Menningar-Bakki * Viðhalda og efla þjóðlega menningararfleið til sjávar og sveita*
-------- Alþýðuhúsið á Eyrarbakka - Vinir alþýðunnar - Á undan sinni framtíð --- "Stærra í hugum okkar en við sjálfir gerum okkur grein fyrir" ---

Færslur: 2019 Maí

17.05.2019 06:41

Þjóðhátíðardagur Norðmanna er í dag 17. maí 2019

 

 

 

 

17. maí 2019

 

Þjóðhátíðardagur Norðmanna 

 

 

Þjóðhátíðardagur Norðmanna er í dag en 205 ár eru síðan landið fékk  stjórnarskrá.

 
 

17. maí 1814 fékk Noregur stjórnarskrá, en varð sjálfstætt land 7. júní árið 1905 af völdum sambandslita á milli Noregs og Svíþjóðar.  Eftir það hefur 17. maí alltaf verið þjóðhátíðardagur Noregs.

 

 Saga þessa dags er allmerkur þ á t t u r í sögu norskrar  sjálfstæðisbaráttu, og hann öðlaðist nýtt gildi á stríðsárunum, þegar Norðmenn urðu að heyja nýja b a r á t t u um líf eða dauða við öflugri fjendur en nokkru sinni fyrr.

 

 

 





Skráð af Menningar-Staður

17.05.2019 06:21

Vorþing Vitafélagsins 18. maí 2019

 

 

 

  Vorþing Vitafélagsins 18. maí 2019

 



            Verður haldið á Þingeyri við Dýrafjörð.
 

 


Skráð af Menningar-Staður

16.05.2019 06:20

16. maí 2009 - Jó­hanna Guðrún Jóns­dótt­ir varð í öðru sæti í Evr­ópu­söngv­akeppn­inni

 

 

Dýrfirðingurinn Jó­hanna Guðrún Jóns­dótt­ir.

 
 

16. maí 2009 - 

Jó­hanna Guðrún Jóns­dótt­ir varð í öðru sæti í Evr­ópu­söngv­akeppn­inni

 

 

Þann 16. maí 2009 varð Dýrfirðingurinn Jó­hanna Guðrún Jóns­dótt­ir í öðru sæti í Evr­ópu­söngv­akeppn­inni með lagið  Is it true?



„Ynd­is­leg­ur dýrðardag­ur,“ sagði Páll Óskar Hjálm­týs­son í sam­tali við Frétta­blaðið.



Þegar Jó­hanna Guðrún kom til lands­ins var henni fagnað á Aust­ur­velli „eins og þjóðhetju.“

 

 

Morgunblaðið  - Dag­ar Íslands - Jón­as Ragn­ars­son



Skráð af Menningar-Staður

15.05.2019 17:16

Aðalfundur Skógræktarfélags Eyrarbakka 29. maí 2019

 

 

 

 

 

Aðalfundur

 

Skógræktarfélags Eyrarbakka

 

29. maí 2019

 



Verður haldinn í Hallskoti miðvikudaginn 29. maí kl. 20:00.
 



Skráð af Menningar-Staður

13.05.2019 20:42

ÆFING 50 ÁRA - FULLT HÚS

 


Hljómsveitin ÆFING á sviðinu í Bæjarbíói í Hafnarfirði 11. maí sl. 
F.v.: Halldór Gunnar Pálsson, Jón Ingiberg Guðmundsson, Árni Benediktsson,

Siggi Björns,  Ásbjörn Björgvinsson og á trommunum er Óskar Þormarsson.

 

 

 

ÆFING 50 ÁRA – FULLT HÚS

 

 

Hljómsveitin Æfing frá Flateyri hélt upp á með tónleikum á laugardaginn, 11. maí sl.,  að 50 ár eru liðin síðan hljómsveitin hélt sína fyrstu tónleika.

Tónleikarnir voru í Bæjarbíó í Hafnarfirði og var húsfyllir, nærri 300 manns.

 

Hljómsveitin var starfandi einkum fram yfir 1980  og lék þá á dansleikjum um alla Vestfirði og reyndar víðar um land. Meðlimir Æfingar á þessu tímabili voru allmargir en Árni Benediktsson og Kristján J. Jóhannesson voru með alla tíð. Kristján féll frá 2006. 

Aðrir Flateyringar voru meðal annarra Sigurður Björnsson, trúbadúr og Jón Ingiberg Guðmundsson, en þeir eru nú báðir búsettir erlendis. Þá má nefnda til viðbótar Ásbjörn Björgvinsson, Halldór Gunnar Pálsson og Önund Hafstein Pálsson.

 

Frá 1990 hefur  hljómsveitin komið saman við sérstök tilefni, sér og öðrum til skemmtunar.

 

Fjölmargir Vestfirðingar og reyndar fleiri  lögðu leið sína í Bæjarbíó á laugardagskvöldið og skemmtu sér vel. Var salurinn líflegur og tók vel undir þegar Æfing tók gömlu slagarana. Sigurður Björnsson sagði inn á milli gamlar og góðar sögur af valinkunnum Flateyringum við rífandi undirtektir og bar þar mest á frásögnum þar sem Guðbjartur Jónsson, Vagninum kom við sögu.

 

Tónleikarnir stóðu nærri þrjá klukkutíma og var ekki að sjá að aldurinn væri nokkuð farinn að færast yfir gömlu rokkarana.
 

Af: www.bb.is

 

.
Húsfyllir var á lokadagstónleikum ÆFINGAR 11. maí í Bæjarbíói í Hafnarfirði.
.

.
Hljómsveitin ÆFING við lok tónleikana í Bæjarbíói. F.v.: Halldór Gunnar Pálsson,

Jón Ingiberg Guðmundsson, Árni Benediktsson, Óskar Þormarsson, Siggi Björns

og  Ásbjörn Björgvinsson.




Skráð af Menningar-Staður

 

13.05.2019 06:27

Vinnudagur í Friðlandi í Flóa 18. maí 2019

 

 

Friðland í Flóa.

 

 

Vinnudagur í Friðlandi í Flóa 18. maí 2019

 

 

Fuglavernd hefur umsjón með Friðlandinu í Flóa og er ætlunin að stefna þangað fólki laugardaginn 18. maí nk. milli kl. 09:00 og kl. 15:00 til þess að taka til hendinni.

 

Verkefni dagsins verða fyrst og fremst hreinsun svæðisins með ruslatýnslu og málningarvinna við fuglaskoðunarhúsið og flotbrýr/göngustíga.

 

Fólk er beðið að athuga að tímasetningar geta breyst þegar nær dregur, eftir veðurspá. Þátttakendur koma sér sjálfir á staðinn. Stígvél eru bráðnauðsynlegur skófatnaður.

 

Félagsmenn og aðrir áhugamenn um fugla velkomnir.



Skráð af Menningar-Staður

12.05.2019 06:55

11. maí 1921 - Vöku­lög­in voru samþykkt á Alþingi

 

 

Togarinn Jón forseti.

Fyrsti togarinn sem smíðaður var fyrir Íslendinga.

 

 

11. maí 1921 -

 

Vöku­lög­in voru samþykkt á Alþingi

 

 

Vöku­lög­in voru samþykkt á Alþingi þann 11. maí 1921. 



Sam­kvæmt þeim áttu há­set­ar á tog­ur­um að hafa „að minnsta kosti 6 klst. óslitna hvíld í sól­ar­hring hverj­um,“ en áður höfðu sjó­menn þurft að standa vakt­ir í tvo til þrjá sól­ar­hringa. 



Hvíld­ar­tím­inn var lengd­ur í 8 klst. árið 1928 og í 12 klst. árið 1955.
 

 



Skráð af Menningar-Staður

11.05.2019 15:01

Sauðburður á Eyrarbakka

 

 

Guðmundur Magnússon og fáni Hrútavinafélagsins Ljósm.: Vilbergur Prebensson.

 

 

Sauðburður á Eyrarbakka

 

 

Hjá Eyrarbakkabændum er sauðburður á fullu þessa dagana og í mörgu að snúast.



Eyrarbakkabændur gleðjast því og þeir allra sælustu láta gleði sína í ljós með því að flagga fána Hrútavinafélagsins Örvars eins og Guðmundur Magnússon gerir með glæsibrag.
 

 


Skráð af Menningar-Staður

11.05.2019 08:58

Merkir Íslendingar - Gunnlaugur Finnsson á Hvilft

 



Gunnlaugur Finnsson (1928 - 2010).

 

 

Merkir Íslendingar - Gunnlaugur Finnsson á Hvilft

 

 

Gunnlaugur Finnsson fæddist á Hvilft í Önundarfirði 11. maí 1928.

Foreldrar hans voru Finnur Finnsson, bóndi þar, og kona hans, Guðlaug Sveinsdóttir húsfreyja. Gunnlaugur stundaði nám við Menntaskólann á Akureyri og brautskráðist þaðan með stúdentsprófi árið 1949. Hann var bóndi á Hvilft frá árinu 1950 fram til 2007. Samhliða bústörfum kenndi hann lengstum við Héraðsskólann á Núpi og síðar við barna- og unglingaskóla á Flateyri þar til hann var kjörinn á þing. Árið 1980 varð hann kaupfélagsstjóri á Flateyri og gegndi því starfi í átta ár.


 

Gunnlaugur Finnsson tók virkan þátt í félagsmálum sveitar sinnar og héraðs. Hann sat um aldarfjórðung í hreppsnefnd Flateyrarhrepps og var oddviti tvö kjörtímabil. Þá var hann formaður Fjórðungssambands Vestfjarða í fjögur ár á þessum tíma. Drjúgum tíma af starfsævi sinni varði Gunnlaugur í þágu þjóðkirkjunnar, sat á kirkjuþingi og í kirkjuráði hálfan þriðja áratug og var jafnframt um tíma í stjórn Hjálparstofnunar kirkjunnar. Auk þeirra starfa sem nú hafa verið talin átti hann sæti í ýmsum opinberum og stjórnskipuðum nefndum.
 

 

Í alþingiskosningunum 1974 var Gunnlaugur í framboði í 2. sæti á lista Framsóknarflokksins í Vestfjarðakjördæmi og hlaut kosningu. Sat hann á þingi til 1978. Í kosningunum 1978 var hann á ný í framboði en náði ekki kjöri í þeim sviptingum sem þá voru í íslenskum stjórnmálum. Hann tók þó sæti sem varamaður á útmánuðum 1979 og sat samtals á sex þingum. Á Alþingi var hann formaður félagsmálanefndar neðri deildar og lét sér einkum annt um mennta-, atvinnu-, samgöngu- og byggðamál.


 

Gunnlaugur Finnsson var gegnheill samvinnu- og félagshyggjumaður. Hann var sannfærður um að bæði einstaklingum og samfélagi vegnaði best þegar menn ynnu af einlægni saman að sameiginlegu markmiði. Þannig vann hann hin fjölmörgu störf sem hann sinnti fyrir byggðarlag sitt, samvinnuhreyfinguna, kirkjuna og fyrir þjóðina sem alþingismaður. 

 

 

Gunnlaugur Finnsson, bóndi á Hvilft í Önundarfirði og fyrrverandi alþingismaður, lést 13. janúar 2010. 

 

 

Af vef Alþingis.


 

 
Hvilft í Önundarfirði.




Skráð af Menningar-Staður.

10.05.2019 06:25

Sænski sendiherrann í heimsókn í Sunnulækjarskóla

 

 

Sænski sendiherrann t.v. og Eyrbekkingarnir Anna Söderström og Birgir Edwald.

 

 

Sænski sendiherrann í heimsókn í Sunnulækjarskóla

 

 

Þann 29. apríl síðastliðinn kom sænski sendiherrann  Håkan Juholt  í heimsókn í Sunnulækjarskóla á Selfossi. Markmiðið var að fræðast um skólastarfið og ræða norrænt samstarf.

 

Sendiherrann gekk um skólann ásamt skólastjórnendum og Önnu Söderström, safnstjóra skólabókasafnsins. Á leiðinni spjallaði sendiherrann við nemendur og kennara, skoðaði verkefni nemenda og hreifst verulega af starfsemi og nemendum. Þá hafði hann mikla ánægju af að sjá verkefni 4. bekkjar um Astrid Lindgren og Smálöndin sem eru hans æskustöðvar.

 

Sendiherrann færði síðan skólanum sænskar bækur að gjöf.



Dagskráin.

 



Skráð af Menningar-Staður.