Kveikt á jólatrjám á Stokkseyri og Eyrarbakka

Á morgun, sunnudaginn 1. desember 2019, verður kveikt á jólatrénu á Stokkseyri við Stjörnusteina kl. 16:00

og jólatrénu á Eyrarbakka við Álfsstétt kl. 18:00.

Dansað verður í kringum trén og jólasveinar kíkja á svæðið.

Allir velkomnir




Skráð af Menningar-Bakki.

Jólasýning

og skáldastund í Húsinu 1. des. 2019


 

Jólin koma brátt og byrjar jólagleðin ávallt með opnun jólasýningar og skáldastund í stássstofu Hússins.

Sunnudaginn 1. desember býður safnið gesti velkomna. Á jólasýningunni skarta gömlu jólatrén sínu fegursta í borðstofu og í stássstofu má hlýða á rithöfunda lesa úr nýjum verkum sínum.

Þetta árið koma fram:

Sjón les úr skáldsögu sinni Korngult hár, grá augu,

Einar Már Guðmundsson les úr ljóðabókinni Til þeirra sem málið varðar,

Margrét Sveinbjörnsdóttir kynnir og segir frá 100 ára afmælisriti Kvenfélags Grímsneshrepps,

Auður Hildur Hákonardóttir kynnir bók sína um biskupsfrúrnar í Skálholti,

Harpa Rún Kristjánsdóttir kynnir og les úr verðlaunaljóðabók sinni Eddu 

og Guðmundur Brynjólfsson les úr skáldsögunni Þögla barnið.

Þarna fá gestir brot af ólíkum ritsmíðum eftir fjölbreyttan hóp. Sjón og Einar Már eru meðal okkar fremstu skálda og jafnvígir á skáldsögur og ljóð, Margrét frá Heiðarbæ fjallar um hið aldargamla kvenfélag í Grímsnesi í veglegu afmælisriti en hún hefur víðar komið við á ritvellinum á þessu ári, Hildur spyr hvað sé svo merkilegt við að vera biskupsfrú, Harpa Rún er bóndi undir Heklurótum en hún hlaut fyrir skömmu verðlaun kennd við ljóðskáldið Tómas Guðmundsson og Guðmundur Brynjólfsson heldur áfram með trílógíu sína um Eyjólf Jónsson sýslumann.

Það verður enginn bókaunnandi svikinn af skáldastund í Húsinu.

Aðventukaffi er á boðstólum, allir velkomnir og frír aðgangur.

Jólasýningin er opin sem og safnið allt frá kl. 14-17 en upplestur rithöfunda hefst kl. 16.

Næstu tvær helgar verður opið á sama tíma, Björgvin orgelsmiður kemur 8. des. kl. 15 og spilar jólalög á lírukassann sinn og 15. des. kl. 15 kemur sönghópurinn Lóur og syngur jólalög.

Nánari dagskrá má sjá á Facebook „Húsið á Eyrarbakka – Byggðasafn Árnesinga“.  

Verið velkomin.




Skráð af Menningar-Bakki.

  -BIBarinn grúskar í myndasafninu-

Frá Keflavíkurhöfn fyrir um 30 árum

. . Skráð af Menningar-Bakki.

--Staða safnvarðar á Eyrarbakka--

Byggðasafn Árnesinga auglýsir stöðu safnvarðar lausa til umsóknar.

Áhugavert og fjölbreytt starf sem hentar bæði konum og körlum.

Sjá meðfylgjandi auglýsingu.




Skráð af Menningar-Bakki.

-- Íbúar í Árborg orðnir 10.000 --
 

Skráð af Menningar-Bakki.

 - - Til sölu á Eyrarbakka - -


 

http://www.fasteignasalan.is/soluskra/eign/465511# Skráð af Menningar-Bakki

Þorvarður Kjerúlf Þorsteinsson (1917 - 1983).

Merkir Íslendingar

- Þorvarður Kjerúlf Þorsteinsson

Þor­varður Kjer­úlf Þor­steins­son fædd­ist á Eg­ils­stöðum 24. nóvember 1917. For­eldr­ar hans voru Þor­steinn Jóns­son, kaup­fé­lags­stjóri Kaup­fé­lags Héraðsbúa í Her­mes á Reyðarf­irði, og Sig­ríður Þor­varðardótt­ir Kjer­úlf, hús­freyja í Her­mes.

Þor­steinn var son­ur Jóns Bergs­son­ar, bónda, kaup­manns, pósts- og sím­stöðvar­stjóra og loks kaup­fé­lags­stjóra á Eg­ils­stöðum, og k.h., Mar­grét­ar Pét­urs­dótt­ur hús­freyju.
 

Sig­ríður var dótt­ir Þor­varðar Andrés­son­ar Kjer­úlf, lækn­is og alþing­is­manns á Ormars­stöðum í Fell­um, og s.k.h., Guðríðar Ólafs­dótt­ur Hjaltested hús­freyju. Seinni maður henn­ar og stjúp­faðir Sig­ríðar var Magnús Blön­dal Jóns­son, prest­ur í Valla­nesi.

Þor­varður var bróðir Þor­geirs, lög­reglu­stjóra á Kefla­vík­ur­flug­velli, föður Her­dís­ar fyrr­ver­andi for­setafram­bjóðanda, og bróðir Jóns, föður Ei­ríks Jóns­son­ar fjöl­miðlamanns.
 

Börn hans og Önnu Einarsdóttur, fyrri eiginkonu hans, eru:

Einar - fv. umdæmisverkfræðingur Vegagerðarinnar á Austurlandi.

Sigríður - verslunamaður (rak og átti um árabil verslunina Pipar og salt á Klapparstíg).

Margrét - hjúkrunarfræðingur.

Guðbörg Anna - dýralæknir (Dýralæknastofa Dagfinns)

Þorsteinn - búnaðarráðunautur.

Með Ólafíu Þorvaldsdóttur, fv. sambýliskonu átti hann tvær dætur, þær eru

Dagbjört Þyri - hjúkrunarfræðingur og deildarstjóri

Þórunn - verslunarmaður

Með seinni eiginkonu sinni, Magdalenu Thoroddsen átti hann tvær dætur, þær eru:

Ólína Kjerúlf - þjóðfræðingur, fv. alþingismaður og skólameistari

Halldóra Jóhanna - prófastur í Suðurprófastdæmi.

Þá eignaðist hann ungur að aldri dótturina Dýrfinnu sem skrifuð er Jónsdóttir og búsett á Selfossi.

Þor­varður lauk stúd­ents­prófi frá MA 1938, embætt­is­prófi í lög­fræði frá HÍ 1944 og fékk hdl-rétt­indi 1950. Hann hóf störf í at­vinnu- og sam­göngu­málaráðuneyt­inu 1944, varð full­trúi þar 1946 og deild­ar­stjóri 1971 og starf­rækti lög­manns­stofu í Reykja­vík um skeið sam­hliða störf­um í ráðuneyt­inu.

Þor­varður var bæj­ar­fóg­eti og sýslumaður á Ísaf­irði 1973-83 er hann baðst lausn­ar af heilsu­fars­ástæðum.
 

Um Þor­varð seg­ir Ármann Snæv­arr í minn­ing­ar­grein: „Hann var að eðlis­fari og öllu geðslagi friðsam­ur maður, ró­lynd­ur og æðru­laus, þótt á móti blési, maður með ríka rétt­lætis­kennd, trygg­ur og góður fé­lagi, hrein­lynd­ur og hrein­skipt­inn.“

Þor­varður lést 31. ágúst 1983.



Skráð af Menningar-Bakki.

Gæfumanneskja í lífinu

Halldóra J. Þorvarðardóttir,

prófastur Suðurprófastsdæmis – 60 ára í gær

Hall­dóra Jó­hanna Þor­varðardótt­ir fædd­ist 23. nóv­em­ber 1959 í Reykja­vík og ólst þar upp til 13 ára ald­urs. Hún gekk í Hlíðaskóla og var í sveit á hverju sumri frá því hún var sex ára í Efra-Nesi í Staf­holtstung­um og eitt sum­ar á Stóru- Borg í Vest­ur-Húna­vatns­sýslu.

„Æsku­ár­in liðu áhyggju­laus og þegar sex ára aldri var náð feng­um við syst­ur að taka þátt í hesta­mennsku föður okk­ar, en hann var með hross á húsi hjá Fáki í Víðidal og lífið gekk tölu­vert út á það. Árið 1973 flutti ég með for­eldr­um mín­um til Ísa­fjarðar þar sem við átt­um heima næstu 10 árin.“

Hall­dóra gekk í Gagn­fræðaskól­ann á Ísaf­irði og fór síðan í Mennta­skól­ann á Ísaf­irði og út­skrifaðist þaðan sem stúd­ent. Eft­ir stúd­ents­próf var hún í nokkra mánuði í Kaup­manna­höfn og vann á hót­eli þar í borg. Að því loknu sett­ist hún á skóla­bekk í bænda­skól­an­um á Hvann­eyri og út­skrifaðist sem bú­fræðing­ur. Þaðan lá síðan leiðin upp í Há­skóla Íslands þar sem hún stundaði guðfræðinám og út­skrifaðist sem cand. theol. árið 1986.

„Á náms­ár­un­um var unnið við ým­is­legt á sumr­in. Ég vann í mörg sum­ur á sýslu­skrif­stof­unni á Ísaf­irði og um jól og páska. Eft­ir að há­skóla­ár­in tóku við starfaði ég bæði á geðdeild Land­spít­al­ans og Búnaðarbank­an­um. Eft­ir guðfræðinámið réðum við hjón okk­ur í kennslu í Brú­ar­ás­skóla í Jök­uls­ár­hlíð þar sem maður­inn minn var skóla­stjóri og ég kenndi í tvö ár.“ Árið 1988 vígðist Hall­dóra sókn­ar­prest­ur í Fells­múla­prestakall í Rangár­valla­sýslu og hef­ur verið það æ síðan. Árið 1999 var hún skipuð pró­fast­ur í Rangár­valla­pró­fasts­dæmi og 2010 pró­fast­ur í Suður­pró­fasts­dæmi. „Við hjón vor­um svo hepp­in að fá náms­leyfi á sama tíma og bjugg­um með tveim­ur yngri son­un­um í Lundi í Svíþjóð vet­ur­inn 2004-2005 sem var bæði gef­andi og lær­dóms­ríkt fyr­ir alla fjöl­skyld­una.

Ég hef verið gæfu­mann­eskja í líf­inu og þakk­lát fyr­ir hvern dag og hvert ár sem bæt­ist við í lífi mínu. Helstu áhuga­mál­in eru fjöl­skyld­an og bú­skap­ur­inn í Fells­múla, hesta­mennska, út­reiðar og ekki síst hesta­ferðir að sum­ar­lagi. Við hjón höf­um verið svo lán­söm að hafa átt góð reiðhross í gegn­um árin og njót­um þess bæði að rækta og sinna hest­un­um okk­ar og einnig eig­um við nokkr­ar kind­ur sem við höf­um mikla ánægju af. Við erum stofn­end­ur og eig­end­ur Eld­hesta ásamt fleir­um og það hef­ur verið mjög ánægju­legt og gef­andi að vera þátt­tak­andi í þeirri upp­bygg­ingu sem hef­ur átt sér stað í fyr­ir­tæk­inu.“

Fjöl­skylda

Eig­inmaður Hall­dóru er Sig­ur­jón Bjarna­son, f. 17.9. 1959, skóla­stjóri Lauga­lands­skóla. Þau eru bú­sett í Fells­múla í Landsveit. For­eldr­ar Sig­ur­jóns eru Bjarni E. Sig­urðsson, f. 27.6. 1935, fyrr­ver­andi kenn­ari, skóla­stjóri og bóndi á Hvoli í Ölfusi, og Krist­ín Björg Jóns­dótt­ir, f. 22.11. 1936, hús­móðir og fyrr­ver­andi starfsmaður Pósts og síma.

Börn Hall­dóru og Sig­ur­jóns eru: 

1). Þor­varður Kjer­úlf, f. 4.12. 1982, viðskipta­stjóri hjá Trackwell í Reykja­vík. Maki: Krist­ín Lena Þor­valds­dótt­ir, for­stöðumaður sam­skiptamiðstöðvar heyrn­ar­lausra og heyrn­ar­skertra. Börn þeirra eru Óttar Kjer­úlf, f. 12.6. 2011, og Kári Kjer­úlf, f. 19.12. 2017;

2) Sig­ur­jón Bjarni, f. 30.7. 1988, stund­ar meist­ara­nám í Den Danske Scenek­unst­skole í Kaup­manna­höfn. Maki: Sara Ragn­ars­dótt­ir dans­ari; 3) Vé­steinn, f. 4.1. 1994, verk­fræðing­ur, bú­sett­ur í Hollandi. Maki: Marieke Huurenkamp, nemi í Hollandi.

Al­syst­ir Hall­dóru er Ólína, f. 8.9. 1958, fyrr­ver­andi alþing­ismaður og skóla­meist­ari.

Hálf­systkini Hall­dóru sam­feðra, eru:
Ein­ar, f. 16.3. 1944, verk­fræðing­ur; Sig­ríður Dýrfinna, f. 9.2. 1947, skólaliði; Sig­ríður, f. 3.8. 1948, versl­un­ar­maður; Mar­grét, f. 22.11. 1949, hjúkr­un­ar­fræðing­ur; Guðbjörg Anna, f. 30.3. 1951, dýra­lækn­ir; Þór­unn, f. 18.8. 1955, versl­un­ar­maður, Þor­steinn, f. 10.8. 1956, bú­fræðiráðunaut­ur; Dag­björt Þyri, f. 19.3. 1958, hjúkr­un­ar­fræðing­ur.

For­eldr­ar Hall­dóru voru hjón­in Þor­varður Kjer­úlf Þor­steins­son, f. 24.11. 1917, d. 31.8. 1983, sýslumaður og bæj­ar­fóg­eti á Ísaf­irði, og Magda­lena Ólafs­dótt­ir Thorodd­sen, f. 7.2. 1926, d. 3.5. 2018, hús­freyja og blaðamaður.

Morgunblaðið laugardagurinn 23. nóvember 2019.



Skráð af Menningar-Bakki.

-Vestfirska forlagið- 

hefur gefið út yfir 400 bækur á 25 árum

Vestfirska forlagið, sem stofnað var á Hrafnseyri fyrir 25 árum, hefur nú gefið út yfir 400 bækur án þess að nokkur maður hafi tekið eftir því! Flestar fjalla þær um Vestfirði og það merkilega fólk sem þar hefur búið í tímans rás. Kennir þar margra grasa. Sumir myndu nú telja að nóg væri komið. Forlagið við yzta haf lýsti því yfir fyrir nokkru að það væri hætt að gefa út bækur. Samt eru sex Vestfjarðabækur að renna út úr prentvélunum hjá Leturprenti og Ísafoldarprentsmiðju þessa dagana. Þetta er náttúrlega bilun!

Jæja, hvað sem því líður, eru nýju bækurnar þessar:

Þorp verður til á Flateyri 3. bók

Höfundur: Jóhanna Guðrún Kristjánsdóttir

Myndskreytingar: Freydís Kristjánsdóttir og Ómar Smári Kristinsson

Með 3. bókinni um Flateyri hefur Jóhanna Guðrún lokið frásögn sinni af mönnum og málefnum á heimaslóð í árdaga byggðar þar og fram á 20. öld. Eins og í öðrum þorpum við sjávarsíðuna allt í kringum landið, var grundvöllur byggðar á Flateyri fiskveiðar, vinnsla aflans og þjónusta við sveitirnar. Hér er saman komið mikið og gott efni úr þeirri sögu.

Þegar afi hætti við að deyja - Tóti og töfratúkallinn

Höfundur: Ásgeir Hvítaskáld

Myndskreyting: Nina Ivanova

Sagan af Tóta litla er skrifuð til að vekja fólk til umhugsunar um líf okkar á jörðinni sem er ekki lengur sjálfgefið. Þetta er svokölluð barnabók. Hún er fyrir alla, unga sem gamla, líkt og allar góðar barnabækur!Ásgeir Hvítaskáld er rithöfundur, kvikmyndaleikstjóri og leikskáld. Hann hefur gefið út ljóðabækur, smásögur og þrjár skáldsögur. Ásgeir bjó í tuttugu ár erlendis en fékk heimþrá. Saknaði móðurmálsins.

Hjólabókin 6. bók Skaftafellssýslur - Dagleiðir í hring á hjóli

Höfundur: Ómar Smári Kristinsson

Hjólabækurnar þeirra Smára og Nínu eru löngu orðnarklassískar. Með Skaftafellssýslum er kominn liðlegahelmingur af landinu í hjólabækur.Í þeim er lýst hjólaleiðum, auðveldum og erfiðum,sem eiga það sameiginlegt að þær liggja í hring. Lokamá hringnum á einum degi. Hagnýtar upplýsingar umhverja leið fylgja. Hjólabækurnar eru einsdæmi á Íslandi. Gott ef ekki í öllum heimi!

Er það hafið eða fjöllin? - Um Flateyri og fólkið þar

Höfundur: Sæbjörg Freyja Gísladóttir

Hvers vegna tengir fólk sig við ákveðna staði og heldurtryggð við þá? Hvers vegna flokkum við okkur og aðra eftir stöðum? Og hvers vegna býr fólk á Flateyri? Í meistararitgerð sinni í þjóðfræði ákvað Sæbjörg Freyja að velja Flateyri og líf fólks þar sem viðfangsefni. Umfjöllun hennar er mjög athyglisverð og sérlega skemmtileg með mörgum myndum. Vestfirska forlagið gerir það ekki endasleppt við Flateyri núna!

Gamanmál að vestan - Auðkúluhreppur

Hallgrímur Sveinsson tók saman.

Nú vendum við okkar kvæði í kross og komum meðgamanmál eftir hreppum hér vestra. Byrjum auðvitað íAuðkúluhreppi, sem er að verða aðal hreppurinn hérna vestra eins og margir vita. Margt hefur þetta birst einhverntímaáður í bókum forlagsins eða fjölmiðlum. En það er ekkertverra fyrir það!Mörgum finnst léttleiki tilverunnar nauðsynlegurmeð allri alvörunni sem nóg er af. Gamansemi er lífsnauðsynlegöðru hvoru.

Vestfirðingar til sjós og lands 3. bók - Gaman og alvara að vestan

Hallgrímur Sveinsson tók saman.

Ritröð þessari er ætlað að vekja áhuga á Vestfjörðum ogVestfirðingum almennt fyrr og síðar, í gamni og alvöru.Til þess var Vestfirska forlagið einmitt stofnað. Kannskibara af hugsjón, en ekki til að græða peninga.

 

Vestfirska forlagið



Skráð af Menningar-Bakki.