölgi,“ seg­ir Guðni. „Við systkin­in erum öll utan eitt fædd í hjóna­rúm­inu heima þar sem Arn­dís amma okk­ar var ljós­móðir, en því embætti gegndi hún í sinni sveit. Og á stóru heim­ili urðu all­ir að hjálp­ast að. Pabbi klippti okk­ur bræður á sunnu­dög­um þegar hann kom heim af þing­inu um helg­ar væri ekki messa í Hraun­gerði. Það hefði kostað drjúg­an skild­ing­inn að senda 16 börn tíu sinn­um á ári til rak­ar­ans.“

 

91 karl og 55 kon­ur

Systkin­in frá Brúna­stöðum eru í ald­urs­röð: Ásdís, f. 1942; Þor­vald­ur, f. 1943; Ketill Guðlaug­ur, f. 1945; Gísli, f. 1946. d. 2006; Geir, f. 1947; Hjálm­ar, f. 1948; Guðni, f. 1949; Auður, f. 1950; Valdi­mar, f. 1951; Bragi, f. 1952; Guðrún, f. 1954; Tryggvi, f. 1955; Þor­steinn, f. 1956; Hrafn­hild­ur, f. 1957; Sverr­ir, f. 1959; Jó­hann, f. 1963. – Barna­börn Brún­astaðahjón­anna eru alls 49; barna­barna­börn eru sam­tals 77 og fjög­ur eru kom­in í fimmta ættlið. Alls eru þetta 146 manns; 91 karl og 55 kon­ur

 

Þrír aðrir systkina­hóp­ar sem nú eru á lífi hafa náð þúsund ára aldri, elsti hóp­ur­inn er frá Kjóa­stöðum í Bisk­upstung­um en heild­ar­ald­ur hans er nú 1.070 ár. Sex­tán systkini frá Gunn­laugs­stöðum í Staf­holtstung­um í Borg­ar­f­irði eiga Íslands­metið, sem er frá 1991, 1.215 ár.

 

Morgunblaðið 11. janúarr 2018
Sig­urður Bogi Sæv­ars­son

 

 

Skráð af menningar-Staður.

07.01.2019 17:31

Merkir Íslendingar - Egill G. Thorarensen

 

 

Egill G. Thorarensen (1897 - 1961)

 

 

Merkir Íslendingar - Egill G. Thorarensen

 

 

Egill G. Thorarensen fæddist í Kirkjubæ á Rangárvöllum 7. janúar 1897.

Foreldrar hans voru Grímur S. Thorarensen, oddviti og hreppstjóri á Bjólu og í Kirkjubæ, og k.h., Jónína Guðrún Egilsdóttir.

Grímur var sonur Skúla Thorarensen, læknis á Móeiðarhvoli, bróður Bjarna, amtmanns og skálds. Bróðir Gríms var Þorsteinn, bóndi á Móeiðarhvoli, afi Þorsteins S. Thorarensen borgarfógeta.

Jónína var dóttir Egils Pálssonar frá Múla í Biskupstungum.

 

Eiginkona Egils var Kristín Daníelsdóttir og eignuðust þau fjögur börn, Grím kaupfélagsstjóra, Erlu húsfreyju, Benedikt framkvæmdastjóra og Jónínu húsfreyju.

 

Egill stundaði verslunarnám í Danmörku 1912-14 og verslunarstörf 1915 og var til sjós tvö ár, ásamt námi við Stýrimannaskólann.

 

Egill flutti að Sigtúnum við Ölfusárbrú 1918 og átti eftir að verða einn helsti áhrifamaður í atvinnumálum og pólitík Selfyssinga og Suðurlands á síðustu öld. Hann starfrækti verslun að Sigtúnum til 1930, beitti sér þá fyrir stofnun kaupfélags, seldi verslun sína nýstofnuðu Kaupfélagi Árnesinga, var kaupfélagsstjóri Kaupfélags Árnesinga og stjórnarformaður Mjólkurbús Flóamanna í þrjá áratugi, sat í mjólkursölunefnd, mjólkurverðlagsnefnd, beitti sér fyrir kaupum kaupfélagsins á Laugardælum og kom þar upp stórbúskap, beitti sér fyrir hafnargerð og útgerð í Þorlákshöfn, var formaður Meitilsins og sat í stjórn Mjólkursamsölunnar og stjórn Osta- og smjörsölunnar, auk stjórnarsetu í öðrum fyrirtækjum og félögum.

 

Egill var bókmaður og bókmenntalega sinnaður. Um hann sextugan, sagði Ágúst, alþm. á Brúnastöðum, faðir Guðna: „Hann er maður fríður og vel á sig kominn að líkamsvexti. Bjartur á hörund, hárið hvítt; bláeygur og fagureygur, allharður undir brún að líta, en ef betur er að gætt, bros undir hvarmi og blik gáfna og góðmennsku í augum.“

 

Egill lést 15. janúar 1961



Morgunblaðið.



Skráð af Menningar-Staður.

07.01.2019 06:54

Fagnaði jólum og afmælinu á Tenerife

 

 

Þórdís Sólmundardóttir er fimmtug í dag.

Veit­inga­kon­an Þór­dís rek­ur Pylsu­vagn­inn á Sel­fossi.

 

 

Fagnaði jólum og afmælinu á Tenerife

 

 

Ég er stödd á Teneri­fe og ætla að halda upp á af­mælið mitt hér með vin­um mín­um og manni,“ seg­ir Þór­dís Sól­mund­ar­dótt­ir sem á fimm­tugsaf­mæli í dag, mánudaginn 7. janúar 2019.

 

Hún hélt jól­in sömu­leiðis hátíðleg á Teneri­fe með eig­in­manni, son­um og móður, og kom þangað 22. des­em­ber. Móðir henn­ar og syn­ir eru far­in heim til Íslands en vin­irn­ir komu í staðinn. „Við erum tíu hérna í allt núna.“ Þór­dís hef­ur einu sinni áður haldið jól­in er­lend­is, en þá var hún á Gran Can­aria og seg­ir að það hafi verið ljúft þá eins og nú.

 

Þór­dís rek­ur Pylsu­vagn­inn á Sel­fossi ásamt móður sinni, sem stofnaði hann árið 1984 ásamt þáver­andi maka og fóst­ur­föður Þór­dís­ar. Staður­inn fagn­ar því 35 ára af­mæli á næsta ári.

 

Þór­dís, sem hef­ur ávallt búið á Sel­fossi, sér núna um rekst­ur­inn ásamt móður sinni, Ing­unni Guðmunds­dótt­ur. „Það hef­ur ým­is­legt breyst á þess­um tíma en samt eru ham­borg­ar­arn­ir og pyls­urn­ar alltaf vin­sæl­ust. Það nýj­asta á mat­seðlin­um er fish 'n' chips, sem var fyr­ir út­lend­ing­ana en Íslend­ing­ar eru líka dug­leg­ir að kaupa það.“

 

Eig­inmaður Þór­dís­ar er Sím­on Ingvar Tóm­as­son, fanga­vörður á Litla-Hrauni, en hann verður sex­tug­ur á föstu­dag­inn. Syn­ir þeirra eru Magnús Bjarki, f. 1995, Eyþór, f. 1998, og Sól­mund­ur Ingi, f. 2005


Morgunblaðið  7. janúar 2019.


 

 


Skráð af Menningar-Staður.